#Фарғона_вилояти

Фарғона вилоятининг кредит рейтинги халқаро даражада “Барқарор” дея баҳоланди

S&P (Standard & Poor's) Global Ratings халқаро рейтинг агентлиги 2023 йил 8 декабрь куни эълон қилган ҳисоботида Фарғона вилоятининг хорижий ва миллий валютадаги узоқ муддатли кредит рейтингини B+ даражасида “Барқарор” деб қайта тасдиқлади. S&P томонидан Фарғонага B+ даражасидаги “Барқарор” прогнозли кредит рейтинги илк бор 2022 йил 3 июнь куни берилган эди.

S&P Global Ratings янги ҳисоботида Фарғона вилояти бюджетининг юқори ўсиш кўрсаткичлари ҳамда тижорий қарздорликнинг мавжуд эмаслиги алоҳида эътироф этилган.

https://t.iss.one/hudud_inform

Расмий муносабат

📌А373 “М39 а/й. —Гулистон—Бўка—Ангрен—Қўқон ва Андижон орқали Ўш” автомобил йўлининг 245- км. қисми "Водий—Тошкент" йўналишида юк автотранспорт воситаси носозлиги сабабли автотранспорт қатнов қисмида тўхтаб қолган.

❗️Шу сабабли автотранспортлар ҳаракати секинлашган.

✅Айни вақтда тегишли ташкилотлар билан вазият бартараф этилди ва автотранспорт воситалари икки томонлама хавфсиз ҳаракатланмоқда.

‼️"Қамчиқавтойўл" ИЙФУК “Қамчиқ" довони орқали ҳаракатланаётган барча ҳайдовчилардан об-ҳаво шароитини инобатга олган ҳолда тезликни меʻёрдан оширмасдан, оралиқ масофани сақлаб ҳаракатланишларини ва барча хавфсизлик чораларини кўришларини тавсия қилади.

https://t.iss.one/hudud_inform

🏫 Декабрнинг охирги 10 кунлиги ва январь ойининг биринчи 10 кунлигида ўрта махсус, профессионал ва ОТМ талаба (ўқувчи)ларининг ҳар йилги 2 ҳафталик қишки таътили ўтказилади.

➡️ Қишки таътил кунлари талаба ва ўқувчилар яшаш жойларига боришлари ва таълим муассасасига ўз вақтида қайтиб келишлари учун вақтинча кўпайтирилган транспорт воситалари қатнови йўлга қўйилиши назарда тутилган.

⚠️ Таътил бошланишидан 10 кун аввалдан бошлаб чиптанинг тўлиқ қийматидан 50 фоизли чегирма тўлови асосида республика ичида ҳаракатланувчи тезюрар ва йўловчи (юқори тезликда ҳаракатланувчи поездлар ва барча йўловчи поездларнинг СВ, ВИП вагонлари бундан мустасно) поездларига ҳамда маҳаллий авиарейсларга чипталарнинг эконом синфи тарифи қийматидан 50 фоизли чегирма тўлови асосида сотувини ташкил этиш тавсия этилган.

☑️ Қишки таътилда ўқувчи ва талабаларнинг шаҳарлараро автобус қатнови орқали ҳаракатланиши учун имтиёзлар тақдим этилиши белгиланган.

https://t.iss.one/hudud_inform

‼️491 та хўжалик субектларига нисбатан 49,9 млрд сўмлик молиявий жарималар қўлланилди

Солиқ қўмитаси алкогол ва тамаки маҳсулотлари реализацияси билан шуғулланувчиларда ўтказилаётган солиқ назорати тадбирлари тўғрисида қуйидагиларни маълум қилади:

📄 Ўзбекистон Республикасида 2021-йил 1-январдан алкогол ва тамаки маҳсулотларини мажбурий рақамли маркировкалаш жорий этилган.

🔹2022-йил 13-июнгача (1 йилу 6 ой ) алкогол ва тамаки маҳсулотлари сотувчиларига маркировкаланмаган маҳсулотларни савдодан олиб ташлаш имконияти берилди.

