#Qabul_2023

📝 2023-2024 o'quv yilida OTMning bakalavriat ta'lim yo'nalishlariga o'qishga kirish uchun onlayn ro'yxatdan o'tgan abituriyentlarga “Abituriyent ruxsatnomasi”ni berish boshlandi.

➡️ Abituriyentlar test sinovlarida ishtirok etish uchun “Abituriyent ruxsatnomasi”ni my.uzbmb.uz saytiga shaxsiy identifikasiya raqami hamda pasport seriyasi va raqamini kiritgan holda olishlari mumkin.

✅ Abituriyentlar test sinoviga pasport (ID-karta) va abiturient ruxsatnomasi bilan belgilangan vaqtdan kechikmagan holda kelishlari lozim.

‼️Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi.

Bilim va malakalarni baholash agentligi

Kanalga ulanish👇👇👇
https://t.iss.one/huquqiyaxborot_lotin

#2023_yil_1_avgustdan

☑️ Qonunchilikka ko'ra:

🔸axborot-kommunikasiya texnologiyalari sohasidagi xalqaro sertifikatga ega davlat organlari va boshqa byudjet tashkilotlarining axborot texnologiyalari va kommunikasiyalarini rivojlantirish uchun mas'ul xodimlariga o'rnatilgan ustamalarga qo'shimcha ravishda lavozim maoshiga nisbatan 20 foiz miqdorda ustama to'lanadi.

Bunda, xalqaro sertifikat ro'yxati Raqamli texnologiyalar vazirligi tomonidan shakllantiriladi va uning rasmiy veb-saytida e'lon qilinadi;

🔸Raqamli texnologiyalar vazirligining axborot texnologiyalari hamda raqamli xizmatlar joriy etilishi holatini baholash reytingi bilan qamrab olinmagan davlat organlari rahbarlarining raqamlashtirish bo'yicha o'rinbosarlariga har oyda mehnatga haq to'lash jamg'armasining 30 foizi miqdorida ustama haq to'lanadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️“Zapravka”da navbatda turgan mashinalar o‘rtasida 1 metr masofa bo‘lishi lozim.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️“Sport shifokori” va “Sport dietologiyasi" bo'yicha magistratura mutaxassisliklari ochiladi

“Jismoniy tarbiya va sport sohasi uchun tibbiyot kadrlarini tayyorlash hamda sportchilarga tibbiy xizmat ko'rsatish tizimini yanada takomillashtirish chora-tadbirlari to'g'risida”gi Prezident qarori (PQ–244-son, 28.07.2023 y.) qabul qilindi

✅ Qarorga ko'ra, 2024/2025-o'quv yilidan:

🔹Toshkent tibbiyot akademiyasida “Sport shifokori” va “Sport dietologiyasi (ovqatlanish ilmi)” bo'yicha magistratura mutaxassisliklari joriy etiladi;

🔹Toshkent farmasevtika institutida “Eksperimental va sport farmakologiyasi” magistratura mutaxassisligi bo'yicha amaldagi o'qishga qabul qilishning davlat buyurtmasi parametrlari
2 baravarga oshiriladi.

🏢 Qarorga asosan, O'zbekiston davlat jismoniy tarbiya va sport universiteti huzurida tashkil etilgan tibbiyot fakulteti (“Davolash ishi” ta'lim yo'nalishi) Toshkent tibbiyot akademiyasining Chirchiq filialiga aylantiriladi.

➡️ Filialda sport tibbiyoti va boshqa tibbiyot mutaxassisliklari (“Davolash ishi”, “Farmasevtika”, “Pediatriya”) bo'yicha kadrlar tayyorlanib, CHirchiq shahridagi barcha turdagi tibbiyot muassasalari unga klinik-o'quv baza sifatida biriktiriladi.

❕Sport sohasida kadrlarni kompleks tayyorlash bo'yicha “Chirchiq sport klasteri” namunasi yaratiladi.

