#qonunchilikdagi_yangiliklar #markirovka

"Majburiy raqamli markirovkalash jarayonlarini jadallashtirish boʻyicha qoʻshimcha chora-tadbirlar toʻgʻrisida" Prezident qarori qabul qilindi.
👉 PQ-203 30.05.2024

Qarorga ko‘ra,

🔹2027-yil 1-yanvarga qadar raqamli markirovkalangan mahsulotlar chakana savdosini amalga oshiruvchi tadbirkorlik subyektlari uchun markirovkani oʻqish qurilmalarini sotib olishda bitta qurilma uchun BHMning 4 baravaridan koʻp boʻlmagan miqdorda (foyda soligʻi yoki AOS yoxud YATTlar tomonidan toʻlanadigan JSHODS) soliq imtiyozi berildi.

Avval ushbu imtiyoz 2023-yilning 1-yanvariga qadar berilgan edi. (PQ-5252 04.10.2021 y) Soliq qoʻmitasining dastlabki hisob-kitoblariga koʻra, 2024-2026-yillarda 34 mingdan ortiq tadbirkorlik subyekti 2D-skanerlar bilan taʼminlanishi kerak. Imtiyozlar ularga jami 46,2 mlrd soʻm mablagʻni tejash imkonini beradi.

🔹2024-yil 1-sentabrdan quyidagi normalar joriy etiladi:
▫️tadbirkorlik subyektlari tomonidan markirovkalanadigan mahsulotlarni 2D-skanerdan foydalanmasdan sotish holatlari aniqlanganda, ular shaxsiy kabineti orqali bu haqda ogohlantiriladi;
▫️2-marta ana shunday ogohlantirishdan soʻng markirovkalash qoidalarini buzish holati 1 oy ichida qayta takrorlansa, tadbirkorlik subyektlariga nisbatan soliq tekshiruvi tayinlanadi. Bunda huquqbuzarlik sodir etilgan chorakdagi faoliyat qamrab olinadi;
▫️soliq tekshiruvi yakunlangandan keyin markirovka qoidalarini buzish 1 oy ichida qayta takrorlansa tadbirkorlik subyektlari xabardor qilinmasdan soliq tekshiruvi tayinlanadi. Tadbirkorlik subyektlarining huquqlari va qonuniy manfaatlarini himoya qilish boʻyicha vakil bu haqda tekshirish kunida xabardor qilinadi.

Soliq tekshiruvlari tadbirkorlik subyektlarini xabardor qilmasdan hamda Tadbirkorlik subyektlarining huquqlari va qonuniy manfaatlarini himoya qilish boʻyicha vakilni tekshirish kunida xabardor qilgan holda amalga oshiriladi.
▫️har chorakda majburiy raqamli markirovkalanadigan mahsulotlarning chakana savdosi bilan shugʻullanuvchi tadbirkorlik subyektlariga nisbatan soliq tekshiruvlari amalga oshiriladi.

Majburiy raqamli markirovkalanadigan mahsulotlar chakana savdosi bilan shugʻullanuvchi tadbirkorlik subyektlari orasidan har chorakda, har bir hudud kesimida avtomatik tarzda kamida 10 %ini tanlab olingan holda nazorat tadbirlari oʻtkaziladi hamda qonunbuzilishi holatlari aniqlangan subyektlar faoliyati keyingi 3 chorak davomida nazorat qilib boriladi.

🔹2024-yil 1-sentabrdan quyidagi tartiblar oʻrnatiladi:
▪️pivo mahsulotlarining chakana savdosi faoliyati xabardor qilish tartibida amalga oshiriladigan faoliyat turlari ro‘yxatiga kiritiladi;
▪️tamaki va pivo mahsulotlari bilan chakana savdo qilish huquqi uchun BHMning 10 %i miqdorida har oylik yigʻim joriy etiladi.

📌Tadbirkorlik subyektlari pivo mahsulotlarining chakana savdosi faoliyatini boshlash yoki to‘xtatish haqida soliq organlarini xabardor qilishi lozim.

Telegram I Facebook I Instagram I Veb-sayt

#markirovka

Tadbirkorlarga 2D-skanerlar xarid qilishda soliq imtiyozlari taqdim etiladi

Raqamli markirovkalangan mahsulotlar chakana savdosini amalga oshiruvchi tadbirkorlik subyektlari markirovka kodlarini to‘g‘ri o‘qishni ta’minlovchi maxsus qurilmalardan foydalanishi shart.

2027-yil 1-yanvarga qadar tadbirkorlik subyektlari maxsus qurilmalarning har birini sotib olish bilan bog‘liq xarajatlar summasini, biroq BHMning 4 baravaridan ko‘p bo‘lmagan miqdorda hisoblangan va to‘lanishi lozim bo‘lgan foyda soligʻi yoki AOS yoxud YTTlar tomonidan toʻlanadigan jismoniy shaxslardan olinadigan daromad solig‘i summalariga kamaytirish huquqi berildi (4 x 340 000 = 1 360 000 so‘m).

Avval ushbu imtiyoz 2023-yilning 1-yanvariga qadar berilgan edi.

Telegram I Facebook I Instagram I Veb-sayt

#mahallabay

Mahallabay ishlash tizimi bo‘yicha Farg‘ona viloyatidagi soliq inspektorlarining samaradorlik koʻrsatkichi oshdi

Joriy yil may oyida “Mahallalarda soliq organlari faoliyati” axborot tizimida Farg‘ona viloyatidagi soliq inspektorlarining samaradorlik koʻrsatkichi oʻtgan oyga nisbatan 6,3 ballga oshib, (KPI) 93,5 ballni tashkil etdi.

Umumiy reytingda soliq inspektorlari hissasi yuqori boʻlgan hududlar – TOP-3:

📍Yozyovon t. – 95,7%;

📍Furqat t. – 95,5%;

📍Oltiariq t. – 95,4%.

Ta'kidlash joiz, mahallalarga biriktirilgan inspektorlarning reyting koʻrsatkichlari may oyida sezilarli darajada oshgan:

👉 95 balldan yuqori natijaga erishganlar soni 74 nafarga (aprel oyida 13 nafar);

👉90-95 ballgacha bo‘lganlar 166 nafarga (aprel oyida 79 nafar) yetdi hamda ushbu xodimlar oy yakuni boʻyicha mukofotlash uchun tavsiya etildi. Mukofotga tavsiya etilganlar oʻtgan oyga nisbatan 148 nafarga oshgan.

Reyting ko‘rsatkichlarni yaxshilash natijasida ish samaradorligi bo‘yicha 70-75 ball toʻplagan inspektorlar soni 3 nafar (aprel oyida 32 nafar)ni tashkil etdi, 70 balldan past to‘plagan xodimlar qolmadi.

Maʻlumot uchun, “Mahallabay” tizimida Farg‘ona viloyatidagi 1 063 ta mahallada 438 nafar soliq inspektori bevosita faoliyat olib bormoqda.

Telegram I Facebook I Instagram I Veb-sayt

#soliq_taqvimi

🗓 Eslatma ❗️2024-yil 5-iyun

may oyi uchun:

- banklar tomonidan Oʻzbekiston Respublikasining norezidentlariga amalga oshirilgan toʻlovlar (dividendlar va foizlar toʻlovidan tashqari) boʻyicha yuridik shaxslardan olinadigan foyda soligʻini budjetga oʻtkazishning oxirgi kuni
(Soliq kodeksi 355-modda 2-qism).

Telegram I Facebook I Instagram I Veb-sayt

#qonunchilikdagi_yangiliklar

Samarasi past boʻlgan soliq imtiyozlari bekor qilinadi

🔹 2025-yil 1-yanvardan ayrim soliq imtiyozlarini bekor qilishni nazarda tutuvchi normativ-huquqiy hujjat loyihasi ishlab chiqiladi:

▪️tovarlarni (xizmatlarni) eksportga realizatsiya qilishdan olingan daromadlar boʻyicha foyda soligʻi, AOS imtiyozlarini;
▪️samarasi past boʻlgan soliq va bojxona imtiyozlarini.

🔹 Oʻzbekistonga import qilinadigan va ishlab chiqariladigan aksiz soligʻi toʻlanadigan tovarlar uchun aksiz soligʻi stavkalari bosqichma-bosqich birxillashtiriladi:
▫️tamaki mahsulotlari – 2026-yil 1-yanvargacha;
▫️alkogol mahsulotlari va shakar – 2027-yil 1-yanvargacha.

