Korrupsiya va manfaatlar toʻqnashuvining oldini olishga qaratilgan tadbirlar

Soliq xizmati organlarida korrupsion huquqbuzarliklarning oldini olish, sabab bo‘luvchi omillarni bartaraf etish hamda jamoada korrupsiyaga nisbatan murosasiz munosabatni shakllantirish maqsadida huquqni muhofaza qiluvchi organlar vakillari hamda boshqarmaning Shaxsiy xavfsizlik bo‘limi mas'ullari tomonidan profilaktik tadbirlar davom ettirilmoqda.

Marg‘ilon shahri, Oltiariq va Yozyovon tumanlari soliq inspeksiyalari xodimlari bilan uchrashuv tashkil etilib, manfaatlar to‘qnashuviga yo‘l qo‘ymaslik, korrupsiyaning barvaqt oldini olish yuzasidan targ‘ibot ishlari olib borildi.

Muloqotlar davomida davlat xizmatchisi uchun soliq organlarida qo‘yilgan talablar va yaratilgan sharoitlar, mansab vakolatini suiiste'mol qilish holati aniqlanganda qonunchilikda belgilangan tartibda jazo choralari eslatib o‘tildi.

#antikorrupsiya

Telegram I Facebook I Instagram I Veb-sayt

Beshariq tumanida korrupsiyaning oldini olishga qaratilgan targ‘ibot tadbirlari o‘tkazildi

Soliq organlarini korrupsiyasiz tizimga aylantirish maqsadida Farg‘ona viloyati soliq boshqarmasi Shaxsiy xavfsizlik bo‘limi xodimlari tomonidan targ‘ibot-tashviqot ishlari davom ettirilmoqda.

Xususan, Beshariq tumanida joylashgan chakana savdo va umumiy ovqatlanish shoxobchalarida faoliyat yurituvchi tadbirkorlar bilan yuzma-yuz muloqotlar o‘tkazildi hamda tadbirkorlarning soliq majburiyatlarini bajarish chog‘ida kuzatilishi mumkin bo‘lgan korrupsion holatlarning oldini olish yuzasidan tushuntirishlar berildi.

Shu bilan birga, soliq organlari bilan bog‘liq salbiy holat yuz berganda mas'ullarga xabar berish imkoniyatlari tushuntirildi hamda flayerlar tarqatildi.

#antikorrupsiya

Telegram I Facebook I Instagram I Veb-sayt

Soliq qo‘mitasi mas’ullari ishtirokida uchrashuv o‘tkazildi

Farg‘ona viloyati soliq boshqarmasi majlislar zalida tizim xodimlari uchun korrupsiyaga qarshi kurashish va uning oldini olish masalalariga qaratilgan uchrashuv bo‘lib o‘tdi.

Unda Soliq qo‘mitasi Shaxsiy xavfsizlik boshqarmasi boshlig‘i J.Rahimjonov, rais maslahatchisi G.Muqaddasova va boshqa huquqni muhofaza qiluvchi idora vakillari ishtirok etib, soliq organlarini korrupsiyasiz tizimga aylantirish borasida amalga oshirilayotgan ishlarga to‘xtalib o‘tdilar.

Tadbirda xodimlarga vazifalarini sidqidildan bajarish, mansab va vakolatini suiisteʻmol qilmaslik, soliq tizimida yaratilgan imkoniyatlar keng tushuntirildi.

Soliq to‘lovchilar bilan ishlashda ichki mehnat tartib-qoidalariga rioya qilish lozimligi eslatib o‘tildi.

Shuningdek, mehnat faoliyati davomida korrupsion holatlarga yo‘l qo‘ygan sobiq soliqchilarning pushaymonligi haqida tayyorlangan hujjatli film ishtirokchilarga namoyish etildi.

#antikorrupsiya

Telegram I Facebook I Instagram I

Har bir tadbirkor bilan yuzma-yuz uchrashgan holda korrupsiyaning oldini olishga qaratilgan targ‘ibot tadbirlari olib borilmoqda

Joriy yil 1-noyabrdan 29-noyabrga qadar soliq xizmati xodimlari o‘rtasida korrupsiya va boshqa huquqbuzarliklarga nisbatan murosasizlik munosabatini shakllantirishga qaratilgan "Korrupsiyaga qarshi kurashish oyligi" o‘tkazilmoqda.

Shu munosabat bilan, Farg‘ona viloyati soliq boshqarmasi Shaxsiy xavfsizlik bo‘limi xodimlari tomonidan targ‘ibot-tashviqot ishlari olib borilmoqda.

Xususan, Oltiariq tumanida chakana savdo, umumiy ovqatlanish, xizmat ko‘rsatish sohalarida faoliyat yurituvchi tadbirkorlar bilan yuzma-yuz muloqotlar o‘tkazildi.

