Respublika ishchi guruhi tomonidan Beshariq tumani 4-sektor hududidagi aholi muammolari ijobiy hal etilmoqda

Beshariq tumani viloyatning eng chekka va eng olis hududlaridan biri bo‘lib, yoz kunlaridagi salqin havosi, qishda esa qolgan hududlarga nisbatan biroz sovuqligi bilan ajralib turadi. Tumanning 4-sektor hududidagi 10 ta MFYda qariyb 37 ming nafar aholi istiqomat qiladi.

Ayni kunlarda sektor hududidagi aholi muammolariga yaqindan quloq tutish, ularga ijobiy yechim topish maqsadida Davlat soliq qo‘mitasi raisi o‘rinbosari S.Eshmatov boshchiligidagi Respublika ishchi guruhi tomonidan uyma-uy yurish orqali o‘rganish ishlari amalga oshirilmoqda. E’tiborli jihati shundaki, har bir mahalla uchun tuzilgan alohida ishchi guruhlar orqali barcha xonadonlarga kirib borilmoqda. Hozirga qadar uyma-uy yurish orqali 7 033 ta xonadon o‘rganilib, 2 450 ta muammoli masalalar aniqlangan bo‘lsa, ularning 1 141 tasi ijobiy hal etildi:

💠Ijtimoiy himoyaga muhtoj oilalardagi 50 nafar bolalarga qishki kiyim-bosh (har biriga qishki oyoq kiyim, shim, kurtka, sharf va bosh kiyim) yetkazib berildi.

💠Ehtiyojmand oilalarga 15 turdagi oziq-ovqat mahsulotlari tarqatildi.

💠Salomatligi bilan bog’liq muammolari bor fuqarolar, shu jumladan, nogironlar holidan xabar olindi, malakali shifokorlar tomonidan zarur muolajalar qilinishi choralari ko’rildi.

💠Sektor hududidagi shag’allashtirilishi lozim bo’lgan 54 km ichki yo’llar aniqlanib, amaliy ishlar boshlab yuborildi.

💠Ko‘p qavatli uylar va ijtimoiy obyektlarda o’tkazilgan o‘rganishlarda 23 ta muammo aniqlanib, 12 tasi ijobiy hal etildi, qolganlari esa mas’ullarga biriktirildi.

Bundan tashqari, uyma-uy yurishlarda mahallalar o’sish nuqtasini aniqlab, tadbirkorlikni rivojlantirish masalalari o’rganilmoqda.

Ayni paytda Respublika ishchi guruhi tomonidan o‘rganish ishlar davom etmoqda.

#4_sektor #fergana

Telegram I Facebook I Instagram I Veb-sayt