#Eksport
Ўзбекистон Хитойга ерёнғоқ экспорт қилишни бошлади

Сенегал, Эфиопия, Судан, Ҳиндистон ва АҚШ Хитой бозорига ерёнғоқ етказиб берадиган асосий мамлакатлар ҳисобланади. Эндиликда улар қаторига Ўзбекистон ҳам қўшилди.

Жорий йил май ойидан бошлаб Хитой бозорига Ўзбекистондан 1 миллион АҚШ долларига тенг ерёнғоқ етказиб берилган. Экспорт амалиёти «Global Export Company» МЧЖ ва Хитойнинг йирик дистрибьютерлик компанияси ўртасида имзоланган шартномага мувофиқ амалга оширилган.
 
Маълумот учун, 2019 йил ноябрь ойида Ўздавкарантин ва Хитой бош божхона бошқармаси ўртасида Хитойга ўзбек ерёнғоғи экспорт қилинишига қўйиладиган фитосанитар талаблар тўғрисида протокол имзоланганди.

Шунингдек, Хитой бозарига жами 14 турдаги маҳсулотлар экспортини кўзда тутадиган фитосанитария талаблари бўйича идоралараро протоколлар имзоланган. Улар орасида гилос, қовун, аччиқ қалампир, анор, мош, кунжут, майиз, қуритилган ўрик, ёнғоқ, аччиқ ва ширин ўрик данаги, асал ва бошқа маҳсулотлар бор.

Манба
__________

Бизнинг сайт 👉oziq-ovqat.uz
Телеграм каналимиз👉 https://t.iss.one/uzboziqovqat
Фейсбукдаги саҳифамиз 👉https://m.facebook.com/uzbekoziqovqatxolding

#Eksport_
Маҳсулотни сертификатлаш - экспортга йўл

Озиқ-овқат соҳасида фаолият олиб бораётган ҳар бир ишлаб чиқарувчи ўз маҳсулоти билан нафақат ички, балки ташқи бозорларга ҳам чиқишни мақсад қилади.

❗️Унутмаслик керакки, корхонанинг ўз маҳсулоти сифатига бўлган ишончи экспорт қилиш учун камлик қилади. Сабаби ташқи бозорларнинг ўзига хос талаблари бўлиб, фақатгина қатор сертификатларни олган ҳолда экспортни амалга ошириш мумкин.

Сертификат берувчи органлар ташқи бозорларда талаб этилаётган ҳужжатларни ҳар доим ҳам тўлиқ расмийлаштириб бермайди. Масалан, мамлакатимизда Европа Иттифоқи лицензиясини олган сертификат берувчи органлар саноқли. Шунинг учун ишлаб чиқарувчи энг аввало ЕИ ҳудуди учун талаб этадиган сертификатларни тўплаши талаб этилади.

Маҳсулотни сертификатлаш тартиби қуйидагича:

1⃣ Сертификатлаш органига (мувофиқлик сертификати олиш учун) ариза бериш;

Бунда аризага озиқ-овқат маҳсулот тури бўйича меъёрий ҳужжат, технологик йўриқнома нусхаси, маҳсулот тамғаси нусхаси (маҳсулот ҳақида ахборот) ва бошқа ҳужжатлар мавжуд бўлса/Санитария-эпидемиологик осойишталик агентлигини гигиеник ҳулосаси (маҳсулотга ҳавфсизлик кўрсатгичлари бўйича лаборатория синов натижалари, ветеринария ва фитосанитар хулоса, экологик сертификат ) илова қилиниши мақсадга мувофиқ.

⚠️ Агар ариза берувчи бирваракайига гигиеник хулоса ва мувофиқлик сертификати олишга ариза берган бўлса, ўрнатилган тартибда гигиеник хулоса расмийлаштирилгандан сўнг унинг нусхаси сертификатлаштириш органига тақдим этилади.

