#Murojaat
#Munosabat

Assalomu alaykum. Bugun menga suratdagi murojaatni yo'llashibdi. Hursand bo'ldim. Rasul akani kanallarini va faoliyatini ham kuzatib boraman. Haqiqatda murojaat egasi aytganidek fidoiy deputatlardan. Ilohim, aytganingiz ushalib, ularni yo'lini bizga ham bersin. Meni saylagan aholimiz oldida yuzimiz yorug' bo'lsin! Fikringiz uchun rahmat. Hurmat bilan,

Ergash Abdurayimov, deputat.

Ulanish👉 @ergash_abdurayimov

#Munosabat

OKMK TV ning auditoriyasi kengayishiga halaqit beradigan ko'plab obyektiv, subyektiv sabablar bor. Hozir bu haqda gapirmoqchi emasman. "Dolzarb mavzu" ko'rsatuvi menda mazkur telekanalning faoliyatini bir karra yangi bosqichga olib chiqishiga umid uyg'otdi. Biz kutayotgan uslubga o'tilishiga oz bo'lsada harakat boshlangani ham yaxshi natija. Bevosita ko'rsatuvning bu sonida ko'tarilgan masalaga kelsak:

TO'SIQ OLIB TASHLANISHI KERAK AMMO U YERDAN SHAXSIY AVTOMOBILLAR KIRISHI KERAK EMAS.

Qolgan barcha sa'y- harakatlar shu maqsadga xizmat qilishi kerak. Turargoh qilish masalasi, bolani o'z holiga tashlab qo'ymaslik va hakazo.

P.S. Albatta bular mening shaxsiy fikrim. Zahiriddin Mahmutaliyevdan esa ko'rsatuvning yanada pishiqroq sonlarini kutib qolamiz. Buni eplaydi.

Ulanish👉 @ergash_abdurayimov

#Munosabat
#So'rov

Ijtimoiy tarmoqlarda Covid19 ga topshirilgan test natijalari musbat chiqqan Olmaliq shahar Tibbiyot birlashmasi xodimi va uning yaqin qarindoshlari, qolaversa, u bilan yaqin muloqotda bo'lgan deya tayyorlangan hujjat namunasi tarqaldi.

Shahar deputati sifatida shahar IIB dan bu hujjatlarning qanchalik to'g'riligi hususida rasmiy axborot berishini so'rayman. Bordiyu, bu ma'lumotlar to'g'ri bo'lsa, nima uchun shaxsning obro'si, qadr-qimmati bilan bog'liq hujjat bunday tarzda ommaga chiqib ketdi? Agarda, bu hujjatlar noto'g'ri va asossiz bo'lsa, rasman bu haqda ma'lum qiling va hujjatlardagi insonlarning obro'sini saqlab qoling.

Javobini kutamiz!

Ulanish👉 @ergash_abdurayimov

#Munosabat

Senat raisi Tanzila Norboyeva tanqid haqida nimalar dedi?

Ulanish👉@ergash_abdurayimov

#Munosabat
#TV

Murod Rajabov televideniyelar haqida achinib gapirdi. Har holda bu gaplar haqiqatdan yiroq, deb ayta olmaymiz. Televideniyelarimiz eski formatdan chiqib keta olmayapti. Albatta, ochiqlik siyosatiga "labbay" deb javob berish ham ancha mushkul ish va ancha vaqt va kurashlarni talab etar ekan. Ammo qachondur biz shu yo'lni bosib o'tishimiz kerak edi va bu boshlandi. Muhtaram Shavkat Miromonovich ta'biri bilan aytganda endi ortga yo'l yo'q. Davlat rahbari qo'llab-quvvatlab turgan bir paytda katta yurak bilan bu yo'lda ko'pchiliklashib oldinga yurishimiz kerak bo'ladi. (IMHO)

Ulanish👉 @ergash_abdurayimov

#Munosabat

Olmaliq7/24 telegram kanalida Olmaliq shahar maktablarida ta'limning onlayn yoki an'anaviy boshlash bo'yicha berilgan rasmiy axborotga

DEPUTAT MUNOSABATI

Birinchidan, maktablarning ochilishi bo'yicha rasmiy axborot berish OKMK ning axborot xizmati vakolatida emas. Ikkinchidan, Olmaliqda 25, 29-maktab yo'qligini bu xizmat bilmaydimi?
Uchinchidan, 23-maktabda o'qish 7-sentyabrda boshlangan edi. Nima endi u yana onlaynga o'tdimi?
To'rtinchidan, endi OKMK axborot xizmati rasmiy ravishda ma'lum qilsinkim, 11, 3- maktab o'qishda davom etadimi?

