НАМОЗДА ТАҲОРАТ БУЗИЛСА
#қисқа_савол_жавоблар

❓CАВОЛ: Пешин намозининг суннатини ўқиб бўлиб, фарз намозини ўқиётган маҳал, беҳосдан таҳорат бузилиб қолса, яна бошидан суннатини ҳам ўқиймизми ёки фақат фарз намозидан бошлаб кетаверамизми?

💬 ЖАВОБ: Бисмиллаҳир Роҳманир Роҳим.
Таҳорат суннат намозидан кейин синса, суннатни қайта ўқиш шарт эмас. Фарз намозидан кейин бошлаб кетилади. Шу каби, намозда салом бергандан кейин таҳоратнинг бузилиши олдин ўқилган намозни бузмайди. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Видеолавҳа

129. ТАҲИЙЯТУЛ МАСЖИД НАМОЗИ

YouTube | Instagram | Facebook | Tiktok

🔗 Улашинг: @diniysavollar

ФАҚАТ БОМДОД НАМОЗИНИ ЎҚИБ ЮРСАМ БЎЛАДИМИ?
#қисқа_савол_жавоблар

❓CАВОЛ: Мен оиламни боқишим учун эрталабдан кечгача ишда бўламан. Намозни тўкис адо қилолмаяпман. Фақат бомдод намозини ўқиб юрибман. Ўзи шундай қилиш тўғрими?

💬 ЖАВОБ: Бисмиллаҳир Роҳманир Роҳим.
Ислом шариатида буюрилган беш маҳал фарз намозларини ҳар қандай вазиятда ҳам ўз вақтида ўқилиши лозим. Бу Аллоҳ таолонинг буйруғи. Фақат бир маҳал намозни ўқиган банда қолган намозларидан сўралади. Қиёматда энг биринчи сўраладиган амал фарз намозлари ҳисобланади. Тирикчилик ёхуд дунё ишлари бир маҳал намозни ҳам ўз вақтидан кечиктиришга узр бўла олмайди. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ТЎЙГА ЙИҒИЛАДИГАН СУММАНИ ГЎШТ НАРХИГА БОҒЛАБ ҚЎЙИШ
#қисқа_савол_жавоблар

❓CАВОЛ: Тўй кассасида йиғиладиган суммани гўштга бичилса рибо бўлиб қолмайдими?

💬 ЖАВОБ: Бисмиллаҳир Роҳманир Роҳим.
Жумҳур уламолар қарзларни қиймати нисбатан кам ўзгарадиган (гўшт, нон каби) махсулотларга боғлаб қўйиш жоизмас, дейишган. Замонамизнинг етук олимларидан Муҳаммад Тақий Усмоний ўзларининг "Буҳус фий қазоё фиқҳийя муосира" номли китобларида шуни ихтиёр қилганлар ва бунда рибо борлигини айтганлар. Муҳиддин Али Қорадоғий каби баъзи олимлар бу ишни жоиз дейишган.

Бу каби масалаларда эҳтиёт йўлини тутган афзал. Ҳазрати Умар разияллоҳу анҳу:

فدعوا الرِّبا والرِّيبةَ

яъни: "Рибони ҳам, (риболигида шубҳа бўлганда) шубҳани ҳам тарк қилинглар", - деганлар. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Савол_жавоб

❓Пешиннинг тўрт ракат суннатини ўқиб турганда фарзга такбир айтилса қандай йўл тутилади?

Ғуломиддин домла ХОЛБОЕВ

Саволларингизни қуйидаги манзилга юборинг ⬇️
🌐 https://savollar.muslim.uz
📲 @SavollarMuslimUzBot

YouTube | Instagram | Facebook | Tiktok

🔗 Улашинг: @diniysavollar

🔴ЖОНЛИ: ДИНИЙ САВОЛ-ЖАВОБ (49-сон, 08.10.21)

Youtube орқали томоша қилиш

Facebook орқали томоша қилиш

Instagram орқали томоша қилиш

Telegram voice орқали эштиш

🟢 ITV орқали тамоша қилиш (tas-ix)

@muslimuzportal | @mp3muslim | @diniysavollar

#Видеолавҳа

130. ФОЛБИНЛАР ЭРТАГА НИМА БЎЛИШИНИ БИЛАДИМИ?

