#Долзарб

Вояга етмаган маҳкумларнинг ота-онаси билан учрашувларида чекловлар бекор қилинди

“Ўзбекистон Республикасининг Жиноят-ижроия кодексига маҳкумларнинг ҳуқуқлари ва қонуний манфаатлари ишончли ҳимоя қилинишини таъминлашга қаратилган ўзгартиш ва қўшимчалар киритиш тўғрисида”ги Қонун Президент томонидан имзоланди.

Қонун билан киритилган ўзгартишларга кўра, жумладан, вояга етмаган маҳкумларнинг ота-онаси ёки уларнинг ўрнини босувчи шахслар билан учрашувларида чекловлар бекор қилинди.

Маҳкума аёлларнинг вояга етмаган фарзандлари билан учрашувларининг алоҳида тартиби белгиланди.
Жумладан, маҳкума аёлларга вояга етмаган болалари билан бир йил ичида 4 марта муддати 5 суткагача бўлган узоқ муддатли учрашув, шунингдек, манзил-колонияларда сақланаётганларга эса муассаса ҳудудидан ташқарида яшаш имконияти билан узоқ муддатли учрашувлар чекланмаган миқдорда берилади. Шунингдек, маҳкумларнинг жазо ўташи даврида адолатли мезонлар асосида рағбатлантириш чораларини қўллаш тартиби ҳамда рағбатлантириш чораларини қўллаш комиссиясининг иш фаолияти ва уларнинг аниқ вазифалари белгиланди.

Қонун расмий эълон қилинган кундан эътиборан кучга эга киради.

Каналга уланиш: 👇
@hudud_inform

#Долзарб

2020 йил 1 июлдан “Uzbekistan Аirways” АЖ авиачипталар ва хизматлар учун тўланган суммалар қайтарилишининг янги қоидалари амал қилади

Бу ҳақда “Uzbekistan Аirways” АЖ ахборот хизмати хабар берди.

Йўловчилар томонидан авиачипталар ва қўшимча хизматлар учун 2020 йил 31 декабргача тўланган суммани қайтаришни таъминлаш учун 2020 йил 1 июлдан депозит ваучерларни расмийлаштириш амалга оширилади.

Депозит ваучерини расмийлаштириш, қайтарилиши лозим бўлган чипта нархи суммасига, плюс авиачиптани харид қилган жойи бўйича шу суммадан 5%га тенг бонус тақдим этилади.

Депозит ваучерлари уларни расмийлаштириш санасидан бошлаб йил давомида йўловчилар томонидан “Uzbekistan Airways” АЖнинг рейсларидаги ҳар қандай бошқа ташув тўловлари ёки қўшимча хизматлар тўловлари учун фойдаланилиши мумкин.

Ваучерни расмийлаштириш санасидан бир йил ўтиши билан депозитнинг фойдаланилмаган суммаси йўловчига дастлабки тўлов шаклида қайтарилади.


Каналга уланиш: 👇
@hudud_inform

#Долзарб

Қатор ташкилотларнинг монопол ҳуқуқ ва имтиёзлари бекор қилиниши мумкин

Монополияга қарши курашиш қўмитаси рақобат муҳитига салбий таъсир кўрсатадиган тадбиркорлик субъектларига бериладиган эксклюзив ҳуқуқлар, имтиёзлар, индивидуал солиқ ва божхона имтиёзларини бекор қилиш тўғрисидаги Ўзбекистон Республикаси Президентининг Фармони ва Қонун лойиҳаларини ишлаб чиқди. Бу ҳақда қўмита ахборот хизмати хабар берди.

Лойиҳаларда "Ўзметкомбинат" AЖнинг қора металларни, “Ўзавторсветмет” AЖнинг рангли металларни, "Давлат белгиси" ДУКнинг турли хил қоғоз маҳсулотларини ишлаб чиқаришидаги монопол ҳолати ва эксклюзив ҳуқуқларини, “Ўзстандарт” Aгентлигига тегишли ўлчов воситаларини текшириш ва штрих-кодларни бериш бўйича корхоналари каби монополияларни бекор қилиш кўзда тутилган. Бундан ташқари муайян соҳаларда лойиҳалаш ишлари учун индивидуал дизайн институтлари, алоҳида давлат идораларига хизмат кўрсатадиган индивидуал суғурта компаниялари монопол ҳолати бекор қилиниши кўзда тутилган.

