#об_ҳаво

⚡️Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 24 август куни Тошкент вилоятида ҳаво бироз булутли бўлади, ёғингарчилик кутилмайди. Шамол шимоли-шарқдан 7-12 м/с тезликда эсади.

Ҳарорат кечаси 12-17 даража илиқ, кундузи 29-34 даража иссиқ бўлади.

@haqiqatonline

#расмий_муносабат

❗️UzAutoMotors Ангрендаги "Спарк" тўпланган "склад" бўйича расмий муносабат билдирди.

Таъкидланишича, суратда аллақачон мижозлар томонидан шартнома тузилган ва кейинчалик мижозга етказиб бериш учун Ангрен шаҳрига етказилган автомобиллар кўрсатилган.

Тез орада Chevrolet Nexia автомобиллари ҳам Ангрен шаҳрига мижозларга етказиб бериш учун жўнатилади.

Ангрен шаҳридаги Юк ортиш ва тушириш терминали УзАуто Моторснинг таркибий бўлинмаси бўлиб, автомобилларни Қамчиқ довонининг ғарбидаги дилерлик марказларига тарқатилишидан олдин транзит сақлаш учун мўлжалланган.

@haqiqatonline

#валюта

❗️Доллар курси тушишда давом этмоқда

Марказий банк валюталарнинг сўмга нисбатан 24 августдаги қийматини эълон қилди.

Унга кўра, долларнинг расмий курси -12,47 сўмга пасайиб, 10 888,30 сўм этиб белгиланди.

@haqiqatonline

#диққат

“Кўрсаткичи нол, ишининг тайини йўқ, аммо креслони бермайди”

Тошкент вилоят ХТБ бошлиғи айрим мактаб директорларини танқид қилди

@haqiqatonline

#фирибгарлик

❗️Янгийўл туманида табиий ресурслардан ноқонуний фойдаланиб, давлатга 2,3 млрд сўм зарар етказган автомобилларга газ қуйиш шаҳобчаси аниқланди

Бош прокуратура ҳузуридаги Департаментнинг Тошкент вилоят бошқармаси томонидан ўтказилган терговга қадар текширувларда, Янгийўл туманида жойлашган “G.A.” ва “N.M.” МЧЖларга қарашли автомобилларга газ тўлдириш шохобчасида ўрнатилган газ ҳисоблагичларга қасддан шикаст етказилиб, ускуна кўрсаткичларини ўзгартириш орқали табиий газдан ноқонуний фойдаланиб келинганлиги оқибатида давлат ва жамият манфаатларига жами 2,3 млрд сўм зарар етказилганлиги аниқланган.

Мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.

@haqiqatonline

#ибрат_вақти

1. Дунёга муҳаббат қўйма, чунки у мусулмоннинг уйи эмас.

2. Шайтонни дўст тутма, чунки у мусулмоннинг биродари эмас.

3. Ҳеч кимга азият берма, чунки бу мусулмоннинг иши эмас.

📝 Зулфиқор Аҳмад Нақшбандий Ҳафизaҳуллоҳ

@haqiqatonline

#Тайинлов

⚡️⚡️⚡️

Султонов Иброхим Исроилович - Монополияга қарши курашиш қўмитаси хузуридаги "Ахборот технологияларини жорий этиш маркази" Давлат унитар корхонаси директори лавозимига тайинланди.

1995 йил Тошкент давлат педагогика институти(кундузги)
2004 йил Ўзбекистон Республикаси Банк Молия академиясини (магистратура) тамомлаган.

Лавозимга тайинлангунга қадар Тошкент вилояти Ташқи миграция агентлиги раҳбари лавозимида ишлаб келган.

@haqiqatonline

#об_ҳаво

⚡️Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 25 август куни Тошкент вилоятида ҳаво бироз булутли бўлади, ёғингарчилик кутилмайди. Шамол шимоли-шарқдан 7-12 м/с тезликда эсади.

