​​ШАЪБОННИНГ ЯРМИДАН КЕЙИН РЎЗА ТУТИШ
#шаъбон #рўза

❓1566-CАВОЛ: Шаъбонинг ярмидан кейин рўза тутиб бўлмайди деб эшитдим. Шу тўғрими?

💬 ЖАВОБ: Бисмиллаҳир Роҳманир Роҳим. Шаъбоннинг ярмидан кейин рўза тутиб бўлмайди, деган гап тўғри эмас. Балки, бу муддатда истаганча қазо, назр ёки нафл рўзалар тутиш мумкин. Фақат шак кунида, яъни Шаъбоннинг ўттизими ёки Рамазоннинг биринчи куними, деб шак қилинган кунда нафл рўзадан бошқа рўзаларни тутиш макруҳ саналади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​ЎТКИР ҲИДЛИ НАРСАНИ ҲИДЛАШНИНГ РЎЗАГА ТАЪСИРИ
#рўза

❓1569-CАВОЛ: Рўзадор хушидан кетса, уни ўткир ҳидли спирт билан хушига келтирса, рўзаси очиладими?

💬 ЖАВОБ: Бисмиллаҳир Роҳманир Роҳим. Умумий қоида шуки: "Инсон танасига жисми бор нарсанинг кириши рўзани очади". Атир ва спирт кабиларни ҳидлашнинг рўзага таъсири йўқ. Демак, мазкур ҳолатда рўза очилмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​БИРОР НАРСА ЕЯЁТГАН РЎЗАДОРГА ЭСЛАТИШ
#рўза

❓1570-CАВОЛ: Рўзадор одам эсида йўқ бирор нарса еяётган ёки ичаётган бўлса, унга рўза тутганини эслатиб қўйиш керакми?

💬 ЖАВОБ: Бисмиллаҳир Роҳманир Роҳим. Рамазон кунларида егулик ёки ичимлик тановул қилаётган кишини огоҳлантиришнинг тафсилоти қуйидагича: агар ўша одам кекса, рўзани базўр тутаётган заифҳол ёки камқувват одам бўлса, унга рўза ҳақида дарҳол эслатилмайди. Бироз еб ёки ичиб олгандан кейин айтиб қўйилади. Агар куч-қуввати жойида бўлган одам бўлса, бирданига ёдига солиб юборилади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

КЕЧАСИ РЎЗАГА НИЯТ ҚИЛГАН ОДАМ САҲАРЛИКДА ТАОМЛАНИШИ
#рўза

❓1571-САВОЛ: Кечаси эртанги куни рўза тутишни ният қилиб ухлаган киши саҳарликка уйғонганда саҳарлик қилиши мумкинми?

💬 ЖАВОБ: Бисмиллаҳир Роҳманир Роҳим. Ҳа, мумкин. Чунки рўзанинг нияти бомдод вақти кириши билан кучга кириб, қуёш ботиши билан тугайди. Айрим одамлар саҳарлик қилиб, ният қилиб, оғзини ёпиб олса, бомдод вақтигача вақт бўлганига қарамай, оғзимни ёпдим деб, ҳатто дориси бўлса, ичмайдилар. Бу хато тушунча ҳисобланади. Модомики саҳарлик вақти чиқиб кетмаган экан, еб-ичиш мумкин. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​РАМАЗОНДА ТУХУМ ЕЙИШ МУМКИНМИ?
#рўза

❓САВОЛ: Рамазондаги саҳарлик ёки ифторликларда тухум ейиш мумкинми?

💬 ЖАВОБ: Бисмиллаҳир Роҳманир Роҳим. Албатта, саҳарлик ва ифторликда тухум ейиш жоиз. Чунки ифтордан кейин рўзадор ҳалол таомлардан хоҳлаганини ейиши мумкин, жумладан, тухумни ҳам. Бу борада бирорта тақиқ йўқ. “Тухум еб бўлмайди”, дейиш учун камида битта қатъий далил керак. Бундай далил эса йўқ.
Муҳим жиҳати, асли ҳалол нарсани ҳаромга чиқариш Аллоҳ таолонинг қуйидаги буйруғига қарши чиқишдир:
يَا أَيُّهَا الَّذِينَ آَمَنُوا لَا تُحَرِّمُوا طَيِّبَاتِ مَا أَحَلَّ اللَّهُ لَكُمْ وَلَا تَعْتَدُوا إِنَّ اللَّهَ لَا يُحِبُّ الْمُعْتَدِينَ
яъни: “Эй, имон келтирганлар! Сизлар учун Аллоҳ ҳалол қилиб қўйган нарсаларни ҳаромга чиқармангиз ва ҳаддан ошмангиз! Зеро, Аллоҳ ҳаддан ошувчиларни ёқтирмайди” (Моида сураси 87-оят). Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​РЎЗАДОР МИЛКИГА УКОЛ ОЛИШИ
#рўза

❓1577-САВОЛ: Рўзадор милкига укол қилдирса, рўзаси очиладими?