Шунингдек, бизнес учун тенг бўлмаган шарт-шароитларни, хусусан, "Ўзбекипаксаноат", "Ўзёғмойсаноат", "Ўзэлтехсаноат", "Паррандасаноат", "Ўзбекистонасаларичилари", "Картошка ишлаб чиқарувчилар", "Ўзчармсаноат" каби турли бирлашмалар, уюшмалар аъзоларига, “Халқ банк”, “Микрокредитбанк”, “Aгроэкспортбанк” тижорат банклари, индивидуал пахта ва тўқимачилик кластерларга бериладиган имтиёз ва преференцияларини бекор бўлиши кўзда турилган.

Ушбу рўйхатни тўлдириш учун аҳолидан таклифларни кутиб қоламиз, дейилади хабарда.

Каналга уланиш: 👇
@hudud_inform

#Долзарб

“Кема ҳайдовчиларини тайёрлаш, қайта тайёрлаш ва уларнинг малакасини ошириш чора-тадбирлари тўғрисида” Ҳукумат қарори қабул қилинди.

Бу ҳақда Адлия вазирлиги ахборот хизмати хабар берди.

Қарорга мувофиқ, кема ҳайдовчиларини тайёрлаш, қайта тайёрлаш ва уларнинг малакасини ошириш ҳамда кема ҳайдовчиси гувоҳномаларини бериш қуйидагилар томонидан амалга оширилади:

• Транспорт вазирлиги – I, II ва III гуруҳларга кирувчи кемалар бўйича;

• Фавқулодда вазиятлар вазирлиги – кичик ҳажмли кемалар бўйича;

• Давлат хавфсизлик хизмати Чегара қўшинлари – ўзига тегишли I, II ва III гуруҳларга кирувчи кемалар ҳамда кичик ҳажмли кемалар бўйича;

• I, II ва III гуруҳларга кирувчи кемалар ва (ёки) кичик ҳажмли кема ҳайдовчиларини тайёрлаш, қайта тайёрлаш ва уларнинг малакасини ошириш Таълим сифатини назорат қилиш давлат инспекцияси томонидан нодавлат таълим хизматлари кўрсатиш соҳасидаги фаолият бўйича берилган лизензияга эга бўлган юридик шахслар томонидан ҳам амалга оширилади.

Қарор билан Кема ҳайдовчиларини тайёрлаш, қайта тайёрлаш ва уларнинг малакасини ошириш ҳамда кема ҳайдовчиси гувоҳномаларини бериш тартиби тўғрисида низом тасдиқланди.

Низомга мувофиқ, кема ҳайдовчиларини тайёрлаш, қайта тайёрлаш ва уларнинг малакасини ошириш шартнома асосида амалга оширилади.

Талабгор кема ҳайдовчиси гувоҳномасини олиш учун назарий ва амалий имтиҳонлар (тест синовлари, суҳбат (билет асосида), кемани бошқариш бўйича амалий имтиҳон) топширади.
Имтиҳонлар натижалари бўйича талабгорларга кема ҳайдовчиси гувоҳномалари берилади.
Гувоҳномалар ваколатнома (ишончнома) билан берилмайди ҳамда у берилган кундан бошлаб 10 йил муддатга амал қилади.

Қарорга мувофиқ, аввал берилган кема ҳайдовчиси гувоҳномалари 2020 йил 31 декабрга қадар ҳақиқий ҳисобланади.

Каналга уланиш: 👇
@hudud_inform

#Долзарб

❗️Коронавирус бўйича мамлакатдаги вазият.

⚡️Соғлиқни сақлаш вазири биринчи ўринбосари, Санитар-эпидемиологик осойишталик агентлиги директори Баҳром Юсуфалиев.