✍Hullas, hamma o'z vakolati doirasida ish qilishi kerak.

Hurmat bilan, Xalq deputatlari Olmaliq shahar Kengashi deputati Ergash Abdurayimov.

Ulanish👉 @ergash_abdurayimov

#Sessiya
#Munosabat

Xalq deputatlari Olmaliq shahar Kengashining navbatdan tashqari sessiyasi bo'lib o'tdi.

Nimalarni o'ylayapsan, demoqchisiz...

Usmon aka (sobiq hokim) irodali va "noni" ni topib ketadigan odam. Qobil Muradqulovich (yangi hokim) ga omad tilash qiyin ish emas. Meni sessiya davomida bir fikr qiynadi holos. Dilshod (Usmon Ismoilovichning o'g'li)ning hozirgi holati...

Ulanish👉 @ergash_abdurayimov

#Munosabat

Muhammadsodiq Mo'minov.
Muhammadsodiqni O'zbekiston yoshlar ittifoqi Olmaliq shahar Kengashi raisi lavozimiga saylanganini eshitib, ochig'i hursand bo'ldim. Negaki, Olmaliqning bir yosh fuqarosi, yosh deputati, qolaversa, Yoshlar ittifoqining shahar Kengashiga rahbarlik qilgan ilk Kengash raisi sifatida meni bu lavozimda har tomonlama munosib inson ishlashi kerak, degan o'y har doim qiziqtirgan. Mo'minov shaxsiga to'xtalsak, bu yigit Olmaliqda tug'ilib, katta bo'lgan, o'qigan. Yoshlar tashkilotining faol sardorlaridan bo'lgan. Avtomobil yo'llari institutida o'qib, Toshkent shahrida ham ko'zga ko'rindi. Birinchi Prezidentimiz nomidagi stipendiyaga loyiq ko'rildi. Bu kichkina natija emas. Men Mo'minovni Olmaliq shahri yoshlariga yetakchi qilib tanlanishidan (jumladan, mahalliy kadr sifatida o'zimizda olib qolinishidan) shahar yoshlari faqat va faqat foyda ko'radi, deb ishonaman. Muhammadsodiq Mo'minovga esa berilgan ishonchni oqlash yo'lida kuch-g'ayrat tilayman.

@ergash_abdurayimov

#Munosabat

Shaxsan men ham shu fikrga qo'shilaman. Hammayoq paxta bilan bog'lanib ketgandi o'zi. Metro nimi ham, tuman nomi ham, piyolaning guli ham, panjaraning gulidagi shakl ham. Hamma narsa shu o'simlik bilan bog'lab tashlangan, go'yoki bizda paxtadan boshqa hech narsa yo'qdek. Kerak bo'lsa boshqa joy nomlarini ham ko'rib chiqish kerak chamamda.

@ergash_abdurayimov

#Munosabat

Andijon shahrida deputatlarning sessiyaga tintuv qilib kiritilganligi holati bo'yicha shaxsiy munosabat

Deputat, ya'nmi xalq ishonib saylab qo'ygan vakilga mahalliy hokimlik yoki kuch ishlatar tizimlarning jinoyatchiga bo'lgandek munosabatini umuman oqlab bo'lmaydi. Agar sessiya haqqoniy va o'z o'rnida hokimlik faoliyati ham to'g'ri yo'lga qo'yilgan bo'lganda edi, shaffoflikdan qochmagan bo'lishardi.

Mahalliy hokimliklar va rahbarlar xalq bilan, jumladan, xalq ishonib saylagan deputatlar bilan hisoblashishi kerakligini anglab yetishi kerak. Ko'pchilik zamon "nafasi"ni his qilmayotgan mutasaddilar hali ham oqibat bilan kurashib yuripti. Yo'q, sabab bilan kurashing. Kim internetga chiqardi deb emas, nega shunday bo'ldi, deb savol qo'ying. Qaysi deputat e'tiroz bildirdi, deb emas, u e'tiroz bildirgan masalaning mazmun-mohiyatiga e'tibor qarating tamom.

