#солиқ_тўловчи_календарь

🗓 Эслатма ❗2021 йил 23 февраль

2021 йил февраль учун:

💰 жами даромади жорий солиқ давридан олдинги солиқ даври учун киритилган тузатишлар ҳисобга олинган ҳолда 5 миллиард сўмдан ошадиган фойда солиғи тўловчилари ҳар ойлик бўнак тўловларини тўлашнинг охирги куни
(Солиқ кодексининг 340-моддаси иккинчи қисми).

#солиқчи_қўмакчи #клиентоориентированность

95,1 фоиз ҳолатда ҚҚС суммасини ноқонуний ҳисоб (зачет)га олиш факти тасдиқланди

Давлат солиқ хизмати органлари томонидан солиқ тўловчиларнинг мурожаатлари асосида фаолияти шубҳали деб топилган корхоналар билан амалга оширилган битимларни ўрганиб чиқиш учун тезкор равишда камерал солиқ текширувлари ташкил этилмоқда.

Хусусан, жорий йилнинг 23 февраль ҳолатига республикамиз бўйича жами 3 306 та корхонада 554,6 млрд. сўмлик асоссиз ҳисоб (зачет)га олинган қўшилган қиймат солиғи (ҚҚС) суммаларига аниқлик киритиш бўйича камерал солиқ текширувлари якунланди.

Натижада:
– 3145 та, яъни 95,1 фоиз корхонада (514,8 млрд. сўм) «сохта» операцияларни амалга ошириш фактлари тасдиқланди. Улар ҳудудлар кесимида қуйидагича;
– Тошкент шаҳри 984 та тадбиркорлик субъекти (99,3 млрд.сўм);
– Фарғона вилояти 324 та тадбиркорлик субъекти (133,6 млрд.сўм);
– Бухоро вилояти 316 та тадбиркорлик субъекти (30,2 млрд. сўм);
– Андижон вилояти 296 та тадбиркорлик субъекти (32,8 млрд. сўм);
– Қашқадарё вилояти 185 та тадбиркорлик субъекти (14,5 млрд. сўм);
– Жиззах вилояти 160 та тадбиркорлик субъекти (19,8 млрд. сўм);
– Тошкент вилояти 151 та тадбиркорлик субъекти (50,9 млрд. сўм);
– Сирдарё вилояти 143 та тадбиркорлик субъекти (10,8 млрд. сўм);
– Навоий вилояти 126 та тадбиркорлик субъекти (10,6 млрд. сўм);
– Наманган вилояти 113 та тадбиркорлик субъекти (52,7 млрд. сўм);
– Қорақалпоғостон Республикаси 101 та тадбиркорлик субъекти (3,1 млрд. сўм);
– Самарқанд вилояти 90 та тадбиркорлик субъекти (16,5 млрд. сўм);
– Хоразм вилояти 71 та тадбиркорлик субъекти (2,7 млрд. сўм);
– Сурхондарё вилояти 59 та тадбиркорлик субъекти (1,7 млрд. сўм);
– Йирик солиқ тўловчилар 26 та тадбиркорлик субъекти (35,8 млрд. сўм).

Бунда 58 та, яъни 1,8 фоиз (11,2 млрд. сўм) ташкилотда ҚҚС суммасини ноқонуний ҳисоб (зачет)га олиш факти қисман тасдиқланди.

Назорат тадбирлари ўтказилган 103 та, яъни 3,1 фоиз солиқ тўловчилар томонидан 28,6 млрд. сўмлик ҚҚС суммасини тўғри ҳисоб (зачет)га олганлиги ҳолатлари бўйича асословчи ҳужжатлар тақдим этилди. Ҳозирда улардан ортиқча олинган маблағларни қайтариш бўйича тезкор жараёнлар бошланган.

Шунингдек, камерал солиқ текширувлари жараёнида 118 та корхона томонидан ҚҚС суммасини тўғри ҳисоб (зачет)га олиш билан боғлиқ йўл қўйилган бошқа ҳуқуқбузарликлар хам аниқланиб, уларга нисбатан 5,3 млрд. сўмлик солиқлар қўшимча ҳисобланди.

