#хабарнома

📢 Ҳурматли солиқ тўловчилар!

Ўзбекистон Республикаси Солиқ кодексининг 274-моддасига мувофиқ солиқ тўловчи ўрни қопланиши лозим бўлган солиқ суммасини солиқ органларига солиқ суммасини қайтариш тўғрисида берилган аризага асосан қайтариш ҳуқуқига эга эканлиги белгиланган.

Агар камерал солиқ текшируви натижаларига кўра солиқ органи қайтариш учун аризада кўрсатилган солиқ суммасининг ўрнини тўлиқ ёки қисман қоплаш тўғрисида қарор қабул қилса, мазкур солиқ суммаси солиқ тўловчига солиқ суммасини қайтариш тўғрисида ариза берилган санадан эътиборан олтмиш кундан кечиктирмай қайтарилади.

Шунингдек, солиқнинг жами суммаси ўрнини тезлаштирилган тарзда қоплаш тартиби бу ҳақда солиқни қайтариш тўғрисидаги аризада кўрсатилган тақдирда, қуйидаги тоифадаги солиқ тўловчиларга нисбатан қўлланилади👉👉👉

✅ Ўзбекистон Республикасининг йирик солиқ тўловчилар тоифасига белгиланган тартибда киритилган юридик шахсларига;

✅ солиқни қоплашга доир ариза билан бирга амалдаги банк кафолатини тақдим этган ёки солиқ органлари билан гаров шартномасини ушбу Кодекснинг 107 ёки 109-моддаларида белгиланган тартибда расмийлаштирган солиқ тўловчиларга;

✅ экспорт ва унга тенглаштирилган операцияларни амалга оширадиган шахсларга - агар илгари бу шахсларга солиқ суммаси қопланган ва бунда қонунбузарликлар аниқланмаган бўлса, ноль даражали солиқ ставкаси қўлланилиши натижасида ҳосил бўлган солиқнинг ошиб кетган суммалари қисмида;

✅ чет эл дипломатик ваколатхоналарига ва уларга тенглаштирилган ваколатхоналарига;

✅ маҳсулот тақсимотига оид битим иштирокчиларига, агар бундай битимда ноль даражали ставка қўлланилиши назарда тутилган бўлса;

✅ солиқ мониторинги иштирокчиларига.

Солиқнинг ўрнини тезлаштирилган тартибда қоплашда солиқ тўловчи томонидан қайтариш учун аризада кўрсатилган солиқ суммасининг ўрни унга етти кун ичида тўлиқ ҳажмда қопланади. Бунда ўрни қопланиши учун аризада кўрсатилган солиқ суммаси асослантирилганлигининг камерал солиқ текшируви умумий тартибда амалга оширилади.

❗Агар камерал солиқ текшируви натижаларига кўра аризада кўрсатилган солиқ суммаси ёки унинг бир қисми асоссиз бўлиб чиқса, солиқ тўловчи солиқнинг ўрни ўзига асоссиз равишда қопланган суммасини қоплаш санасидан то уни бюджетга тўлаш санасигача пеня ҳисобланган ҳолда бюджетга тўлаши шарт✔.

Солиқ суммаларининг ўрнини қоплаш тартиби ва шартлари, ушбу моддага мувофиқ камерал солиқ текширувини ўтказиш, шунингдек чет давлат фуқаролари томонидан Ўзбекистон Республикаси ҳудудида олинган товарларни олиб чиқишда уларга солиқ суммасини қайтариш (ТАХ FREE) Ўзбекистон Республикаси Давлат солиқ қўмитаси томонидан Ўзбекистон Республикаси Молия вазирлиги билан келишилган ҳолда белгиланади.

☎ Мурожаат учун телефонлар:

73-241-70-67;
94-550-87-87;
91-124-00-67.

Ҳудудлар бўйича:

🔷Қувасой, Марғилон ва Фарғона шаҳар ҳамда Фарғона тумани 👉 Мирзакаримов Аҳмад Қодирович - 99-538-37-72.

🔷Бувайда, Қўштепа, Риштон ва Тошлоқ туманлари 👉 Муслимова Гўзал Собировна - 93-975-34-07.

🔷Данғара, Олтиариқ ва Учкўприк туманлари 👉Ҳамроқулов Адҳамжон Комилович - 90-272-14-43.

🔷Қўқон шаҳар ҳамда Боғдод, Қува, Ёзёвон ва Сўх туманлари 👉 Мамадалиев Рашидхон Оббосович - 91-698-60-21.

🔷Бешариқ, Ўзбекистон ва Фурқат туманлари 👉 Ғофуров Ҳикматилло Ўрмоналиевич - 97-555-07-54.

📌 Шунингдек ўзингизни қизиқтирган маълумотларни @Jasur056 телеграмм орқали олишингиз мумкинлигини маълум қиламиз.

Биз Сизга хизмат кўрсатишдан мамнунмиз!

Каналга уланиш учун 👉👉👉

https://t.iss.one/ferganasoliq