📝 Davlat sport-ta'lim muassasalarining sport shifokorlari, sport dietologlari va sport farmakologlari Tibbiyot xodimlarining kasbiy malakasini rivojlantirish markazida belgilangan tartibda bepul malaka oshiradi.

📁 2024/2025-o'quv yiligacha “70910233-Sport tibbiyoti” hamda “70910401-Gigiena: nutrisiologiya” mutaxassisliklari bo'yicha malaka talablari, o'quv rejalari va fan dasturlari tasdiqlanadi.

🔘Qarorga ko'ra, Nukus, Andijon, Buxoro va Samarqand shaharlarida Respublika sport tibbiyoti ilmiy-amaliy markazining mintaqaviy filiallari tashkil etiladi.

🗓 2024/2025-o'quv yilidan sport tibbiyoti sohasidagi o'quv dasturlari va uslubiy qo'llanmalar bevosita Markaz ishtirokida ishlab chiqiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Mahallalarda 5 000 ta sport maydonchasi tashkil qilinadi

“Mahallalarda sport infratuzilmasini rivojlantirish va sport maydonchalaridan samarali foydalanishni tashkil etish chora-tadbirlari to'g'risida”gi Prezident qarori (PQ–245-son, 28.07.2023 y.) qabul qilindi

✅ Qarorga ko'ra, “Besh tashabbus olimpiadasi” doirasida g'olib va sovrindor bo'lgan hamda hududida sport infratuzilmasi mavjud bo'lmagan mahalla terma jamoalari uchun 2030-yilgacha 5 000 ta sport maydonchalari tashkil qilinadi.

🗓 2023-yil 1-avgustdan:

🔸olis va chekka hududlarda joylashgan mahallalar hamda maktablar hududida qurilgan sport maydonchalari ular joylashgan hududiga qarab tegishliligi bo'yicha Maktabgacha va maktab ta'limi vazirligi hamda fuqarolarning o'zini o'zi boshqarish organlari tizimiga o'tkaziladi;

🔸sport maydonchalarining joylashuv hududidan qat'i nazar (ta'lim tashkilotlari hududida darsdan tashqari vaqtlarda), barcha fuqarolar uchun foydalanish bepul bo'ladi va vaqti chegaralanmaydi;

🔸sport maydonchalaridan samarali va maqsadli foydalanilishi mahallalardagi yoshlar yetakchilari va profilaktika inspektorlari tomonidan tashkil etiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Qoraqalpog'istondagi hujjatsiz uy-joylarga mulk huquqi e'tirof etiladi

“Qoraqalpog'iston Respublikasi aholisini ijtimoiy qo'llab-quvvatlash hamda jismoniy shaxslar tomonidan qurilgan uy-joylarga bo'lgan huquqlarni e'tirof etish to'g'risida” gi Prezident Farmoni (PF–119-son, 28.07.2023 y.) qabul qilindi

🔰 Farmonga ko'ra, Qoraqalpog'iston Respublikasi hududida fuqarolarning huquq belgilovchi hujjatlarsiz qurilgan uy-joylari joylashgan yer uchastkasiga ijara huquqi, unda joylashgan bino va inshootlarga mulk huquqi e'tirof etiladi.

Jumladan, buning uchun fuqaro ushbu uy-joydan 2018-yil
1-maygacha bo'lgan davrdan boshlab o'ziniki kabi halol, oshkora va uzluksiz foydalangan bo'lishi, ushbu holat kosmik suratlarni qayta ishlash orqali hamda so'nggi 5 yil uchun yer solig'i va mol-mulk solig'i to'langanligi bilan tasdiqlangan bo'lishi lozim.

▶️ Huquqlarni e'tirof etish xalq deputatlari tuman (shahar) Kengashlarining qarorlari bilan tasdiqlanadigan uy-joylar ro'yxatiga muvofiq Jo'qorg'i Kenges qarori bilan rasmiylashtiriladi.

