#Олий_таълим

Келгусида техникумлар битирувчилари кириш имтиҳонларисиз ОТМларга қабул қилинади

«Аграр таълим тизимини янада такомиллаштириш чора-тадбирлари тўғрисида»ги Президент қарори (ПҚ–4795, 30.07.2020 й.)да бу ҳақда белгиланди.

Қарорга мувофиқ, 2020/2021 ўқув йилидан бошлаб:

Тошкент давлат аграр университетининг Андижон филиали негизида Андижон қишлоқ хўжалиги ва агротехнологиялар институти ташкил этилади;

Қишлоқ хўжалиги вазирлиги тасарруфига ўтказилган қишлоқ хўжалиги касб-ҳунар коллежлари негизида олий мактаблар ўрнига агротехнологиялар техникумлари ташкил этилади.

Шу билан бирга мазкур қарорга кўра, техникумларни муваффақиятли тамомлаган битирувчилар якка тартибдаги суҳбат асосида кириш имтиҳонларисиз қишлоқ хўжалиги ОТМларининг мос бакалавриат йўналишларида 2-босқичдан ўқишини давом эттириш ҳуқуқига эга бўлади.

Шунингдек:

- 2020/2021 йил ўқув йилидан бошлаб Тошкент давлат аграр университети қошида республика ОТМларининг иқтидорли талабалари таркибидан танлаб олинган ёшлар учун «Ўзбекистонда қишлоқ хўжалигини инновацион ривожлантириш ва уни рақамли трансформациялаш» лойиҳасини амалга ошириш доирасида махсус факультет ташкил этилади;

- Тошкент давлат аграр университети ва Андижон қишлоқ хўжалиги ва агротехнологиялар институтида қишлоқ хўжалигини рақамлаштириш ва ахборот-коммуникация технологиялари масалалари ҳамда профессионал таълим муассасалари билан ишлаш бўйича проректор лавозими жорий этилади;

Хорижий тилларни яхши ўзлаштирган профессор-ўқитувчиларнинг ойлик маошларига 10 фоиз устама белгиланади (хорижий тиллар бўйича профессор-ўқитувчилар бундан мустасно).

Каналга уланиш: 👇
@hudud_inform

Республикада амалдаги қонунчилик бўйича ўрнатилган тартибда ташкил этилган нодавлат олий таълим муассасалари рўйхати Олий ва ўрта махсус таълим вазирлиги ахборот хизмати томонидан тақдим этилмоқда:

🔰 2018 йилда фаолиятини бошлаган:
1. Тошкент шаҳридаги Ёджу техника институти;

🔰 2019 йилда фаолиятини бошлаган:
2. Акфа университети;
3. Қўқон университети;
4. Фарғона шаҳридаги Корея халқаро университети;

🔰 2020/2021 ўқув йилида илк бор фаолиятини бошлаши режалаштирилмоқда:

5. "Tashkent International University" халқаро университети;
6. TEAM университети;
7. Тошкент шаҳридаги Британия менежмент университети;
8. "Tashkent International University of Education" халқаро университети.

✅ Эслатма: мазкур рўйхатда хорижий олий таълим муассасаларининг республикамиздаги ўрнатилган тартибда ташкил этилган филиаллари келтирилмаган.

❗️Юқоридаги рўйхатда келтирилмаган, бироқ "биз нодавлат олий таълим муассасасасимиз" деб ўзининг олий таълим бўйича дастурларини тақдим этаётган ташкилотлар таклифларига алданиб қолманг, ОГОҲ бўлинг!

Каналга уланиш: 👇
@hudud_inform

#Фарғона_вилояти

Қўқон шаҳар ҳокими Маруфжон Усмонов Ўзбекистон Республикаси Президентининг "Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида"ги Фармонига ўз муносабатини билдирди

Видеомурожаат шаҳар ҳокимлиги ахборот хизмати томонидан тайёрланди.

Каналга уланиш: 👇
@hudud_inform

#Global bozor_
Жаҳон бозорида сут нархи ошди

IFCN тармоғи таҳлилига кўра, жаҳон бозорида сут нархи июль ойида 100 кг учун 36,7 долларни ташкил этган. Бу июнь ойига нисбатан нарх 5 фоизга ошганини ва 2020 йил февралидан бери биринчи маротаба кўтарила бошлаганини кўрсатади.

