Ташқи ишлар вазиримиз Абдулазиз Камилов Туркия ташқи ишлар вазири Мевлут Чавушўғли билан учрашибди.

​​Одамларни айбдор қилиш осон

Инсоният коррупцияга қарши курашиш бўйича самарали ва таъсирчан механизмларни яратган. Ақли-хуши жойида одамлар ўша тажрибаларни ўрганиб, миллий давлатчилик тизимига адаптация қилади ва амалиётга жорий этади.

Ўзбекистонда коррупцияга қарши курашиш чоралари халқаро амалиётнинг илғор тажрибаларини эмас, балки янгича “кашфиёт”лари билан кўпроқ ном қозонган. Коррупция масалаларида катта акулалар қолиб, майда балиқларни овлашга кўпроқ эътибор қаратилиши, пора оладиган эмас, пора берадиганларни жазолашга берилиб кетаётганимиз ҳам шунга яққол кўриниб турибди.

Масалан, охирги пайтлар учта хабарга кўзим тушди. Биринчисида ЙПХ ходимига пора бераётган киши қўлга олинган. Иккинчисида ички ишлар органи терговчисига пора бераётган шахс қўлга олинган. Учинчисида эса Бош прокуратура матбуот хизмати томонидан фуқароларнинг пора бериш ҳолатлари таҳлил қилинган материал эълон қилинди.

Маълумки, Ўзбекистонда қайсидир ақллининг ташаббуси билан пора олганга ҳам, пора берганга ҳам, пора олиш ва беришга воситачилик қилганга ҳам бир жазо чораси белгиланган. Энг оғири 15 йилгача озодликдан маҳрум этилиши мумкин. Қизиқ савол: пора олган ва пора берган бир хил жиноятми?

Бизнинг-ча, Жиноят кодексининг 211-моддаси, яъни пора бериш жинояти учун жавобгарлик давлат идоралари томонидан оддий фуқароларни айблаш, коррупцияга қарши курашиш кампанияси пайтида оддий одамларни ёмонотлиқ қилиш учун ўйлаб топилган ва энг муҳими, коррупцияга қарши курашиш бўйича амалий натижа ва самара бермайдиган механизмдир. Чунки каттакон коррупционердан кўра оддий халқни айбдор қилиш, айрим “ҳуқуқ-тартибот ходимлари”нинг тўрига оддий одамларни тушириш ҳамда буни элга ошкора қилиш ҳам фойдали, ҳам осондир.

Коррупцияга бунақа курашиб бўлмайди. Бундай курашиш билан коррупция йўқолиб қолмайди, одамлар ишонмайди. Оддийгина мисол, “Ижтимоий фикр” маркази томонидан 2019 йилда ўтказилган коррупция бўйича сўровда қатнашганларнинг 66,5 фоизи Ўзбекистонда коррупция сингари салбий ҳолат тарқалган деб ҳисоблаган эди. 2017 йилда ўтказилган сўровномада бу кўрсаткич 56,8 фоизни ташкил қилган эди. Ваҳоланки, бу орада мустақиллигимиз тарихида биринчи марта коррупцияга қарши курашиш бўйича қонун қабул қилинди, махсус дастур ҳаётга татбиқ этилди. Лекин ижтимоий фикр мутлақо тескари натижани кўрсатаяпти. Муаммо одамларимизда эмас, балки коррупцияга қарши кўраётган чораларимизнинг самарадорлиги йўқлигидадир балки?

P.S.: Ўзбекистонда охирги давлат дастурида иккита соҳа – қурилиш ва олий таълим тизимини “коррупциядан холи соҳалар”га айлантириш кўзда тутилган эди. Олий таълимни анча силкитиб ташлашди, комплекс ёндашилаяпти. Қурилиш соҳасида эса ҳали ҳам жимжитлик. Собиқ сенат раиси, ҳозирги Бош прокурор Ниғматилла Йўлдошев коррупцияга қарши курашиш бўйича идораларо комиссияси йиғилишда қайд этишича, 2016 йилда намунавий лойиҳалар асосида қишлоқ жойларда марказлашган тарзда жойларга етказиб бериладиган қурилиш маҳсулотлари ва жиҳозлари 7 тани ташкил этган бўлса, 2019 йилда уларнинг сони 20 тадан ошган. “Бундай марказлашган тизимда коррупция учун сабаб ва шароитларнинг йўқлигига ким кафолат беради?!“, дея савол билан мурожаат қилган эди ўшанда Йўлдошев.

Коррупцияни шунақа соҳалардан излаш керак, аслида. ИМҲО, албатта.

АҚШ Марказий Осиё бўйича 2025 йилгача бўлган стратегияси лойиҳасини эълон қилди

Стратегияда принципиал ўзгаришлар йўқ, аввалги стратегиялар сингари умумий принципларни ўз ичига олган. Шундай бўлса-да, айрим жиҳатлар эътиборга молик.