2⃣ Маҳсулотга берилган меъёрий ҳужжатлар ва бошқа ҳужжатларни таҳлил қилиш;

3⃣ Ариза бўйича қарор қабул қилиш;

4⃣ Синаш программасини тайёрлаш ва тасдиқлаш;

5⃣ Маҳсулотни идентификация қилиш, намуна олиш ва лабораторияга синаш учун етказиш;

6⃣ Аккредитацияланган лабораторияда маҳсулот намуналарини синаш;

Бунда маҳсулот ишлаб чиқариш шароити ўрганилиб, сифат тизимини баҳоланади.
Олинган натижалар таҳлил қилинган ҳолда мувофиқлик сертификати берилади ёки рад этилади.

7⃣ Мувофиқлик сертификатини Ўзбекистон Республикаси миллий сертификатлаштириш тизими давлат реестрига рўйхатга олиш;

🔰 "Ўзбекозиқовқатхолдинг" компанияси мутахассислари озиқ-овқат маҳсулотларини экспортга тайёрлаш борасида зарур маслаҳат ва тавсияларни бериб боради. Кузатишда давом этинг!

____________

Бизнинг сайт 👉oziq-ovqat.uz
Телеграм каналимиз👉 https://t.iss.one/uzboziqovqat
Фейсбукдаги саҳифамиз 👉https://m.facebook.com/uzbekoziqovqatxolding

#Eksport_
Президентнинг 2020 йил 7 майдаги “Экспорт фаолиятини янада қўллаб-қувватлаш чора-тадбирлари тўғрисида”ги қарорига мувофиқ экспорт қилишда автомобиль, темир йўл ва ҳаво транспортида ташиш харажатларининг бир қисми компенсация қилинадиган маҳсулотлар рўйхати тасдиқланган эди.

Озиқ-овқат маҳсулотлари экспортини қўллаб-қувватлаш мақсадида, “Ўзбекозиқовқатхолдинг” ХК томонидан ушбу рўйхатга озиқ-овқат маҳсулотларини киритиш бўйича таклифлар ишлаб чиқилди ва Республика комиссиясига тақдим қилинди.

Ўзбекистон Республикаси Бош вазирининг ўринбосари – Инвестициялар ва ташқи савдо вазири ҳамда Республика комиссиясининг раҳбари С. Умурзақов томонидан имзоланган 2020 йил 30 июндаги йиғилиш баёнига мувофиқ, мазкур рўйхатга қўшимча равишда мева шарбатлари, консерваланган мева-сабзавот маҳсулотлари, қандолат маҳсулотлари, салқин ичимликлар, пиво, маргарин маҳсулотлари киритилди.

❗️Эндиликда, ушбу маҳсулотларни экспорт қилувчилар ҳам транспорт харажатларини қоплашга субсидия олишлари мумкин.

РЎЙХАТ 👆

#Eksport_
Ўзбекистон 18 та давлатга гилос экспорт қилди

Давлат статистика қўмитаси маълумотларига кўра, 2020 йил 1 июль ҳолати бўйича жами 31,3 минг тонна гилос меваси экспорт қилинган (ўтган йилнинг шу даврига қараганда 14,6 минг тоннага кўп). Хусусан, қарийб 61 миллион АҚШ долларига тенг бўлган гилос меваси 18 та хорижий мамлакат бозорларида сотилган. Бугунги пандемия шароитида бу ижобий ҳолат.

Ушбу мамлакатлар орасида Қозоғистон 16,7 минг тонна (23 миллион АҚШ доллари), Россия 9,3 минг тонна (15,8 миллион АҚШ доллари), Қирғиз Республикаси 4,7 минг тонна (20 миллион АҚШ доллари) ва Корея Республикасида 124,3 тонна (496,9 минг АҚШ доллари) билан юқори улушга эга бўлди.

Эътиборлиси, бу йил ўзбек гилоси Германия, Литва, Люксембург, Мўғулистон, Ўмон, Корея ва Таиланд давлатларига ҳам экспорт қилинган.

____________

Бизнинг сайт 👉oziq-ovqat.uz
Телеграм каналимиз👉 https://t.iss.one/uzboziqovqat
Фейсбукдаги саҳифамиз 👉https://m.facebook.com/uzbekoziqovqatxolding