❕Bunda:

🔹talabgorlar va (yoki) chegaradosh yer uchastkalari egalari o'rtasida nizo mavjud bo'lgan hollarda, xalq deputatlari tuman (shahar) Kengashlarining qarorlari nizo bartaraf etilganidan keyin qabul qilinadi;

🔹xalq deputatlari tuman (shahar) Kengashlari tomonidan qarorlar qabul qilish hamda ularga o'zgartirish va qo'shimchalar kiritishning oxirgi muddati – 2024-yil
1-avgust hisoblanadi;

🔹xalq deputatlari tuman (shahar) Kengashlari hamda Qoraqalpog'iston Respublikasi Jo'qorg'i Kengesining qarorlari tegishli adliya organida huquqiy ekspertizadan o'tkazilganidan keyin qabul qilinadi va rasmiy e'lon qilinganidan keyin kuchga kiradi.

Kanalga ulanish👇👇👇
https://t.iss.one/huquqiyaxborot_lotin

#Adliya_xabari

❗️Yuridik texnikumlarga qabul boshlanishiga 3 kun qoldi

🗓 Adliya vazirligi yuridik texnikumlariga hujjat topshirish 1-avgustdan boshlanadi.

⚠️ Ma’lumot uchun: Yuridik texnikumlariga 2023/2024-oʻquv yili uchun abituriyentlarning hujjatlari 20-avgustgacha (20-avgust kuni ham) davlat xizmatlari markazlari, Yagona interaktiv davlat xizmatlari portali (my.gov.uz) yoki Bilim va malakalarni baholash agentligining rasmiy veb-sayti orqali qabul qilinadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Xorijdan kelgan har bir turist uchun turoperatorlarga subsidiya ajratiladi

Batafsil: 👇
https://teletype.in/@huquqiyaxborot_lotin/OTOG0htCG_y

Kanalga ulanish👇👇👇
https://t.iss.one/huquqiyaxborot_lotin

#Soʻragan_edingiz_javob_beramiz

❓Savol: “Direktor bo'lib ishlayman. Pedagoglar uchun yillik uzaytirilgan mehnat ta'tili davomiyligi bilan bog'liq o'zgartirishlar haqida eshitdim. Savolim shuki, navbatdagi mehnat ta'tiliga chiqsam, necha kun dam olaman?” Xorazm viloyati SHovot tumanidan R. Matnazarov

Javob: Mehnat kodeksining 501-moddasida pedagog xodimlar mehnatini huquqiy jihatdan tartibga solishning o'ziga xos xususiyatlari sifatida pedagog xodimlar uchun yillik uzaytirilgan mehnat ta'tilining davomiyligi Vazirlar Mahkamasi tomonidan Ijtimoiy-mehnat masalalari bo'yicha respublika uch tomonlama komissiyasi bilan kelishilgan holda belgilanishi nazarda tutilgan.

Hukumat qarori bilan Pedagog xodimlar uchun yillik uzaytirilgan mehnat ta'tili davomiyligi me'yorlari tasdiqlangan.

Mazkur me'yorga asosan, boshlang'ich, umumiy o'rta ta'lim maktablar va maktab-internatlar, Prezident, ijod, ixtisoslashtirilgan maktab va maktab-internatlar, alohida ta'lim ehtiyojlari bo'lgan bolalar uchun ixtisoslashtirilgan ta'lim muassasalari, Respublika o'quv-tarbiya muassasalarining direktor, ijrochi direktor, uning o'rinbosarlari (ma'muriy-xo'jalik ishlari bo'yicha direktor o'rinbosari, xo'jalik ishlari bo'yicha direktor o'rinbosari, xo'jalik mudiridan tashqari), direktor maslahatchisi, maktab maslahatchisi 56 kalendar kunlik yillik uzaytirilgan mehnat ta'tili olishi belgilangan.