🔹Шунга қарамай, солиқ органлари томонидан фуқаролар мурожаатлари асосида ўтказилган текширишлар давомида алкогол ва тамаки маҳсулотлари савдоси қоидаларини кўп миқдорда бузиш ҳолатлари аниқланди.

🔹Хусусан, фақат жорий йилнинг октябр-декабр ойлари давомида рақамли маркировкаланмаган 1,9 млрд сўмлик 168,7 минг дона алкогол ва 0,9 млрд сўмлик 81,4 минг дона тамаки маҳсулотлари олиб қўйилди.

Рақамли маркировкаларнинг йўқлиги бир қатор салбий оқибатларга олиб келади:

➖Биринчидан, товарнинг келиб чиқиш манбасини аниқлаб бўлмайди, бу эса соғлиққа жиддий зарар етказиши мумкин бўлган контрафакт ва қалбаки маҳсулотларни аҳолига сотиш хавфини сезиларли даражада оширади.

➖Иккинчидан, маркировкаланмаган маҳсулотлар савдоси натижасида мажбурий бўлган солиқлар ва йиғимларнинг тўланмай қолиши Давлат буджетига зарар келтиради.

➖Учинчидан, “уддабурон” тадбиркорлар томонидан алкогол ва тамаки маҳсулотларининг солиқ ва йиғимлар тўланмаган ҳолда реализация қилиниши интизомли тадбиркорлар учун рақобат майдонида тенгсизликни келтириб чиқаради.

Батафсил

https://t.iss.one/hudud_inform

#Самарқанд_вилояти

Самарқанд делегацияси Шандунда

📹 Видеолавҳа Самарқанд вилояти ҳокимлиги ахборот хизмати томонидан тақдим этилди.

https://t.iss.one/hudud_inform

Навоий вилоятининг Хатирчи туманида зилзила содир бўлди. Магнитуда М=4,2.

Хатирчи ва Навбаҳор туманларида зилзила сезилиш кучи 3-4 баллга етган бўлса, Навоий шаҳри 2 балл, Нарпай, Каттақўрғон, Нурота, Пахтачи, Кармана ва Қўшработ туманларида 2 баллни ташкил этди.

https://t.iss.one/hudud_inform

#Тошкент_шаҳар

❄️ Тошкент бугун

https://t.iss.one/hudud_inform

Тошкентда автобус бошқариш вақтида телефондан фойдаланган 7 ҳайдовчи ишдан бўшатилди

Тошкент шаҳрида автобусни бошқариш вақтида уяли алоқа воситасидан фойдаланган 7 нафар ҳайдовчи ишдан бўшатилди. Бу ҳақда "Тошшаҳартрансхизмат" АЖ ахборот хизмати хабар берди.

Қайд этилишича, жорий йилнинг 11 декабрь куни "Тошшаҳартрансхизмат" АЖ бошқарув раиси Анвар Жўраев томонидан автобусни бошқариш вақтида уяли алоқа телефонидан фойдаланиш ҳолати юзасидан назорат тадбири (рейд) ўтказилган.

Рейд натижалари бўйича 7 нафар ҳайдовчи автобусни бошқариш вақтида уяли алоқа воситасидан, яъни телефондан фойдаланаётганлиги аниқланган. Амалдаги йўл ҳаракати қоидаларининг II-боб, 12-бандини (МЖтКнинг 128-1-моддаси) қўпол равишда бузганлиги ва корхона ички меҳнат тартиб қоидаларини бузганлиги учун қуйидаги ҳайдовчилар билан тузилган меҳнат шартномаси бекор қилинди:

1. Б.Ф.(2-автобус саройи, 89-йўналиш ҳайдовчиси
2. Б.И (4-автобус саройи, 135-йўналиш ҳайдовчиси)
3. Н.И. (5-автобус саройи, 44-йўналиш ҳайдовчиси)
4. Р.Т. (8-автобус саройи, 43-йўналиш ҳайдовчиси)
5. Ж.Ш. (18-автобус саройи, 35-йўналиш ҳайдовчиси)
6. К.Ҳ. (18-автобус саройи, 46-йўналиш ҳайдовчиси)
7. Э. А. (18-автобус саройи, 53-йўналиш ҳайдовчиси)

