#биласизми

⚡ Солиқ қарзи қуйидаги ҳолларда ундирилиши ❌ умидсиз, деб эътироф этилади:

👨🏻🧑🏻 жисмоний шахсларда:

👉 якка тартибдаги тадбиркор банкрот деб эътироф этилганда – қарздорнинг мол-мулки етарли эмаслиги сабабли солиқ қарзи (унинг қисми) узилмай қолганда;

👉 жисмоний шахс вафот этганда ёки вафот этган деб эълон қилинганда – унинг мол-мулки етарли эмаслиги сабабли, шу жумладан мерос давлат мулкига ўтганда, унинг солиқ қарзи узилмай қолганда;

👉 вафот этган жисмоний шахснинг меросхўри бўлмаганда ёки меросхўр мерос олиш ҳуқуқидан воз кечганда.

🏢 Юридик шахсларда:

👉 юридик шахс тугатилганда – юридик шахснинг мол-мулки етарли эмаслиги ва (ёки) шу юридик шахснинг муассислари томонидан қонун ҳужжатларида белгиланган миқдорда ва тартибда унинг солиқ қарзи (Солиқ кодексининг 91-моддасида назарда тутилган тартибда) узилмай қолганда;

👉 солиқ органи солиқ қарзини ундиришнинг белгиланган муддати ўтиши муносабати билан уни ундириш имкониятини йўқотганлиги ёки солиқ қарзини ундириш тўғрисида ариза беришнинг ўтказиб юборилган муддатини тиклашни рад этганлиги тўғрисида суд қарори чиққанда;

👉 чет эл юридик шахси солиқ органидан ҳисобдан чиқарилганда, доимий муассасанинг мол-мулки етарли эмаслиги ва Ўзбекистон норезиденти бўлган юридик шахс томонидан тўлаш имконсизлиги сабабли солиқ қарзи тўланмаганда.

⚙ Солиқ органи қарори билан ундирилиши умидсиз деб эътироф этилганлиги сабабли ҳисобидан чиқарилган солиқ қарзи чет эл юридик шахси қайтадан ҳисобга қўйилганда ёки фаолиятини тиклаганда унинг солиқ қарзи ҳам қайта тикланади.

‼ Ундирилиши умидсиз деб эътироф этилган солиқ қарзини ҳисобдан чиқаришда ортиқча тўловларга йўл қўйилмайди.
✔ Шунингдек, жисмоний шахснинг умидсиз, деб топилган ёки ундируви меросхўрга қаратилган солиқ қарзига ҳисобланган пеня ва жарималар ҳам ундирилиши умидсиз деб эътироф этилади ва ҳисобдан чиқарилади.

#савол_беринг_жавоб_берамиз

🔴 Корхонамизнинг асосий фаолияти қурилиш-монтаж ишларини бажариш. Корхонамизга ер участкаси ажратилган бўлиб, унда кўп квартирали уй барпо этилади. Бу уйдаги квартиралар сотилади. Ушбу ер участкаси учун ер солиғи тўланадими❓

🔵 Ҳа, тўланади. 🏗 Ер участкасида қурилиш ташкилоти хўжалик фаолиятини юритади, сабаби ер участкасидан фойдаланиш фойда 💰 олиш билан боғлиқ.

✔️Шу боис унга қурилиш даврида ҳам, уй-жойни фойдаланишга топширишнинг давлат қабулидан кейин ҳам солиқ солинади.

🏢Қурилиш ташкилоти томонидан кўп квартирали уйдаги барча бинолар сотилган ва кадастр ҳужжатлари янги мулкдорларга қайта расмийлаштирилгандан кейин, мазкур қурилиш ташкилотида ушбу бинолар эгаллаган ер участкасидан фойдаланиш ҳуқуқи тугайди.

❗️Юридик шахслардан олинадиган ер солиғи бўйича солиқ базаси ер участкаси майдони камайтирилган ойдан эътиборан камайтирилади.
(Солиқ кодекси 427-моддаси 2-қисми).

Қувада 4-сектор томонидан эҳтиёжманд оилага 2 хонали уй қуриб берилмоқда

Қува тумани Тошкент МФЙ Мурувват кўчасида яшовчи Қодировлар оиласи 4-сектор томонидан ўрганилганда оилада 3 нафар ака-ука яшаши, кичик ўғилни уйлантириш учун янги уй олиш зарурати борлиги, лекин кунлик даромади рўзғордан ортмайдиган “темир дафтар”га киритилган ушбу оиланинг имконияти йўқлиги маълум бўлди. Шундан сўнг ҳомийлар кўмаги билан сектор томонидан 2 хонали уй қуриб бериш ишлари бошлаб юборилди.

