#мазҳаб

"Имомлар (яъни, Абу Ҳанифа, Абу Юсуф ва Муҳаммад)га хилоф қилган одамнинг гапига назар ҳам солинмайди".

©️ Имом Фахриддин Қозихон Бухорий раҳимаҳуллоҳ

Изоҳ: Азалдан Мовароуннаҳр диёри ҳанафий мазҳаби кенг тарқаган юрт ҳисобланади. Имом Фахриддин Қозихон ушбу диёр уламолари ичида ҳанафий мазҳабининг энг етук фақиҳларидан саналганлар. У Зотнинг мазкур гаплари билан ҳанафий имомларига хилоф бўлган мазҳаб вакилларининг фатволари тарқатилса, унга нафақат эргашилмаслиги, балки унга эътибор ҳам берилмаслигини таъкидламоқдалар. Шунга биноан, бугунги кунда: "Фалон масалада фалон мазҳабнинг гапи рожиҳ (устун)", деяётганларнинг сўзи назар солишга ҳам арзимайди.

@fitratuz

#мазҳаб

“Мусулмонларнинг эътироф қилинган тўрт мазҳаби ҳақдир ва ундан бошқасига амал қилиш жоиз эмас”.

©️ Имом Бадриддин Заркаший раҳимаҳуллоҳ

📚 “Баҳрул муҳит” китоби

@fitratuz

#Мазҳаб #иқтибос

"Мазҳабни мен сизларга айтиб берайми? Расулуллоҳ саллоллоҳу алайҳи васаллам ислом чашмасини чиқариб тўртта ариқчага оқизиб қўйганлар. Ушбу тўртта ариқни шундай билингки, биттаси Ханафийнинг ариғи, иккинчиси Шофеъийнинг ариғи, учинчиси Ханбалийнинг тўртинчиси Моликийнинг ариғи. Қайси ариғдан ичсангиз ҳам Расулуллоҳнинг чашмаларидан ичган бўласиз. Бу ерда бошқа сув йўқ, билдингизми?!

Ким шуларга итоат қилса Аҳли сунна ва жамоа деб биламиз. Мазҳаб деб йўлни айтилади. Бир шаҳарга олиб борадиган тўртта йўл бор, қайсинисидан борсангиз ҳам ўша шаҳарга олиб боради. Худди шунингдек мазҳабнинг тўртталаси ҳам Аллоҳ таолога олиб боради. Лекин сиз ўзинг лозим топган ушбу йўлларнинг бирида бормоғингиз керак, ҳали унисига ҳали бунисига ўтишингиз дуруст эмас".

©️Муҳаммаджон Ҳожи Домла Ҳиндистоний раҳимаҳуллоҳ

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#мазҳаб #иқтибос

"Бир мазҳабда қаттиқ туриш вожибдир, мутаассиблик қилиш эса жоиз эмас. "Қаттиқ туриш" дегани ўзи ҳақ деб билган битта мазҳабга эргашишдир. Мутаассиблик эса бошқа мазҳаб соҳибига таъна қилишдир".

©️Фахрул-Ислом Баздавий раҳимаҳуллоҳ

📚"Исъодул-муфтий" китоби

Улашинг: @AhliSunnaValJamoaUz

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

МАЗҲАБГА ЭРГАШИШ ЗАРУРАТИ
#мазҳаб #иқтибос

Ҳижрий саккизинчи асрда (бундан қариб 7 аср муқаддам) яшаб ўтган забардаст уламолардан бири Имом Бадриддин Заркаший раҳимаҳуллоҳ айтадилар:

{والحق أن العصر خلا عن المجتهد المطلق،لا عن مجتهد في مذهب أحد الأئمة الأربعة وقد وقع الاتفاق بين المسلمين على أن الحق منحصر في هذه المذاهب،وحينئذ فلا يجوز العمل بغيرها،فلا يجوز أن يقع الاجتهاد إلا فيها} البحر المحيط(٢٤٠/٨)

"Ҳақ гап шуки, бугунги аср "мужтаҳиди мутлақ"*дан холидир, тўрт мазҳабдан бири ичидаги мужтаҳиддан эмас. Мусулмонлар ўртасида иттифоқ қилинганки, ҳақ йўл мана шу тўрт мазҳабга чеклангандир. Шундай экан, ушбу мазҳаблардан бошқасида амал қилиш жоиз эмас. Ижтиҳод ҳам фақатгина ушбу мазҳаблар доирасидаги мумкин бўлади".