Мурожаатларни кўриб чиқиш давом этмоқда.

Тelegram | Facebook | Youtube| Instagram

#Биласизми

Солиқ кодексининг 15-моддасига кўра, солиқ муносабатларида солиқ тўловчилар контрагентларни танлаш чоғида уларнинг солиқ органларида солиқ тўловчилар сифатида ҳисобга қўйилганлигини, контрагентнинг ишбилармонлик обрўсини, ишлаб чиқариш базаси ва ходимлари мавжудлигини, молиявий ҳолатини, битим бўйича мажбуриятларни бажариш қобилиятини текшириб, лозим даражада эҳтиёткорлик қилиши шарт❗

Солиқ тўловчи томонидан унинг олдидаги ўз мажбуриятларини бажармаган шахслар билан тузилган битимлар бўйича қилинган харажатлар (кўрилган зарарлар), агар ушбу солиқ тўловчи битим тузаётганда лозим даражада эҳтиёткорлик қилмаган бўлса, солиқ солиш мақсадида тан олинмайди❌.

❗️Шошилинг, вақт оз қолмоқда. 2021 йилдаги иккинчи тираж 25 февраль куни соат 18:00 да «O‘zbekiston» телеканали орқали жонли эфирда бўлиб ўтади.

#солиқчи_қўмакчи #клиентоориентированность

Давлат корхоналари ҳам «обнал фирма»лар билан «сохта» битим тузган

Яширин иқтисодиётни қисқартириш ва бизнес учун тенг рақобат муҳитини яратиш мақсадида фаолиятида солиқларни тўлашдан қочишнинг турли хил схемаларидан фойдаланганлик ҳолатлари кузатилган “Шубҳали” корхоналар рўйхати шакллантирилди. Ушбу рўйхатдан 396 та корхона жой олди.

Ушбу хўжалик юритувчи субъектлар ўз фаолияти давомида қалбаки операцияларни амалга ошириб, бюджетга тўланадиган солиқ суммаларини камайтирганлар. 10 мингга яқин корхона улар билан молиявий операцияларни амалга ошириб, қарийб 1 триллион сўм миқдоридаги қўшилган қиймат солиғи суммасини ҳисоб (зачет)га олган ҳолда бюджетга тўламаган.

Бундай контрагентлар орасида 120 та давлат корхонаси (47,3 млрд. сўм) ва 86 та давлат улуши мавжуд (48,1 млрд. сўм) корхона аниқланди.

👉Ушбу корхоналарнинг тўлиқ рўйхати билан қуйида танишишиш мумкин.

Тelegram | Facebook | Youtube| Instagram

#солиқчи_қўмакчи #клиентоориентированность

«Шубҳали» солиқ тўловчилар сони 500 дан ошди

Давлат солиқ қўмитаси аввалроқ қонуний бизнес юритишнинг нуфузини ошириш ҳамда “ҳалол” тадбиркорликни қўллаб-қувватлаш мақсадида, солиқларни тўлашдан қочишнинг турли йўлларидан фойдаланган 396 та «Шубҳали» корхоналар рўйхатини эълон қилган эди.

Мутахасссислар томонидан олиб борилган таҳлиллар натижасида шубҳали тадбиркорлик субъектлари сони бундан ҳам кўп эканлиги маълум бўлди.

Таҳлика-таҳлил дастури орқали олиб борилган таҳлиллар якуний натижаларига кўра, дастлабки аниқланган 396 та шубҳали корхона қаторига яна 129 та корхона қўшилиб, улар сони 525 тага етди.

Таҳлил натижаларига кўра, ушбу шубҳали корхоналар контрагентларининг шахсий кабинетлари орқали асоссиз ҳисобга олинган қўшилган қиймат солиғи суммасига тузатиш киритишлари тўғрисида хабарномалар юборилади.

👆Корхоналарнинг тўлиқ рўйхати билан юқорида танишиш мумкин.

Солиқ назорати тадбирлари давом этмоқда.

Тelegram | Facebook | Youtube| Instagram

"Обналчи" давлатни, жамиятни алдайди, у ҳам вирус.