#МУНОСАБАТ

Ноқонуний ҳаракатлардан тийилиш зарур

ЛГБТ масаласининг ижтимоий тармоқларга муҳокамага кўтарилиши ҳам уюштирилган воқеага ўхшаяпти. Чунки шу ҳолатдан кейин пойтахтимизда бир гуруҳ ёшларнинг ноқонуний чиқишлари рўй берди.

👉БАТАФСИЛ

—

Необходимо воздерживаться от противоправных действий

Поднятие в социальных сетях вопроса, касающегося ЛГБТ, также похоже на подстроенное событие. Ведь именно после этого в столице произошла целая цепь событий с участием группы молодых людей.

👉 ПОДРОБНО

Ижтимоий тармоқлардаги расмий саҳифаларимиз:

Facebook | Telegram | YouTube

#МУНОСАБАТ

Ҳуқуқнинг ҳам ғурури бор ёҳуд аниқ йўлдан чалғимайлик

Сўнгги йилларда Европадан кириб келаётган “оммавий маданият” ва унинг ёшлар ўртасида кенг тарқалаётгани тез-тез тилга олинар, менталитетимизга ёд бўлган бу каби ҳолатлар тан-жонимизга урчиб кетмаслиги учун маърифий-маънавий чоралар билан олдини олишга ҳаракат қилинарди. Энг эътиборлиси, ўзлигимизни сақлаш мақсадида ёшларнинг ўзи шахсий намуна ҳаракатини бошлади.

👉БАТАФСИЛ

—

Право также имеет гордость, или давайте не будем отклоняться от верного пути

В последние годы часто говорилось, что европейская «массовая культура» распространяется среди молодежи, и предпринимались просветительские и духовные меры, для предотвращения подобных случаев чуждые нашему менталитету. Особенность в том, что сами молодые люди личным примером, начали движение по сохранению нациоанальной идентичности.

👉ПОДРОБНО

Ижтимоий тармоқлардаги расмий саҳифаларимиз:

Facebook | Telegram | YouTube

#Муносабат

📱Ижтимоий тармоқда "Перевалда балиқ ёмғири" сарлавҳаси остидаги видео тарқалди

🔹2021 йил 26 ноябрь куни соат 16:30 ларда, Наманган вилояти, Поп тумани ҳудудидан ўтган А-373 "Тошкент-Ўш" автомобиль йўлининг 227-километрида ҳайдовчи, 1976 йилда туғилган Ф.А. бошқарувидаги "Zamyad" русумли автомобилнинг шинаси ҳаво чиқариб юбориши оқибатида, транспортга ортилган бочка ағдарилган ва бочка ичида бўлган балиқ маҳсулотлари автомобиль йўлига сочилиб кетган.

❗️Ҳодиса натижасида тан жароҳати олган фуқаролар йўқ.
‼️Ҳозирда ҳолат юзасидан Наманган вилояти ИИБ ЙҲХБ ходимлари томонидан қўшимча суриштирув олиб борилмоқда.

https://t.iss.one/hudud_inform

#муносабат

📖 Конституцион ўзгартиришларда инсон қадри миллий давлатчилигимизга хос хусусиятлардан келиб чиққан ҳолда таъминланиши кафолатланади

Мухтабар Ҳусанова, Комиссия аъзоси, Олий Мажлис Қонунчилик палатаси депутати:

〰️〰️〰️
🎤 «Президентимиз таклифларида энг устувор ғоя — инсон қадри, инсоний ҳуқуқ ва эркинликларни, манфаатларни самарали таъминлаш ва бунда энг аввало, миллий давлатчилигимиз тажрибаси, ўзлигимизга хос бўлган хусусиятлардан келиб чиққан ҳолда ёндашишга алоҳида эътиборга қаратилган.

Шунингдек, мулк масаласига яна бир карра эътибор қаратилиши, хусусий мулкнинг ҳимоя қилиниши ва кафолатланиши ҳам муҳим аҳамият касб этади».

https://t.iss.one/hudud_inform

#муносабат

Хориждаги ватандошларимизга ғамхўрлик қилиш мамлакат бурчи эканлиги Конституцияда акс этади

Алишер Қодиров,Комиссия раиси ўринбосари, Олий Мажлис Қонунчилик палатаси Спикери ўринбосари:

Фуқароларимиздан келиб тушган таклифларни таҳлил қилишда, уларнинг мамлакатимиз тақдирига лоқайд эмаслигини, Ўзбекистоннинг ривожланишида ҳар бир фуқаро ўз роли ўз вазифасини тўғри англаётганлигини ҳис қилдик.

Учрашувда Президентимиз давлатнинг фуқаролар фаровонлиги учун масъулияти ва мажбуриятини аниқ белгилаб берувчи айрим нормаларни Конституцияда акс эттириш бўйича таклифларни илгари сурдилар.

Хусусан, хорижда яшаётган ўзбекистонлик фуқароларга ҳам ғамхўрлик қилиш давлат бурчи эканлиги ва бу Конституцияда ҳам акс этиши кераклигини таъкидлаб ўтдилар.

Telegram | Facebook | Instagram | Медиабанк

#муносабат

Энди аёллар хусусий секторларда ҳам ҳуқуқлари ҳимояланган ҳолда фаолият кўрсатишлари мумкин

Малика Қодирхонова, Комиссия аъзоси, Олий Мажлис Сенати аъзоси:

Йиғилишда давлатимиз раҳбари 14 дан ортиқ таклиф бердилар. Давлатимиздаги гендер сиёсати, никоҳ масаласи, оила қуришда тарафларнинг эмас, айнан эркак ва аёл розилиги билан никоҳ тузилиши, шунингдек, фарзанд тарбиясидаги ота-онанинг мажбуриятининг белгиланиши қувонарли ҳол.

Яна бир аҳамиятли жиҳати, аёлларимизнинг меҳнат ҳуқуқини муҳофаза қилиш Бош қомусимизда фундаментал норма сифатида акс этиши уларнинг энди хусусий секторларда ҳам қўрқмай фаолият юритишларига сабаб бўлади.

Telegram | Facebook | Instagram | Медиабанк

#муносабат

Алишер Саъдуллаев - Ёшлар ишлари агентлиги директори, Олий Мажлис Сенати аъзоси:

«Аҳолидан келиб тушган 48,5 мингдан ортиқ таклифларнинг деярли 70 фоизини ёшлар юборган. Бу — ёшларимиз Конституцияни ҳис қиляпти, уни ўзининг Конституцияси деб қабул қиляпти, унда фаол иштирок этяпти, дегани.

Энг муҳими — Давлатимиз раҳбари ёшларнинг билим олиши, маданий ҳордиқ чиқариши, соғлом ва салоҳиятли бўлиб камол топиши учун давлат барча шароитларни яратиши ва барчасини ўз бўйнига олишини Конституцияга киритиш кераклиги таклифини илгари сурди.

Бу нима дегани? Бу — Ўзбекистонда туғилгандан бошлаб, мактабгача таълим, мактаб, олий ўқув юртида билим олиши, касб эгаллаши каби барча ҳуқуқларини Конституцияда битта норма билан мустаҳкамлаш дегани. Ҳар бир ёш Конституцияни қўлга олганда, «бу менинг Конституциям, бунинг ичидаги мана шу модда менинг ҳаётда ўз ўрнимни топишимда ёрдам беради», деган ҳиссиётни ўтказиши керак».

Telegram | Facebook | Instagram | Медиабанк

#муносабат

Қутбиддин Бурҳонов, Комиссия аъзоси, Олий Мажлис Сенати аъзоси:

Юрист сифатида шуни таъкидламоқчиманки, Конституцияга киритиладиган ўзгартиришлардан энг муҳими гумонланувчи ва айбланувчилар тўғрисида белгиланадиган тартиблардир.

Гумонланувчи Жиноят процессуал кодекси бўйича бирор жинояни содир қилишда гумонланган, лекин ҳали бу исботланмаган. Бундай вазиятда гумонланувчининг 48 соат ичида айби исботланса унга нисбатан эҳтиёт чорасини қўллаш ёки аксинча айби исботланмаганда зудлик билан озод қилиш масаласи кўтарилди.

Яна бир мисол, фуқаро ўзини айбсизлигини исботлаш учун ҳаракат қилмайди, аксинча давлат ҳуқуқни муҳофаза қилиш идоралари гумонланувчининг айбдор ёки айбсизлигини исботлаши керак бўлади.

Демократик давлатларнинг асосларидан бири Қонун устуворлигини таъминлаш ҳисобланади. Ўзбекистонда олий судловни амалга ошириш Конституция билан мустаҳкамланиши Қонун устуворлигини таъминлашга сабаб бўлади.

Telegram | Facebook | Instagram | Медиабанк

#муносабат

Давлат ҳар қандай масалада фуқароларига кафиллиги илгари эътироф этилган бўлса, энди бу муҳрлаб қўйилмоқда

Борий Алихонов, Комиссия аъзоси, Олий Мажлис Сенати аъзоси:

➖ Конституцияга ўзгартириш киритиш, балки ҳуқуқий назардан ёндашувдир, лекин бу ўзгартириш жамиятни ривожланишига пойдевор яратиши бутунлай бошқа масала. Ўзбекистондаги туб ўзгаришлар даврида Конституция ҳам даврга ҳамоҳанг, давр талабига жавоб берадиган равишда ўзгартирилишини бугун яна бир марта англаб етдик.

Ижтимоий давлат барпо қилиш дегани ҳамма баровар тенг ҳуқуқга эга эканлиги, ижтимоий нуқтаи назардан ҳеч ким бир-биридан кам бўлмайдиган давлатни яратиш ва бу давлат ҳар қандай масалада фуқароларга кафолат бериши олдин эътироф этилган бўлса, энди муҳрлаб қўйиляпти.

Telegram | Facebook | Instagram | Медиабанк

#муносабат

«Барчамиз бу — менинг Конституциям дея оламиз»

Мирафзал Миракулов - Комиссия аъзоси, йиғма ахборот таҳлил бўлими раҳбари:

Ижтимоий давлат — инсон қадри тамойилининг бир механизмидир.

Олдинлари ҳам конституциявий ислоҳотлар бўларди, лекин юрагимизга, ўзимизга, оиламизга яқин сўзларни эшитмасдик.

Президентимизнинг маърузаси инсон — жамият — давлат тамойилига қурилган. Яъни, инсоннинг яшаш ҳуқуқи, унинг уй-жойга эга бўлиши, оилаларни, ёшларни қўллаб-қувватлаш, соғлиқни сақлаш ва ҳакозо.

Маърузада барча соҳа, барча қатлам ўз манфаатини топади. Барчаси бу сўзлар мен ҳақимда, бу менинг Конституциям дея олади».

https://t.iss.one/hudud_inform

#муносабат

Конституциявий ислоҳотлар — халқимизнинг хоҳиш-иродасини намоён этади

Қодир Жўраев, Олий Мажлис Қонунчилик палатаси депутати, Комиссия аъзоси:

«Конституциявий ислоҳотларнинг биринчи босқичига якун ясалди. Биринчи босқичда кўп ишлар амалга оширилди. Биринчи навбатда, халқимиздан 48,5 мингдан ортиқ таклиф келиб тушди. Бу — аҳоли конституциявий ислоҳотларга бефарқ эмаслиги ва фаол иштирок этаётганини намоён этди.

Президентимиз ҳам кўплаб таклифларни илгари сурди. Хусусан, ижтимоий давлат тушунчасини Конституцияга киритиш бўйича муҳим таклифлар берилди. Бу жудаям тўғри, чунки ижтимоий давлат функцияларини, вазифаларини нормалар сифатида Конституцияга киритилиши халқимиз фаровонлиги учун алоҳида аҳамиятга эга.

Конституцияга киритиладиган ўзгаришлар умумхалқ референдуми орқали ташкил қилиниши унинг халқчиллигини оширади, қолаверса, бу ўзгаришлар халқимизнинг хоҳиш-иродасини намоён этгани учун ҳам олий юридик кучга эга бўлади».

https://t.iss.one/hudud_inform

#муносабат

Тинчлик масаласи халқ ва давлатни бирлаштирувчи ягона мақсад ҳисобланади

Мухтабар Ҳусанова, Комиссия аъзоси, Олий Мажлис Қонунчилик палатаси депутати:

Тинчлик масаласига алоҳида Конституциявий даражада эътибор берилганлиги муҳим аҳамиятга эга. Чунки тинчлик масаласи халқ ва давлатни бирлаштирувчи ягона мақсад ҳисобланади.

Яна муҳим таклифлардан бири халқнинг қонунчилик ташаббуси ҳуқуқига эга бўлишидир. Бу давлат халқ иродасини ифода этиб, уларнинг хоҳиш-истакларини кафолатлайди деган Конституциявий тамойил механизмининг амалдаги ифодаси бўлиб хизмат қилади.

https://t.iss.one/hudud_inform

#Муносабат

Ижтимоий тармоқларда Чилонзор туманининг 3-мавзесида пиёдалар йўлаклари, йўл четидаги майдонлар таъмирталаблиги танқид қилинган.

Айни пайтда туманнинг кўплаб маҳаллаларида босқичма-босқич кенг қамровли таъмирлаш ва ободонлаштириш ишлари олиб борилмоқда.

Жумладан, “3-Катта Чилонзор” маҳалласида ҳам биринчи босқичда канал бўйи ҳудудлари сайилгоҳ шаклида таъмирланиб, ўриндиқлар, ёритиш чироқлари ўрнатилди. Дарахтларга шакл берилиб, турли гуллар экилди.

Таъмирлаш ишларининг иккинчи босқичида эса маҳалладаги мавжуд 57 та кўпқаватли уйларнинг атрофини ободонлаштириш, пиёдалар йўлаклари қуриш, суғориш тизимлари ўрнатиш, 32- ва 39-сонли кўпқаватли уйлар орасидаги болалар ўйингоҳларини таъмирлаш каби қатор ишлар амалга оширилмоқда.

Маҳаллаларда қурилаётган пиёдалар йўлаклари техник назорат олиб борувчи ташкилот ҳамда буюртмачи ташкилот ва бевосита туман ҳокимлиги томонидан назорат қилинади ва таъмирлаш ишларининг сифати талабга жавоб бермаган тақдирда қабул қилинмайди.

Шунингдек, пудратчи ташкилот томонидан маҳалладаги 35- ва 36- кўпқаватли уйлар ўртасидаги пиёдалар йўлаги сифатсиз таъмирланганлиги боис, техник назорат жараёнида камчиликлар аниқланди ва қайтадан таъмирлаш ишлари олиб борилиши тўғрисида қурувчи ташкилотга кўрсатмалар берилди. Ҳозирда қурувчи ташкилот томонидан айни манзилдаги тротуарда қайта таъмирлаш ишлари олиб борилмоқда.

Айни пайтда маҳаллада таъмирлаш ва ободонлаштириш ишлари давом этмоқда.

https://t.iss.one/hudud_inform