📚 "Ал-Баҳрул-Муҳит" китоби (8-жуз, 240-бет)

* "Мужтаҳиди мутлақ" мартабасидаги мужтаҳидда ижтиҳод шартлари мукаммал бўлиб, тўрт фиқҳий мазҳаб имомлари: Имом Аъзам Абу Ҳанифа, Имом Молик, Имом Шофеий ва Имом Аҳмад ибн Ҳанбал каби уламолар бунга мисол бўлишади. Баъзилар Имом Абу Юсуф ва Имом Муҳаммад каби уламоларни ҳам шу даражага қўшганлар.

Имом Бадриддин Заркаший ўз замонларида мужтаҳид мутлақ даражасидаги олим топилмаслигини, ҳар қандай олим муайян мазҳабга эргашиши ва ўша мазҳаб доирасида фатво бериши кераклигини таъкидламоқдалар. Энди шаръий илмлар борасида мусулмонларнинг илми етарли бўлмаган бугунги даврда, баъзилар томонидан мазҳабларни инкор қилиши, "мазҳаб бошиларга ҳадис етмаган" дея катта уламоларга таъналар қилиши мусулмонларнинг бирдамлигига футур етказади холос.

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#мазҳаб

Ҳанафий мазҳабидаги етук уламолардан бири Аллома Алоуддин Самарқандий раҳимаҳуллоҳ айтадилар:
«رأيت في بعض الحواشي أن المتعصب من تكون عقیدته مانعة من قبول الحق عند ظهور الدليل».
яъни: "Ҳошиялардан бирида шундай дейилганини кўрдим: "Далил зоҳир бўлганда эътиқоди ҳақни қабул қилишдан тўсган одам ҳақиқий мутаассиб ҳисобланади".

Бунга муносабат билдириб замонамизнинг кўзга кўринган ҳанафий олими Шайх Салоҳ Абулҳож ҳафизаҳуллоҳ айтадилар: "Барча мўътабар уламолар наздида маълумки, далил омийга зоҳир бўлмайди. Балки назар аҳли бўлган олимга зоҳир бўлади".

📚 "Исъодул муфтий" китобидан.
___________________________

Демак, бир неча ҳадисларни таржимасини ўқиб олиб, уни ўзича тушуниб олиш — далил зоҳир бўлиши дегани эмас. Омий — муқаллидга ҳеч қачон далил зоҳир бўлмайди. Далил фақат мутлақ ва мазҳаб ичидаги мужтаҳидларга зоҳир бўлади. Шундай экан, муқаллидга доим битта мазҳабга эргашиши лозим ҳисобланади.

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#Долзарб #Видеолавҳа #Мазҳаб

⁉️Мазҳабга эргашиш зарурати ҳақида🕌

🎙Ҳасан домла Қодиров

Улашинг: @AhliSunnaValJamoaUz

#мазҳаб

“Кўплаб мазҳаблар орасидан айнан тўрт мазҳаб сақланиб қолиши худди Қуръони каримнинг етти қироатидан фақат биттаси қолганига ўхшайди. Пайғамбар саллаллоҳу алайҳи васалламга Қуръони карим етти хил лаҳжада нозил бўлган. Кейинчалик ислом дини атрофга кенг ёйилиб, мусулмонларнинг сони ортиб борди ва қироат борасида улар ўртасида баъзи ихтилофлар келиб чиққач, Усмон ибн Аффон разияллоҳу анҳу мусҳафни етти қироатдан фақат биттасининг лаҳжасида ёздиришга қарор қилди. Оқибатда бугун ер юзи мусулмонлари Қуръонни фақат битта мусҳафдан яъни, Усмон мусҳафида ёзилган хатидан ўқийдиган бўлди. Демак, кўплаб мазҳаблар орасидан фақат тўрттасининг сақланиб қолгани асрлар давомида инсонларни турли зиддиятлар ва ихтилофлардан ҳимоя этишда асос бўлган”.

📚Аллома Ибн Ражаб (ваф. 795/1393) раҳимаҳуллоҳнинг “Тўрт мазҳабдан бошқага эргашганга раддия” асаридан

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA