#Diqqat_loyiha

🔰 Prezident farmoni loyihasiga muvofiq, quyidagilar belgilanmoqda:

🔹 2023-yil 1-iyundan respublikaning barcha aholi punktlarida transportlar harakatlanishining yuqori tezligi soatiga 70 km.dan 60 km.gacha tushiriladi.

🔹 2023-yil 1-sentyabrdan transport mulkdoriga transportni boshqarish huquqi oʻtkazilgan shaxs bilan tegishli hujjatni taqdim etgan holda davlat yoʻl harakati xavfsizligi xizmatini transportni boshqarish huquqi oʻtkazganligi haqida xabardor qilish huquqi beriladi.

❕ Bunda, xabarnoma olingan kundan vakolatli organ tomonidan huquqbuzarliklarni qayd etish tizimiga tegishli oʻzgartirishlar kiritish hamda ushbu transportda sodir etilgan yoʻl harakati qoidalari buzilganligi uchun boshqarish huquqi oʻtkazilgan shaxsga nisbatan maʼmuriy huquqbuzarlik toʻgʻrisidagi bayonnomani rasmiylashtirish tartibi joriy etiladi.

📌 Ushbu havola orqali Farmon loyihasi muhokamasida faol ishtirok eting: https://regulation.gov.uz/oz/d/76071

Kanalga ulanish👇👇👇
https://t.iss.one/huquqiyaxborot_lotin

#Ijtimoiy_aksiya

🔰 Meros ochilganda meros qoldiruvchiga tegishli boʻlgan, uning oʻlimidan keyin ham bekor boʻlmaydigan barcha huquq va majburiyatlar meros tarkibiga kiradi.

☑️ Quyidagilar meros qoldiruvchining shaxsi bilan bogʻliq huquq va majburiyatlar hisoblanadi hamda meros tarkibiga kirmaydi:

▫️tijorat tashkilotlari va boshqa tashkilotlarga aʼzolik, ularda ishtirok etish huquqlari;
▫️hayotga yoki sogʻliqqa yetkazilgan zarar uchun tovon undirish;
▫️aliment huquqlari va majburiyatlari;
▫️pensiya, nafaqa va boshqa toʻlovlar olish huquqi;
▫️shaxsiy nomulkiy huquqlar.

❗️Meros qoldiruvchining shaxsiy nomulkiy huquqlari va boshqa nomoddiy boyliklari merosxoʻrlar tomonidan himoya qilinishi mumkin.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Sotuvchi xaridorga kartoshka, meva-sabzavot tovarlarini sotishda savdo jarayonida vujudga kelgan yaroqsiz va sifati past mahsulotlarni ajratib tashlashga majburdir.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Ishlab chiqarish yoki pedagogik faoliyatni ilmiy ish bilan birga muvaffaqiyatli olib boruvchi shaxslar uchun asosiy ish joylaridagi oʻrtacha oylik ish haqlari va lavozimlari saqlangan holda:

➖ nomzodlik dissertatsiyasini va darsliklar hamda oʻquv-uslubiy qoʻllanmalarni tugallashlari uchun mualliflarga 3 oygacha;

➖ doktorlik dissertatsiyasini tugallash uchun 6 oygacha boʻlgan muddatga ijodiy taʼtillar beriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

☑️ Tashlab ketilgan bolani topib olgan shaxs bu haqda bola topib olingan vaqtdan boshlab 24 soat mobaynida ushbu tumandagi ichki ishlar organiga yoki vasiylik va homiylik organiga xabar berishi shart.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️Yongʻin xavfsizligi qoidalariga koʻra, tandirlarni joylashtirishda ushbu hududda shamol esishining asosiy yo‘nalishi hisobga olinishi hamda tandir xo‘jalik qurilmalari va turar joyga nisbatan shamol esadigan tomonga qaratib o‘rnatilishi lozim.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Tuman (shahar) “Yoshlar daftari” jamgʻarmasi mablagʻlaridan “Temir daftar” va “Ayollar daftar”ga kiritilgan oilalarning farzandlari hamda “Yoshlar daftari”ga kiritilgan yosh oilalarning oʻquvchi farzandlari uchun 1 kalendar yilida bir marotaba maktab formasi hamda oʻquv qurollari uchun xarajatlarini qoplab berish belgilangan.

Kanalga ulanish👇👇👇
https://t.iss.one/huquqiyaxborot_lotin

#Ijtimoiy_aksiya

📝 Meros fuqaro oʻlganidan yoki u sud tomonidan vafot etgan deb eʼlon qilingandan keyin ochiladi.

❕Meros qoldiruvchining oxirgi doimiy yashab turgan joyi merosning ochilish joyi hisoblanadi.

➡️ Meros qoldiruvchini yoki merosxoʻrlardan birortasini qasddan oʻldirgan yoki ularning hayotiga suiqasd qilgan, shuningdek meros qoldiruvchiga meros qoldirish vaqtida taʼsir oʻtkazgan shaxslar vasiyat boʻyicha ham, qonun boʻyicha ham meros olish huquqidan mahrum qilinadi.

