✅ Қонунчиликка кўра, маиший истеъмолчи ўз хоҳишига кўра, 2 ойдан кўп бўлмаган муддат учун электр энергиясидан фойдаланиш ҳақини олдиндан тўлаб қўйиши мумкин ва бунда тариф ўзгарса ҳам қиймат қайта ҳисоб-китоб қилинмайди.

📌 Шунингдек, тарифлар ўзгарган ҳолларда табиий газ ҳажми учун аванс тариқасида тўловни амалга оширган истеъмолчи 2 ойдан ортиқ бўлмаган муддатга қўшимча тўловларни амалга оширишдан озод қилинади.

https://t.iss.one/hudud_inform

🔰Чорраҳа ичида сариқ рангли чизиқ билан чизилган тўртбурчак нимани англатади?

Тошкент шаҳрида тирбандликнинг олдини олиш мақсадида янги йўл тартиби амалиётда қўллана бошланди.

https://t.iss.one/hudud_inform

Хотини ва ўғлига зўравонлик қилган отага жиноят иши қўзғатилди

Мурожаатчининг ёзишича, қизи К.С. 2022 йилдан буён Кореяда ишлаётгани, унинг 8 ёшли ўғли эса эрининг қарамоғида қолган. Мурожаатга илова қилинган видеоёзувда эр-хотин видео қўнғироқ орқали жанжаллашганида, ота ўғлининг бўғзига пичоқ тирагани акс этган. Шунингдек, аёл эри томонидан кўп маротаба калтаклангани ва соғлиғига зарар етгани ҳақида гапирган.

Мурожаат дарҳол Омбудсман томонидан назоратга олиниб, ҳолат унинг Жиззах вилоятидаги минтақавий вакили ҳамда Ижтимоий ҳимоя миллий агентлиги Жиззах вилояти бошқармаси билан ҳамкорликда жойига чиқиб ўрганилди.

Аниқланишича, ҳозирда фуқаро К.С.нинг вояга етмаган ўғли бувиси билан яшамоқда. Бола билан суҳбат ўтказилганда, ота-онаси ўртасидаги салбий муносабатдан норози эканлигини, отаси билан яшашни хоҳламаслиги ҳамда бувиси билан қолишни исташини билдирган. Шундан сўнг, фуқаро К.С.нинг вояга етмаган ўғлига бувиси вақтинчалик васий этиб тайинланди.

Ота эса вояга етмаган фарзандига нисбатан ўлдириш ёки зўрлик ишлатиш билан қўрқитишда ифодаланган ғайриқонуний ҳаракатлари билан Ўзбекистон Республикаси ЖКнинг 112-моддаси 1-қисмида назарда тутилган жиноятни қасддан содир этганликда айбланиб, жиноят иши қўзғатилган.

https://t.iss.one/hudud_inform

🔰 Давлат органлари ва ташкилотларининг 7 мингдан ортиқ функцияларини баҳолаш натижалари асосида Коррупцияга мойил бўлган муносабатлар электрон реестри лойиҳаси шакллантирилган.

🌐 Реестр лойиҳаси "E-antikorrupsiya" электрон тизимига жойлаштирилган.

✅ Фуқаролар Реестрдаги коррупциявий хавфлар юзасидан ўз фикр-мулоҳаза ва таклифларини онлайн юборишлари мумкин.

📌 Маълумот учун, мазкур Реестр Президентнинг 2022 йил 11 майдаги ПҚ-240-сон қарори ижроси юзасидан ишлаб чиқилган.

https://t.iss.one/hudud_inform

⚡️“Янги Ўзбекистон” университети – Массачусеттс технология институти томонидан ўтказиладиган маҳорат дарсларига таклиф қилади

💥 Массачусеттс технология институти тажрибаси асосида олий таълим муассасасини ривожлантириш истагида бўлган барча ОТМ раҳбарлари ва профессор-ўқитувчиларини маҳорат дарсларига таклиф қилинади.

📍 Маҳорат дарслари жорий йилнинг 29-апрел – 2-май кунлари “Янги Ўзбекистон” университетида ўтказилади.

✅ Унда сиз таълим бошқаруви, замонавий педагогик ўқитиш методикалари, мустақил таълимни ривожлантириш ва самарали тадқиқот олиб бориш каби қатор йўналишларида ўз тажрибангизни оширишингиз мумкин.

https://t.iss.one/hudud_inform

Пойтахтимизда “Автомобилсиз кун” оммалашмоқда

Шу вақтга қадар дунёнинг 2 мингтадан зиёд йирик шаҳарида анъанага айланган муҳим ташаббус – “Автомобилсиз кун” жамоатчилик лойиҳаси юртимизнинг барча давлат ташкилотлари қатори Инсон ҳуқуқлари бўйича Ўзбекистон Республикаси Миллий маркази жамоаси томонидан ҳам қизғин қўллаб-қувватланди. Мамлакат миқёсида атмосферага чиқаётган зарарли чиқиндиларнинг 60 фоизи ва Тошкент шаҳрида 88 фоизи автомобиллар ҳиссасига тўғри келиши инобатга олинса, ушбу экологик акциянинг долзарблиги янада яққол аён бўлади.

Батафсил

https://t.iss.one/hudud_inform

2024 йил 1 июлдан бошлаб йўл бўйида жойлашган мактаблар олдида, камида тўрт тасмали йўллардаги пиёдалар ўтиш жойларида, йўл-транспорт ҳодисалари ўчоқларида, темир йўл кесишмаларида махсус автоматлаштирилган фото ва видеорадарлар ўрнатилади.

https://t.iss.one/hudud_inform

Ўзбекистоннинг Қозоғистондаги элчихонаси ватандошларни огоҳликка чақирмоқда

Сўнгги вақтларда Қозоғистонга вақтинчалик меҳнат фаолиятини амалга ошириш мақсадида келган ёки меҳнат фаолиятини олиб бораётган Ўзбекистон фуқароларига ўзини элчихона ёки консулхона вакили сифатида таништираётган фирибларга маълум бир пул эвазига ҳужжатларни расмийлаштириш учун фуқаролик паспортларини бериш ҳолатлари кузатилмоқда.

Элчихона бундай инсонларнинг гапига ишонмасликка ва фуқароларимиздан шахсни тасдиқловчи ҳужжатларни бегоналарга бермаслик, ишлаш ёки вақтинча яшаш рухсатномаларни олиш мақсадида фуқаронинг шахсан ўзи аҳолига хизмат кўрсатиш марказларига мурожаат этиши зарурлигини эслатмоқда.

https://t.iss.one/hudud_inform