#Навоий_вилояти

🔰 “Давлатимиз байроғи фахримиз, ғуруримиздир”

“Маҳалла” хайрия жамоат фонди Навоий вилоят бўлими ташаббуси билан Навоий шаҳар “Баркамол авлод” болалар мактаби билан ҳамкорликда Ўзбекистон Республикасининг “Давлат байроғи тўғрисидаги” Қонуни қабул қилинганлигининг 30 йиллигига бағишлаб “Давлатимиз байроғи фахримиз, ғуруримиздир” мавзусида маънавий-маърифий тадбир ташкил этилди.

Тадбирда ўқувчилар ўртасида тасвирий санъат, тўқиш, Хенд-менд (чиқиндилардан ижодий ишлар), мунчоқли безак йўналишлари бўйича ижодий ишлар танлови ўтказилди. Унда иштирокчилар маҳоратларини ишга солган ҳолда Давлатимиз байроғини ўзларининг ижодий ишлари орқали тасвирлаб берди.

Танловга тақдим этилган ижодий ишлар ҳакамлар ҳайъати томонидан кўриб чиқилиб, баҳоланди.

Хенд-менд йўналиши бўйича 1-ўринга Шаҳризода Ҳолиқулова, мунчоқли безак йўналиши бўйича 1-ўринга Марварид Ташқулова, тасвирий санъат йўналишида 1-ўринга Озодбек Эшназаров, тўқиш йўналиши бўйича 1-ўринга Эъзоза Худойқулова муносиб кўрилди.

Танлов ғолиблари ва совриндорларига “Маҳалла” хайрия жамоат фонди Навоий вилоят бўлимининг совғалари топширилди, деб хабар берди фонднинг вилоят бўлими ахборот хизмати.

https://t.iss.one/hudud_inform

#Навоий_вилояти

Навоий шаҳридаги муҳташам “Маънавият ва маърифат маркази”да “Алишер Навоий ижодий меросининг башарият маънавий-маърифий тараққиётидаги ўрни” мавзусидаги IV анъанавий халқаро илмий-амалий конференциясининг ялпи мажлиси бўлиб ўтди деб хабар берди вилоят ҳокимлиги ахборот хизмати.

https://t.iss.one/hudud_inform

#Навоий_вилояти

НАВОИЙ ВИЛОЯТИНИНГ ҚОЗОҒИСТОН БИЛАН ҲУДУДЛАРАРО ҲАМКОРЛИГИ ЯНАДА КЕНГАЯДИ

Айни пайтда Навоий вилояти ҳокими в. б. Нормат Турсунов Ўзбекистон-Қозоғистон Ҳудудлараро ҳамкорлик форумида иштирок этиш мақсадида мамлакатимиз делегацияси билан бирга қўшни республиканинг Туркистон шаҳрида бўлиб турибди.

“Трансчегаравий ҳамкорлик – ўсишнинг янги нуқталари” мавзусидаги мазкур форум Ўзбекистон ва Қозоғистон ҳудудлари раҳбарлари олдига янги вазифаларни қўймоқда ва ўзаро алоқаларни ҳар томонлама ривожлантириш учун қўшимча имкониятлар эшигини очмоқда.

Маълумки, Навоий вилоятининг Учқудуқ, Томди ва Конимех туманлари Қозоғистон Республикаси Қизилўрда вилоятининг Қармақши ва Шиели, Туркистон вилоятининг Шардара туманлари билан чегарадош бўлиб, умумий чегара 620 километрни ташкил этади.

Шунингдек, форумда Нормат Турсунов Навоий вилоятининг иқтисодий ва инвестициявий салоҳияти, ҳудудда яратилган инфратузилма шароитлари ҳақида қозоғистонлик ҳамкорларга батафсил маълумот берди, деб хабар берди вилоят ҳокимлиги ахборот хизмати.

Батафсил

https://t.iss.one/hudud_inform

#Навоий_вилояти

НАВОИЙ ВИЛОЯТИДА ЧИГИТ ЭКИШ ИШЛАРИ БОШЛАНДИ

Навоий вилоятида жорий йил пахта ҳосили учун 32588 гектар майдонга чигит экилади.

Мавсумнинг бошланиши муносабати билан куни кеча вилоятнинг Кармана, Қизилтепа, Навбаҳор (Конимех тумани билан биргаликда) ва Хатирчи туманларида чигит экишни уюшқоқлик билан амалга ошириб, қисқа муддатларда якунлаш чораларини кўриш мақсадида кўргазмали амалий семинарлар ташкил этилди.

Батафсил

https://t.iss.one/hudud_inform

#Навоий_вилояти

Навоий вилояти Томди тумани ҳудудида «Мурунтов» кони таркибида "Балпантоғ" ва "Томдибулоқ" янги конлари очилди.

Конлардан қарийб 15 йил мобайнида йилига 3 миллион тоннадан олтинга бой маъдан қазиб олинади. Конлар 40 миллион тоннадан ортиқ маъдан захирасига эга.

Лойиҳа доирасида конда 650 дан ортиқ янги иш ўрни яратилади.

https://t.iss.one/hudud_inform

#Навоий_вилояти

Нурота туманида муборак Рамазон ҳайити намози "Чашма" зиёратгоҳи мажмуасида ўқилди, деб хабар берди Нурота тумани ҳокимлиги
ахборот хизмати

https://t.iss.one/hudud_inform

#Навоий_вилояти

Ахборот 24 | Навоийда онкология тизимида тиббий хизмат сифатини оширишга қаратилган ишлар самараси
https://t.iss.one/hudud_inform