YouTube | Instagram | Facebook | Tiktok

🔗 Улашинг: @diniysavollar

КЕСТИРИЛГАН ОЁҚНИ НИМА ҚИЛИШ КЕРАК?
#қисқа_савол_жавоблар

❓CАВОЛ: Мен рак касаллиги туфайли бир оёғимни кестирдим. Кесилган оёқни нима қилиш кераклиги ҳақида динимизда нима дейилган?

💬 ЖАВОБ: Бисмиллаҳир Роҳманир Роҳим.
Шариатимизда одамнинг ўзи тирик бўлиб, бирор сабаб туфайли унинг аъзоларидан бири кесилса ёки узилса, ўша аъзони бирор тоза матога ўраб, кўмилади. Каттароқ аъзо бўлса, қабристонга, тирноқ, соч каби кичикларини ҳовлининг бир четига кўмиш керак. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Савол_жавоб

❓Имом бомдоднинг фарзини бошлаган пайтда масжидга келган киши бомдоднинг суннатини ўқийдими ёки уни ўқимасдан имомга иқтидо қиладими?

Ғуломиддин домла ХОЛБОЕВ

Саволларингизни қуйидаги манзилга юборинг ⬇️
🌐 https://savollar.muslim.uz
📲 @SavollarMuslimUzBot

YouTube | Instagram | Facebook | Tiktok

🔗 Улашинг: @diniysavollar

#Видеолавҳа

131. “ИМОНА” ВА “ЯСИНА” ИСМЛАРИ ҲАҚИДА

YouTube | Instagram | Facebook | Tiktok

🔗 Улашинг: @diniysavollar

СОЧИНИ БЎЯСА ҒУСЛ ҚАБУЛ БЎЛМАЙДИМИ?
#қисқа_савол_жавоблар

❓CАВОЛ: Аёл киши сочини бўяса ғусл ва тахорати қабул бўлмайдими?

💬 ЖАВОБ: Бисмиллаҳир Роҳманир Роҳим.
Бу ранг ва бўёққа боғлиқ. Баъзилари сув ўтказмайди. Баъзилари сув ўтказади. Сиз шуни текширинг. Агар сув ўтказмаса таҳорат ва ғусулингиз ҳисобга ўтмайди. Гўё ғусл ва таҳорат қилмагандек бўласиз. Агар буни аниқлаб бўлмаса бундай ишлардан эҳтиёт бўлиш керак. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ҲОЗИРЧА ИККИ МАҲАЛ НАМОЗ ЎҚИМОҚЧИМАН
#қисқа_савол_жавоблар

❓CАВОЛ: Мен намоз ўқишни бошламоқчиман. Аммо шу йили ўқишга топширмоқчиман. Шунга ҳозирча 2 маҳал намоз ўқимоқчиман. Кейинчалик, ўқишга кирсам 5 вақт ўқийман, деяпман. Қайси намозларни ўқисам бўлади? Беш вақт ўқимасам гуноҳ бўлмайдими?

💬 ЖАВОБ: Бисмиллаҳир Роҳманир Роҳим.
Сиз беш вақт намоз ўқинг. Сизгача ҳам қанчадан-қанча абитуриентлар беш вақт намозларини ўз вақтида адо этиб, ўқишга киришган. Аввало биз Роббимизни буюруғини тўлиқ адо қилишимиз керак. Шундагина дунёда ҳам, охиратда ҳам муваффақиятга эришамиз. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Қимор

Фатво: Тотализатор ўйинларини ўйнаш ва реклама қилиш – шаръан ҳаром

Қимор судхўрликдан ҳам олдинроқ ҳаром қилинган. Аллоҳ таоло ўз Каломида: “Гуноҳ ва зулм йўлида ҳамкорлик қилманглар”, дея буюрган, шундай экан, қиморни нафақат ўйнаш, балки реклама қилиш ҳам гуноҳ саналади...

