Kechagina Ustoz Husayn Buxoriydan eshitgan bir jumla meni nafaqat titratib yubordi, balki g’aflatdan uyg’otdi. Avval ham bu so’zni eshitgan edim, ammo ustozni tillaridan eshitish o’zgacha ta’sir qildi.

Bu so’zlar qalbimga shunday bositirib kirdiki, u xatto qadriyatimni bir muhim ustiniga ham aylanib qoldi.

E’tiborli bo’lib o’qing.

Foniyga bog’langan narsa foniydir, Boqiyga bog’langan narsa boqiydir…

Bu dunyo "ijara dunyosi"dir. Biz uchun abadiy berilmagan, vaqtinchadir. Qanchalar o‘zingni bu dunyoga ega deb bilmagin baribir tashlab ketasan barini.

Dunyoda yiqqan mulkning mashaqqati va so‘rovi bizniki, lazzat va manfaati farzandlarimiznikidir. Ijara pulini biz to‘laymiz.

Haqiqiy "mulk dunyosi" biz uchun oxiratdir. Uni bino qilish bugun bizning qo‘limizda. Amalimizni go‘zal qilaylik.

Yer yuzida biz bilan birga yashaydigan oddiy insonlar bor. Ularda bu foniy dunyoda mol ham, obro‘ ham, mansab ham yo‘q. Ammo...

Ularning samodagi mulklari buyukdir. Ular qilayotgan zikrlar, tasbihlar, istig‘forlar, shirin so‘zlar va ochiq yuzlar sababli ularga qasrlar bunyod etilmoqda.

Yashirin amallarni ko‘proq qilaylik. Ular tekin va osondir!

QAHVA

Qahva tarkibi bir xil bo’lishi mumkin, ammo u kim bilan ichilayotganiga qarab ta’mi o’zgarib boraveradi…

Bir latoif esga tushib qoldi.

Bir kishi aytadi:
Bir munosabat bilan mehmondorchilikda edim. Mehmonlardan biri qahva bilan xurmoni juda ko‘p istemol qildi. Men unga:
- Xurmo bilan qahvani juda ko‘p istemol qilayapsiz?!-dedim.
U:
- Bilasizmi, bobom 100 ga kirganlar, dedi.
Men so‘radim:
- U kishi ham siz kabi qahva va xurmoni ko‘p yermidilar?
u dedi:
- U kishi boshqalarning ishiga burunlarini suqmas edilar!

-Yaxshi odatlar shakllantirishda qiynalyapsizmi?

-Shaxsiyatingizni rivojlantirishda ustozlarning maslahatlari kerakmi?

-Olgan maslahat va ilmlaringizga amal qilishda muammolarga duch kelyapsizmi?

- Intizomli hayotni boshlamoqchimisiz?

💪 "Aspiration" marafoni bu borada sizga yordam bera oladi.

🕐 15 kun davomida biz bilan birga bo’ling va intizomli hayot tarzingizni yarating.

🚀 Marafon 15-sentabrdan start oladi.

📅 Ro’yxatdan o’tish uchun ushbu akkauntlarga murojaat qiling:

Ayollar uchun: @azizova_mubinakhon_07

Erkaklar uchun:
@Imron_Elamonov

Ilm va amal uyg’unligiga birgalikda intilamiz!

@aspiration_marafoni

BUGUNNING GAPI

"Bu ishni sen qila olmaysan, ovora bo‘lma!", deydiganlarning aksari o‘sha ishni qilishingni istamaydiganlardir.

Harakat qilaver! Natija Allohdan ekanligiga hech shubha qilma, sen faqat sabablarni qoim qilishga mas’ulsan.

Qila olmaysan deydiganlarga bazan achinaman, ularda xuddi Firavndan bir ulush bordek tuyuladi. Hukmni davol qilishadi.

So’zlariga ehtiyot bo’lmaydigan do’stim!
Hech xayolingga kelganmi, sening bitta latif jumlang yangi bir insonni bunyod qilishi mumkinligi?!

Tarihimiz bunday misollarga to’lib yotibdi.