Каналга уланиш учун 👉👉👉

https://t.iss.one/ferganasoliq

#Биласизми?

❗Солиқ кодексининг 436-моддасига мувофиқ, жисмоний шахслардан олинадиган ер солиғидан қуйидагилар озод қилинади 👉👉👉

✅ «Ўзбекистон Қаҳрамони», Совет Иттифоқи Қаҳрамони, Меҳнат Қаҳрамони унвонларига сазовор бўлган, учала даражадаги Шуҳрат ордени билан тақдирланган фуқаролар;

✅ уруш ногиронлари ва қатнашчилари, шунингдек доираси қонун ҳужжатлари билан белгиланадиган уларга тенглаштирилган шахслар;

✅ I ва II гуруҳ ногиронлиги бўлган шахслар;

✅ ёлғиз пенсионерлар. Ёлғиз ёки вояга етмаган болалари билан ёхуд ногирон боласи билан бирга алоҳида уйда яшовчи пенсионерлар ёлғиз пенсионерлар деб тушунилади;

✅ боқувчисини йўқотган кўп болали оилалар. Ота-онасидан бири ёки ота-онаси вафот этган ҳамда оилада ўн олти ёшга тўлмаган бешта ва ундан ортиқ болалари бўлган оилалар солиқ солиш мақсадида боқувчисини йўқотган кўп болали оилалардир;

✅ Чернобиль АЭСдаги авария оқибатларини тугатишда иштирок этганлик учун имтиёзлар оладиган фуқаролар (шу жумладан вақтинча юборилган ёки хизмат сафарига юборилган) фуқаролар;

✅ энергия ресурсларининг амалдаги тармоқларидан тўлиқ узиб қўйилган турар жойларда қайта тикланадиган энергия манбаларидан фойдаланувчи шахслар – қайта тикланадиган энергия манбалари ўрнатилган ойдан эътиборан уч йил муддатга.


Каналга уланиш учун 👉👉👉

https://t.iss.one/ferganasoliq

Харид чекини бермаслик 5 миллион сўм жарима солишга сабаб бўлади

Сиз дорихоналар🏥, АЁҚШ⛽, тамаки🚬 ва алкоголь маҳсулотлари🍷савдо нуқталари ҳамда йирик савдо тармоқларида🏬 QR кодли чеклар берилиши шартлигини биласизми? Бунда тўлов қандай шаклда амалга оширилишининг фарқи йўқ.

Aмалдаги қонунчиликка кўра, юқорида кўрсатилган тадбиркорлик субъектлари жорий йилнинг 1 январидан бошлаб онлайн назорат-касса техникасидан фойдаланиши ва QR кодли чекларни бериши шарт.

❗Aммо баъзи кассирлар офлайн терминаллардан фойдаланишни давом эттирмоқдалар ва истеъмолчиларга оддий чекларни бермоқда. Бундай чекларда қонунийлаштирилган маълумотлар йўқ: товарлар (ишлар, хизматлар) номи, миқдори, қиймати (нархи), суммаси, қўшилган қиймат солиғи ставкаси ва суммаси (ҚҚС тўловчиси бўлганда), шунингдек QR-код ва фискал белги.

Дорихона, ёқилғи қуйиш шохобчаси ёки алкоголь ва тамаки маҳсулотлари сотиш пункти томонидан бундай ҳаракатлар содир этилиши солиқ ҳуқуқбузарлиги ҳисобланади.

Президентимизнинг “Савдо ва хизмат кўрсатиш соҳасидаги ҳисоб-китоблар тизимига замонавий ахборот технологияларини жорий қилиш ҳамда ушбу соҳада жамоатчилик назоратини кучайтириш чора-тадбирлари тўғрисида”ги ПФ-5813-сонли фармонига кўра, тўлов терминали орқали қабул қилинган тўловлар учун харидорларга тўлов терминали чеки билан бирга онлайн-НКМ ёки виртуал касса чеки ҳам берилиши шарт.

❗Агар истеъмолчининг ҳуқуқлари бузилса, қонунбузарга 5 млн. сўмдан 20 млн. сўмгача жарима қўлланилади (Солиқ кодексининг 221-моддаси).

☝Харид чеки бермаслик ҳолатига гувоҳ бўлсангиз, Давлат солиқ қўмитасига “Soliq hamkor” ахборот тизими орқали мурожаат қилинг👉👉👉

✅Soliq мобил иловасида “Soliq hamkori” бўлими;
✅my.soliq.uz (https://my.soliq.uz) – давлат солиқ хизматлари портали;
✅@soliq_hamkor_bot – телеграм-боти.

Шунингдек, мурожаатлар “ишонч телефони” (☎ 71-244-98-98) ёки call-маркази (📞1198) орқали ҳам қабул қилинади.

Каналга уланиш учун 👉👉👉

https://t.iss.one/ferganasoliq

ТАДБИРКОРГА КЎМАКЧИ БЎЛАМИЗ

Жорий йилнинг 24 сентябрь куни Президентимиз раҳбарлигида мамлакатимизда тадбиркорликни янада ривожлантириш, амалга оширилган ишлар, йўл қўйилган камчиликлар муҳокамасига бағишланган видеоселектр йиғилиши бўлиб ўтди. Чуқур таҳлиллар асосида тадбиркорлик ривожи ҳолати бўйича ҳудудлар “яхши”, “ўрта” ва “қониқарсиз” тоифаларга ажратилди. Бу борада Қўштепа тумани “қониқарсиз” ҳудудлар қаторига киритилди.

Биз Президентимиз томонидан билдирилган эътирозлардан хулоса чиқариб, “Солиқ идораси – тадбиркорга кўмакчи” тамойили асосида фаолиятимизни ташкил этамиз.

Туманимиздаги ҳар бир тадбиркорлик субъектига шахсан бориб, улар билан учрашиб, суҳбатлашаман, муаммоларини ўрганаман. Мавжуд муаммоларни ваколатим доирасида ҳал этишга ҳаракат қиламан.
Ҳудудимизнинг ижтимоий-иқтисодий салоҳиятини инобатга олиб, янги инновациялар асосида тадбиркорлик фаолиятини йўлга қўямиз.

Давлатимиз раҳбари таъкидлаганларидек, бизни тадбикор боқади. Биз уларга қанча шароит яратсак, халқимизнинг турмуш тарзи шунчалик юксалиб бораверади.

Мен, бу борада йўл қўйган камчиликларим учун Муҳтарам юртбошимиздан, халқимиздан узр сўрайман. Келгусида бу камчиликларни такрорламасликка ваъда бераман.

Алижон Холбоев,
Қўштепа тумани давлат солиқ инспекцияси
бошлиғининг биринчи ўринбосари

#солиқ_тўловчи_календарь
#календарь_налогоплательщика

🗓Солиқ тўловчи – юридик шахснинг 2020 йил октябрь ойи учун календари.
——————————————
🗓Календарь налогоплательщика – юридического лица на октябрь 2020 года.

Жисмоний шахслардан олинадиган ер солиғи ставкалари Фарғона вилояти мисолида

✅Солиқ кодексининг 437-моддасига кўра, жисмоний шахслардан олинадиган ер солиғи ставкалари 1 кв.м учун ҳудудларнинг хусусиятларидан келиб чиқиб мутлақ миқдорларда белгиланади.

Солиқ ставкаларининг аниқ миқдори Ўзбекистон Республикасининг Давлат бюджети тўғрисидаги Қонуни билан белгиланади.

2020 йил 1 январдан якка тартибда уй-жой қуришга бериладиган ерлар учун фуқаролардан ундириладиган ер солиғининг ставкалари 1 кв.метр учун Фарғона ва Қўқон шаҳарларида👉 213 сўм; Марғилон ва Қувасой шаҳарларида👉 146,4 сўм ҳамда вилоятимиздаги туман марказлари ҳисобланган посёлкалар ва қишлоқ аҳоли пунктларида👉 125,7 сўм этиб белгиланган. Қишлоқ жойларда жойлашган ер участкаларидан фойдаланганлик учун ундириладиган ер солиғи миқдори вилоятимиздаги аҳоли пунктларида деҳқон хўжалигини юритишга берилган ерлар учун 1 сотих учун 8487,7 сўмни ташкил қилади.

Демак, Фарғона шаҳрида истиқомат қилувчи жисмоний шахс 1 сотих ер учун👉 21 минг 300 сўм, Марғилон шаҳрида👉 14 минг 640 сўм, Қува тумани марказида эса 👉12 минг 570 сўм миқдорида ер солиғи тўлайди.