PF-85 03.06.2024-yil

👉YouTube'da ko‘rish

Тelegram |Facebook |Youtube| Instagram |X| Threads

Soliq xizmati organlarida korrupsiyaning oldini olishga qaratilgan targ‘ibot tadbirlari

©️Farg‘ona TV

#antikorrupsiya

Telegram I Facebook I Instagram I Veb-sayt

Farg‘onada soliq xodimlarining "mahallabay" tizimi asosida ishlashi o‘z samarasini bermoqda

“Mahallabay” ishlash tizimi bo‘yicha Farg‘ona viloyatidagi 1063 ta mahallaga 438 nafar soliq inspektori biriktirilgan. Ayni paytda ushbu xodimlar tadbirkorlarning soliq ma’muriyatchiligi bilan bog‘liq muammolarini o‘rganish, qonunchilikdagi o‘zgarishlarni tushuntirish, tadbirkorlik tashabbuslarini qo‘llab-quvvatlash borasida “mahalla yettiligi” bilan birgalikda ish olib bormoqda.

2024-yil yanvar-may oylarida “mahallabay” tizimi asosida samarali ishlar yo‘lga qo‘yilganligi natijasida:

👉 vaqtincha moliyaviy qiyinchilikka duch kelgan 4 892 ta tadbirkorlik subyektlari faoliyati tiklandi;

👉 xatlov natijasida 7 593 ta noqonuniy faoliyat ko‘rsatayotgan tadbirkorlar aniqlanib, ro‘yxatdan o’tkazildi;

👉 19 953 nafar norasmiy ishchilar legallashtirildi;

👉 18,8 mlrd so‘mlik qo‘shimcha soliq manbasi aniqlandi.

Batafsil infografikada

#mahallabay

Telegram I Facebook I Instagram I Veb-sayt

Soliqchilar poraxo’r emas!

Es-es bilaman, bolalik yillarim qo’shni qishloqdan bir o’gri chiqqandi. O’sha kunlari ne bo’ldiyu oilaviy tadbir uchun, shu qishloqqa boradigan bo’ldik. Men esa “U yerdagilarni hammasi o’gri, men bormayman, o’yinchog’imni o’g’irlab qo’yishadi”, deb oyoq tirab turib oldim.

Shunda buvimning aytgan gaplari hech esimdan chiqmaydi: “Bolajonim, to’g’ri aytyapsan, qo’shni qishloqdan o’g’ri chiqqan, lekin bu u yerdagilarni hammasi shunday degani emas, u qishloqda ham yaxshi odamlar juda ko’p, bir kishiga qarab hammaga xulosa qilish yaramaydi, qachondir o’g’irlik qilgan, birovlarga yomonlik qilgan odamlar o’zimizning qishloqda ham topiladi”, degandilar.

Bugun ijtimoiy tarmoqlarda soliqchilar haqida tarqalayotgan xabarlarni ko’rib shu voqea esimga tushib ketdi. To’gri, soliqchilar davlat xizmatchisi, avvalo, xalq manfaati, yurt ravnaqi yo’lida halol xizmat qilishlari kerak. Lekin, besh qo’l baravar emas.

Albatta, soliq tizimida halol ishlayotgan, tadbirkorga yaqindan yordam berayotgan, aniqlanayotgan qo’shimcha soliq manbasi hisobiga qayerdadir maktab yoki bog’cha quriladi, biror shifoxona kapital ta’mirdan chiqadi, ijtimoiy himoyaga muhtoj biror fuqaroning og’iri yengil bo’ladi, Vatanim taraqqiyotiga oz bo’lsada hissa qo’shiladi deydigan xodimlar ko’plab topiladi.

Soliqchining noni qattiq, pul olgan odam hammaga ham yoqavermaydi. Abdulla Qahhor “O’g’ri” hikoyasida aytganidek, “Berganga bitta ham ko’p…”

Soliq tizimida mehnat qilishning yuki naqadar og’ir ekanligini faqatgina shu sohaga yaqin insonlargina biladi. Bir nechta xodimning qilgan nopok ishiga qarab butun tizimga baho berish naqadar o’rinli, naqadar asosli? Xulosa har kimning o’zi bilan.

Soliqchilar yurt ravnaqi yo’lida mehnat qilishdan, odimlashdan ortga chekinmaydilar!

Bekzod Qodirov,
Farg’ona viloyati soliq boshqarmasi bosh inspektori

Telegram I Facebook I Instagram I Veb-sayt