Ҳарорат кечаси 12-17 даража илиқ, кундузи 29-34 даража иссиқ бўлади.

@haqiqatonline

#Диққат
#тезкор

⛔️ Бўстонлиқ туманида Ўзбекистон Республикаси давлат мустақиллигининг 31 йиллиги байрами тантаналари ўтказилиши муносабати билан тадбир ўтказиладиган жойларда жамоат тартиби ва хавфсизлигини таъминлаш мақсадида жорий йилнинг 25 август куни соат 17:00 дан то 23:00 га қадар Ғазалкент шаҳри ҳудудидан ўтган 4Р6 "Тошкент-Чирчиқ-Чимён" автомобил йўлининг 51 кмдан (Газалкент шаҳрига асосий кириш йўли Букри (горбатий) кўприк олдидан) 53 кмга (Ибн Сино кўчасидаги қурилиш дўкони) қадар тўлиқ ТРАНСПОРТ ВОСИТАЛАРИ ҲАРАКАТИ ЧEКЛАНАДИ❗️

Манба

@haqiqatonline

#валюта

❗️Кетма-кет 5 кунлик пастлашдан сўнг доллар курси ошди

Марказий банк валюталарнинг сўмга нисбатан 25 августдаги қийматини эълон қилди.

Унга кўра, долларнинг расмий курси +14,46 сўмга кўтарилиб, 10 902,76 сўм этиб белгиланди.

@haqiqatonline

#статистика

"Соф" иш ҳақи рейтингида Ўзбекистон 106 давлат ичида 96-ўринни эгаллади

Ўзбекистон 106 та давлат орасида солиқлардан кейин ўртача ойлик иш ҳақи бўйича мамлакатлар рейтингида 96-ўринни эгаллади.

P/S. "Кучли юзталик")

@haqiqatonline

#табассум_вақти

❗️Жиддий тавсия.

Агар аёлингиз асабийлашиб, жазавага тушса хавфсизроқ масофага бориб турволинг ва унга қарата ҳамёнингизни отинг. Бу уни анча тинчлантиради 😅

@haqiqatonline

#қарор

⚡️⚡️⚡️

Абу Райҳон Беруний таваллудининг 1050 йиллиги кенг нишонланади - Президент қарори

Бугун, 25 август куни Президентимизнинг “Буюк мутафаккир ва қомусий олим Абу Райҳон Беруний таваллудининг 1050 йиллигини халқаро миқёсда кенг нишонлаш тўғрисида”ги қарори қабул қилинди.

Унга кўра, 2022–2023 йилларда буюк мутафаккир ва қомусий олим Абу Райҳон Беруний таваллудининг 1050 йиллиги ЮНЕСКО шафелигида халқаро миқёсда кенг нишонланади.

Шунга асосан,

➖“Буюк Беруний мероси” халқаро сайёҳлик маршрутлари йўлга қўйилади;

➖2023 йил якунигача Қорақалпоғистон Республикаси Беруний туманида Абу Райҳон Беруний мажмуаси қурилади;

➖аллома илмий-ижодий меросига мансуб қўлёзма ва бошқа маданий бойликлар реставрация қилинади;

➖Фанлар академиясининг Қорақалпоғистон бўлими ва Хоразм Маъмун академиясида маданий мерос объектларини реставрация қилиш ва консервация қилишга ихтисослашган лаборатория ташкил қилинади;

➖ўқувчилар ўртасида Хоразм вилоятида тегишли фан бўйича Абу Райҳон Беруний номидаги халқаро фан олимпиадаси ўтказилади.

Шунингдек, Абу Райҳон Беруний номидаги халқаро мукофот таъсис этилади.

2022 йил декабргача “Беруний ва ёшлар” махсус дастури ишлаб чиқилиб, мутафаккир ҳаётига оид маълумотлар, унинг илмий-маърифий асарлари жамланган мобил илова яратилади.

Бундан ташқари, қарорга кўра алломанинг тўлиқ асарлари туркумини ўзбек, қорақалпоқ, рус, инглиз, араб ва форс тилларида нашр этиш чоралари кўрилади.

