#Видеолавҳа

125. “ПИРИМ ҚЎЛЛАСИН” ДЕБ ДУО ҚИЛСА БЎЛАДИМИ?

YouTube | Instagram | Facebook | Tiktok

🔗 Улашинг: @diniysavollar

АЁЛЛАРНИНГ НАМОЗДА ЎТИРИШ ҲОЛАТИ
#қисқа_савол_жавоблар

❓CАВОЛ: Мен намоз ўқишни ният қилиб ўрганиб ўқимоқдаман. Лекин аёллар чап тамонга ўтиради дейишган экан. Мен чап тамонга ўтиришга қийналаман. Аёллар чап тамонга ўтиришдан ташқари яна қандай ҳолда ўтириб намоз ўқиши мумкин?

💬 ЖАВОБ: Бисмиллаҳир Роҳманир Роҳим.
Аёл киши намозда чап тарафига ўтиришга бирор узр сабабли қодир бўлмаса, ўзига қулай бўлган ҳолатда ўтириши мумкин. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

РУКУ ВА САЖДАДА АЙТИЛАДИГАН ТАСБИҲЛАР СОНИ
#қисқа_савол_жавоблар

❓CАВОЛ: Намоз пайти саждада “субҳана робиял аъла”ни етти марта айтса бўлади, деб эшитдим. Шу гап қанчалик тўғри?

💬 ЖАВОБ: Бисмиллаҳир Роҳманир Роҳим.
Руку ва саждада айтиладиган тасбиҳлар тоқ бўлишлиги суннатга мувофиқдир. Шунга биноан сиз ёлғиз намоз ўқиётганингизда тасбиҳларни тоқ қилиб беш, етти, тўққиз ёки ўн бир марта айтишингиз мумкин. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ЧАҚАЛОҚНИ СЎРҒИЧИНИ ОҒИЗГА СОЛИБ БЎЛМАЙДИМИ?
#қисқа_савол_жавоблар

❓CАВОЛ: Мен бир гап эшитдим чақалоқни сўрғичини яъни соскасини оғизга солиб бўлмас экан. Чақалоқ билан ака-ука бўлиб қолар экан. Шу ишни қилиш яхшимас экан. Бизнинг уйда жиянларимни соскаси тушиб кетса оғзимга солиб сўнг уларга бераман. Бу борада динимизда бирор кўрсатма борми? Жавоб учун олдиндан раҳмат.

💬 ЖАВОБ: Бисмиллаҳир Роҳманир Роҳим.
Сиз эшитган гап шаръий асосга эга эмас. Нотўғри маълумот эшитгансиз. Шариъатимизда разоъат деган масала бор. Унга кўра бир бегона гўдак бегона аёлни эмса, эмизувчи аёл мазкур болага шаръан она ҳисобланди. Шунингдек, эмизувчи аёлнинг болаларига мазкур эмувчи бола ака-ука, ёки опа-сингил ҳисобланади.

Аммо сиз айтган суратда гўдакнинг сўрғичини кимдир оғзига солиб, сўнг гўдакнинг оғзига солиб қўйса, улар ака-ука бўлиб қолмайди. Сиз айтган гап “Разоъат” масаласини нотўғри тушунишдан ҳосил бўлган. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

СИНГЛИМНИНГ АҲВОЛИ ЯХШИ ЭМАС
#дам_солиш

❓791-САВОЛ: Бир неча йилдан буён синглимнинг аҳволи яхши эмас. Замонавий медицина уни ҳеч қандай касалликка чалинмаган деб баҳолаяпти. Aммо синглим ўз-ўзидан гапирадиган, қўрқиб кетадиган баъзан бақириб йиғлаб қоладиган одатлар чиқарган. Олиб бормаган табибимиз, синамаган усулимиз қолмади. Баъзи имом-ҳатиблар “Ичига жин кириб олган” ҳам дейишяпти. Бизга ёрдам беринг, бу ташвишдан ҳалос бўлиш учун шариатда қандай ечим бор?

💬 ЖАВОБ: Бисмиллаҳир Роҳманир Роҳим.
Жинларнинг ҳам имонли яхшиси, имонсиз ёмони бўлади. Уламоларимиз имонсиз ёмон жинларнинг одамларга таъсири бўлиши мумкин, деб айтадилар. Бунда кўпинча, одамларнинг ўзлари айбдор бўлади. Жинлар васвасага учраган, Аллоҳ таолонинг зикридан, Қуръони карим тиловатидан узоқ ва ғафлатда бўлганлар, жинлардан сақланиш учун ўқиладиган дуоларни ўқимай юрганларга тегиши мумкин. Албатта бу Аллоҳ таолонинг изни билан бўлади.

Айрим инсонлар бемор бўлиб қолсалар, дарров фолбинлар, “азайимхон”ларга мурожаат қилишади. Уларнинг фикрича, “тумор” қилиб бериш билан ёҳуд “иситма-совутма” қилиб бериш билан, ёки “жин ҳайдаш” билан бутун дарддан фориғ бўлишармиш. Тасаввур қилиб кўринг, агар бу амаллар ҳақиқат бўлса, ер юзида бирон бемор қолармиди, итоатсизлик битмасмиди? Демак, бундай хатти-ҳаракатлар зарурат эмас, мўмайгина даромаддир.

Жин кириб олибди, жин тегибди, деган ташвишлардан узоқ бўлиши учун инсон кундалик ибодатларини ўз вақтида адо этиши ҳамда Пайғамбаримиз алайҳиссалом ўқиб юрган суралар ва дуоларни ўқиб юриши керак. Жумладан, эрталаб бомдод намозидан сўнг “Оятал курси”, “Ихлос”, “Фалақ”, “Нас” сураларини ўқиб юрилса, Аллоҳ таоло турли сеҳр ва кўз тегишидан сақлайди. Шунингдек, кечаси ухлашдан олдин ҳам худди шу сураларни ўқиб ўзига-ўзи дам солиб ётиш тавсия этилади.

Сиз ўз сиглингизга дам солдиришингиз лозим. Дам солиш бу — Аллоҳ таолонинг каломи Қуръони каримни тиловат қилиш ва Аллоҳнинг исмларини айтиш ва Пайғамбаримиз алайҳиссаломнинг ҳадисларида келган дуоларни ўқиб паноҳ тилашдир. Ундан бошқа нарсаларни ўқиб дам солиш Ислом таълимотига кирмайди. Дам солишнинг энг афзали — инсон ўзига-ўзи дам солишидир. Агар киши ўзига-ўзи дам сололмаса, ишончли – илмли ва тақволи кишининг олдига бориб дам солдириши этилади. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

Telegram | Instagram | Facebook | Tiktok

#Видеолавҳа

126. ҲАЙЗДАГИ ОДАТНИ АНИҚЛАШ

YouTube | Instagram | Facebook | Tiktok

🔗 Улашинг: @diniysavollar

#Савол_жавоб

Қарзини бир қисмини кечиш эвазига белгиланган муддатдан аввал талаб қилиш мумкинми?

Муҳаммаджон домла ИБРАГИМОВ

Саволларингизни қуйидаги манзилга юборинг ⬇️
🌐 https://savollar.muslim.uz
📲 @SavollarMuslimUzBot

YouTube | Instagram | Facebook | Tiktok

🔗 Улашинг: @diniysavollar

БАЛОҒАТГА ЕТМАГАН БОЛА НОМАҲРАМ ҲИСОБЛАНМАЙДИМИ?
#қисқа_савол_жавоблар

❓CАВОЛ: Мен аёл кишиман. Саволим шундан иборатки, мен ҳали балоғатга етмаган (7 ёш) ўғил бола қариндошим олдида ҳижобимни ечишим тўғрими? Балоғатга етмаган ўғил болалар номаҳрам ҳисобланмайдими?

💬 ЖАВОБ: Бисмиллаҳир Роҳманир Роҳим.
Балоғатга етмаган бола номаҳрам ҳисобланмайди. Лекин балоғатга яқинлашиб қолган болалардан сатрланган афзал. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

АНСОРЛАР КИМЛАР?
#қисқа_савол_жавоблар

❓CАВОЛ: Ансорлар кимлар?

💬 ЖАВОБ: Бисмиллаҳир Роҳманир Роҳим.
"Ансорлар" луғатда — "ёрдамчилар", дегани. Асли мадиналик бўлган саҳобалар ансорлар деб юритилади. Маккадан борган саҳобаларга ёрдам берганлари учун Аллоҳ таоло уларнинг шу ном билан атаган. Имом Бухорий ривоят қилган ҳадисда Расулуллоҳ саллаллоҳу алайҳи васаллам уларга хитоб қилиб: «Аллоҳ ҳаққи, сизлар мен учун энг маҳбуб одамлардансиз» деганлар. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Исломий_ақида_дарслари

12-дарс Пайғамбарга иймон келтириш

📝 Савол ва фикр-мулоҳазалар учун:
@AqidaDarsiBot
Youtube | Tas-ix | Facebook | Instagram

🔗 Улашинг: @diniysavollar

НАМОЗ ЎҚИШИМ УЧУН РУХСАТ СЎРАШИМ КЕРАКМИ?
#қисқа_савол_жавоблар

❓CАВОЛ: Намоз ўқимоқчи бўлсам ота-онам ёки турмуш ўртоғимдан рухсат сўраб ўқишим керакми?

💬 ЖАВОБ: Бисмиллаҳир Роҳманир Роҳим.
Аллоҳ таолонинг ҳаққи бошқаларнинг ҳаққидан устун тургани учун фарз ибодатлари учун ҳеч кимнинг рухсати лозим бўлмайди. Чунки фарзлар Аллоҳ таолонинг буйруғидир. Унинг буйруқларини ҳеч ким бекор қила олмайди. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ГАЗ ТОРТАДИГАН НАСОС ҚЎЙИШ БИРОВНИ ҲАҚҚИНИ ЕЙИШГА КИРАДИМИ?
#қисқа_савол_жавоблар

❓CАВОЛ: Куз-қиш мавсуми якинлашгани сари газ босими пасайишни бошлайди, шу билан бирга аҳоли орасида газ тортадиган насос куйиш ҳам кўпаяди. Насос қўйилиши натижасида кўпчилик хонадонларда газ билан боғлик муаммолар келиб чикади. Насос қўйилиши бировни ҳаккини ейишга кирадими?

💬 ЖАВОБ: Бисмиллаҳир Роҳманир Роҳим.
Албатта мўъмин мусулмон одам фақат ўзини ўйлайдиган инсон бўлмаслиги лозим. Шариат қоидаларига кўра “Зарар бериш ва зарар кўриш ҳам йўқ” дейилади. Шунинг учун фақат ўзини ўйлаб, бошқаларнинг ҳаққини тортиб оладиган воситалардан фойдаланиш мусулмон кишига тўғри келмайди. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#Савол_жавоб

❓Бир инсон валий зотларнинг қабрига аталган назрини бажаролмаса қандай йўл тутади?

Саиджамол домла МАСАЙИТОВ

Саволларингизни қуйидаги манзилга юборинг ⬇️
🌐 https://savollar.muslim.uz
📲 @SavollarMuslimUzBot

YouTube | Instagram | Facebook | Tiktok

🔗 Улашинг: @diniysavollar

ҚИЗЛИК УЙИМДА НАМОЗЛАРИМНИ ҚАСР ҚИЛИБ ЎҚИЙМАНМИ?
#қисқа_савол_жавоблар

❓CАВОЛ: Мен водийдан Самарқандга келин бўлиб тушганман. Ота-онамникига яъни туғилиб ўсган уйимизга борганимда намозларимни қаср қилиб ўқийманми ёки тўлиқ ўқишими керакми?

💬 ЖАВОБ: Бисмиллаҳир Роҳманир Роҳим.
Аёл киши турмушга чиқиб эрининг ватанини ўзига ватан қилишни қасд қилиши билан у жойда муқимга айланади. Ота-онангизникига бориб у ерда ўн беш кундан оз турсангиз намозларингизни қаср қилиб ўқийсиз. Агар ўн беш кун ёки ундан ошиқ вақт турсангиз намозларни тўлиқ ўқийсиз. Шунингдек йўлда ҳам қаср қилиб ўқилади. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

ТАҲОРАТ ҚИЛИШДА АМАЛЛАРНИНГ ЎРНИ АЛМАШИБ ҚОЛСА
#қисқа_савол_жавоблар

❓CАВОЛ: Таҳорат қилишда амалларнинг ўрни алмашиб қолса нима бўлади? Мисол учун сочга масҳ тортишни энг охирида қилса.

💬 ЖАВОБ: Бисмиллаҳир Роҳманир Роҳим.
Расулуллоҳ саллаллоҳу алайҳи васаллам тартиб билан таҳорат қилганлар. Маълумки, У Зотнинг амаллари Қуръони каримнинг баёнидир. Уламоларимиз таҳоратда Қуръони каримда келган тартибга риоя қилиш суннат амал эканини таъкидлашган. Шундай экан таҳоратдаги тартибни қасддан тарк қилиш макруҳ. Лекин унутиб тартибга риоя қилинмаса, макруҳ эмас. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Видеолавҳа

127. ҚАБРИСТОНДА ИХЛОС СУРАСИНИ ЎН БИР МАРТА ЎҚИШ ҲАҚИДА

YouTube | Instagram | Facebook | Tiktok

🔗 Улашинг: @diniysavollar

БОМДОД НАМОЗИ СОАТ ЎНГАЧА ҚАЗО БЎЛМАЙДИМИ?
#қисқа_савол_жавоблар

❓CАВОЛ: Бомдод намозида ухлаб қолса, куёш чиққандан кейин соат ўнгача қазо бўлмайди деб эшитдим. Шу қанчалик тўғри?

💬 ЖАВОБ: Бисмиллаҳир Роҳманир Роҳим.
Бомдод намозининг вақти субҳи содиқдан то қуёш чиққунчадир. Қуёш чиқишни бошлаганда бомдод вақти якунланади. Қуёш чиққунча ўқилмаган бомдод намози қазо ҳисобланади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

РАЖЪИЙ ТАЛОҚ БЕРИЛГАНДАН СЎНГ
#қисқа_савол_жавоблар

❓CАВОЛ: Ражъий талоқ бергандан кейин эр хотини билан телефон орқали гаплашса хотинни қайтиб олган ҳисобланадими?

💬 ЖАВОБ: Бисмиллаҳир Роҳманир Роҳим.
Ражъий талоқ берилгандан сўнг аёлнинг иддаси чиқмасдан туриб эр аёлини қайтиб олиши шаръан жоиз. Аммо, бунда ражъат сўз билан бўлса, ражъат (қайтиб олиш)га далолат қиладиган лафзлар айтилиши зарур. Масалан: "Аёлимни қайтиб олдим", ёки аёлига "мен сени қайтиб олдим" каби. Лекин шунчаки саволда сўралганидек телефонда гаплашиш билан ражъат собит бўлмайди. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ИРИМНИНГ ТЎҒРИ ЭЪТИҚОДДАН ЧАЛҒИТИШИ
#ақида

❓792-САВОЛ: Қайнонам исириқ тутатганда бир чўпни етти марта синдиришимни айтадилар. Ёки супургини тикка тургазиб қўйиш, кеч бўлганда уй супуриш фалокат олиб келиши ҳақида ҳам кўп гапирадилар. Бу ҳаммаси ўринли бўлган ҳақиқатларми?