Hullas, men Xalq deputatlari Olmaliq shahar Kengashi deputati va ayni vaqtda Kengash kotibiyati mudiri sifatida Andijonda bo'lganligi aytilayotgan deputatlarning sessiyaga tintuv qilib kiritilishini umuman oqlab bo'lmaydigan holat va ayni vaqtda deputat dahlsizligining toptalishi deb hisoblayman.

P.S. Aksincha, biz Olmaliqda Kengash huzuridagi ayrim komissiyalarga hatto blogerlarni a'zo qilib kiritdik, sessiyalarimizga taklif ham qilayapmiz, har bir deputatning ijtimoiy tarmoqlarda o'z sahifalariga ega bo'lishiga intilayapmiz. OAV va jamoatchilik bilan aloqa qilishda Kengashi raisi va deputatlarimiz faollashib borayotgani hech kimga sir emas. Bundan shahar hokimligi ham deputatlar ham, o'z o'rnida xalq ham faqat foyda ko'radi. Xatolar bo'lsa tan olishni va to'g'irlashni o'rganayapmiz.

Ergash Abdurayimov - Xalq deputatlari Olmaliq shahar Kengashi deputati

@ergash_abdurayimov

#Munosabat

Xalq deputatlari Olmaliq shahar Kengashining yosh deputati, Kengash kotibiyati mudiri Ergash Abdurayimov Prezidentimizning yoshlar va talabalar bilan uchrashuvda so'zlagan ma'ruzasiga munosabat bildirdi.

O'zbekiston-24 lavhasida.

@olmaliq_deputatlari

#Munosabat

O'zbekiston tashqi siyosatda ham ancha faollashgani haqiqat. Bu ayniqsa, mintaqada tinchlik va osoyishtalikni ta'minlash uchun bo'layotgan sa'y harakatlarda yaqqol ko'zga tashlandi. O'ylaymanki, Xurmatli Shavkat Miromonovich Mirziyoyevning tashabbusi bilan tashkil etilayotgan mazkur Konferensiya nafaqat nazariy balki, amaliy jixatdan xalqlarimiz tinchligi yo'lidagi katta ahamiyatga ega bo'lgan samarali muloqot maydoni vazifasini o'taydi. Bunday amaliy harakat mintaqa uchun suv va havoday zarur deb hisoblayman.

Ergash Abdurayimov -Xalq deputatlari Olmaliq shahar Kengashi deputati.

@ergash_abdurayimov

#Munosabat

Aziz aka, mening qo'shnim bo'ladi. Haqiqatdan ham malibusi bor. To'g'ri, kreditlari bor. Ammo oylikni yaxshi oladi. Sababi, professional haydovchi. Bilib-bilmay gapirayotganlar, Prezidentga bor haqiqatni aytgan shafyorni yomonlamay ishini qilsin. Borni ko'rolmaydi, yo'q bo'lsa berolmaydi. Og'ziga elak tutolmayotganlar Olmaliqqa kelinglar, bir ko'rib ketasizlar. Nima sizningcha, Prezidentga men bechoraman, ochman, deyishi kerakmidi. Aziz aka shukrona qilib, tinmay ishlaydigan odam. Har holda boqimanda emas. Postimni tagidan yashirinib yozmoqchi bo'lganlar diqqatiga, mard bo'lib Olmaliqqa kelib Aziz akani sharoitini ko'rib ketinglar. Kerak bo'lsa undan ham zo'r mashina oladi. Lekin u mashinasi bilan emas shirindan shakar qizlarini boylik deb biladi. Moddiy hayoti bilan qiziqqanlari uchun rahbarga bor haqiqatni aytib javob qaytardi. Vaqtlar keladi, hamshira va o'qituvchilar, hokimiyatning oddiy mutahassislari, kerak bo'lsa bog'bonlar malibu oladi. Noshukur lar o'shanda ham berkinib, har xil g'iybatdan bo'shamaydi. Bekorchilarga mavzu topildi. O'zlaringga boshqa mavzu qidiringlar, bunisi o'xshamadi.

Janob Prezident, Sizga aytilgan gaplar hammasi haqiqat, ming shukur OKMK ishchilarini yetarli ta'minlab kelmoqda. Halol ishchilari oyligini o'ynab yesin, ular mexnat qilmoqda va shunga yarasha yashasin. Sizga katta rahmat ularni ruhlantirib g'ayrat baxsh etganingiz uchun!!!

