#диққат

❗️Айрим тоифадаги тадбиркорларга нисбатан солиқ текширувлари ўтказилмайди

Солиқ кодексига киритилган қўшимча ва ўзгартиришларга кўра, юқори барқарорлик рейтингига эга бўлган тадбиркорлик субъектлари учун рағбатлантириш чоралари назарда тутилмоқда.

Унга кўра, юқори барқарорлик рейтингига эга бўлган тадбиркорлик субъектларига нисбатан солиқлар бўйича (бундан ҚҚС мустасно) ортиқча тўланган суммани қайтариш уч кунлик муддатда амалга оширилиши белгиланмоқда.

Шунингдек, барқарорлик рейтинги бўйича “ААА” тоифадаги тадбиркорлик субъектларига нисбатан солиқ текширувлари ўтказилмайди (бундан жиноий ишлар доирасида ўтказиладиган текширувлар мустасно).

Мазкур тоифадаги тадбиркорлик субъектларига ҚҚС суммаси ўрнини қоплаш камерал солиқ текширувидан ўтказилмасдан бир кунлик муддатда амалга оширилади.

Қонун Сенат томонидан маъқулланди.

@haqiqatonline_24

#кун_тарихи

⚡️⚡️Бугун, 24 октябрь – Ўзбекистон Республикаси Божхона қўмитаси тузилган кун.

1991 йил 24 октябрда Ўзбекистон Республикаси Божхона қўмитаси тузилган.

Қўмита тасарруфида 6 та божхона бўлиб, уларнинг энг йириги Тошкент божхонасидир. Божхона хизмати: давлат чегараси орқали ўтадиган жами юклар, жумладан, багаж ва почта жўнатмаларини назорат қилиш, ўтказилаётган юкларни текшириш ва расмийлаштириш, улардан бож ва йиғимлар ундириш билан шуғулланади.

@haqiqatonline_24

#об_ҳаво

⚡️Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 24 октябрь куни Тошкент вилоятида ҳаво ўзгариб туради, айрим жойларда ёмғир ёғади. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади.

Ҳарорат кечаси 5-10, кундузи 13-18 даража илиқ бўлади.

@haqiqatonline_24

#диққат

⚡️⚡️1 ноябрдан бошлаб автоторанспорт воситалари синовлари Пискент туманидаги полигонда ўтказилади.

@haqiqatonline_24

#обуна_2024

📢 «ТОШКЕНТ ҲАҚИҚАТИ» ВА «ТАШКЕНТСКАЯ ПРАВДА» ГАЗЕТАЛАРИГА 2025 ЙИЛ УЧУН ОБУНА БЎЛИНГ!

Йиллик обуна баҳоси (тўғридан-тўғри таҳририят билан шартнома қилинганда):

«Тошкент ҳақиқати» – 856 800 сўм;
Нашр кўрсаткичи - 205.

«Ташкентская правда» – 496 800 сўм
Нашр кўрсаткичи - 207.

❗️Етказиб бериш хизмати ичида.

«Тошкент ҳақиқати» газетаси ҳафтада икки маротаба – чоршанба ва шанба кунлари, «Ташкентская правда» газетаси эса жума куни чоп этилади.

Обуна таҳририятда, почта филиаллари ва матбуот тарқатувчи ташкилотларда расмийлаштирилади.

Мурожаат учун:
+998974320035

Тошкент ҳақиқати

#диққат

❗️Uzcard ишламаяпти

Айни вақтда Uzcard карталари орқали транзакцияларни амалга ошириб бўлмаяпти. Иловаларда ҳам карталар нофаол ҳолатда қолмоқда.

@haqiqatonline_24

⚡️⚡️Шавкат Мирзиёев Татаристоннинг “Дўстлик” ордени билан тақдирланди

Президент Шавкат Мирзиёев Қозон шаҳрига ташрифнинг биринчи кунида Татаристон Республикаси Раиси Рустам Миннихонов билан учрашув ўтказди.

Учрашувда Ўзбекистоннинг Татаристон билан ўзаро манфаатли ва кўп қиррали ҳамкорлигини янада кучайтириш масалалари муҳокама қилинди. Сўнгги йилларда етакчи корхоналарнинг саноат кооперацияси ва фаол гуманитар алмашинув ўзининг амалий натижаларини бераётгани қайд этилди. Фаол мулоқотлар ва ўзаро ташрифларни давом эттириш, Ўзбекистон ҳудудида қўшма иқтисодий ва саноат зоналари фаолиятини кенгайтириш юзасидан келишувга эришилди.

Шунингдек, учрашувдан сўнг Ўзбекистон раҳбарини Татаристон Республикасининг давлат мукофоти – “Дўстлик” ордени билан тақдирлаш маросими бўлиб ўтди. Ушбу мукофотни Татаристон Раиси Рустам Миннихонов тантанали равишда топширди.

@haqiqatonline_24

#янгилик

⚡️⚡️Сифатсиз қурилиш сабаб тўхтатиб қўйилган Аграр университети ётоқхонаси қурилишидаги камчиликлар бартараф этилди.

Айтилишича, 400 ўринли ётоқхона биносида сифатсиз бажарилган гипсокартон ишлари буздирилиб, қайтадан металл профиллари билан қотирилмоқда. Барча камчиликлар бир ой ичида бартараф этилиб, фойдаланишга топширилиши режа қилинган.

Аввалроқ, университетда қурилаётшган ётоқхона талабларга жавоб бермаслиги, натижада қурилиш ишлар тўхтатилгани ҳақида хабар берилган эди.

@haqiqatonline_24

#об_ҳаво

☀️🌥🌧Бугун Тошкент вилоятининг айрим жойларида ёмғир ёғиши кутилмоқда

Гидрометеорология марказининг хабар беришича, бугун, 25 октябрь куни куни Тошкент вилоятида ҳаво ўзгариб туради, кечга бориб айрим жойларда ёмғир ёғади. Туман тушиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Айрим жойларда шамолнинг тезлиги чанг-тўзонлари билан бирга секундига 15-20 метргача кучайиши мумкин.

Ҳарорат кечаси 5-10, кундузи 18-23 даража илиқ бўлади.   

✔️Тезкор янгиликларни биз билан кузатинг!
@haqiqatonline_24