Uchrashuvlarda tadbirkorlarning huquqlari hamda soliq majburiyatlarini bajarish chog‘ida kuzatilishi mumkin bo‘lgan korrupsion holatlar, bunday vaziyatda mas'ullarga xabar berish qulayliklari tushuntirildi va flayerlar tarqatildi.

#antikorrupsiya

Telegram I Facebook I Instagram I Youtube

#antikorrupsiya

Korrupsiya – jamiyat va taraqqiyot kushandasi

Xabaringiz bor, joriy yil 1-noyabrdan 29-noyabrga qadar soliq xizmati xodimlari o‘rtasida korrupsiya va boshqa huquqbuzarliklarga nisbatan murosasizlik munosabatini shakllantirishga qaratilgan "Korrupsiyaga qarshi kurashish oyligi" o‘tkazilmoqda.

Shu munosabat bilan, boshqarmaning Shaxsiy xavfsizlik bo‘limi mas'ullari tomonidan huquqni muhofaza qiluvchi organlar vakillari bilan hamkorlikda tizim xodimlari uchun profilaktik tadbirlar tashkil etilmoqda.

Farg‘ona shahri, Oltiariq, Toshloq va Yozyovon tumanlari soliq inspeksiyalarida o‘tkazilgan yig‘ilishlarda davlat xizmatchilari, xususan, soliqchilar, oʻz mansab vakolati hamda xizmat mavqeidan qonunga xilof ravishda foydalanmaslik, manfaatlar toʻqnashuviga yoʻl qoʻymaslik, korrupsiya va taʻmagirlikning salbiy oqibatlari va jinoyatga jazoning muqarrarligi toʻgʻrisida batafsil maʼlumotlar berildi.

Telegram I Facebook I Instagram I Youtube

Soliq xizmati organlarida korrupsiyaga o‘rin yo‘q

9-dekabr – Xalqaro korrupsiyaga qarshi kurashish kuni munosabati bilan Farg‘ona viloyati soliq boshqarmasi majlislar zalida seminar tashkil etildi.

Unda viloyat prokuraturasi vakillari, boshqarma rahbariyati, shaxsiy tarkib hamda hududiy soliq inspeksiyalari xodimlari (videokonferens aloqa orqali) ishtirok etdilar.

Tadbirda so‘zga chiqqanlar xodimlar o‘rtasida korrupsiyaga qarshi kurashishish madaniyatini oshirish, korrupsiyaviy huquqbuzarliklarga qarshi murosasiz munosabatda bo‘lish va sodir etilishiga yo‘l qo‘ymaslikni qo‘llab-quvvatlashga qaratilgan soliq organlarining korrupsiyaga qarshi kurashish siyosatiga batafsil to‘xtalib o‘tdilar.

Shuningdek, soliqchilar oʻz mansab vakolati hamda xizmat mavqeidan qonunga xilof ravishda foydalanmaslik, manfaatlar toʻqnashuviga yoʻl qoʻymaslik, korrupsiya va taʻmagirlikning salbiy oqibatlari va jinoyatga jazoning muqarrarligi toʻgʻrisida eslatib o‘tildi.

#antikorrupsiya

Telegram I Facebook I Instagram I Youtube

Soliq organlarida korrupsiyaning oldini olish maqsadida “Sirli mijoz” tadbirlari o‘tkaziladi

Soliq xizmati organlarida korrupsion huquqbuzarliklarning oldini olish, sabab bo‘luvchi omillarni bartaraf etish hamda jamoada korrupsiyaga nisbatan murosasiz munosabatni shakllantirish maqsadida huquqni muhofaza qiluvchi organlar vakillari hamda boshqarmaning Shaxsiy xavfsizlik bo‘limi mas'ullari tomonidan profilaktik tadbirlar davom ettirilmoqda.

Navbatdagi tadbir Farg‘ona shahar soliq inspeksiyasida o‘tkazildi.  Unda so‘zga chiqqanlar Soliq qo‘mitasining “Korrupsiyaga qarshi kurashish siyosati” tasdiqlanganligi hamda mazkur siyosatda belgilangan chora-tadbirlar egallab turgan lavozimi, bajaradigan vazifa va funksiyalardan qat’i nazar barcha xodimlar uchun majburiyligi, belgilangan tartibni buzgan har bir xodim shaxsan javobgar ekanligi ta’kidlandi.

Shuningdek, soliq tizimidagi xizmatlar sifati va tezligini, shuningdek, mas’ul xodimlarning huquqbuzarlik sodir etishiga moyilligini aniqlash maqsadida mustaqil tashkilotlar orqali “Sirli mijoz” tadbirlari o‘tkazilishi, mazkur jarayonda xodimlar tomonidan belgilangan odob-ahloq qoidalariga rioya qilinishi, ularning pora olishga moyilligi o‘rganilishi ogohlantirib o‘tildi.

Tadbir yakunida korrupsiyaga nisbatan murosasiz bo‘lish muhitini yaratishga har bir xodim mas’ul ekanligi eslatib o‘tildi.

#antikorrupsiya

Telegram I Facebook I Instagram I Youtube