Stol tennisi bo‘yicha davlat soliq boshqarmasi boshlig‘i kubogi o‘tkazildi

Farg‘ona viloyati davlat soliq boshqarmasi tomonidan “11-noyabr – O‘zbekiston Respublikasi kasaba uyushmalari kuni” munosabati bilan stol tennisi bo‘yicha musobaqa tashkil etildi.

Yoshlarning bo‘sh vaqtlarini mazmunli tashkil etish, ular o‘rtasida sog‘lom turmush tarzini keng targ‘ib qilish maqsadida o‘tkazilgan tadbirda viloyatning barcha shahar va tumanlardan tizimda mehnat qilayotgan soha xodimlari, shuningdek, 4-sektor hududida yashovchi 14 yoshdan 30 yoshgacha bo‘lgan uyushmagan yoshlar g‘oliblik uchun bellashdilar.

Soliq organlari xodimlari o‘rtasida murosasiz kechgan bahslarda viloyat DSB xodimi A.Ismoilov g‘oliblikni qo‘lgan kiritgan bo‘lsa, Buvayda tumani DSI xodimi A.Mamatxo‘jaev 2-o‘ringa, Rishton tumani DSI xodimi J. G‘aniev esa 3-o‘ringa sazovor bo‘ldilar.

4-sektor hududidagi mahalla yoshlari o‘rtasida g‘oliblik Qo‘qon shahar Usta bozor MFYda yashovchi Y.Madaminov ga nasib etdi. 2-3 o‘rinlarni esa Quva hamda Rishton tumanlaridan kelgan yoshlar qo‘lga kiritdilar.

Yakunda soha xodimlari hamda sektor hududidagi yoshlar o‘rtasida 1-o‘rini qo‘lga kiritgan ishtirokchilar oliy sovrin uchun kurashdilar. His-hayajonlarga to‘la kechgan yakuniy bahsda qo‘qonlik havaskor tennischi g‘oliblikni qo‘lga kiritdi.

G‘olib va sovrindorlar DSB rahbariyati hamda Farg‘ona viloyati davlat soliq xizmati organlari xodimlari birlashgan kasaba uyushma qo‘mitasi raisi tomonidan qimmatbaho esdalik sovg‘alari bilan taqdirlandilar.

#stol_tennisi

Telegram I Facebook I Instagram I Veb-sayt

Stol tennisi boʻyicha Farg‘onada o‘tkazilgan U-15 “O‘zbekiston kubogi" musobaqasi sovrindorlarini taqdirlash marosimi o‘tkazildi

Xabaringiz bor, Farg’ona viloyatida joriy yil 9-14-noyabr kunlari Oʻzbekiston Respublikasi sport vazirligi, Soliq qo'mitasi hamda Oʻzbekiston stol tennisi federatsiyasi hamkorligida 🏓stol tennisi boʻyicha U-15 “Oʻzbekiston kubogi”🏆 musobaqasi bo‘lib o‘tdi.

Musobaqa g‘olib va sovrindorlarini taqdirlash uchun yopilish marosimi tashkil etildi.

Unda viloyat hokimi o‘rinbosari Sh.Polvonov, viloyat soliq boshqarmasi boshlig‘i M.Mamatxanovlar ishtirok etdilar hamda yurtimizda sportga berilayotgan e’tibor va yaratilayotgan sharoitlarga to‘xtalib, sportchilarni erishilgan yutuqlar bilan qutladilar.

180 nafar professional sportchilar ishtirok etgan “Oʻzbekiston kubogi”da👉

O‘gil bolalar o‘rtasida
🥇1-o‘rin - Toshkent v.
🥈2-o‘rin - FARG‘ONA v.
🥉3-o‘rin - Buxoro va Samarqand viloyatlari

Qiz bolalar o‘rtasida
🥇1-o‘rin - Toshkent v.
🥈2-o‘rin - Buxoro v.
🥉3-o‘rin - Andijon va Samarqand viloyatlari jamoalari qo‘lga kiritdilar.

Tadbirda g‘olib va sovrindorlarga diplom hamda esdalik sovg‘alari topshirildi.

#stol_tennisi

Telegram I Facebook I Instagram I Veb-sayt

Stol tennisi boʻyicha Farg‘onada o‘tkazilgan U-15 “O‘zbekiston kubogi" musobaqasi

#stol_tennisi

Telegram I Facebook I Instagram I Veb-sayt