#2024_йил_1_октябрдан

✅ Қонунчиликка кўра, ишлаб чиқарилган ва четдан олиб кириладиган хавфлилик даражаси юқори бўлган маҳсулотларни давлат рўйхатидан ўтказиш тартиби жорий этилади.

📜 Бунда, республика ҳудудига олиб кирилаётган маҳсулотлар давлат рўйхатидан ўтказилганлиги тўғрисида гувоҳнома божхона ҳудудига келишидан аввал “Ягона дарча” божхона ахборот тизимига ва Ташқи савдо операцияларининг ягона электрон ахборот тизимига импорт қилувчи томонидан жойлаштирилиши шарт.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🏢 Қонунчиликка кўра, қурилиши тугалланган объектларни фойдаланишга қабул қилиш жараёни рақамлаштирилган ҳолда, “Шаффоф қурилиш” миллий ахборот тизимининг “Қурилишда давлат назорати” электрон платформаси орқали расмийлаштирилади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🔰 Қонунчиликка кўра, республиканинг барча ҳудудларида тазйиқдан жабрланган шахсларга руҳий инқироз ҳолатида бирламчи тиббий хизмат кўрсатиш тизимини йўлга қўйиш мақсадида, шошилинч қабул бўлимларида туну кун ишлайдиган бирламчи кўмак хоналари ташкил этилади.

📁 Шунингдек, ҳимоя ордери берилган ҳар бир ҳолатда тазйиқ ва зўравонлик содир этган ёки содир этишга мойил бўлган шахснинг зўравонлик хулқ-атворини ўзгартириш бўйича тузатиш дастури “Инсон” марказлари билан келишилган ҳолда тасдиқланади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

✔️ Истеъмол ва техник этил спирти, алкоголь маҳсулотларини ишлаб чиқаришда қуйидаги қўшимча лицензия талаблари жорий этилади:

🔹йиллик лицензия тўловларини, шунингдек, солиқлар ва бошқа мажбурий тўловларни ўз вақтида тўлаш бўйича қонунчиликда белгиланган талабларга риоя қилиш;

🔹алкоголь маҳсулотлари ишлаб чиқаришда ва уларнинг савдосида сифат талабларига, шунингдек, акциз маркаларини қўллаш ҳамда идентификация воситалари орқали мажбурий рақамли маркировкалаш тартибларига риоя этиш;

🔹алкоголь маҳсулотларини ишлаб чиқариш жараёнларини мониторинг ва назорат қилиш имконини берувчи видеокузатув воситаларини ўрнатиш.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

▶️ Қонунчиликка кўра, янги сўйилган, совутилган ёки музлатилган уй паррандаси гўшти ва қўшимча озуқабоп маҳсулотлари (бутун гўшт, қанот, бел, бўйин, окорочок, голен, сон, қийма ва тери) Ўзбекистон ҳудудига олиб киришда белгиланган божхона божи бўйича берилган имтиёз бекор қилинади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🔰Қонунчиликка кўра:

🔸Ёшлар ишлари агентлиги ҳар йили хусусий ўқув марказларининг Қорақалпоғистон Республикаси, вилоятлар ва Тошкент шаҳри кесимидаги рейтингини тузади ҳамда расмий веб-сайтида эълон қилиб боради;

🔸рейтинг натижаларига кўра олис ва чекка ҳудудларда фаолият кўрсатувчи энг юқори кўрсаткичга эга 100 та хусусий ўқув марказининг таълим жараёнида фойдаланадиган бино ва иншоотлар учун ижара тўлови харажатларининг бир қисми компенсация қилинади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🔍 Давлат харидлари тизимини янада такомиллаштириш ва ушбу тизимда жамоатчилик назоратини кучайтириш мақсадида давлат буюртмачилари томонидан тўғридан-тўғри шартномалар улар тузилишидан олдин камида 1 иш куни, шунингдек, тендер савдолари натижаларига кўра расмийлаштирилган баённомалар давлат харидлари махсус ахборот порталига жойлаштириш орқали камида 2 иш куни давомида жамоатчилик муҳокамасидан ўтказилади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🔰 Қонунчиликка кўра, ихтисослаштирилган (психиатрия, фтизиатрия ва пульмонология, педиатрия) ТИЭКлар томонидан ногиронликни белгилаш тартиби бекор қилиниб, ногиронлик туманлараро ва туман (шаҳар) ТИЭКлар томонидан белгиланади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

✔️Қонунчиликка мувофиқ, тиббий-ижтимоий экспертиза фаолияти самарадорлигини янада ошириш мақсадида:

🔹ТИЭК ходимларини улар фаолияти самарадорлигининг энг муҳим кўрсаткичлари (KPI) бажарилишидан келиб чиқиб рағбатлантириш тизими йўлга қўйилади;

🔹ихтисослаштирилган (психиатрия, фтизиатрия ва пульмонология, педиатрия) ТИЭКларнинг вазифалари ва штат бирликлари Қорақалпоғистон Республикаси, вилоятлар, Тошкент шаҳар, туманлараро ва туман (шаҳар) ТИЭКларга ўтказган ҳолда тугатилади;

🔹жойлардаги ТИЭКларга педиатр, психиатр, фтизиатр штатлари ажратилади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

✔️ Қонунчиликка кўра:

🔹реконструкция қилинадиган ва таъмирланадиган шаҳарсозлик фаолияти объектларининг шаҳарсозлик ҳужжатлари лойиҳаларининг техник қисми ногиронлиги бўлган шахсларга шароитлар яратиш бўйича шаҳарсозлик норма ва қоидаларида белгиланган талабларга мувофиқлиги юзасидан мажбурий экспертизадан ўтказилади;

🔹ҳар йили “Хавфсиз йўл ва хавфсиз пиёда” республика жамғармаси маблағларининг камида 10 фоизи чорраҳаларда ногиронлиги бўлган шахслар (пиёдалар) учун хавфсиз ва тўсиқсиз муҳит яратиш бўйича қурилиш-таъмирлаш ва жиҳозлаш ишларига йўналтирилади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

✔️Қонунчиликка кўра:

🔹заргарлик саноатида ишлатиладиган лигатура маҳсулотларини импорт қилишда махсус турдаги товарлар импорти учун лицензия олиш талаби бекор қилинади;

🔹Ўзбекистон ҳудудига олиб кириладиган ва заргарлик саноатида ишлатиладиган лигатура маҳсулотлари божхона божидан озод этилади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

✅ Қонунчиликка кўра:

➖белгиланган тартибда тасдиқланадиган рўйхатлар бўйича импорт қилинадиган, Ўзбекистонда ишлаб чиқарилмайдиган ҳамда заргарлик соҳасида фойдаланиладиган асбоб-ускуналар, қадоқлаш ва этикеткалаш маҳсулотлари божхона божидан озод этилади;

➖“Uzbek Jewellery Fair” халқаро кўргазма савдоси доирасида Ўзбекистоннинг норезидентлари томонидан республика ҳудудига вақтинча олиб кириладиган ҳамда кейинчалик қайтариб олиб чиқиладиган заргарлик буюмларига нисбатан божхона ҳужжатларини расмийлаштиришда божхона йиғимлари ундирилмайди.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🔰Овчиларга овчилик йўлланмаси ёввойи ҳайвонларни тутишга доир квоталар асосида электрон дастур орқали берилади.