"Ҳурматли жамоат транспорти йўловчилари! Жамоатчилик назоратини кучайтириш учун, агарда Сиз автобус ҳайдовчисининг уяли алоқа телефонидан фойдаланаётганлигини гувоҳи бўлсангиз "Тошшаҳартрансхизмат" АЖнинг 1062 ишонч рақамига мурожаат қилишингизни ёки бизнинг Инстаграмдаги расмий саҳифамиз "@toshbus"ни белгилаган ҳолда қоидабузарлик содир этаётган ҳайдовчи ҳақида пост орқали хабар беришингизни сўраймиз. Биз, албатта, ушбу камчиликларни бартараф қилиш чораларини кўрамиз," дейилади хабарда.

https://t.iss.one/hudud_inform

✳️ Қонунчиликка кўра, ов қилиш ва балиқ овлашнинг тақиқланган қуролларини ёки воситаларини тайёрлаш, олиб кириш, сақлаш, ташиш ёки юбориш, олиш ёхуд сотиш, ҳуқуқбузарлик қуроли ва ашёларини мусодара қилган ҳолда қуйидагича миқдорда жарма солишга сабаб бўлади:

➖фуқароларга БҲМнинг 3 бараваридан 5 бараваригача (1 млн 20 минг сўмдан 1 млн 700 минг сўмгача);

➖мансабдор шахсларга БҲМнинг 7 бараваридан 10 бараваригача (2 млн 380 минг сўмдан 3 млн 400 минг сўмгача).

‼️Қонунни билмаслик жавобгарликдан озод қилмайди...

https://t.iss.one/hudud_inform

Қашқадарё вилоятидаги «Ҳисор» қўриқхонаси ҳудудида тарихда биринчи марта 4 та қор қоплони гуруҳи кузатилди.

Маълумотларга кўра, «Ҳисор» қўриқхонасида 50 га яқин қор қоплонлари яшайди. Улар маҳаллий даражада кенг тарқалган ва йўқолиб кетиш хавфи остида турган кичик тур сифатида "Қизил китоб"га киритилган.

Эслатиб ўтамиз, жорий йилнинг 11 декабридан “Қизил китоб”га киритилган ҳайвонларни овлаганлик учун жазони кучайтириш тўғрисидаги қонунга киритилган ўзгартиришлар кучга кирди. Уларга кўра, қор қоплонларини ноқонуний овлаш БҲМнинг 3000 баробари (1 миллиард 20 миллион сўм) миқдорида жаримага сабаб бўлади.

https://t.iss.one/hudud_inform

National Geographic журнали йил фотосуратларини эълон қилди. Улар орасида Ўзбекистонда олинган сурат ҳам бор.

Нашрга кўра, унда Сурхондарёнинг Жарқўрғон туманида ўғилни Тошкентга ўқишга кузатиш жараёни акс этган.

Сурат муаллифи: Matthieu Paley

https://t.iss.one/hudud_inform

⚡️Пахта хомашёсини сотиш ва сотиб олиш бўйича янги тизим жорий этилади

Ўзбекистон Президентининг "Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари тўғрисида"ги фармони эълон қилинди.

Унга кўра, 2024 йил ҳосилидан бошлаб:

➖пахта хомашёсини етиштирувчи хўжаликлар ва кластерлар ўртасида пахта хомашёсини етказиб бериш бўйича фьючерс шартномалари тупроқ ҳосилдорлиги нормативлари доирасида Ўзбекистон республика товар-хомашё биржасининг “пахта хомашёси секцияси”да ҳар бир ҳудуд бўйича алоҳида ўтказиладиган савдолар натижаларига кўра тузилади;

➖фьючерс шартномасига мувофиқ етказиб берилиши лозим бўлган ҳажмдан ортиқча етиштирилган, шунингдек, кластер билан фьючерс шартномаси тузмаган ҳолда, ўз маблағлари, шу жумладан жалб қилинган маблағлари ва тижорат кредитлари ҳисобига етиштирилган пахта хомашёси етиштирувчилар томонидан биржа орқали тадбиркорлик субъектларига сотилади ёки қайта ишланади. Бунда, фьючерс шартномаси бўйича ортиқча етиштирилган пахта хомашёси фьючерс шартномаси тузилган кластерга тўғридан-тўғри сотилиши мумкин;