📌 Дунёда эпидимиологик вазият оғирлашиб бормоқда;

📌 Ўзбекистонда охирги ҳафта ичида касаллар сони уч мингга кўпайган;

📌 Ўзбекистонда охирги ҳафтада ўлим кўрсаткичлари ҳам икки баробарига кўпайган;

📌 Бир кунда тўрт юздан зиёд касал аниқланмоқда.

📌 Агарда фуқарода коронавирус касаллагининг аломати сезилса, дарров ўзи яшайдиган ҳудуддаги поликлиникага мурожаат қилиши керак.

📌 Ҳар битта поликлиникада “Эпид.гуруҳ”лар тузилган;

📌 Мазкур гуруҳ аъзолари бемор аниқланган жойга бориб, касалликнинг шаклигига кўра, уйда даволанишга қолдириш ёки шифохонага ётқизиш бўйича қарорга келади.

📌 Касаллик аломатлари аниқланган беморлар учун Тошкент шаҳри ва Тошкент вилоятида яшовчилар учун 1105 қисқа рақамли Call-марказ ишга туширилди;

📌 Республика бўйича 1003 қисқа рақамли Call-марказ фаолият кўрсатмоқда.

📌 Кунига 450-460 та касал аниқланмоқда;

📌 Чет мамлакатлардан келитрилаётган минглаб фуқароларимиз карантин ҳудудларига жойлаштрилиб, тест олинмоқда;

📌Шифохоналарда даволанаётган беморлардан ҳам тестлар олинмоқда;

📌 Бир кунда йигирма беш минггача тест ўтказилмоқда.

📌 Хеч қандай сабабларсиз тест топшириш нотўғри;

📌 Агар касаллик аломатлари бўлса, уйда чиқмасдан Call-марказларига қўнғироқ қилиш ёки поликлиникага мурожаат қилиш керак;
биринчи навбатда беморлардан, карантин ҳудудларида жойлашганлардан ва клиник-эпидимиологик белгилари бўлган шахслардан олинади;

📌 Хеч бир давлат 100 фоиз аҳолини тестдан ўтказа олмайди (Ўзбекистон ва Жанубий Корея давлатлари тажрибаси).

📌Касаллик сонини ошишини ҳисобга олиб, эндиликда ҳар бир туманда тест олиш масалалси қўйилган;

📌 Тест топшириш тўғрисидаги барча маълумотларни Koronavirus Info телеграм каналидан олишлари мумкин.

Каналга уланиш: 👇
@hudud_inform

#Долзарб

"Тонировка" қилиш нархи арзонлаштирилди

Автомобилларнинг "тонировка" қилиш нархи арзонлаштирилиб, БҲМнинг 5 баравари этиб белгиланди. Орқа ва олд ён ойналар бўйича тусини ўзгартириш тўлови миқдори эса аввалгидек сақланиб қолди.

М1, N1 ва N2 тоифага оид автотранспорт воситалари орқа ён ойналарининг тусини ўзгартиришга (қорайтиришга) рухсатнома бериш учун тўлов ставкалари жисмоний шахслар учун базавий ҳисоблаш миқдорининг 5 баравари (1 млн 115 минг сўм) этиб белгиланди. Бунга қадар ушбу миқдор БҲМнинг 10 баравари (2 млн 230 минг сўм) эди.

Юридик шахсларга орқа ён ойнани қорайтириш учун тўлов миқдори ўзгармаган — 2 млн 230 минг сўм.

Шунингдек, орқа ва олд ён ойналар бўйича тусини ўзгартиришнинг тўлови миқдори ҳам аввалгидек сақланиб қолди, яъни жисмоний ва юридик шахслар учун 11 млн 150 минг сўм миқдорини ташкил этади.

Каналга уланиш: 👇
@hudud_inform

#Долзарб

Интернет тармоғида Ўзбекистон МТТларида рус тилининг “иккинчи она тили” сифатида ўрганилишига оид хабарлар тарқалмоқда. Ушбу хабарлар нотўғри талқинда эканлиги ва ҳақиқатдан йироқлиги ҳақида Мактабгача таълим вазирлиги ахборот хизмати қуйидагиларни маълум қилади:

- МТТлардаги таълим-тарбия жараёнида иккинчи тил ўрганилиши кўзда тутилган (тил билувчи ўқитувчининг борлиги инобатга олинган ҳолда). Ушбу иккинчи тил исталган тил, хусусан, рус тили ҳам бўлиши мумкин;

- ота-оналар истаги билан болалар таълим рус тилида олиб борилувчи ва рус тилида сўзлашувчи гуруҳларга ўтказилиши мумкин;

- таълим ўзбек тилида олиб борилувчи гуруҳларда, шунингдек, енгил, базавий кўринишда рус тилини ўрганиш, рус тилида сўзлашувчи гуруҳларда эса давлат тилини ўрганиш кўзда тутилган.Тил билувчи ўқитувчилар бўлса – инглиз, немис, корейс ва бошқа тиллар ҳам ўргатилиши мумкин.

Айни дамда МТТларда иккинчи тилни ўргатишни йўлга қўйишда ҳал қилиниши муҳим бўлиб турган масалалардан бири - болаларни иккинчи тилга ўргатувчи мутахассисларни тайёрлашдир. Айнан шу боис, Мактабгача таълим вазирлиги томонидан кадрлар тайёрлаш йўналишида тинимсиз иш олиб борилмоқда. Шу жумладан, таълимни рус ва инглиз тилларида олиб бора оладиган мутахассислар Тошкентдаги Пучон Университетининг филиали ҳамда очилиши 2021 йилда кутилаётган А.И. Герцен номидаги Россия педагогика университетининг филиалида тайёрланиши кўзда тутилган;

- Ўзбекистон мактабгача таълим соҳасига “иккинчи она тили” деган иборанинг қиритилиши ва унинг қўлланилиши режалаштирилмаган.

Каналга уланиш: 👇
@hudud_inform

#Долзарб

РОССИЯДА ИШЛАШ УЧУН ҲУЖЖАТ ТАЙЁРЛАШ ОСОНЛАШТИРИЛМОҚДА

✔️ Давлатимиз раҳбари раислигида жорий йил 17 августда хорижда меҳнат қилаётган фуқароларимизга муносиб шароитлар яратиш ва улар билан тизимли ишлаш юзасидан ўтказилган видеоселектор йиғилиши, шунингдек, 11 сентябрда қабул қилинган “Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида”ги Президент қарорида Россия Федерацияси билан боғлиқ бўлган меҳнат миграциясига оид муҳим масалалар, хусусан, “Паспорт-виза хизмати” ваколатхонасини Ўзбекистонда очиш ва бошқа вазифалари белгиланган.

🤝🇷🇺🇺🇿 Ушбу масалалар ижросини таъминлаш мақсадида таклиф этилган Россия Федерацияси Ички ишлар вазирлиги «Паспорт ва виза хизмати» федерал давлат унитар корхонаси раҳбари С.Машин бошчилигидаги делегация аъзоларининг Ўзбекистонга ташрифи доирасида Бандлик ва меҳнат муносабатлари вазирлигида учрашув ташкил этилди.

⚡️ Вазирлар Маҳкамаси ҳузуридаги Хорижда вақтинчалик меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш ва халқаро иқтисодий ҳамкорлик масалалари департаменти бошлиғи М.Хайриддинов, Бандлик ва меҳнат муносабатлари ва Ички ишлар вазирликлари вакиллари ҳамда Россия Федерацияси “Паспорт-виза хизмати” раҳбари С.Машин, РУДНнинг Ўзбекистондаги ваколатхонаси раҳбари А.Колесников иштирокида ўтказилган учрашувда айни пайтда Россияда ишлаётган ва ушбу мамлакатда ишлаш истагидаги фуқаролар учун қулайликлар яратиш билан боғлиқ масалалар муҳокама этилди.

✍️ Бу ҳақда вазирлик ахборот хизмати қуйидагиларни маълум қилди.