💬 ЖАВОБ: Бисмиллаҳир Роҳманир Роҳим.
Динимиздаги ҳар бир буйруқ, қайтариқ, гуноҳ ё савоб ишнинг асоси бўлади. Асоссиз, одамлар томонидан тўқиб олинган, динда бор деб тақдим қилинаётган гаплар ва амаллар эътиборга олинмайди. Ирим-сиримларга ишониш инсонлар ўртасида ўзаро низо ва фитналарни келиб чиқишига сабаб бўлмоқда. Аслида Расулуллоҳ соллоллоҳу алайҳи васаллам турли нарсалардан ирим қилиш, шумланишдан қайтарганлар.

Пайғамбаримиз соллаллоҳу алайҳи васаллам муборак ҳадиси шарифларида: “Уч нарсадан менинг умматим ҳануз қутула олмайдилар: ҳасад, бадгумонлик, иримдир. Шу нарсалардан қутулиш йўли шуки, ҳасад қилсангиз зулмга ўтмаслиги. Гумон-у шубҳа қилсангиз, уни ҳақиқат ҳисоб қилиб унга асосан иш тутмаслик. Бирор ирим қилинадиган нарсага дуч келсангиз, Аллоҳга таваккул қилиб, йўлингизда ва ишингизда давом этаверинг”, деганлар (Абу Яъло ривояти).

Саволда сўралгани каби ирим-сиримлар ҳам кишини тўғри эътиқоддан чалғитиб, ҳар-хил асоси бўлмаган нарсалар билан ўралашиб қолишга олиб келади. Шунинг учун динимиз бундай одатлардан қайтарган. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

Telegram | Instagram | Facebook | Tiktok

ТАҲАЖЖУДДАН КЕЙИН ХУФТОН ЎҚИМАГАНИМ ЁДИМГА ТУШДИ
#қисқа_савол_жавоблар

❓CАВОЛ: Таҳажжуд намозидан кейин хуфтон ўқимаганим ёдимга тушди. Хуфтонни казо килиб ўқиса бўладими?

💬 ЖАВОБ: Бисмиллаҳир Роҳманир Роҳим.
Хуфтон намозини ўқимаганингиз эсингизга тушганда Бомдод вақти кирмаган бўлса, агарчи таҳажжуд ўқиган бўлсангиз ҳам, хуфтон қазо бўлмайди. Чунки хуфтоннинг зарурат вақти тонг отгунча давом этади. Шунинг учун тезликда хуфтонни ўқиб олинг. Агар тонг отиб (субҳи содиқ кириб) қолган бўлса, хуфтонни қазосини ўқийсиз ва кейин бомдодни ўқишга киришасиз. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ҚИБЛАГА ҚАРАБ ОЁҚ УЗАТИШ
#қибла

❓793-САВОЛ: Кўпинча қибла тарафга қараб оёқ узатиб ётишга мажбур бўламиз. Ёшлигимиздан бизга “қиблага оёқ чўзма, ёмон бўлади” деб ўргатишган. Аммо нега ёмон бўлади ёки бу ҳолат шунчаки қиблага нисбатан ҳурматсизликми?

💬 ЖАВОБ: Бисмиллаҳир Роҳманир Роҳим.
Қибла — Аллоҳнинг шиорларидан, дин нишони ва белгиларидан биридир. Аллоҳ таоло Қуръони каримда шундай марҳамат қилади:

ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ ۝

яъни: "...Ким Аллоҳнинг шиорларини улуғласа, албатта, бу қалбларнинг тақвосидандир" (“Ҳаж” сураси, 32-оят).

Шунинг учун қиблага қараб оёқ узатиб ўтириш, қибла тарафга қарата туфлаш, қиблага олдини ёки орқасини қилиб ҳожат чиқариш макруҳдир. Аллома Абдулҳай Лакнавий раҳимаҳуллоҳ шундай дейдилар:

ويكره مد الرجلين إلى الكعبة في النوم وغيره عمدا من غير عذر

“Уйқуда ёки уйғоқликда узрсиз Каъбага икки оёқни узатиш макруҳ саналади” (“Ан-Нофиул кабир” китоби). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

Telegram | Instagram | Facebook | Tiktok