❗️Yuqoridagilarga asosan, Siz navbatdagi mehnat ta'tilida 56 kalendar kunlik davomiylikda ta'til olishingiz mumkin.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Ish stajiga ega bo'lmaganlarga beriladigan nafaqa miqdori oshiriladi

“Ijtimoiy himoyaga muhtoj aholi qatlamlarini moddiy qo'llab-quvvatlashga doir qo'shimcha chora-tadbirlar to'g'risida”gi Prezident Farmoni (PF–120-son, 28.07.2023 y.) qabul qilindi

🔰Farmonga ko'ra, 2023 yil 1 avgustdan:

🔹zarur ish stajiga ega bo'lmagan keksa yoshdagi fuqarolarga beriladigan nafaqa miqdori – oyiga 568 000 so'm;

🔹ish staji to'liq bo'lmagan chog'dagi yoshga doir pensiyaning eng kam miqdori qo'shimcha to'lovni hisobga olgan holda – oyiga
568 000 so'm;

🔹o'zgalar parvarishiga muhtoj nogironligi bo'lgan 18 yoshgacha bolalarning parvarishi bilan band bo'lgan bolaning qonuniy vakiliga beriladigan nafaqa miqdori – oyiga
568 000 so'm;

🔹boquvchisini yo'qotganlik nafaqasi oluvchilarning bir nafar mehnatga qobiliyatsiz oila a'zosi uchun nafaqa miqdori – oyiga 568 000 so'm va keyingi har bir mehnatga qobiliyatsiz oila a'zosi uchun – 198 000 so'm etib belgilanadi;

🔹boquvchisini yo'qotganlik pensiyasi oluvchilarning bir nafar mehnatga qobiliyatsiz oila a'zosi uchun pensiyaning eng kam miqdori – oyiga 568 000 so'm etib belgilanib, keyingi har bir mehnatga qobiliyatsiz oila a'zosi uchun amaldagi tartibga muvofiq pensiya to'lanadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

💰 Fuqarolarning o'zini o'zi boshqarish organlari faoliyatida faol ishtirok etib kelayotgan fuqarolarga kommunal xizmatlar uchun majburiy to'lovlar bo'yicha BHMning 50 foizi (165 ming so'm) miqdorida har oyda kompensasiya pul to'lovlari to'lanadi.

📊 Bunda fuqarolarning o'zini o'zi boshqarish organlari faoliyatida faol ishtirok etayotgan ko'chaboshi va uyboshilar faoliyati samaradorligi bir qator asosiy ko'rsatkichlar orqali baholanadi.

☑️ Mazkur shaxslar faoliyatini baholashda ular biriktirilgan ko'cha yoki uyda kamida 3 oy davomida faoliyat ko'rsatganligi inobatga olinadi va mezonlardan kelib chiqqan holda 70 balldan yuqori ball to'plagan taqdirda to'lanadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ 3 yoshgacha bo'lgan bolani yoki 16 yoshgacha bo'lgan nogiron bolani parvarishlashda band bo'lgan ona kasal bo'lib, bolani parvarishlashga qurbi yetmay qolgan hollarda, parvarish bilan band bo'lgan ishlayotgan boshqa oila a'zolari yoki qarindoshlariga (mehnatga layoqatsizlik varaqasiga asosan) nafaqa beriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

‼️ Noqonuniy daraxt kesganlik uchun jarima 5 baravar ko'p undiriladi

✅ Daraxtlar va butalarni kesishga moratoriyning amal qilishi muddatsiz davrga uzaytirilgan.

🗓 Moratoriy davrida amaldagi cheklov va majburiyatlar bilan birga qo'shimcha ravishda huquqbuzarlarga:

🔹 moratoriy talablarini buzganlik uchun ma'muriy jarimalar miqdori 5 baravarga;
🔹 daraxtlar va butalarni kesish va shikastlantirish bilan yetkazilgan zarar uchun undirish summalari 2 baravarga oshirilgan holda qo'llaniladi.

🚫 Daraxtlar va butalarni kesish, kundakov qilish, shikastlantirish yoki yo'q qilishni nazarda tutuvchi ko'rsatmalarni o'z ichiga olgan hukumat farmoyishlari, bayonnomalar, yozma topshiriqlar, idoraviy hujjatlar, hokimlarning ko'rsatmalari va qarorlarini qabul qilish qat'iyan taqiqlanadi.

