#Биласизми

Ҳозирги кунда Ўзбекистон ҳудудида:

🔹меҳнатга ҳақ тўлашнинг энг кам миқдори – 1 155 000 сўм;

🔹базавий ҳисоблаш миқдори – 375 000 сўм;

🔹пенсияни ҳисоблашнинг базавий миқдори – 428 000 сўм;

🔹ёшга доир энг кам пенсия – 834 000 сўм;

🔹ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 920 000 сўм;

🔹меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 920 000 сўм;

🔹белгиланган ёшга доир энг кам пенсия миқдоридан (834 000 сўмдан) 920 000 сўмгача пенсия олувчиларнинг ёшга доир пенсиялари – 920 000 сўм;

🔹зарур иш стажига эга бўлмаган кекса ёшдаги фуқароларга бериладиган нафақа – 745 000 сўм;

🔹иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 745 000 сўм.

✅ Обуна бўлинг ва улашинг — @hrassistant_uz

#Биласизми

Қонунчиликка кўра, интизомий жазонинг амал қилиш муддати ичида ходимга нисбатан рағбатлантириш чоралари, шу жумладан меҳнатга ҳақ тўлаш тизимига кирмайдиган ва меҳнат натижаларига асосланмаган мукофотлар ҳам (байрамлар, шу жумладан касб байрамлари, юбилейлар муносабати билан ва ҳоказолар) қўлланилмаслиги белгиланган.

❗️Аммо, давлат фуқаролик хизматчисининг интизомий жавобгарликка тортилиши унга нисбатан рағбатлантириш чоралари қўлланилишини бекор қилмайди.

✅ Обуна бўлинг ва улашинг — @hrassistant_uz

❗️7 июнь — олти кунликлар учун қўшимча дам олиш куни

2025 йилда муборак Қурбон ҳайитининг биринчи куни 6 июнь – жума кунига тўғри келади.

Аҳолининг Қурбон ҳайити байрамини муносиб ўтказиши учун қулай шарт-шароит яратиш мақсадида 2025 йил 7 июнь (шанба) куни олти кунлик иш ҳафтаси тартиби бўйича ишлайдиган ходимлар учун қўшимча дам олиш куни этиб белгиланди.

✅ Обуна бўлинг ва улашинг — @hrassistant_uz

#Биласизми #Меҳнат_ҳуқуқлари

❗️Қонунчиликка кўра, иш берувчи барча янги ишга кираётган, шунингдек бошқа ишга ўтказилаётган ходимлар учун меҳнатни муҳофаза қилиш бўйича йўл-йўриқлар бериши лозим.

Шунингдек, иш берувчи ишларни бажаришнинг хавфсиз услублари ва усулларини ҳамда бахтсиз ҳодисалардан жабрланганларга ёрдам кўрсатишга ўқитишни ташкил этиши шарт.

✅ Обуна бўлинг ва улашинг — @hrassistant_uz

❗️ Ойлик, пенсия, стипендия ва нафақалар оширилади

“Иш ҳақи, пенсиялар, стипендиялар ва нафақалар миқдорини ошириш тўғрисида”ги Президент Фармони қабул қилинди.

Фармонга кўра:

2025 йил 1 июлдан пенсия ва нафақалар ҳамда кам таъминланган оилаларга болалар нафақалари ва моддий ёрдам тўловлари 10 фоизга оширилади.

Бунда:

🔹 ёшга доир энг кам пенсия миқдори – ойига 918 000 сўм;

🔹 ногиронлик пенсияларининг энг кам миқдори – ойига 1 012 000 сўм;

🔹 кам таъминланган оилаларга болалар нафақасининг ҳар ойлик миқдори:

▪️ 3 ёшгача бўлган битта кичик фарзанди учун – 360 000 сўм, 3 ёшдан 18 ёшгача бўлган битта фарзанди учун – 275 000 сўм;
▪️ оиланинг иккинчи фарзанди учун қўшимча – 165 000 сўм;
▪️ оиланинг учинчи ва ундан кейинги ҳар бир фарзанди учун қўшимча – 110 000 сўм;

🔹 кам таъминланган оилалар учун моддий ёрдамнинг ойлик миқдори – 420 000 сўм этиб белгиланди.

2025 йил 1 августдан бюджет ташкилотлари ходимларининг иш ҳақи ва стипендиялар миқдори 10 фоизга оширилади.

2025 йил 1 июлдан пенсияни ҳисоблашнинг базавий миқдори – ойига 471 000 сўм этиб белгиланди.

2025 йил 1 августдан:

🔸 меҳнатга ҳақ тўлашнинг энг кам миқдори – ойига 1 271 000 сўм;

🔸 базавий ҳисоблаш миқдори – 412 000 сўм этиб белгиланди.

✅ Обуна бўлинг ва улашинг — @hrassistant_uz

#Биласизми

Қонунчиликка кўра, давлат фуқаролик хизматчилари томонидан Одоб-ахлоқ қоидаларига риоя этмаганлик уларга нисбатан ахлоқий ва интизомий таъсир чораларини қўллашга асос бўлади.

Одоб-ахлоқ қоидаларига риоя этмаганлик учун Одоб-ахлоқ комиссияси томонидан давлат хизматчиларига қуйидаги ахлоқий таъсир чоралари қўлланилади:

🔹 огоҳлантириш;

🔹узр сўраш ёки расмий узрнома келтиришни талаб қилиш;

🔹 давлат органлари ва ташкилотларининг коллегиал йиғилишларида танбеҳ бериш.

Одоб-ахлоқ комиссияси давлат хизматчисига нисбатан интизомий таъсир чорасини қўллаш учун давлат органлари ва ташкилотлари раҳбарига тақдимнома киритиши мумкин.

✅ Обуна бўлинг ва улашинг — @hrassistant_uz

#Биласизми

❗️Ходим меҳнат таътилида бўлган даврда ойлик маоши оширилса, меҳнат таътили ҳақи қайта ҳисоб-китоб қилинади

Вазирлар Маҳкамасининг 2024 йил 14 ноябрдаги 758-сонли қарорига асосан:

▪️Ходим меҳнат таътилида бўлган даврда лавозим маошлари миқдори оширилган тақдирда, ташкилотнинг янги меҳнатга ҳақ тўлаш шартлари асосида ишлайдиган кунларига тўғри келадиган амалдаги иш кунлари сонидан келиб чиқиб, меҳнат таътили ҳақи қайта ҳисоб-китоб қилинади;

Яъни иш ҳақи оширилган вақтдан бошлаб таътил тамом бўлган кунгача бўлган давр учун ўртача иш ҳақининг бир қисмига тузатиш киритилади.

▪️Ходим таътилдан чақириб олинса ва таътилнинг қолган қисми бошқа муддатга кўчирилса, таътилнинг фойдаланилмаган қисми кунларига ҳақ тўлаш учун ўртача иш ҳақи белгиланган тартибда ҳисоблаб чиқилади ва таътилнинг кўчирилган кунларига тўғри келадиган тўланган ўртача иш ҳақи суммаси бажарилган иш ёки ишланган вақт учун ойлик иш ҳақи ҳисобига ёзилади.

Таътил қисмларга бўлинганда сақлаб қолинаётган ўртача иш ҳақи белгиланган тартибда ҳар бир қисм учун алоҳида ҳисоблаб чиқилади.

✅ Обуна бўлинг ва улашинг — @hrassistant_uz

❗️2025 йилга мўлжалланган иш вақти меъёрлари давомийлиги тақвимига ўзгартиришлар киритилди

Мазкур ўзгартириш Ўзбекистон Республикаси Президентининг 2025 йил 30 майдаги “Муборак Қурбон ҳайитини нишонлаш тўғрисида”ги ПҚ-195-сон қарорига мувофиқ амалга оширилди.

✅ Обуна бўлинг ва улашинг — @hrassistant_uz

❗️ Бугун 09:00да ишга келган ходимлар камида 17:00да кетишга ҳақли

Меҳнат кодексининг 187-моддасига кўра, байрам кунлари арафасида ҳар кунлик ишнинг (сменанинг) давомийлиги барча ходимлар учун камида 1 соатга қисқартирилади.

Эртага 6 июнь, жума — Қурбон ҳайитининг биринчи куни, яъни ишланмайдиган байрам.

Байрамдан олдинги куни ишнинг (сменанинг) давомийлигини қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсация қилинади.

Дам олиш кунлари:

▪️6 июнь (жума) — Қурбон ҳайити, барча учун дам олиш куни;
▪️7 июнь (шанба) — 5 кунликларга одатий, 6 кунликларга қўшимча дам олиш куни;
▪️8 июнь (якшанба) — барча учун одатдаги дам олиш куни;

9 июнь (душанба) — барча учун иш куни.

✅ Обуна бўлинг ва улашинг — @hrassistant_uz

#Меҳнат_ҳуқуқлари

Қонунчиликка кўра, 12 ёшга тўлмаган икки ва ундан ортиқ боланинг ёки 16 ёшга тўлмаган ногиронлиги бўлган боланинг ота-онасидан бирига ёки ота-она ўрнини босувчи шахсга ҳар йили давомийлиги камида тўрт календарь кун бўлган ҳақ тўланадиган қўшимча таътил берилади.

📋 Бунда мазкур таътил йиллик меҳнат таътилига қўшиб берилиши ёки иш берувчи билан келишиб белгиланадиган даврда ушбу таътилдан алоҳида (тўлиқ ёхуд қисмларга бўлиб), лекин фақат тегишли иш йили давомида фойдаланилиши мумкин.

🚫 Аммо ушбу таътилни кейинги иш йилига кўчиришга ёки уни пулли компенсация билан алмаштиришга йўл қўйилмайди.

✅ Обуна бўлинг ва улашинг — @hrassistant_uz

📹 Ягона идентификация тизими — One ID'да рўйхатдан ўтиш бўйича видеойўриқнома

✅ Обуна бўлинг ва улашинг — @hrassistant_uz

❗️Қўшимча меҳнат учун ҳақ тўлаш шартлари ўзгармоқда

Олий Мажлис Қонунчилик палатасида янги қонун лойиҳаси иккинчи ўқишда кўриб чиқилди. Бу лойиҳа иш вақтидан ташқари ишлаган ходимларга тўланадиган ҳақ ва иш вақтининг давомийлигини аниқ белгилаб беришга қаратилган.

Энди иш берувчи қўшимча иш учун қуйидагича ҳақ тўлаши шарт бўлади:

▪️1 кундаги биринчи 2 соат учун — камидa 1,5 баробар тўланади.
▪️Агар 2 соатдан кўп ишлатса — қолган соатлар учун камида 2 баробар тўланади.
▪️Агар иш оғир ёки ноқулай шароитда бўлса, ҳар бир соат учун камида 2 баробар ҳақ тўланиши шарт.

Шунингдек, қонун лойиҳасига кўра:

▪️қўшимча ишнинг умумий давомийлиги икки кун кетма-кет 4 соатдан ошмаслиги керак.
▪️агар оғир ёки ноқулай шароитда ишласа — кунлик чегара 2 соатдан ошмаслиги лозим.

Лойиҳа депутатлар томонидан иккинчи ўқишда маъқулланди.

✅ Обуна бўлинг ва улашинг — @hrassistant_uz

#Меҳнат_ҳуқуқлари

Қонунчиликка кўра, иш берувчи барча янги ишга кираётган, шунингдек бошқа ишга ўтказилаётган ходимлар учун меҳнатни муҳофаза қилиш бўйича йўл-йўриқлар бериши лозим.

Шунингдек, иш берувчи ишларни бажаришнинг хавфсиз услублари ва усулларини ҳамда бахтсиз ҳодисалардан жабрланганларга ёрдам кўрсатишга ўқитишни ташкил этиши шарт.

✅ Обуна бўлинг ва улашинг — @hrassistant_uz

#Меҳнат_ҳуқуқлари

Қонунчиликка кўра, ходимга у битта ташкилотда ёки тармоқда ишлаган ҳар 5 йил учун давомийлиги 2 календарь кун, бироқ жами 8 календарь кундан кўп бўлмаган ҳар йилги қўшимча меҳнат таътили берилади.

✅ Обуна бўлинг ва улашинг — @hrassistant_uz

❓Давлат органининг кадрлар бўлинмаси раҳбарини лавозимга тайинлаш ва лавозимдан озод этиш қай тартибда амалга оширилади?

Вазирлар Маҳкамасининг 09.04.2025 йилдаги 212-сонли қарори билан тасдиқланган Низомга кўра:

Давлат органининг инсон ресурсларини ривожлантириш ва бошқариш бўлинмасига раҳбар тайинлаш ва уни лавозимдан озод этиш қуйидаги тартибда амалга оширилади:

1️⃣ Бўлинма раҳбари лавозимига, қоида тариқасида, олий маълумотга эга бўлган, камида 2 йил меҳнат стажига эга бўлган шахслар тайинланади.

2️⃣ Бўлинма раҳбари лавозимини эгаллаш бўйича ўтказиладиган танловларда ДХРА (АРГОС — Агентлик) марказий аппарати ёки филиаллари масъул ходимлари Танловни ташкил этиш ва ўтказиш комиссияси аъзоси сифатида иштирок этади.

3️⃣ Бўлинма раҳбари лавозимига тайинлаш ротация ёки танловсиз амалга ошириладиган ҳолларда, номзод(лар) Агентлик билан белгиланган тартибда келишилади.

4️⃣ Бўлинма раҳбари лавозимга тайинлангандан сўнг 6 ой ичида махсус дастур асосида икки ҳафтадан ошмайдиган муддатда Агентликда стажировка ўтайди.

5️⃣ Бўлинма раҳбари Агентлик билан белгиланган тартибда келишилган ҳолда лавозимдан озод этилади.

6️⃣ Лавозимдан озод этиш учун келишишда Агентликка давлат органи томонидан лавозимдан озод этиш сабаблари кўрсатилган маълумотнома ва уни тасдиқловчи бошқа ҳужжатлар, шунингдек, меҳнат шартномаси ходимнинг ташаббуси билан бекор қилинаётган ҳолларда, бўлинма раҳбарининг аризаси тақдим қилинади.

7️⃣ Агентлик бўлинма раҳбарини лавозимдан озод қилиш масаласини келишиш натижалари бўйича уч иш куни давомида тегишли давлат органини электрон усулда хабардор қилади.

✅ Обуна бўлинг ва улашинг — @hrassistant_uz

❓Ишга қабул қилиш чоғида кимларга дастлабки синов қўлланилмайди?

Меҳнат кодексининг 129-моддасига кўра, қуйидагилар ишга қабул қилинганда дастлабки синов белгиланмайди:

1️⃣ ҳомиладор аёл, уч ёшга тўлмаган боласи бор аёл ёки уч ёшга тўлмаган болани ёлғиз ўзи тарбиялаётган ота (васий);

2️⃣ захирага қўйиладиган иш ўринларига ишга жойлаштириш учун юборилган аҳолининг ижтимоий эҳтиёжманд тоифаларидан бўлган шахслар;

3️⃣ давлат грантлари асосида ўқиган ва олий таълим ташкилотини тамомлаган кундан эътиборан уч ой ичида йўлланма бўйича олинган мутахассислигига доир ишга кираётган олий таълим ташкилотларининг битирувчилари;

4️⃣ тегишли таълим ташкилотини тамомлаган кундан эътиборан бир йил ичида биринчи бор ишга кираётганда олинган мутахассислиги бўйича мустақил равишда ишга жойлашаётган умумий ўрта, ўрта махсус, профессионал ва олий таълим ташкилотларининг битирувчилари;

5️⃣ ўзи билан олти ойгача муддатга меҳнат шартномаси тузилаётган ходимлар;

6️⃣ ўн саккиз ёшга тўлмаган шахслар;

7️⃣ ишга қайтадан қабул қилинган тақдирда иш берувчи илгари қайси ходимлар билан меҳнат шартномасини алоҳида асослар бўйича бекор қилган бўлса, ўша шахслар;

8️⃣ ишлаб чиқаришда ўқитиш шартномаси бўйича ушбу иш берувчида ўқишни ўтаган ўқувчилар;

9️⃣ жамоа келишувларида, шунингдек жамоа шартномасида ва иш берувчининг ички ҳужжатларида назарда тутилган бошқа ходимлар.

Шунингдек,

🔟 ходим бошқа ишга ўтказилаётганда ва бошқа иш берувчига хизмат сафарига юборилганда дастлабки синов белгиланишига йўл қўйилмайди.

❗️Дастлабки синов муддати уч ойдан, ташкилотларнинг раҳбарлари ва уларнинг ўринбосарлари, бош бухгалтерлар ҳамда ташкилотлар алоҳида бўлинмаларининг раҳбарлари учун эса олти ойдан ошмаслиги керак.

✅ Обуна бўлинг ва улашинг — @hrassistant_uz

❗️Давлат хизматчиси тадбиркор ёки унинг муассиси бўлиши мумкин эмас

"Давлат фуқаролик хизмати тўғрисида"ги қонунга мувофиқ, давлат фуқаролик хизматчиси қуйидагиларга ҳақли эмас:

▪️ўзаро яқин қариндошликда ёки қуда томондан қариндош бўлган шахслар билан (ота-оналар, ака-укалар, опа-сингиллар, ўғиллар, қизлар, эр-хотинлар, шунингдек эр-хотинларнинг ота-оналари, ака-укалари, опа-сингиллари ва фарзандлари) айнан битта давлат органида бирга хизмат қилиши, агар уларнинг бирга хизмат қилиши улардан бирининг иккинчисига бевосита бўйсунишига ёки унинг назорати остида бўладиган давлат фуқаролик хизмати лавозимини эгаллашга, бундан қонунчиликда назарда тутилган ҳоллар мустасно;

▪️педагогик, илмий ва ижодий фаолиятдан ташқари ҳақ тўланадиган бошқа фаолият билан шуғулланишга, Ўзбекистон қонунларида ҳамда Президент қарорларида назарда тутилган ҳолатлар бундан мустасно;

▪️тадбиркорлик фаолияти билан шуғулланишга;

▪️тадбиркорлик фаолияти субъектларини ташкил этишга, уларнинг муассиси (иштирокчиси) бўлишга, тадбиркорлик фаолияти субъектида ташкилий-бошқарув, маъмурий-хўжалик вазифаларини бажаришга, бундан акциядорлик жамиятларининг эркин муомалада бўлган акцияларига қонунчиликда белгиланган талаблар доирасида эгалик қилиш ҳоллари мустасно;

▪️ўзи хизмат қилаётган давлат органи назорати остидаги ёки у билан алоқалар ва манфаатларга эга бўлган ташкилотлардаги улушларни, пайларни ва акцияларни бевосита ёки вакиллар орқали олишга;

▪️ўз хизмат ваколатларини жисмоний ва юридик шахсларнинг манфаатларини кўзлаб бажариш ёки бажармаслик эвазига улардан бирон-бир мукофот, фойда ёки совғалар олишга;

▪️чет давлат фуқаролигини олишга;

▪️қонунчиликда назарда тутилмаган имтиёзлар, преференциялар ёки афзалликлардан ўз хизмат мавқеи билан боғлиқ ҳолда фойдаланишга;

▪️Ўзбекистондан ташқарида ҳисобварақлар очишга ва уларга эга бўлишга, кўчмас мулкка ва бошқа мол-мулкка эгалик қилишга, бундан чет давлатда таълим олиш, стажировка ўташ ва тиббий хизматлардан фойдаланиш мақсадида очилган ҳисобварақлар, шунингдек давлат фуқаролик хизматига киришдан олдин олинган ва ошкор қилинган мол-мулк мустасно;

▪️ўзининг ваколатларини сиёсий партияларнинг, бошқа жамоат бирлашмаларининг ва улар органларининг манфаатларини кўзлаб амалга оширишга.

✅ Обуна бўлинг ва улашинг — @hrassistant_uz

Қонунчиликка кўра, "Эл-юрт умиди" жамғармаси орқали хорижий мамлакатларда таълим олиб қайтган стипендиатлар миллий кадрлар захирасига тўғридан-тўғри киритилади ҳамда улар давлат органлари, ташкилотлари ва муассасаларига танловсиз ишга олинади.

✅ Обуна бўлинг ва улашинг — @hrassistant_uz