Facebook👉https://m.facebook.com/story.php?story_fbid=841636333383444&id=100026112545690

@ergash_abdurayimov

#Munosabat

Yoshlar tashkiloti deganda faqatgina yordam beruvchi, imtiyoz beruvchi tuzilmani tushunilishi yaxshi tendensiya deb hisoblamayman. Yoshlar tashkiloti deganda biz yoshlarga ko'mak qo'lini cho'zish bilan birgalikda ularning o'zi uchun o'zi intilishga o'rgatadigan, fidoiylik, vatanparvarlikka safarbar qiladigan, ruhini ko'taradigan loyihalar uchun asosiy bayroqdor bo'luvchi institutni tasavvur qilishimiz kerak. Yoshlar ishlari agentligi shahar ozodaligini saqlash bo'yicha bir qarashda oddiy ammo juda kerakli #chellange bilan masalaning mana shu qirralariga nazar tashlamoqchi.

Yaqin davrlardan buyon Olmlaiq shahar Yoshlar parlamenti vakillar maktabining yolg'iz qariyalar uylarida xasahr tashkil qilishni odat qilganidan quvongan edik. Bu kabi ishlar kundalik ommaviy ishimizga aylanishi kerak. Biz yoshlar tarbiyasiga xizmat qiluvchi har qanday loyihangizni qo'llab-quvvatlashga va Siz bilan birga bo'lishga tayyormiz. Barakalla, Yoshlar ishlari agentligi Olmaliq shahar bo'limi!

Ergash Abdurayimov - Xalq deputatlari Olmaliq shahar Kengashi kotibiyati mudiri.

@ergash_abdurayimov

#Munosabat

Qobulov viloyat hokimiga maslahatchi

Bir paytlari otam menga o'g'lim, qaysi kasbni tanlasang ham shu kasbning ustasi bo'lgin! degandilar. Shu sababli men ko'nglimga quloq solib o'qituvchilik kasbini tanlaganman. Alloh nazari va hayot taqozosi, xalq va davlat ishonchi bilan turli lavozimlarda ishlab kelyapman. Lekin bular lavozim. Lavozim o'tginchi bir jarayon. Lekin kasbim mening eng yaqin do'stim va doim men bilan. Har onda uning bag'riga uchib ketishga tayyor bo'lib yashayman. Shunday ekan o'z kasbining ustalariga hurmatim cheksiz. Chunki ular professionallar. Behzod Qobulov ana shunday qalami o'tkir, kasbi bilan yashaydigan, sohaning buguni va ertasi uchun joni "kuyadigan" fidoiylardan biri. Lavozimlar mana shunday soha fidoiylariga berilishi kerak. Viloyat hokimligi imidji uchun javobgar bo'lishdek o'ta katta masʼuliyat ishonib topshirilgani bilan qutlayman.

Ergash Abdurayimov - Xalq deputatlari Olmaliq shahar Kengashi kotibiyati mudiri, deputat.

@ergash_abdurayimov

#Munosabat

Ayrim fuqarolarimizdan ba'zi Yo'lovchi tashish transporti faoliyati bilan shug'illanuvchi yo'nalishli taksi xizmatlari (Damaslar) yo'l haqqini ko'p talab qilishayotgani bo'yicha murojaatlar kelib tushdi. Olmaliq shahar deputatlari bu masalani nazoratga olishdi. Deputatlik nazorati va o'rganish olib borib natijasi bo'yicha mas'ullar bilan muhokama qilinishini ma'lum qilamiz.

@ergash_abdurayimov

#Munosabat
#Murojaat_bo'yicha
#Chiqindilar_bo'yicha

Men saylangan Temur Malik mahallasi hududidan chiqindilarni olib chiqib ketish bo'yicha kechikish bo'layotgani haqida murojaatlar bo'layapti.

Men mas'ullarga bu haqida xabar berdim. "Sihat salomatlik stroy" MCHJ tomonidan kamchiliklar tez orada bartaraf etiladigan bo'ldi.

👉Natijasini bo'yicha o'zgarish bo'lsa (bo'lmasa ham) bizga yozib yuborsangiz xursand bo'lardim.

@ergash_abdurayimov