➖пахта хомашёсини қайта ишлашдан олинган пахта толаси ва иккиламчи маҳсулотлар (чигит, линт ва ўлик пахта) тўлиқ ҳажмда биржа орқали сотилади.

https://t.iss.one/hudud_inform

⚡️Ўзбекистондаги пахта толасининг нархи энди Нью-Йорк биржасидаги нархга қараб белгиланади

Янги фармонга кўра, фермер ўзи етиштирадиган пахтанинг миқдорини биржага жойлаштиради ҳамда баландроқ нарх таклиф этган вилоят ичидаги кластер ушбу фермер билан фьючерс шартномасини тузади. Бошланғич нарх Нью-Йорк биржасидаги пахта толасининг охирги 12 ойдаги ўртача нархи асосида белгиланади.

https://t.iss.one/hudud_inform

Biz millatimiz otalari Behbudiy, Munavvarqori, Fitrat, Avloniy, Cho‘lpon, Ibrat boshlab bergan yo‘ldan bormoqdamiz. Ularning orzu-umidlarini bayroq singari baland tutgan ekanmiz, jamiyatimizda ilmga intilish, erkinlik, adolat va ravnaq kabi qadriyatlar yanada chuqur qaror topmoqda.
-
Мы идём по пути, который проложили для нас отцы нации: Бехбуди, Мунаварркори, Фитрат, Авлони, Чулпан, Кадыри, Ибрат. Мы подняли их мечты, как знамя, под которым в нашем обществе ещё больше утверждаются стремление к науке, идеалам свободы, справедливости и прогрессу.

✅ Қонунчиликка кўра, маҳаллий иситиш қозонлари ишлаб чиқарувчиларига Ўзбекистон ҳудудига хом ашё ва эҳтиёт қисмларини олиб киришда қўшилган қиймат солиғини 6 ой муддатга фоизлар ҳисобланмаган ҳолда бўлиб-бўлиб тўлаш ҳуқуқи берилиши белгиланган.

https://t.iss.one/hudud_inform

Бугун Олмалиқ кон-металлургия комбинатининг Мис эритиш заводи ўзининг 60 йиллигини нишонламоқда.

https://t.iss.one/hudud_inform

Автотранспортларни ювишда фойдаланилган сув ҳажми учун солиқ ставкалари 12 фоизга индексация қилинади

➖Сув ресурсларидан фойдаланганлик учун солиқ ставкалари саноат корхоналари, электр станциялари, коммунал хизмат кўрсатиш корхоналари, автотранспорт воситаларини ювиш, алкоголсиз ичимликлар ва алкоголли маҳсулотларни ишлаб чиқариш учун фойдаланиладиган сув ҳажми учун 12 фоизга;

➖ иқтисодиётнинг бошқа барча тармоқ корхоналари ва якка тартибдаги тадбиркорлар учун 30 фоизга индексация қилинмоқда;

➖Қишлоқ хўжалиги ерларини суғориш ва балиқларни етиштириш учун фойдаланиладиган сув ҳажми, шу жумладан деҳқон хўжаликлари ва қишлоқ хўжалигига мўлжалланган ерларга эга бўлган жисмоний шахслар учун солиқ ставкаси 100 сўм этиб белгиланмоқда.

https://t.iss.one/hudud_inform

🏬 Республика ҳудудларида аҳоли хонадонларига кичик қувватли (умумий қуввати 50 кВт гача) қуёш панелларини ўрнатишни рағбатлантириш бўйича “Қуёшли хонадон” дастури амалга оширилиши белгиланган.

✅ Дастур доирасида жисмоний шахсларга тегишли объектларда ўрнатилган қуёш панелларида ишлаб чиқарилган ва ўз истеъмолидан орттириб ягона электр энергетика тизимига узатилган электр энергиясининг ҳар бир киловатт-соатига 1 000 сўмдан субсидия ажратилади.

https://t.iss.one/hudud_inform