❗️ Учрашувда таъкидландики, Россия Федерацияси ҳудудида ишлашда талаб этиладиган патентни расмийлаштириш учун ўртача 20 кундан 30 кунгача вақт талаб этилади. Бу вақт оралиғида фуқаронинг ишлаши мумкин эмас ва табиийки, бу жараён меҳнат мигрантларидан ортиқча вақт ва харажат талаб этади. Эндиликда, Россия «Паспорт ва виза хизмати»нинг Ўзбекистонда очилиши режалаштирилаётган ваколатхонаси ҳамда РУДНнинг мамлакатимиздаги ваколатхонаси орқали патент учун талаб этиладиган ҳужжатларнинг аксарият қисми, хусусан, рус тили, Россия қонунчилиги ва тарихини ўргатиш ва тегишли сертификат бериш ишлари Ўзбекистонда амалга оширилади. Шу билан бирга, кетишдан аввал тиббий кўрикдан ўтиш ва Россия Федерацияси ҳудудига кириш учун тақиқ бор-йўқлигини текшириш имкониятини яқин вақтда яратиш ҳам режалаштирилмоқда.

Каналга уланиш: 👇
@hudud_inform

#Долзарб

Шавкат Мирзиёев «Мамлакатимизда ўзбек тилини янада ривожлантириш ва тил сиёсатини такомиллаштириш чора-тадбирлари тўғрисида»ги Фармонни имзолади.

Фармонга мувофиқ, 2020–2030 йилларда ўзбек тилини ривожлантириш ва тил сиёсатини такомиллаштириш концепцияси ҳамда асосий йўналишлари тасдиқланди.

Асосий йўналишлар қуйидагиларни назарда тутади:

— 2025 йилга қадар давлат мактабгача таълим тизимида ўзбек тилли гуруҳлар қамровини 72 фоизга, 2030 йилгача эса 80 фоизга етказиш;

— 2030 йилга қадар умумтаълим мактабларида ўқув йиллари учун таянч ўқув режаларида она тили фанини ўқитиш кўламини амалдаги ҳафтада 84 соатдан 110 соатгача ошириш;

— олий таълим муассасаларида ўзбек тили кафедралари сонини 2025 йилга қадар 120 тага, 2030 йилгача эса 140 тага етказиш;

— лотин ёзувига асосланган ўзбек алифбосида “Ўзбекистон миллий қомуси” жилдларини нашр этишни босқичма-босқич кўпайтириб бориш;

— 2020 йилда ўзбек тилининг луғат бойлигини оширувчи 15 та лингвистик, соҳавий-терминологик, изоҳли луғатлар яратиш;

— телерадиоканаллар сухандон-бошловчиларининг ўзбек адабий тилидаги нутқ маданиятини оширувчи қайта тайёрлов курсларида ўқитиш тизимини жорий этиш ва қамровни 2030 йилгача 100 фоизга етказиш;

— 2025 йилга қадар давлат тилида соҳавий иш юритиш ҳужжатларининг ягона электрон намуналарини ишлаб чиқиш ва улардан фойдаланиш учун 14 та онлайн дастур ишлаб чиқиш, 2030 йилгача эса ушбу кўрсаткични 25 тага етказиш;

— дастурий маҳсулотларнинг ўзбекча иловалари ва электрон луғат дастурларини яратиш;

— хорижликлар учун ўзбек тилини ўргатувчи дастурлар яратиш;

— 2030 йилга қадар хорижий олий таълим муассасаларида ўзбек тилини ўргатувчи марказлар сонини амалдаги 17 тадан 60 тагача кўпайтириш;

— 2025 йилга қадар “Ўзбек тилининг дўстлари” клублари сонини 30 тага, 2030 йилгача эса 40 тага етказиш.

Каналга уланиш: 👇
@hudud_inform

#Долзарб

⚡️Ўзбекистонда коронавирусга қарши вакцинанинг клиник синовлари ўтказилиши режалаштирилди

Бу ҳақда Инновацион ривожланиш вазирлиги маълум қилди.