@haqiqatonline

#мутолаа_вақти

Болажоним Эндигина кўзи ёриган ёш она кучли ҳаяжонда: – Чақалоғимни кўрсам бўладими? – деб сўради. Қучоғига юмшоқ бир юргак берилди ва бахтли она чақалоғининг жажжи юзини кўрмоқ учун унинг юзини очди ва ҳайратга тушганидан тили тутилиб қолди. Она ва чақалоқни кузатиб турган дўхтир шартта орқасига ўгрилиб деразадан кўчани томоша қила бошлади. Чақалоқнинг қулоқлари йўқ эди... Таҳлиллар боланинг эшитиш қобилияти яхши экани, фақат қулоғининг супраси йўқлиги боланинг ҳуснини бузиб турганини кўрсатди. Орадан йиллар ўтди, бола мактабга чиқди. Бир куни мактабдан уйга югуриб келди ва ўзини онасининг бағрига отди. Тўлиқиб йиғлар эди. Бу унинг ҳаётидаги биринчи мазахланиши ва умидсизлиги эди: – Бир катта бола менга махлуқ деди. Болакай ана шу кемтиклик билан улғая бошлади. Уни синфдошлари яхши кўрар ва ниҳоятда зеҳни тез ўқувчи эди. Агар синфдошларига аралашиб юрганида эди, шубҳасиз, синфком бўлар эди. Аммо онаси ҳар доим унга: – Ёш болаларнинг орасига аралашмайсан, – деб тайинлар эди. Айни пайтда у қалбида теран бир ачиниш ва шафқатни ҳис қилар эди. Боланинг отаси оила дўхтири билан қулоғи хусусида сўзлашди. – Бирор нарса қилишнинг иложи йўқми? – деб сўради. Дўхтир: – Агар бир жуфт қулоқ топишнинг иложи бўлса, уни ёпиштириб қўйиш мумкин, – деди. Шундан сўнг болага қулоқларини фидо этиши мумкин бўлган бир жавонмардни ахтара бошладилар. Орадан икки йил ўтди. Бир куни отаси: – Шифохонага борасан, ўғлим, онанг иккаламиз сенга қулоқларини беришга рози бўлган бир одамни топдик. Фақат унинг кимлигини сенга айта олмаймиз – сир, – деди. Операция муваффақиятли ўтди ва бутунлай янги бир инсон қиёфаси пайдо бўлди. Янги кўринишидан руҳияти юксалган бола ўқишда ва ижтимоий ҳаётда катта ютуқларни қўлга киритди. Сўнгра уйланди ва кўзга кўринган дипломат бўлди. Орадан йиллар ўтди, бир куни отасининг олдига кириб: – Отажон, менга бу қадар катта яхшилик қилган одам ким? Мен унинг яхшилигига ҳеч қандай жавоб қайтара олмадим... – деди. Отаси: – Бирор нарса қила олишингга кўзим етмайди. Фақат жиддий шартлашганмиз, ҳали унинг кимлигини айта олмайман, вақти етмади... – деб жавоб берди. Бу сир йиллар давомида сақланди ва бир куни очилиш вақти келди. Бошига мусибат тушган кунда онасининг жонсиз танаси бошида отаси билан бирга жаноза ўқилишини кутаётган эди. Отаси мулойим ҳаракат билан онасининг бошига қўл чўзди, қаҳваранг сочларини силаб орқага таради, онасининг қулоқлари йўқ эди. Отаси: – Нега онажоним, уйда ўтирганда ҳам рўмолини бошидан олмайди, сочларига оро бермайди, деб ҳеч ўйламадингми? – дея шивирлади.

@haqiqatonline

#футбол

⚡️⚡️⚡️

Чемпионлар лигаси 2022/23 йилги мавсум гуруҳ босқичига қуръа ташланди.

P/S. "Барселона" мухлисларига сабр...

@haqiqatonline