YouTube | Instagram | Facebook | Tiktok

🔗 Улашинг: @diniysavollar

ДАРОМАД СОЛИҒИ ЗАКОТГА ЎТАДИМИ?
#қисқа_савол_жавоблар

❓CАВОЛ: Биз давлат корхонасида ишлаймиз. Ойлик маошимиздан 12% даромад солиғи тўлаймиз.1) Шу тўлаган солиғимиз закотга ўтадими. 2) Ойлик маошимдан рўзғордан ортганини йиғиб бораман шу пулни нисобга етганидан закот бераманми?

💬 ЖАВОБ: Бисмиллаҳир Роҳманир Роҳим.

1. Закот билан солиқ бир-биридан бутунлай фарқ қилади. Шунинг учун солиқлар закотнинг ўрнига ўтмайди. Чунки закот — ибодат. Уни адо қилишда ният шарт бўлади. Закот маълум моллардан ва маълум миқдорга етганда вожиб бўлади. Уни сарфланадиган жойлари шариатда белгилаб қўйилган. Солиқда эса бу шартлар топилмайди.

2. Рўзғордан ортган ва йиғилиб турган маблағ 85 гр тилланинг қийматига етса ва бир йил ўтса, ундан закот берилади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Видеолавҳа

132. НАМОЗДА САЛОВАТДАН КЕЙИН ЎҚИЛАДИГАН ДУОЛАР

YouTube | Instagram | Facebook | Tiktok

🔗 Улашинг: @diniysavollar

УМРАГА ОЛИБ БОРИШ МАҲРГА ЎТАДИМИ?
#қисқа_савол_жавоблар

❓CАВОЛ: Уйланишда маҳрга аёлимга умрага олиб бораман десам бўладими? Маҳр ўрнига ўтадими?

💬 ЖАВОБ: Бисмиллаҳир Роҳманир Роҳим.
Умра ёки ҳажга олиб бориш ваъдаси маҳр бўлмайди. Уларнинг пулини берса, маҳрга ўтади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ИСЛОМГА ОИД СЎЗЛАР ЁЗИЛГАН ГАЗЕТАЛАРНИ ТАШЛАБ ЮБОРИШ
#қисқа_савол_жавоблар

❓CАВОЛ: Уйимизда турли тақвимлар, ислом динига оид сўзлар ёзилган газеталар бор. Шуларни ташлаб юборсам гуноҳкор бўлмайманми?

💬 ЖАВОБ: Бисмиллаҳир Роҳманир Роҳим.
Уламоларимиз ўқишга яроқсиз ҳолга келган оят ва ҳадис ёзилган китоб, газета ва журналларни покиза матога ўраб дафн қилиш ёки ёқиб юборишга рухсат берганлар. Албатта бундан мақсад, Аллоҳ таолонинг улуғ каломи ёки Расули акрам алайҳиссаломнинг муборак ҳадислари ёзилган нарса оёқ остида қолиб кетишни олдини олишдир.

Дафн қилишда ҳам ўша китоб ёки варақларнинг юзига тупроқ тортилмасдан худди мурдани дафн қилингани каби чуқурни қазиб сўнг ён тарафидан ғовак ковлаб ўша ерга худди токчага қўйгандек кўмилиши керак, дейдилар уламоларимиз. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

НОПОК КИШИГА ФАҚАТ НОПОК АЁЛ ДУЧ КЕЛАДИМИ?
#Қуръон #никоҳ

❓795-САВОЛ: Нур сураси 26-ояти маъноси "эр нопок бўлса, хотин нопок бўлади...". Қуръонга юзлансак, нопок Фиръавннинг хотини нопок бўлмайдими?