💬 ЖАВОБ: Бисмиллаҳир Роҳманир Роҳим. Замонамиз уламолари тери ости, мушаклар ораси, ёнбош ва милкка укол қилиш билан рўза бузилмайди, дейдилар. Чунки мўътабар фиқҳий китобларимизда тери тешикларидан ёки ноодатий йўллардан терининг орасига бирор нарса кириши, масалан, илон чақиб олиши, совуқ сувда ғусл қилиш натижасида тери орасидан ичкарига сув ўтиши кабилар рўзани очмаслиги айтилган. Шунинг учун ҳам милклар орасига укол олиш рўзани бузмайди. Фақат рўзадор қон ва дориларни ҳалқумдан ичкарига ўтиб кетишидан эҳтиёт бўлиши керак. Акс ҳолда рўзаси очилиб кетади. Шунинг учун бундай муолажаларни имкон бўлса, оғиз очгандан кейинга қолдирган маъқул. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​ТИШ ПАСТАСИ ТАЪМИНИНГ РЎЗАГА ТАЪСИРИ
#рўза

❓1579-САВОЛ: Саҳарлик қилиб, тишимни тиш пастаси билан ювганимдан кейин анча вақтгача унинг таъмини сезаман ва ютиб юборишдан қўрқиб, туфлаб ташлайман. Агар ютиб юборсам, рўзам очиладими?

💬 ЖАВОБ: Бисмиллаҳир Роҳманир Роҳим. Тишни махсус паста билан ювгандан кейин оғизда пастанинг ўзи қолмасдан фақат таъмини сезилиб туриши рўзани очмайди. Шу сабабли бундай ҳолатда туфлаб ташлашга ҳожат йўқ. Уламолар кечаси дори ютган ва кундузи унинг таъмини сезган одамнинг рўзаси очилмаслигини айтганлар. Демак, таъм ёки ҳиднинг ўзи рўзани бузмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​ФИДЯ БЕРГАНДАН КЕЙИН РЎЗАГА ҚОДИР БЎЛИШ
#рўза #фидя

❓1583-САВОЛ: Рўза тутишга қодир бўлмаган киши фидя берганидан сўнг тузалиб, рўза тутишга қодир бўлиб қолса, қазоларини тутиб берадими ёки берган фидяси рўза ўрнига ўтадими?

💬 ЖАВОБ: Бисмиллаҳир Роҳманир Роҳим. Фидя бергандан кейин рўза тутишга қодир бўлиб қолса, берилган фидянинг ҳукми йўқолади ва тутмаган рўзаларининг қазосини тутиб бериши лозим бўлади. Шу кунгача берган фидялари ҳам беҳуда кетмайди, балки нафл садақа бўлиб, унинг эвазига савобга эга бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​НИЯТ ҚИЛИШ БИЛАН РЎЗА ОЧИЛАДИМИ?
#рўза

❓1584-САВОЛ: Рўзадор рўзасини очишни ният қилса, шунинг ўзи билан рўзаси бузиладими?

💬 ЖАВОБ: Бисмиллаҳир Роҳманир Роҳим. Рўзадор инсон оғиз очишга ният қиладими ёки дуосини ўқиб қўядими, модомики еб-ичиш каби рўзани бузадиган ишлар қилмас экан, рўзаси очилмайди. Чунки рўзани очувчилар қаторида оғиз очиш учун ният ёки дуо қилиш саналмаган. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​РЎЗАДОРНИНГ ЗУЛУК ҚЎЙДИРИШИ
#рўза

❓1587-САВОЛ: Рўзадор одам зулук қўйдириши мумкинми? Айримлар зулук қон сўришдан олдин юборган модда сабабли рўза очилиб кетади, дейишди. Шунга аниқлик киритиб берсангиз.

💬 ЖАВОБ: Бисмиллаҳир Роҳманир Роҳим. Зулук инсоннинг тери остидан қон сўради. Бу билан рўза очилмайди. Ҳаттоки, сўришдан олдин юборадиган модда ҳам рўзага таъсир қилмайди. Чунки тери тешикларидан ёки ноодатий йўллардан терининг орасига бирор нарса кириши, масалан, илон чақиб олиши, совуқ сувда ғусл қилиш натижасида тери орасидан ичкарига сув ўтиши рўзани очмайди. Лекин қон олдириш рўзадорни заифлаштириб қўядиган бўлса, бу иш макруҳ ҳисобланади. Шунинг учун бу ишни ифтордан кейинга қолдириш мақсадга мувофиқ бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​САҲАРЛИК ҚИЛИШНИНГ НИЯТ ЎРНИГА ЎТИШИ
#рўза

❓1598-САВОЛ: Саҳарлик қилиш ният ўрнига ўтадими?

💬 ЖАВОБ: Бисмиллаҳир Роҳманир Роҳим. Ният қалб амали бўлгани учун уни тил билан махсус лафзларни айтишнинг ўзи деб тушуниб қолмаслик лозим. Одатда тил билан ният қилиш қалбдаги васвасани йўқотгани учун яхши иш саналган. Рўзадаги ният деганда инсон қалби билан рўза тутишини билишлиги назарда тутилади.
Уламолар рамазон ойида саҳарлик қилиш ниятга ўтади, дейишган. Чунки мусулмон саҳарликка уйқусини бузиб, шунчаки қорин тўйдириш учун турмайди. Саҳарликка туришнинг ўзи рўза тутишига далолат қилади. Аммо “Мен рўза тутиш учун эмас, нонушта қилиш учун турдим”, деб қасд қилса, бу ҳолда шу куни рўзадор бўлмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​РЎЗАДА АТАЙЛАБ ҚАЙТ ҚИЛИШ
#рўза

❓1599-САВОЛ: Рўзадор киши атайин қайт қилса нима бўлади?