📁 Shuningdek, moratoriy talablarini buzgan qurilish-pudrat tashkilotlarining “Shaffof qurilish” milliy axborot tizimidagi darajasi (reyting bahosi) bir pog'ona pasaytiriladi.

⚠️ Aholi tomonidan Ichki ishlar vazirligi va Davlat ekologiya qo'mitasining maxsus axborot tizimiga huquqbuzarlik holatlari to'g'risidagi fotosurat va videoyozuvlarni yuborgan shaxslar har bir tasdiqlangan holat bo'yicha huquqbuzardan undirilgan mablag'lar hisobidan BHMning 1 baravari (330 ming so'm)ga teng miqdordagi pul mukofoti bilan rag'batlantiriladi.

Kanalga ulanish👇👇👇
https://t.iss.one/huquqiyaxborot_lotin

#Eslatma

🔰 Huquqiy masalalarda foydali ma'lumotlar bilan @huquqiyaxborot telegram kanalining quyidagi tillarda yuritilayotgan versiyalari orqali ham tanishib borishingiz mumkin:

🔹 @huquqiyaxborot_lotin (lotin alifbosida)
🔹 @pravoinf (rus tilida)
🔹 @leginf (ingliz tilida)

📲 Shuningdek, ijtimoiy-siyosiy hayotdagi, qonunchilikdagi eng muhim yangiliklar, hayotiy zaruratga aylangan huquqiy bilimlar, eng sara tahliliy materiallarni hudud24.uz sayti hamda @hudud24official telegram kanalida kuzatib borishni tavsiya etamiz.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Abituriyentlar test kunida test boʻladigan bino hududiga soat 07:00 (ikkinchi smena soat 14:00) gacha, binoga esa soat 07:30 (ikkinchi smena soat 14:30) gacha abituriyent ruxsatnomasi va pasporti bilan kirishi kerak.

📝 Bunda abituriyent shaxsni aniqlash vositalari hamda videofiksatsiya qurilmalari orqali tekshiriladi.

❗️Abituriyent test materiallarida nuqson aniqlasa, darhol guruh nazoratchisiga xabar berishi kerak.

➡️ Nazoratchi test kitobining birinchi betiga “nuqsonli” deb yozib abituriyentga boshqa test beradi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️ Qonunchilikka ko‘ra, hududiy elektr tarmoqlari korxonalari elektr tarmog‘i xo‘jaligi obyektlarining rejali taʼmirlanishi tufayli elektr energiyasi bilan taʼminlashdagi mumkin bo‘lgan uzilishlar to‘g‘risida kamida 3 kun oldin ogohlantirishga majbur.

✅ Shuningdek, isteʼmolchilarga elektr energiyasi yetkazib berishning to‘xtatib turilishi va buning sabablari to‘g‘risida maʼlumot berilishi lozim.

Kanalga ulanish👇👇👇
https://t.iss.one/huquqiyaxborot_lotin

#Diqqat_loyiha

❗️“O'zbekiston – 2030” strategiyasi va uni 2023-yilda amalga oshirish chora-tadbirlari loyihalari jamoatchilik muhokamasiga qo'yildi

📁 Kelgusi 7 yilda mamlakatimizning asosiy rivojlanish yo'nalishlarini belgilab beruvchi “O'zbekiston – 2030” strategiyasi va uni 2023-yilda amalga oshirish chora-tadbirlari loyihalari regulation.gov.uz va 2030.strategy.uz portallarida keng jamoatchilik muhokamasi uchun joylashtirildi.

“O'zbekiston – 2030” strategiyasining maqsadlari va samaradorlik ko'rsatkichlari oson qabul qilish va tushunish uchun qulay shaklda ifodalangan bo'lib, unda 5 ta yo'nalish bo'yicha 100 ta maqsad nazarda tutilgan.

