📢 Эртага, 10 июль куни соат 11:30 АОКАда матбуот анжумани бўлиб ўтади

● Мавзу: Янги "Виждон эркинлиги ва диний ташкилотлар тўғрисида" қонуннинг мазмун-моҳияти ва аҳамияти

● Иштирокчилар:

🔘Акмал Саидов - Олий Мажлис Қонунчилик палатаси Спикерининг биринчи ўринбосари;

🔘Русланбек Давлетов - Ўзбекистон Республикаси адлия вазири;

🔘Дилшод Эшнаев - Дин ишлари бўйича қўмита раиси ўринбосари
〰️〰️〰️〰️

✏️ Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

https://t.iss.one/aoka_uz

🔰 Маъмурий ҳуқуқбузарликка оид ишлар электрон юритилади

“Маъмурий ҳуқуқбузарликлар тўғрисидаги ишларни юритишнинг электрон тизимини жорий этиш бўйича қўшимча чора-тадбирлар тўғрисида”ги Ҳукумат қарори (431-сон, 08.06.2021 й.) қабул қилинди.

📋 Қарор билан Маъмурий ҳуқуқбузарлик тўғрисида ягона электрон иш юритув тизими (“E-ma’muriy ish” тизими) орқали маъмурий ҳуқуқбузарликка оид ишларни юритиш тартиби бўйича низом тасдиқланди.

🌐 Унга кўра, маъмурий жавобгарликка тортилган шахслар тўғрисидаги маълумотларни ваколатли органлар томонидан текшириш, зарур маълумотларни олиш ҳамда улардан фойдаланиш “E-ma’muriy ish” тизими орқали амалга оширилади.

🖥 Ички ишлар вазирлиги “E-ma’muriy ish” тизимини ташкил этиш, унинг сифатли ва узлуксиз фаолият кўрсатишини таъминлаш бўйича масъул орган этиб белгиланди.

📲 Қарорга кўра, маъмурий ҳуқуқбузарлик содир этган шахсларга ҳамда процесснинг бошқа иштирокчиларига (жабрланувчи, гувоҳ, холислар ва бошқа иштирокчиларга) ишни кўриб чиқиш вақти ва жойи ҳақида электрон хабарнома юбориш механизми ишлаб чиқилади.

🔄 2021 йил 1 сентябргача суд қарори билан ёки бошқа сабабларга кўра бекор қилинган маъмурий жарималарни ёки камайтирилган жариманинг фарқи суммасини автоматлаштирилган тарзда фуқароларга қайтариш механизми яратилади.

🔰 Низомга кўра, қуйидагилар маъмурий ишларни юритишда ҳисобга олиш электрон ҳужжатлари ҳисобланади:

▪️ маъмурий баённома;
▪️ маъмурий жазо қўллаш тўғрисидаги қарор.

➡️ Маъмурий жазо қўллаш тўғрисидаги қарор “E-ma’muriy ish” тизими орқали электрон ҳужжат шаклида чиқарилади ҳамда ижро этиш учун ҳуқуқбузарга етказиб берилади.

❕Ҳуқуқбузар унга маъмурий жазо қўллаш тўғрисидаги қарор топширилган кундан бошлаб 15 кун ичида жарима миқдорининг 70 фоизини ихтиёрий равишда тўлаган тақдирда, жариманинг қолган қисмини тўлашдан озод этилади.

☑️ Шунингдек, автомототранспортларни жарима майдончаларига қўйиш ҳамда чиқариш суд ёки ваколатли органларнинг тегишли қарори асосида “E-ma’muriy ish” тизимидан фойдаланган ҳолда амалга оширилади.

⚠️ Агар маъмурий жазо қўллаш тўғрисидаги қарор чиқарилган кундан бошлаб 3 ой давомида ижро этишга қаратилмаган бўлса, бундай қарор ижро этилмайди.

❗️Маъмурий ишларни юритишда қонунларнинг ижроси устидан прокурор назорати “E-ma’muriy ish” тизими орқали амалга оширилиши мумкин.