🔍 Овчилик гувоҳномасини беришнинг қуйидаги тартиби ўрнатилади, жумладан:

➖овчилик гувоҳномасини олиш учун талабгорларни махсус ўқув курсларида ўқитиш жорий этилади;

➖овчилик гувоҳномаси муомалага лаёқатли, 18 ёшга тўлган, ўқув курсларини тугатган ва тест синовларидан муваффақиятли ўтган жисмоний шахсларга ЯИДХП орқали 2 йил муддатга берилади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

⚡️Қонунчиликка кўра:

➖бюджет ташкилотларида ишловчи тиббиёт ходимлари, шунингдек, мактабгача, умумтаълим, ўрта махсус, профессионал ва мактабдан ташқари таълим муассасалари ва ташкилотлари, “Мурувват” интернат уйлари, болалар ва меҳрибонлик уйлари, болалар санаторияларида ишловчи педагог ходимларнинг иш ҳақи миқдори – 15 фоизга оширилади;

➖бюджет ташкилотлари ходимларининг иш ҳақи миқдори – 10 фоизга оширилади;

➖меҳнатга ҳақ тўлашнинг энг кам миқдори – ойига 1 155 000 сўм;

➖базавий ҳисоблаш миқдори – 375 000 сўм этиб белгиланди.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🔰 Қонунчиликка кўра, туроператорлик ва меҳмонхона хизматларини кўрсатувчи тадбиркорларга 2028 йил 1 январгача ҳар ойнинг 25 санасигача тўланган ҚҚСнинг 20 фоизини республика бюджетидан қайтариш тизими жорий этилади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

✅ Қонунчиликка кўра, 2026 йил 1 ноябргача мувофиқлик сертификати берилган янги ташкил этилган ҳамда камида 10 та модулдан иборат бўлган модулли меҳмонхона учун унинг тоифасидан қатъи назар ажратилади.

📌 Субсидия модулли меҳмонхонада яратилган ҳар бир жой учун 1 млн сўмдан белгиланади.

Каналга уланиш👇👇👇
https://t.iss.one/huquqiyaxborot

#2024_йил_1_октябрдан

🗓 Қонунчиликда 1 октябрдан нималар ўзгаради?

🔹Хавфлилик даражаси юқори бўлган маҳсулотлар рўйхатдан ўтказилади ➖ БАТАФСИЛ;

🔹Қурилиши тугалланган объектларни фойдаланишга қабул қилиш жараёни рақамлаштирилади➖ БАТАФСИЛ;

🔹Тазйиқ ва зўравонликдан жабрланганларга бирламчи кўмак хоналари ташкил этилади➖ БАТАФСИЛ;

🔹Алкоголь маҳсулотларини ишлаб чиқаришда қўшимча лицензия талаблари жорий этилади➖ БАТАФСИЛ;

🔹Парранда гўштини олиб киришда белгиланган божхона божи бўйича имтиёз бекор қилинади➖ БАТАФСИЛ;

🔹Ёшлар ишлари агентлиги хусусий ўқув марказларининг рейтингини тузади➖ БАТАФСИЛ;

🔹Давлат харидлари тизимида жамоатчилик назорати кучайтирилади➖ БАТАФСИЛ;

🔹Ногиронлик туманлараро ва туман (шаҳар) ТИЭКлар томонидан белгиланади➖ БАТАФСИЛ;

🔹Тиббий-ижтимоий экспертиза комиссияси ходимлари рағбатлантирилади➖ БАТАФСИЛ;

🔹Ногиронлиги бўлган шахсларга қулай ва тўсиқларсиз муҳит яратилади➖ БАТАФСИЛ;

🔹Заргарлик саноатида ишлатиладиган лигатура маҳсулотлари божхона божидан озод этилади➖ БАТАФСИЛ;

🔹Заргарлик соҳасида фойдаланиладиган асбоб-ускуналарни импорт қилишда божхона божидан озод этилади➖ БАТАФСИЛ;

🔹Овчилик гувоҳномасини беришнинг янги тартиби ўрнатилади➖ БАТАФСИЛ;

🔹Педагог ходимларнинг иш ҳақи миқдори 15 фоизга оширилади➖ БАТАФСИЛ;

🔹Айрим тадбиркорларга ҚҚСнинг бир қисми қайтарилади➖ БАТАФСИЛ;

🔹Модулли меҳмонхона қуриш ва жиҳозлаш учун субсидия ажратилади➖ БАТАФСИЛ.

Каналга уланиш👇👇👇
https://t.iss.one/huquqiyaxborot