💬 ЖАВОБ: Бисмиллаҳир Роҳманир Роҳим.
Йўқ, бу ояти каримадан Фиръавннинг хотини нопок, деган хулоса чиқмайди. Оятнинг тўлиқ кўриниши:

الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ

"Нопок аёллар нопок эркаклар учун (лойиқ)дир, нопок эркаклар нопок аёллар учун (лойиқ)дир. Покиза аёллар покиза эркаклар учун, покиза эрлар покиза аёллар учундир. Айнан ўшалар (покиза эрлар ва покиза аёллар) уларнинг айтаётган бўҳтонларидан покдирлар. Улар учун мағфират ва фаровон ризқ (жаннат неъматлари) бордир" (Нур сураси 26-оят).

Аллоҳ таоло Фиръавннинг хотинини бошқа оятда мақтаган: “Аллоҳ имон келтирган зотлар ҳақида Фиръавннинг хотинини мисол келтирди. Ўшанда у: «Эй, Раббим! Ўзинг мен учун ҳузурингда (жаннатда) бир уй бино қилгин, менга Фиръавн ва унинг қилмишидан нажот бергин. Мени золимлар қавмидан халос этгин!» – деди” (Таҳрим сураси, 11-оят).

Эр-хотиннинг гоҳида ҳар хил бўлишига Пайғамбарларда ҳам мисоллар бор: “Аллоҳ кофир бўлган кимсалар ҳақида Нуҳнинг хотини ва Лутнинг хотинини мисол келтирди. У иккиси Бизнинг бандаларимиздан икки солиҳ банданинг (қўл) остида эдилар. Бас, у (аёл)лар уларга хиёнат қилдилар. (Нуҳ ва Лут) Аллоҳ(нинг азоби)дан бирор нарсани у иккисидан даф қила олмадилар. (Уларга): «Кирувчилар билан бирга дўзахга кирингиз!» – дейилди” (Таҳрим сураси, 10-оят).

Аслида, Аллоҳ таолонинг оятларида қарма-қаршилик бўлмайди. Лекин оятларни нотўғри тушуниш сабаб маънолари зид кўриниши мумкин. Бу ҳақда Аллоҳ таоло шундай дейди:
"Қуръон (оятларининг маънолари) ҳақида (чуқурроқ) фикр юритмайдиларми?! Агар (у) Аллоҳдан ўзганинг ҳузуридан (келган) бўлса эди, унда кўпгина қарама-қарши гапларни топган бўлур эдилар" (Нисо сураси 82-оят).

Мана, ўн тўрт аср ўтаётган бўлсада, илоҳий мўъжиза – Қуръони карим оятларида келтирилган маълумотларда бирорта хато жумла топилгани йўқ, топилмайди ҳам. (Шайх Абдулазиз Мансур).

Энди Нур сураси 26-оятининг тафсирига келсак, бу оят мунофиқлар Оиша онамизни зинода айблаганда, поклаш-оқлаш бўлиб келган. Шунинг учун аксар муфассирлар оятдаги “Ал-хобисат” сўзини “нопок сўзлар”, деб тафсир қилишган. Бу тафсирга кўра оятнинг маъноси, мунофиқлар айтаётган нопок сўзлар нопок одамларга мос келади, яхши сўзлар эса яхши одамларга мосдир. Оиша онамиз ва бошқа пок кишилар мунофиқлар айтаётган гаплардан узоқдир.
“Ал-хобисат” сўзи “нопок аёл” маъносини ҳам эҳтимол қилгани учун баъзи муфассирлар ояти каримани, аслида, покка пок, нопокка нопок лойиқ ва мос келади, деб тафсир қилганлар. Бу эса гоҳида покка нопок тўғри келиб қолиши мумкинлигини йўққа чиқармайди.