“O'zbekiston – 2030” strategiyasini 2023-yilda amalga oshirish chora-tadbirlari loyihalarida muddatlar va ijrochilar kesimidagi amaliy vazifalar, erishiladigan aniq maqsadli ko'rsatkichlar va strategiyani amalga oshirish doirasida ishlab chiqiladigan normativ-huquqiy hujjatlar ro'yxati tasdiqlanmoqda.

Ushbu havolalar orqali loyihalar muhokamasida faol ishtirok eting:

▫️https://regulation.gov.uz/oz/d/83808
▫️https://2030.strategy.uz/

Kanalga ulanish👇👇👇
https://t.iss.one/huquqiyaxborot_lotin

#Adliya_xabari

❗️“Konstitutsiya – sha'nim va qadrim himoyachisi” tahliliy maqolalar tanlovi g'oliblari aniqlandi

🔰 Hududiy adliya organlari xodimlari o'rtasida yangi tahrirdagi Konstitutsiyaning mazmun-mohiyatini keng targ'ib qilish maqsadida “Konstitutsiya – sha'nim va qadrim himoyachisi” tahliliy maqolalar tanlovi o'tkazildi.

✅ Tanlov natijasiga ko'ra, eng yuqori ball to'plagan quyidagi
3 nafar ishtirokchi g'olib deb topildi:

1️⃣-o'rin – Matjanova Baxitli Sultamuratovna, Qoraqalpog'iston Respublikasi Adliya vazirligi Qonliko'l tuman adliya bo'limi bosh maslahatchisi;

2️⃣-o'rin – Ismoilov Shahbozjon Akmaljon o'g'li, Sirdaryo viloyat adliya boshqarmasi Sirdaryo tuman adliya bo'limi bosh maslahatchisi;

3️⃣-o'rin – Bahranov Sherzod Xolmurodovich, Buxoro viloyat adliya boshqarmasi boshlig'ining birinchi o'rinbosari.

Kanalga ulanish👇👇👇
https://t.iss.one/huquqiyaxborot_lotin

#2023_yil_1_avgustdan

🗓 1-avgustdan nimalar o'zgaradi?

🔹Ish stajiga ega bo'lmaganlarga beriladigan nafaqa miqdori oshiriladi ➖ BATAFSIL

🔹Ayrim tibbiyot muassasalarida tibbiy psixolog, suisidolog lavozimlari joriy etiladi ➖ BATAFSIL

🔹Ota-onalarning farzandi ta'limi uchun to'lagan pullari daromad solig'idan ozod qilinadi ➖ BATAFSIL

🔹Suv omborlarida seysmologik kuzatuvlarni amalga oshirish bo'yicha elektron platforma ishga tushiriladi ➖ BATAFSIL

🔹Yoshlarga kompyuter xaridlari uchun ajratiladigan mablag'lar bank kartasiga o'tkazilishi mumkin ➖ BATAFSIL

🔹Davlat organlarining axborot texnologiyalari sohasidagi ayrim mas'ul xodimlariga 20 foiz miqdorda ustama to'lanadi ➖ BATAFSIL

🔹Davlat organlari rahbarlari raqamli texnologiyalar bo'yicha qisqa muddatli kurslarda o'qitiladi ➖ BATAFSIL

🔹Ijtimoiy soha obyektlarining isitish tizimlarini modernizasiya qilish ishlari boshlanadi ➖ BATAFSIL

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 IT-park rezidenti bo'lgan tashkilotlarning axborot texnologiyalari sohasida tahsil olayotgan ishtirokchi sertifikatini olgan yoki ushbu o'quv kurslarini so'nggi 6 oyda muvaffaqiyatli tamomlagan yoshlarga kompyuter xarid qilish uchun BHMning 25 baravarigacha (8 mln 250 ming so'mgacha) iste'mol kreditlari ajratiladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

Abiturient qanday huquq va majburiyatlarga ega? Nimalarga shaxsan javobgar?  

Batafsil:👇
https://teletype.in/@huquqiyaxborot_lotin/n59T9mMF69O

Kanalga ulanish👇👇👇
https://t.iss.one/huquqiyaxborot_lotin