💬 ЖАВОБ: Бисмиллаҳир Роҳманир Роҳим. Киши рўзадорлиги эсида бўла туриб қасддан қайт қилса ва у оғиз тўладиган миқдорда бўлса, рўзаси очилади. Агар оғиз тўладиган миқдорда бўлмаса, рўзаси очилмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​ШАВВОЛДАГИ ОЛТИ КУНЛИК РЎЗА РАМАЗОН ҚАЗОСИДАН ЎТАДИМИ?
#рўза

❓САВОЛ: Мен ҳам шаввол ойида олти кун рўза тутмоқчи эдим. Аммо Рамазон ойида ҳам олти кун сабабли тута олмаганман. Энди мен шаввол ойида 6 кун рўза тутсам Рамазоннинг қазосини тутиб берган ҳисобланаманми?

💬 ЖАВОБ: Бисмиллаҳир Роҳманир Роҳим. Шаввол ойидаги олти кунлик рўза қазо рўзалар ўрнига ўтмайди. Шунинг учун зиммасида Рамазон ойи рўзасидан қарзи бор бўлган киши аввало қазо рўзасини тутиши мақсадга мувофиқ. Чунки қазо рўзаларни нафллардан аввал тутилгани афзал саналади. Қазо рўзасини тутаётган киши бомдод намозининг вақти (субҳи содиқ) кирмасидан аввал "Рамазон ойидан тута олмаган қазо рўзани тутиш"ни ният қилиши керак бўлади. Агар ният қилолмай субҳи содиқдан кейин ният қилса, нияти эътиборли бўлмайди.
Шаввол ойидаги олти кунлик рўза нафл ибодат бўлиб, уни шаввол ойи давомида тутса ҳам бўлади. Шунинг учун Сиз аввал қазо рўзаларни мукаммал тутиб олиб, кейин шаввол ойи давомида олти кун рўза тутишингиз мақсадга мувофиқ. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​ШАВВОЛ РЎЗАСИНИНГ НИЯТИ
#рўза

❓1614-CАВОЛ: Шаввол ойида олти кунлик рўзани тутишни бошлаган эдим. Бугун уйғонсам, саҳарлик вақти чиқиб кетган экан. Нима қилишни билмай, шу куни рўза тутмадим. Шундай ҳолатда қандай йўл тутишим керак?

💬 ЖАВОБ: Бисмиллаҳир Роҳманир Роҳим. Шаввол ойидаги олти кунлик рўза нафл рўза ҳисобланади. Нафл рўзалар учун саҳарлик вақти чиқиб кетган бўлса ҳам, ҳатто кун ярмига етмагунча ният қилиб олиш мумкин, фақат саҳарлик вақти чиққандан кейин ҳеч нима еб-ичмаган бўлиши шарт.
Демак, сиз ҳам уйғонганда саҳарлик вақти чиқиб кетган бўлса ҳам, ҳеч нарса еб-ичмасдан нафл рўзани ният қилиб олсангиз бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

ЗУЛҲИЖЖА ОЙИ РЎЗАСИ
#рўза

❓1688-САВОЛ: Мен фазилатли, муқаддас ойларда рўза тутиб юраман. Мана Зулҳижжа ойи ҳам кириб келди. Бу ойда ҳам тутиладиган рўза борми?

💬 ЖАВОБ: Бисмиллаҳир Роҳманир Роҳим. Ҳеч шубҳасиз Зулҳижжа ойи муқаддас ойлардан ҳисобланади. Зеро, бу ойда ҳаж ибодати амалга оширилади. Шунингдек қурбон ҳайити намози ўқилади ва қурбонликлар қилинади. Такбири ташриқлар айтилади ва кўплаб солиҳ амаллар қилинади. Шу боис бу ойда савобли амаллар қилишга тарғиб қилинади. Шулар қаторида бу ойнинг аввалги тўққиз кунида нафл рўза тутиш жуда ҳам фазилатли амал саналади. Имом Аҳмад ва бошқа муҳаддислар ривоят қилган ҳадиси шарифда шундай дейилади: “Расулуллоҳ соллаллоҳу алайҳи васаллам Зулҳижжа ойининг аввалги тўққиз кунида, Ашуро кунида ва ҳар ойдан уч кун – ойнинг аввалги душанбаси билан икки пайшанбасида – рўза тутардилар”.
Шунингдек, бу ойнинг охирги куни билан Муҳаррам ойининг аввалги куни ҳам рўза тутиш афзал амал ҳисобланади. Чунки бу амални қилган инсон йилни ибодат билан якунлаб, янги йилни ибодат билан бошлаган бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar