🔰 Корея Республикасида ишлаш истагида бўлган фуқаролар диққатига

Бандлик ва меҳнат муносабатлари вазирлиги ҳамда Корея Республикасининг Кёнгсангпукдо провинцияси, Йонгянг округи администрацияси (маҳаллий ҳокимлиги) ўртасида тузилган мавсумий ишчилар тўғрисидаги келишувларга асосан:

2021 йил 19 май куни Тошкент шаҳридаги “Ишга марҳамат” мономарказида мамлакатимизнинг барча ҳудудларидаги аёллар учун.

Ташқи меҳнат миграцияси агентлиги ахборот хизмати 5 ойлик мавсумий ишлар (Е-8 визаси) бўйича вақтинчалик меҳнат фаолиятини амалга ошириш мақсадида тузилган гуруҳ томонидан танлов ўтказилишини маълум қилди.

Танловда иштирок этиш ниятида бўлган фуқаролар учун Корея томонидан қуйидаги талаблар қўйилган:

✅ Корейс тилини билиши (суҳбат корейс тилида бўлиб ўтади);

✅ 27-40 ёш оралиғида бўлиши 1994-1981 йиллар оралиғида туғилганлар (1994 йилдан кейин туғилганлар ҳамда 1981 йилдан олдин туғилганлар танловда иштирок этолмайди);

✅ Мавсумий ишлар бўйича (қишлоқ хўжалиги) тажрибага эга бўлиши;

✅ Соғлом, юқумли касалликларга чалинмаган бўлиши;

✅ Судланмаган бўлиши;

✅ Корея Республикаси ҳудудига кириш учун тақиқ бўлмаслиги;

✅ Ўзбекистон Республикаси ҳудудидан чиқишга тақиқи мавжуд бўлмаган ва хорижга чиқиш паспортига эга бўлиши лозим.

Эслатиб ўтамиз❗️

Танлов жараёни соат 9:00 дан 18:00 гача давом этади.

Танловга кириш жонли навбат орқали амалга оширилади.

Фуқаролар хорижга чиқиш ҳамда фуқаролик паспорти билан келиши шарт ҳамда ўзлари билан бирга фуқаролик ва хорижга чиқиш паспортидан 1 нусха (рангли шаклда) ҳамда 2 дона 3,5-4,5 фотосурат олиб келиши зарур.

Танловда иштирок этиш мутлақо бепул.

Мономарказ жойлашган манзил: Тошкент шаҳар, Яшнобод тумани, Паркент кўчаси 331 уй.

Танлов жараёни “YOU TUBE” канали орқали тўғридан-тўғри эфирга узатилади.

Танловдан муваффақиятли ўтган фуқаролар кореялик вакиллар томонидан ўрнатилган тартибда кетишдан олдинги ўқитиш ва 14 кунлик мажбурий карантинда сақланади.

☎️ Қўшимча маълумот учун: 1282 (қисқа рақами) ва (71) 202-33-55.

Эслатиб ўтамиз❗️

🛑 Корея Республикасига Е-8 визаси бўйича вақтинчалик меҳнат қилиш учун жўнаб кетган ҳамда белгиланган муддатда Ватанга қайтмаган фуқаролар (ноқонуний Корея ҳудудида бўлган) 3 томонлама шартномада белгиланган тартибда Корея Республикасида ноқонуний бўлган ҳар бир ой учун базавий ҳисоблаш миқдорининг 100 баравари (тахминан 2300 АҚШ доллари) ҳамда Корея Республикасининг иммиграция қонунчилигига мувофиқ 30 млн. корейс вонигача (тахминан 27 000 АҚШ доллари) миқдорида жаримага тортилишига сабаб бўлиши тўғрисида огоҳлантирамиз.

🛑 Ўзбекистон Республикаси Бандлик ва меҳнат муносабатлари вазирлиги ҳамда Ташқи меҳнат миграцияси агентлиги ҳужжат топшириб, суҳбатдан ўтган фуқаролар виза олишига кафолат бермайди, виза тақдим этиш масаласини Корея томони ўрнатилган тартибда кўриб чиқади.

Каналга уланиш: 👇
@hudud_inform

#Тошкент_вилояти

🔰 МС Дони Чирчиқда!

🟢 Бугун 15-май оқшомида, Чирчиқ шаҳрида бўлиб ўтаётган «Янги Ўзбекистон ёшлари, бирлашайлик!» фестивалида «BOOM!»

📌 Машҳур юлдуз МС Дони билан ёрқин лаҳзаларга гувоҳ бўласиз!

Бу ҳамда Тошкент вилояти ҳокимлиги ахборот хизмати хабар берди.

Каналга уланиш: 👇
@hudud_inform

Кучга куч қўшувчи умид алангаси ҳеч қачон сўнмасин. Ҳар қандай дардни енгишга қодир ирода ҳеч қачон букилмасин.
—
Надежда, делающая сильнее. Воля, способная победить любые болезни.

Facebook|Instagram|Twitter

🔰 15 май жаҳон миқёсида Халқаро оилалар куни (International Day of Families) бўлиб, ушбу байрам БМТ Бош Ассамблеяси томонидан 1993 йил 20 сентябрдаги Халқаро оила йили тўғрисидаги резолюцияга мувофиқ 1994 йилнинг 15 майидан буён мунтазам нишонланиб келинади.

❗️Ўзбекистон Республикаси Президентининг 2018 йил 27 июндаги “Ўзбекистон Республикасида оила институтини мустаҳкамлаш концепциясини тасдиқлаш тўғрисида”ги қарорига мувофиқ, 15 май ҳар йили Халқаро оила куни сифатида республика бўйлаб кенг нишонланиши белгиланган.

Халқаро оилалар кунини ўтказишдан мақсад жаҳон ҳамжамияти диққатини оилавий қадриятларга ва оила институти билан боғлиқ муаммоларга қаратишдир.

Каналга уланиш: 👇
@hudud_inform

❗️МС Донининг Тошкентдаги маъмури берган ваъдасини бажармагани сабабли ташкилотчилар номидан мухлислардан узр сўрайди.

МС Донининг шахсан ўзи юборган овозли хабарда айтилишича, у Тошкентга келиш учун коронавирус тести маълумотномаси олишга улгурмаган.

📌Чирчиқда бўлиб ўтаётган «Янги Ўзбекистон ёшлари, бирлашайлик!» фестивали 16 май куни ҳам давом этади.

Бу ҳамда Тошкент вилояти ҳокимлиги ахборот хизмати хабар берди.

Каналга уланиш: 👇
@hudud_inform

Огоҳлик - давр талаби

ИИВ ахборот хизмати таъкидлашича, Интернет бугунги кунда бутун дунёдаги вазият ҳақида сониялар ичида чексиз маълумотларни улашмоқда. Улар орасида эса халқаро тинчликка хавф солувчи, инсонлар ўртасида шафқатсизлик ва террорни тарғиб этувчи маълумотлар ҳам жуда кўп. Интернет фойдаланувчилари эса энг аввало мана шу маълумотларни ўз зеҳни билан фарқлай олиши зарур.

Каналга уланиш: 👇
@hudud_inform

🔰 Тошкент Ботаника боғининг орқа томонида ёнғин содир бўлди

Бугун, 16 май куни соат 11.55да Тошкент шаҳар Юнусобод туманида жойлашган Тошкент Ботаника боғининг орқа томонида, очиқ майдонда қуриган хас-хашак ва буталган шох-шаббаларда ёнғин содир бўлган.

Ҳодиса юзасидан Тошкент шаҳар Фавқулодда вазиятлар бошқармаси ёнғин-қутқарув гуруҳи воқеа жойига етиб борган. Қутқарувчиларнинг саъй-ҳаракатлари натижасида ёнғин ўз вақтида ўраб олиниб, боғ ҳудудига ўтишининг олди олинди.

Ёнғиндан жабрланганлар йўқ. Боғнинг ўрмон фондига зарар етмаган.

Ҳолатнинг келиб чиқиш сабаблари аниқланмоқда деб хабар берди ФВВ ахборот хизмати.

Каналга уланиш: 👇
@hudud_inform