✅21 октябрь куни Инновацион ривожланиш вазирлиги коронавирусга қарши рекомбинант вакцинанинг клиник синовларини Ўзбекистонда ташкил этиш масаласи бўйича Хитой Фанлар Академияси Микробиология институти ва “Anhui Zhifei Longcom Biopharmaceutical” компанияси вакиллари билан музокаралар ўтказди.

✅Музокаралар давомида ўтказиладиган клиник синовларнинг барча босқичлари муваффақиятли якунланган тақдирда, Ўзбекистон ушбу вакцинани биринчилардан бўлиб ҳамда арзон нархларда харид қилишда устуворликка эга бўлиши таъкидланди.

✅Инновацион ривожланиш вазирлиги мутахассислари хитойлик ҳамкорлар билан эмлаш жараёнини ташкил этиш, жараёнга тайёргарлик кўриш масалаларини муҳокама қилди.

Каналга уланиш: 👇
@hudud_inform

#Долзарб

Бош вазир мамлакатимиз кино ижодкорлари билан учрашди

✍️ Бу ҳақда Ўзбекистон Республикаси Бош вазирининг Ахборот хизмати қуйидагиларни маълум қилди.

📝 Жорий йил апрель ойида бир гуруҳ киноижодкорлар соҳадаги муаммо ва камчиликларни бартараф этиш юзасидан амалий ёрдам сўраб Ўзбекистон Республикаси Бош вазири Абдулла Ариповга мурожаат қилган эди.

🎥 “Ўзбек кинематографияси: бугунги кун ва истиқбол” мавзусида давра суҳбати шаклида ўтган ушбу учрашувда Бош вазир Президент Шавкат Мирзиёевнинг 2017 йил август ойида Ўзбекистон ижодкор зиёлилари вакиллари билан учрашувда ҳукумат олдига қўйган қатор вазифалар ижроси бўйича амалга оширилган ишлар ҳақида қисқача маълумот берди.

✔️ Соҳада ўз ечимини кутаётган муаммолар ҳам борлиги, яъни, муайян киностудияларнинг моддий-техника базаси жисмоний ва маънавий жиҳатдан эскиргани, кинофильмларни молиялаштириш тизимининг бугунги кун талабларига жавоб бермаслиги, кинотеатрлар ва малакали кадрлар етишмаслиги, яратилган фильмлар тарғиботи суст кечаётгани таъкидланди.

Ҳукумат раҳбари кино санъати инсон савияси юксалишида муҳим роль ўйнашини, шунинг учун сонга эмас сифатга эътибор қаратиб, ғояси ва тарбиявий аҳамияти юқори бўлган бадиий фильм ва сериаллар яратиш лозимлигини билдирди.

👉 Шунингдек, жамиятда халқимиз, аввало, ёшлар онгига миллий ва умумбашарий қадриятларга ҳурмат, она Ватанга муҳаббат туйғуларини сингдиришда катта таъсир кучига эга бўлган кино санъатининг ролини ошириш бугунги куннинг талаби эканини қайд этди.

👆 Тадбирда кейинги вақтларда ғоя ва савия жиҳатдан саёз фильм ва сериаллар нисбатан кўпайди, уларда адабий тил қоидаларига айтарли риоя қилинмаётир, кинотеатрлар суст фаолият юритмоқда, дубляж санъати ривожига эътибор йўқолган, мультипликацион ва анимацион фильмлар яратиш талаб даражасида эмас, яратилган фильмларнинг тарғиботи айтарли йўлга қўйилмаган. Шу сингари камчиликлар соҳа ривожига салбий таъсир кўрсатмоқда.

🤝 Кино санъати ривожи йўлида бу каби учрашув ва давра суҳбатларини тез-тез ўтказиб туришга келишиб олинди.

Каналга уланиш: 👇
@hudud_inform

#Долзарб

❗️ Кўчмас мулкка эгалик ҳуқуқингизни рўйхатдан ўтказинг ва уйингизни ҳимоя қилинг.

✍️ Видеоматериал Давлат солиқ қўмитаси ҳузуридаги Кадастр агентлиги ахборот хизмати томонидан тайёрланди.

Каналга уланиш: 👇
@hudud_inform