Қайд этилишича, нарх ошишининг асосий омили жаҳонда сут маҳсулотларига талабнинг тикланиши, фонд биржасидаги нархларнинг ошиши ва Осиё сут кукуни импортини кўпайтиргани ҳисобланади.

Шу билан бирга, дунёда хом сут ишлаб чиқариш хажми ҳам ўсмоқда. IFCN маълумотларига кўра, 2020 йил июль ойида 2019 йилнинг мос даврига нисбатан ўсиш 1 фоизни ташкил этган. Хусусан, АҚШда сут ишлаб чиқариш 0,7 фоизга, Европа Иттифоқида 0,3 фоизга ўсди.

___________

Бизнинг сайт 👉oziq-ovqat.uz
Телеграм каналимиз👉 https://t.iss.one/uzboziqovqat
Фейсбукдаги саҳифамиз 👉https://m.facebook.com/uzbekoziqovqatxolding

Эртага, 5 август куни ташкил этиладиган чартер рейслар

Бу ҳақда Ташқи меҳнат миграция агентлиги ахборот хизмати хабар берди.

Тошкент-Сеул-Тошкент
Қоҳира-Тошкент-Қоҳира

❗️Парвозга консуллик муассасалари томонидан фуқаролар рўйхатга олинади ҳамда Uzbekistan Airways авиакомпаниясига тақдим этилади ва ушбу рўйхат асосида фуқаролар самолёт бортига киритилади.

▪️Рўйхатга биринчи навбатда бемор фуқаролар, ёш болали ва ҳомиладор аёллар ҳамда бекор қилинган доимий авиақатновларга чипта харид қилган фуқаролар қўйилади.

📮 Чипталарни фуқаролар парвоздан 4 соат олдин хорижий мамлакатларнинг халқаро аэропортларидаги Uzbekistan Airways авиакомпаниясининг кассаларидан олишлари мумкин бўлади.

😷 Ўзбекистонга кириб келаётган фуқаролар ўз хоҳишига кўра 14 кунлик карантин муддатини давлат томонидан бепул таъминланадиган карантин марказларида ёки пуллик меҳмонхонада ўтказиши мумкин.

Бугун Тошкент-Истанбул-Тошкент чартер рейси амалга оширилади.

Каналга уланиш: 👇
@hudud_inform

#Хоразм_вилояти

Ижтимоий тармоқларда: “Хоразм вилояти Гурлан туманида “самосуд”” номи остида тарқалган видеоёзув бўйича маълумот

Аниқланишича, жорий йилнинг 24 июль куни соат тахминан 12:00 ларда 26 ёшли И.О., ўзининг таниши 20 ёшли Ю.Т.,(аёл) билан учрашган вақтида, ушбу ҳолатни И.О.,нинг турмуш ўртоғи 24 ёшли М.С.(аёл)нинг дугоналари кўриб қолиб, телефон орқали бу ҳақда М.С., га хабар бериб, уни чақиришган ҳамда фуқаро Ю.Т.(аёл)ни ушлаб олиб, турли хил уятли сўзлар билан хақорат қилиб жанжал қилишган ва М.С.(аёл) фуқаро Ю.Т.(аёл)ни танасининг турли жойларига уриб тан жароҳати етказган.

Ушбу жанжал вақтида М.С.,нинг дугоналаридан бири ўзининг уяли телефон аппарати орқали видеотасвирга олиб, кейинчалик мазкур видеолавҳани “telegram” мессенжери орқали ижтимоий тармоқларда тарқатиб юборган.

Ҳозирда мазкур ҳолат юзасидан Гурлан тумани ИИБ ҳузуридаги Тергов бўлинмаси томонидан терговга қадар текширув ҳаракатлари олиб борилмоқда.

Бу ҳақда ИИВ ҳузуридаги Тергов департаменти ахборот хизмати маълум қилди.

Бундан ташқари, бу каби ҳолатлар тасвирланган видеолавҳаларни ижтимоий тармоқларда тарқатаётган фуқароларимизга эслатма:
Ўзбекистон Республикаси Маъмурий жавобгарлик тўғрисидаги Кодексининг 1891-моддаси ва Жиноят кодексининг 1301-моддаларида кўрсатилган “Зўравонликни ёки шафқатсизликни тарғиб қилувчи маҳсулотни тайёрлаш, олиб кириш, тарқатиш, реклама қилиш, намойиш этиш” каби маъмурий ва жиноий жавобгарликни келтириб чиқаради.