Каналга уланиш: 👇
@hudud_inform

Диний ташкилотларни тузиш учун МФЙ розилиги бекор қилинди

АОКАда бўлиб ўтаётган матбуот анжуманидан:

⛔️ Диний ташкилотни тузиш учун талаб этиб келинган маҳалла фуқаролар йиғинлари розилигини олиш тартиби бекор қилинди.

🔎Бугунги кунда дунёнинг кўпгина минтақаларида нотинч вазият ҳукм сураётгани туфайли диний омилдан ғаразли мақсадларда фойдаланиш кучайиб бораётганини инобатга олиб, Ўзбекистон ҳудудида бузғунчи ғояларнинг тарқалишига йўл қўймаслик учун диний мазмундаги босма, аудио ва видео маҳсулотларни экспертизадан ўтказиш долзарб бўлиб қолмоқда.

⚠️Қонунда, жамиятда турли ёт қарашларни тарғиб қилаётган гуруҳларнинг фаолияти, улар томонидан тарқатилаётган бузғунчи ғояларнинг салбий таъсиридан аҳолини ҳимоя қилиш мақсадида диний мазмундаги материалларни диншунослик экспертизасининг ижобий хулосасини олгандан кейин тайёрлаш, олиб кириш ва тарқатиш белгилаб қўйилди.

🔖 Бундан ташқари, давлат идоралари томонидан қонун нормалари нохолис талқин қилиниши ва турлича қўлланишининг олдини олиш мақсадида атама ва тушунчаларга таърифлар келтирилди, улар аниқ ва равшан тарзда баён этилди.

🖇Қонун атамаларининг нотўғри талқин қилиниши натижасида турли тушунмовчиликлар, масалага нохолис ёндашув ҳолатлари вужудга келиши мумкин. Шу каби омиллардан келиб чиқиб, Қонунда ҳар бир инсоннинг Конституциямиз билан кафолатланган ҳуқуқларига мос равишда, фуқароларга диний қарашларни мажбуран сингдиришга йўл қўйилмаслиги қатъий белгиланди.

Расмий хабарлар | Медиабанк

15-16 июль кунлари Тошкент шаҳрида "Марказий ва Жанубий Осиё: Минтақавий боғлиқлик. Таҳдид ва имкониятлар" мавзусида юқори даражадаги Халқаро конференция бўлиб ўтади.

https://t.iss.one/aoka_uz

15-16 июля в Ташкенте состоится Международная конференция высокого уровня "Центральная и Южная Азия: Региональная взаимосвязанность. Вызовы и возможности".

https://t.iss.one/aoka_uz

🔰 Янги транспортлар ДЙҲХХ органларида рўйхатдан ўтказишда техник кўрикдан ўтказилмайди

🔘 Транспорт воситалари қуйидаги даврийликка мувофиқ техник кўрикдан ўтказилиши керак:

➖ тижорат асосида йўловчилар ташувчи енгил автомобиллар, автобуслар, троллейбуслар, трамвайлар ва ўриндиқлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспортлар ва уларнинг тиркамалари – бир йилда икки марта;

➖ ишлаб чиқарилганига 6 йилдан кўп бўлмаган транспортлар – икки йилда бир марта;

➖ ишлаб чиқарилганига 6 йилдан ортиқ бўлган, шунингдек ишлаб чиқарилган вақти аниқ бўлмаган транспортлар – бир йилда бир марта;

➖ тиркамалар техник кўрикка транспорт воситаси – шатакчи учун белгиланган муддатларда;

➖ навбатдаги техник кўрикдан ўтказишнинг илгари ўрнатилган муддатларидан қатъи назар, уларни ДЙҲХХ органларида рўйхатдан ўтказиш (қайта рўйхатдан ўтказиш) вақтида.

❗️Янги транспортлар ДЙҲХХ органларида рўйхатдан ўтказишда техник кўрикдан ўтказилмайди.

Каналга уланиш: 👇
@hudud_inform

12 июль куни ўтказилиши режалаштирилган тадбирлар:

〰️〰️〰️
🔰Брифинг

● Мавзу: Уруғлик ғалла майдонларида ўтказилган апробация кўриги натижалари ва жорий йил ҳосили учун уруғлик чигит етиштирилиши назорати бўйича ҳукумат топшириқлари ижроси
● Вақти: 12:00
● Жойи: АОКА мажлислар зали
● Иштирок этади: Холида Шодиева, "Ўзагроинспекция" ахборот хизмати раҳбари

〰️〰️〰️
🔰 Матбуот анжумани

● Мавзу: Ўзбекистон иқтисодиётига инвестицияларни жалб қилиш самарадорлигини таҳлил қилиш ва баҳолаш
● Вақти: 14:00
● Жойи: АОКА мажлислар зали
● Иштирок этади: Инвестициялар ва ташқи савдо вазирлиги мутасаддилари
〰️〰️〰️

🔰Брифинг

● Мавзу: Озарбайжон миллий маданий маркази фаолияти ҳақида
● Вақти: 16:00
● Жойи: АОКА мажлислар зали
● Иштирок этади: Фирдоуси Гусейнов, Республика Озарбайжон миллий маданий маркази раҳбари
〰️〰️〰️

📢 Тадбирлар режасида ўзгаришлар бўлса, қўшимча маълумот берилади.

✏️ Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

https://t.iss.one/aoka_uz

#Жиззах_вилояти

🔰 Жиззах ва Сирдарё вилоятларининг комплекс ривожланишини рағбатлантириш бўйича кейинги қадамлар белгилаб олинди, деб хабар берди Жиззах вилояти ҳокимлиги ахборот хизмати.

Каналга уланиш: 👇
@hudud_inform

15 ва 16 июль кунлари “Toshkent city” мажмуаси атрофидаги йўллар транспорт воситаларининг ҳаракатланиши учун ёпилади

Жорий йилнинг 15 ва 16 июль кунлари пойтахтимизда “Марказий ва Жанубий Осиё: минтақавий ўзаро боғлиқлик. Таҳдид ва имкониятлар” мавзусидаги Халқаро конференция ўтказилади. Мазкур конференцияда 400 дан ортиқ хорижий меҳмонлар иштирок этиши кутилмоқда.

⛔️Ислом Каримов кўчаси: Туробтўла кўчасидан Фурқат кўчасигача бўлган қисми;

⛔️Фурқат кўчасининг маҳаллий йўли: Ислом Каримов кўчасидан Навоий кўчасигача;

⛔️Олмазор кўчаси: Бешёғоч кўчасидан Навоий кўчасигача бўлган қисми

Шунингдек, ушбу кўчаларга туташ йўлларда ҳаракатланиш вақтинча чекланиши мумкин.

Каналга уланиш: 👇
@hudud_inform

Ўзбекистон Республикаси Президенти матбуот котиби Шерзод Асадов ОАВ учун брифингда давлатимиз раҳбари иштирокида ўтган тадбирлар тўғрисида маълумот берди.

Бошланган ҳафтага режалаштирилган айрим тадбирлар ҳақида ҳам ахборот берилди.

Facebook|Instagram|Twitter

15-16 июль кунлари Тошкент шаҳрида "Марказий ва Жанубий Осиё: Минтақавий боғлиқлик. Таҳдид ва имкониятлар" мавзусида юқори даражадаги Халқаро конференция бўлиб ўтади.

Каналга уланиш: 👇
@hudud_inform

⚡️Республика спорт мусобақалари ғолиблари учун имтиёзлар нега бекор қилинганига изоҳ берилди

АОКАда спорт мусобақалари ғолибларининг олий таълим муассасаларига ўқишга қабул қилиш билан боғлиқ масалалар юзасидан матбуот анжумани ўтказилди.

————-

Раҳимжон Ҳакимов, Олий ва ўрта махсус таълими вазири ўринбосари:

🖇 «Ўзбекистон Президентининг «2021/2022 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида»ги Қарорига мувофиқ, 2021/2022 ўқув йилидан бошлаб, Олимпия ва Паралимпия, Осиё ва Параосиё ўйинлари ва жаҳон чемпионатларида охирги уч йилда ғолиб ва совриндор (1–3-ўрин) бўлган спортчи-ўқувчилар давлат олий таълим муассасаларининг бакалавриат таълим йўналишларига кундузги, сиртқи ва кечки таълим шаклларига қўшимча давлат гранти асосида кириш имтиҳонларисиз қабул қилинади.

❌ Илгари бу имтиёз республика спорт мусобақаларида ғалаба қозонган спортчиларга нисбатан ҳам бор эди. Жорий йилдан ушбу имтиёз бекор қилинди.

Имтиёзга эга спортчилар қайси йўналишларга имтиҳонсиз кира олади? Бу борада ҳозирда тегишли таклифлар ишлаб чиқилмоқда ва яқин орада эълон қилинади.

🔎 Нима учун республика мусобақаларидаги имтиёз бекор қилинди? Таҳлиллар шуни кўрсатдики, спорт мусобақалари фақатгина олий таълим муассасига имтиҳонсиз киришга йўлланма учун ташкил этилаётгандек бўлиб қолмоқда. Турли федерациялар керак бўлмаган вазиятларда ҳам республика чемпионатларини ташкил этиб, имтиёзлар учун йўлланмалар тақдим этмоқдалар. Мақсад — ёшларни спортга жалб этиш ёки қизиқтириш эмас, йўлланмага эга чиқиш бўлиб қолган ҳолатлар ҳам мавжуд. Шу боис кўплаб ёшларнинг таклифи асосида ана шундай қарор қабул қилинди».

Каналга уланиш: 👇
@hudud_inform

ССВ: ИЖТИМОИЙ ТАРМОҚЛАРДА КАРАНТИН ЧЕКЛОВЛАРИ ТУГАТИЛИШИ БИЛАН БОҒЛИҚ ТАРҚАЛГАН ХАБАРЛАР ҲАҚИҚАТГА ЗИД

Айрим ижтимоий тармоқларда яқинда Республика махсус комиссия томонидан киритилган карантин чекловлари тугатилиши ҳақида асоссиз хабарлар тарқалди.

Республика махсус комиссияси томонидан бир қатор чекловлар билан бирга кафе, ресторан ва бошқа кўнгилочар муассасаларнинг 08:00 дан 20:00 гача ишлашига рухсат берилган эди.

Мазкур ҳолат юзасидан Соғлиқни сақлаш вазирлиги шуни маълум қиладики, ушбу тартиблар Республика махсус комиссияси томонидан маълум бир муддат учун қабул қилинган эмас, яъни эпидемиологик вазият барқарорлашганда ушбу чекловлар бекор қилинади. Аммо ҳозирда уларга ҳеч қандай ўзгариш киритилмаган.

Агар карантин қоидаларига оид бирор ўзгариш киритилса, буни Соғлиқни сақлаш вазирлиги расмий саҳифалари орқали эълон қилинади. Шундай экан, юртдошларимиздан ва айрим ижтимоий тармоқ фойдаланувчиларидан асоссиз ва тасдиқланмаган хабарлар тарқатмасликларини сўраб қоламиз.

Соғлиқни сақлаш вазирлиги Матбуот хизмати.

https://t.iss.one/Rasmiy_xabarlar_Official

13 июль куни ўтказилиши режалаштирилган матбуот анжуманлари:

〰️〰️〰️

● Мавзу: Парламент фаолияти: 2021 йил 6 ойлик якунлари бўйича энг муҳим натижалар
● Вақти: 14:00
● Жойи: АОКА мажлислар зали
● Иштирок этади: Олий Мажлис Қонунчилик палатаси депутатлари

〰️〰️〰️

● Мавзу: Судларнинг 1-ярим йиллик фаолияти таҳлили ҳамда соҳага оид муҳим ва долзарб масалалар
● Вақти: 15:00
● Жойи: АОКА мажлислар зали
● Иштирок этади: Олий суд раиси ўринбосарлари
〰️〰️〰️

● Мавзу: Давлат фуқаролик хизматига қабул қилишнинг очиқ ва шаффоф механизмларини жорий этиш масалалари
● Вақти: 16:00
● Жойи: АОКА мажлислар зали
● Иштирок этади: Давлат хизматини ривожлантириш агентлиги мутасаддилари
〰️〰️〰️

📢 Тадбирлар режасида ўзгаришлар бўлса, қўшимча маълумот берилади.

✏️ Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

https://t.iss.one/aoka_uz