#хушхабар
#ғалаба

⚡️Ислом бирдамлик ўйинлари: Тошкент вилояти ўғлони Акбар Жўраев рекорд натижа билан олтин медални қўлга киритди

Айни кунларда Туркиянинг Конья шаҳрида V Ислом бирдамлиги ўйинлари давом этмоқда.


Оғир атлетика бўйича Токио-2020 чемпиони Акбар Жўраев Ислом бирдамлиги ўйинларида +109 кг вазн тоифасида қатнашмоқда.

Ҳамюртимиз якунланган даст кўтариш машқида 200 кг натижа қайд этиб, делегациямиз ғазнасини яна бир олтин медал билан тўлдирди. Эътиборлиси, Акбар ҳам бу кўрсаткичи билан мусобақа рекордини ўрнатишга муваффақ бўлди.

Ғалаба муборак бўлсин!

@haqiqatonline

#об_ҳаво

Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 16 август куни Тошкент вилоятида ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади.

Ҳаво ҳарорати кечаси 20-25 даража илиқ, кундузи 34-39 даража иссиқ бўлади.  

@haqiqatonline

#валюта

❗️Доллар курси ошди

Марказий банк валюталарнинг сўмга нисбатан 16 августдаги қийматини эълон қилди.

Унга кўра, долларнинг расмий курси +26,13 сўмга кўтарилиб, 10 937,14 сўм этиб белгиланди.

@haqiqatonline

#фирибгарлик
#Бекобод_шаҳри

❗️Бекобод шаҳрида тадбиркорнинг қарийб 215 миллион сўмлик мулкини талон-торож қилган МЧЖ муҳандиси аниқланди

Бош прокуратура ҳузуридаги Департаментнинг Бекобод шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “Б.А.” МЧЖ муҳандиси Д.З.ни ўзининг моддий жавобгарлигидаги автотранспорт воситаларининг эҳтиёт қисмларини сотиб юбориб, тадбиркорнинг жами 214,6 млн сўмлик мулкини ўзлаштирганлиги аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.

@haqiqatonline

#валюта

❗️Доллар курси кескин ошди

Марказий банк валюталарнинг сўмга нисбатан 17 августдаги қийматини эълон қилди.

Унга кўра, долларнинг расмий курси +32,87 сўмга кўтарилиб, 10 970,01 сўм этиб белгиланди.

@haqiqatonline

#дарвоқе

⚡️⚡️⚡️

Chorsu Gold Center фаолияти ҳақида эшитдингизми?

Бу марказ қадимий заргарлик анъаналирмизни қадрият даражасига кўтариш мақсадида қадимий савдо чорраҳаларидан бири бўлган азим пойтахтнинг Чорсу майдонида қандай йирик лойиҳаларни амалга ошираётганидан хабардормисиз?

MFaktor лойиҳасининг навбатдаги меҳмонлари мазкур марказнинг мақсад ва вазифалари, истиқболлари ҳақида кўпчилик учун қизиқарли суҳбат ўтказишибди.

Тиллага қизиқадиганлар борми?

Кўришни тавсия этамиз.

@haqiqatonline

❗️Тошкент шаҳрида терговчи 50 минг "кўкат" пора билан қўлга тушди

Тошкент шаҳар Учтепа тумани прокуратураси терговчиси қурилиш-таъмирлаш ишларига ихтисослашган масъулияти чекланган жамият мансабдор шахсларига нисбатан қўзғатилган жинояти иши доирасида жамият раҳбарига нисбатан “қамоққа олиш” тарзидаги эҳтиёт чораси қўлламаслик эвазига 50 минг доллар миқдорида пора талаб қилган ва сўралган пулни олган вақтида ашёвий далиллар билан ушланган.

Унга нисбатан Жиноят кодекси 210-моддаси 3-қисми “а” банди билан ЖК 45-моддасига асосан 3 йил муддатга мансабдорлик лавозимларида ва прокуратура идораларида ишлаш ҳуқуқидан маҳрум қилинган ҳолда, 13 йил муддатга озодликдан маҳрум қилиш жазоси тайинланди.

@haqiqatonline

#об_ҳаво

❗️Бугун Тошкент вилоятининг баъзи ҳудудларида кучли шамол бўлиши кутилмоқда

Гидрометеорология марказининг хабар беришича, бугун, 18 август куни Тошкент вилоятида ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади, баъзи жойларда 17-22 м/с гача кучайиши, айрим жойларда чанг-тўзонлар кузатилиши мумкин.

Ҳарорат кечаси 18-23 даража илиқ, кундузи 30-35 даража иссиқ бўлади.

@haqiqatonline