Каналга уланиш: 👇
@hudud_inform

#Қашқадарё_вилояти

Вилоят ҳокимига мурожаат йўллаган деҳқонободлик аёл муаммоси ўрганилди

Бу ҳақда туман ҳокимлиги ахборот хизмати маълум қилди.

Деҳқонобод туманининг Аэродром маҳалласи Мажнунтол кўчасида яшовчи Пахта Василова вилоят ҳокимига видеомурожаат қилиб, ҳеч ким мурожаатини эшитмаётганини, МФЙ масъуллари умуман ҳолидан хабар олмаслигини маълум қилган.

Деҳқонобод ҳокими Зоир Алиқулов 2020 йил 3 август куни яна бир бор (илгари ҳам бир неча маротаба хонадон ҳолидан хабар олган) фуқаро хонадонида бўлиб, оила шарт-шароитини ўрганди.

Маълум бўлишича, Пахта Василова яшовчи хонадонда 8 киши истиқомат қилади. Фуқаро яшовчи уй жияни Асқар Абдумуродовга тегишли бўлиб, момо 1992 йилда туғилган, ногирон қизи М.Дониёровани доимий равишда парваришлаб келади. Фуқаронинг биринчи гуруҳ ногирони сифатида рўйхатга олинган қизи доимий равишда ногиронлик нафақаси билан таъминланади.

Маҳалла ва оилани қўллаб-қўвватлаш бўлими бошлиғининг биринчи ўринбосари Меҳри Йўлдошеванинг маълумот беришича, фуқарога 2018 йил апрел-май ойида, шунингдек Хотира ва қадрлаш байрами ва 1 июнь Халқаро болаларни ҳимоя қилиш куни муносабати билан озиқ-овқат маҳсулотлари берилган. 2018 йил 2 декабрь куни ногиронлар куни муносабати билан фуқаро М.Дониёровага туман ҳокимлиги томонидан ҳомийлик совғаси берилган.

Шунингдек, фуқаро Василованинг оиласига 2019 йил октябрь ойида Деҳқонобод Калий заводи томонидан бир неча маротаба озиқ-овқат маҳсулотлари, уй рўзғор, маиший техника (телевизор, электр печ) лар берилган. Ҳайит байрамида тадбиркор Абдишукур Дониев томонидан бир қоп ун ва озиқ овқат махсулотлари берилган.

Қолаверса, 2020 йил феврал ойига Халқ депутатлари вилоят депутати Нилуфар Ўтаганова ушбу фуқаро ҳолидан хабар олиб, совға-салом улашган.

Фуқарога карантин даврида ҳам туман хокимлиги ва Аэродром МФЙ томонидан озиқ-овқат маҳсулотлари бериб борилмоқда.

МФЙ раисининг маълумот беришича, фуқаро Пахта Василовада марҳум турмуш ўртоғидан мерос қолган 60 бош қўй, 2 бош қорамол ва Аэродром МФЙ биноси олдида қурилган бир хонали савдо дўкони (ҳозир бошқа фуқарога сотилган) мавжуд бўлса-да, ногирон фарзанди М.Дониёровани рўкач қилган ҳолда, масъул ташкилотларга мурожаат қилиб келади.

Шунга қарамасдан, фуқаронинг ҳеч бир мурожаати ҳокимлик ва масъул ташкилотлар эътиборидан четда қолмаган.

Эслатиб ўтамиз, мазкур ҳолат туман ҳокими Зоир Алиқулов назоратига олинган бўлиб, ҳокимлик ахборот хизмати мавзуга яна тўхталади.

Каналга уланиш: 👇
@hudud_inform

Беҳзод Мусаев — Бош вазир ўринбосари, Республика махсус комиссияси аъзоси:

🏥 «Сўнгги 3 кун ичида "Ўзэкспомарказ"да янги беморларни қабул қилиб, уларга зудлик билан ёрдам кўрсатувчи 815 та ўринга мўлжалланган даволаш маркази очилди. Бунга Мудофаа вазирлигининг госпитали бириктирилган, шифокорлар билан тўлиқ таъминланган.

🛏 815 та ўринга 3 кун ичида 719 та мурожаат келиб тушган. Шулардан 416 та бемор даволаниб, уйига қайтди».

Каналга уланиш:👇
@hudud_inform