Kanalga ulanish👇👇👇
https://t.iss.one/huquqiyaxborot_lotin

#Diqqat_loyiha

❗️Byudjet tashkilotlari “yashil energiya”ga bosqichma-bosqich oʻtkaziladi

🔰Prezident farmoni loyihasiga muvofiq, 2023-yil 1-sentyabrdan byudjet tashkilotlariga quyosh paneli va issiq suv kollektorini oʻrnatish majburiyati yuklatilib, 2026-yilgacha ularning binolari energiya isteʼmolining 60 foizi “yashil energiya”ga bosqichma-bosqich oʻtkazilishi belgilanmoqda.

➡️ Muhokamada qatnashish: https://regulation.gov.uz/oz/d/76071

Barchani loyiha muhokamasida faol ishtirok etishga chorlaymiz.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🏬 Uy-joy uchun subsidiya berilgan fuqarolarning ipoteka kreditlari va ularning foizlari uchun yoʻnaltirilgan ish haqi va boshqa daromadlari daromad soligʻiga tortilmaydi.

Kanalga ulanish👇👇👇
https://t.iss.one/huquqiyaxborot_lotin

#Yoshlar_diqqatiga

▫️Qaysi sohada huquqiy savodxonligingizni oshirishni xohlaysiz?
▫️Huquqiy bilim darajangizni qanday baholaysiz?

📝 Yoshlarning huquqiy bilimlarini oshirish borasidagi tajribasini o‘rganish maqsadida Adliya vazirligi hamda U-Report loyihasi hamkorligida so‘rov o‘tkazilmoqda.

➡️ So‘rovda ushbu telegram boti orqali ishtirok etishingiz mumkin: @UReportUzbBot

Fikringiz biz uchun muhim va ahamiyatli.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

☑️ Qonunchilikka koʻra, davlat maktabgacha taʼlim tashkilotida pedagog xodimlar uchun haftalik ish yuklamasining quyidagi miqdorlarda boʻlishi belgilangan:

▫️til boʻyicha oʻqituvchi — 18 soat;
▫️oʻqituvchi-logoped, oʻqituvchi-defektolog — 24 soat;
▫️koʻp tarmoqli ixtisoslashtirilgan maktabgacha taʼlim tashkilotlarining tarbiyachisi, tarbiyachi-metodisti — 25 soat;
▫️tarbiyachi, tarbiyachi-metodist — 36 soat;
▫️koʻp tarmoqli ixtisoslashtirilgan maktabgacha taʼlim tashkilotlarining yordamchi tarbiyachisi — 36 soat;
▫️jismoniy tarbiya yoʻriqchisi — 30 soat;
▫️musiqa xodimi, xoreograf — 24 soat.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Sogʻliqning qisqa vaqt, yaʼni 6 kundan ortiq, ammo 21 kundan koʻp boʻlmagan muddatga yomonlashuviga yoki umumiy mehnat qobiliyatining uncha uzoq boʻlmagan muddatga yoʻqotilishiga sabab boʻlgan qasddan badanga yengil shikast yetkazganlik uchun:

➖ BHMning 25 baravari miqdorida jarimadan 1 yilgacha ozodlikdan mahrum qilishgacha jazo chorasi qoʻllanilishi mumkin.

Kanalga ulanish👇👇👇
https://t.iss.one/huquqiyaxborot_lotin

#Kun_tarixi

🗓 14-fevral (1483-yil)

Buyuk shoir, shoh, sarkarda va olim Zahiriddin Muhammad Bobur tavallud topgan kun.

Kanalga ulanish👇👇👇
https://t.iss.one/huquqiyaxborot_lotin

#Ijtimoiy_aksiya

🔰 Vasiyat qiluvchi merosxo‘rlardan istaganini hech qanday izohsiz merosdan mahrum qilishga haqli.

➡️ Meros qoldiruvchi vasiyatnoma tuzilganidan keyin uni istagan paytda bekor qilishi va o‘zgartirishi mumkin.

📝 Vasiyatnoma yozma shaklda joyi va vaqti ko‘rsatilib tuziladi.

❕ Vasiyatnoma shaxsan tuziladi, vasiyatnomani vakil orqali tuzish mumkin emas.

📌 Yozma shakldagi vasiyatnoma vasiyat qiluvchining o‘z qo‘li bilan imzolanishi lozim.

📃 Notarial tasdiqlangan vasiyatnoma vasiyat qiluvchi tomonidan yozilgan yoki uning so‘zlaridan notarius tomonidan yozib olingan bo‘lishi lozim.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Davlat organlari, boshqa tashkilotlar hamda ularning mansabdor shaxslari tadbirkorlik faoliyati subyektlarining qonunchilikka muvofiq amalga oshirayotgan faoliyatiga aralashishga haqli emas.

▶️ Shuningdek, davlat organlari va ularning mansabdor shaxslari qoidabuzarlik mavjudligi faktidan tadbirkorlik faoliyati subyektlarining oʻzga qonuniy faoliyatiga aralashish yoki bunday faoliyatni cheklash uchun asos sifatida foydalanishi mumkin emas.

❗️Bundan tashqari, tadbirkorlarni homiylikka va boshqa tadbirlarga majburiy jalb etganlik uchun maʼmuriy hamda jinoiy javobgarlik belgilangan.

Kanalga ulanish👇👇👇
https://t.iss.one/huquqiyaxborot_lotin