Бу оят “Тафсири Жалолайн” китобида шундай келтирилган:

"الخبيثات" من النساء ومن الكلمات «للخبيثين» من الناس «والخبيثون» من الناس «للخبيثات» مما ذكر «والطيبات» مما ذكر «للطيبين» من الناس «والطيبون» منهم «للطيبات» مما ذكر أي اللائق بالخبيث مثله وبالطيب مثله

“Нопок аёллар ва ёмон сўзлар ёмон кишиларга, ёмон кишилар нопок аёллар ва ёмон сўзга хос (мос)дир. Покиза аёллар ва яхши сўзлар яхши кишиларга, яхши кишилар покиза аёллар ва яхши сўзларга хос (мос)дир. Яъни, нопокка лойиқ бўлгани нопокдир. Пок кишига лойиғи покдир...” Иқтибос тугади.

"Тафсири муяссар" китобида шундай дейилади:

كل خبيث من الرجال والنساء والأقوال والأفعال مناسب للخبيث وموافق له، وكل طيِّب من الرجال والنساء والأقوال والأفعال مناسب للطيب وموافق له،

"Нопок эркак ва аёллар, нопок сўз ва ишлар нопок кишиларга муносиб ва мувофиқдир. Пок эркак ва аёллар, пок сўз ва ишлар эса пок кишига муносиб ва мувофиқдир..." Иқтибос тугади. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

Telegram | Instagram | Facebook | Tiktok

ҚУРЪОННИ ЎҚИШ ВА ТИНГЛАШ
#қисқа_савол_жавоблар

❓CАВОЛ: Қуръонни ўқиганга ажр кўпми ёки тинглагангами?

💬 ЖАВОБ: Бисмиллаҳир Роҳманир Роҳим.
Қуръонни ўқиш ҳам уни тинглаш ҳам энг афзал ибодатлардан. Ибн Масъуд разияллоҳу анҳудан ривоят қилинган ҳадисда Расулуллоҳ саллаллоҳу алайҳи вассаллам айтадилар: “Ким Қуръондан бир ҳарф ўқиса, унга 10 та савоб берилади. Мен алиф, лом ва мимларнинг барчасини бир ҳарф демайман, балки алиф бир ҳарф, мим бир ҳарф ва лом бир ҳарф” (Термизий ривояти). Бошқа бир ҳадисда эса яна Абдуллоҳ ибн Масъуд разияллоҳу анҳудан ривоят қилинади: Расулуллоҳ саллаллоҳу алайҳи вассалам менга Қуръон ўқиб бер, дедилар. Шунда мен: эй Расулуллоҳ, мен сизга Қуръон ўқиб бераманми, ахир Қуръон сизга нозил қилинганку, дедим. У зот айтдилар: Ўқи мен Қуръонни бировдан эшитишни ёқтираман. (Бухорий ривояти).

Булардан маълум бўладики, ҳар иккиси ҳам улуғ ва фазилатли ибодат, лекин фазилат жиҳатидан ўқиш тинглашга қараганда савоблироқ. Бунинг бир қатор сабаблари бор. Биринчидан, ўқишда 2 та амал ўқиш ва эшитиш бор. Иккинчидан, ўқишда ҳар бир ҳарфга 10 тадан савоб ваъда қилиняпти, тинглаш ҳам қанчалик улуғ бўлмасин, бундай ваъда йўқ.

Шулардан хулоса қиладиган бўлсак, мусулмон одам Қуръон билан доим ошно бўлиши керак. Ундан маълум бўлакни ўқиб туриши ва бошқа вақтларда тинглаб юриши зарур бўлади. Чунки айрим ҳолатларда тинглашда ўзи ўқигандан кўра кўпроқ тадаббур қилиш имкони бўлади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Исломий_ақида_дарслари

13-дарс Қуръон махлуқми ёки махлуқ эмасми ? Шу масалани қандай тушунамиз?

📝 Савол ва фикр-мулоҳазалар учун:
@AqidaDarsiBot

Youtube | Tas-ix | Facebook | Instagram

🔗 Улашинг: @diniysavollar