So’zlaringizga e’tiborli bo’ling

Bir kuni Abdulloh ibn Mas'ud roziyollohu anhu Kufada yurib borayotib bir necha yoshlarni ko‘rib qoldi. Ular aroq ichib, qo‘shiq aytib o‘tirishgan edi. Ularga Zozon ismlik bir yigit ud sozi bilan qo‘shiq aytib berayotgan edi. Zozonning ovozi juda ham shiralik edi.
Uning ovozini eshitgan Abdulloh ibn Mas'ud roziyollohu anhu:
"Qanday yaxshi ovoz! Qani endi qur'onda ishlatilsa edi!"-deb ridosini boshiga yopib o‘tib ketdi.
Zozon Abdulloh ibn Mas'udning gapini eshitib so‘radi:
- Kim u?
Unga uning Rasululloh sallollohu alayhi va sallamning sahobasi ekanligi aytishdi.
Zozon udni sindirib tashladi va Abdulloh ibn Mas'udning ortidan yugurdi. Unga yetib olib uning huzurida tavba qildi. Unga shogird tushib qur'onni o‘rgandi. Ilmda imom bo‘ldi. Ko‘pgina sahobalardan hadis rivoyat qildi.

"Qanday yaxshi ovoz. Qani endi qur'onda ishlatilsa edi!".
Mehr bilan aytilgan bu jumla Zozonni xonandalikdan qur'onga ko‘chirdi. Ud chalishdan hadis yozishga o‘tkazdi. Do‘mbira va naydan fiqhga naql qildi!

So‘zlarga e'tiborsiz bo‘lmang. Ular insonni o‘zgartiradi. Butunlay boshqa insonga aylantiradi.

Imom Buxoriy rohimahulloh aytadi:
"Ishoq ibn Rohuvayh huzurida edim. U shunday deb qoldi: " Qani endi birortangiz Nabiy sallollohu alayhi va sallamning sunnatlarini muxtasar qilib jamlaganida edi!".
Bu mening yodimda qoldi va bu kitobni (al-jomi'us sahihni) jamlashni boshladim" .

Albatta imom Buxoriyning bu mo‘'tabar kitobining dunyoga kelishida ibn Rohuvayhning ham hissasi bor va ajrdan u ham nasibador deb o‘ylaymiz.

Imom Shofi'iy rohimahulloh oldin she'rga qiziqib yurgan. U Mus'ab Zubayriyning huzurida she'r o‘qigan. Uning she'ri Zubayriyga yoqqan. Imom Shofi'iyda zakiylik va fahmni ko‘rgan. So‘ngra unga shunday degan:
"Ey Shofi'iy! Fiqhni o‘rgansang qanday bo‘larkin?!".

Bu gap Shofi'iyning qalbiga tushgan. Fiqhni o‘rganishga yeng shimargan. Dunyoni ilmga, fiqhga to‘ldirgan. Zubayriy ham savobga ega bo‘lishda o‘ziga daryo ochgan.

Imom Zahabiy rohimahulloh oldin imom Barzoliyning huzurida o‘qib yurgan. Barzoliy undan bir kuni bir risola yozib berishini so‘ragan. Zahabiy risolani yozib Barzoliyga topshirgan. Zahabiyning risolasini o‘qigan Barzoliy shunday degan:
"Ey Shamsiddin Zahabiy! Yozuving muhaddislar yozuviga o‘xshar ekan!".
Bu gap Zahabiyning qalbidan joy olgan. Hadis o‘rganishga kirishgan. Jarh va ta'dil ilmida imom bo‘lgan. So‘ngra bizga "Siyaru a'lomin nubalo"ni taqdim qilgan. Albatta Barzoliyga ham bulardan nasiba boradi inshaalloh!

Xulosa
Qobiliyatlarni to‘g‘ri yo‘naltiring. Qadamlarni yo‘lning boshiga qo‘ying. Uyog‘ini o‘zlari olib ketishadi. Kimdir boshqa birovning yaxshilik yo‘liga qadam tashlashiga sabab bo‘ladi. Buning ajri qiyomatgacha uzilmaydi. Bu yaxshilikdan meva uzib boraveradi. Bunga birgina so‘zingiz sabab bo‘lishi mumkin!

Bilimga ishonib qolmang

➡️ Yaqinlaringizga ham ulashing

💬 @HasankhojaBlog - sahifamizga obuna bo’ling