Биринчидан, янги стратегияни ишлаб чиқиш зарурати кўп жиҳатдан Ўзбекистонда сўнгги йиллларда юз берган ўзгаришлар билан боғлиқлигини сезиш мумкин. Буни тақдимотда иштирок этган Оқ уй ва АҚШ давлат департаменти вакиллари ҳам алоҳида қайд этиб ўтишди.

Иккинчидан, АҚШ бу галги стратегияда Россиядан ҳам кўпроқ Хитойнинг Марказий Осиё минтақасига таъсири, айниқса, минтақа давлатлари Хитойдаги уйғурлар, этник қозоқ ва қирғизлар масаласида ўз позициясини қатъий билдиришда, уларга амалий ёрдам кўрсатишда турли босимларга учраётганига "намёк" қилган.

Учинчидан, АҚШ Марказий Осиёни ўз бизнеси учун тўғридан-тўғри бозор сифатида кўрмайди. Лекин минтақавий интеграция, жумладан, Марказий Осиёнинг транзит салоҳиятини кучайтириш, Афғонистон, Жанубий Осиё мамлакатлари билан иқтисодий ҳамкорликни кенгайтириш орқали минтақанинг Россия ва Хитойга боғлиқлигини камайтириш мумкин, деб ўйлайди.

https://www.youtube.com/watch?v=uAU64hdpCDg&t=1219s

Маиший коррупция ҳақида узунроқ пост

2020 йил кутилмаларида прогноз қилганимиздек, маиший, майда даражадаги коррупция унсурларига қарши, айниқса пора бераётганларга нисбатан кўргазмали кураш олиб борилмоқда. Бу борада қилинаётган ишлар кампания даражасига етгани учун "эришилаётган натижалар" жадваллар ва презентациялар тарзида таҳлил ҳам қилинмоқда.

Фуқарода савол туғилади, нега маиший коррупцияга қарши бу қадар курашиб қолинди?

Аввало бу хавфсиз иш, яъни маиший коррупцияга қарши ишларда ҳатто ўрта даражадаги чиновникларнинг думи босиб олинмайди. Тўрга асосан оддий фуқаро туширилади.

Иккинчидан, маиший коррупция доирасидаги ишлар пиар ва пропаганда ишларида қўл келади жуда, иш кетаётгани, кетаётгандаям кураш аёвсиз олиб борилаётганини керакли арбобларга намоён этилади.

Учинчидан, маиший коррупцияга қарши курашда курашга ажратилган маблағлар осон ўзлаштирилади. 100 долларлик ишнинг олиб борилишига ҳам, 1 миллион долларлик ишга ҳам деярли бир харажат кетади (оператив иш, тергов, суд, қамоқ вҳк). 100 долларлик иш учун солиқ тўловчиларнинг 10 минг долларини сарфлаш самарасиз-ку дейишингиз мумкин. Тўғри, лекин ишонинг, коррупцияга қарши ўзбекча курашда самара ва афзаллик 84- даражали масала.

Энди айтишингиз мумкин, сизнинг-ча маиший коррупцияга қарши курашмаслик керак-ми? Керак. Лекин бошқа, арзон ва самарали йўллар билан. Ахир 100 долларлик коррупцион ишга қарши кураш маъмурчилиги харажати 10 минг долларга етадиган курашдан не наф?

Тасаввур қилинг, давлат банки ходими кредит ажратиш учун пора олаяпти, қарздор пора бераяпти. Нима қилиш керак? Кимни қамаш керак? Бу ерда коррупцияга қарши кураш порахўр банкир ёки пора бераётганни ушлаб қамашда эмас, кредитнинг арзон, лекин дефицит бўлмай, бозор нархида, кенг имконли бўлишини таъминлашга қаратилиши лозим. Уч йил аввал банкдаги коррупция ишларининг 90%и валюта конвертацияси билан боғлиқ эди. Ҳозир кимдир валюта сотиб олиш учун пора берадими?

Ёки яна бир мисол. Тадбиркор ҳокимга, кадастрга ер ажратиш учун пора бераяпти. Кимни қамаш керак, айтинг? Ер товар, у ажратилмаслиги, тақсимланмаслиги, сотилиши кераклиги муҳитида биров пора берармиди?

Ҳайдовчи қоида бузди, инспекторга пора таклиф этди. Нега? Чунки пора бериш жарима тўлашдан кўра нисбий афзалликка эга. Инспектор правани олади, права прописка манзилига 1 ойда етиб боради. Жарима ойлик маошича. Нега акси эмас? Нега жаримани тўлаш пора беришдан афзалроқ бўлишини таъминлаб бўлмайди? Нега инспектор учун ҳам, ҳайдовчи учун ҳам жаримани тўлаш афзаллигини яратиш мумкин эмас?

Пора олаётган ўқитувчи, бош врач, солиқчи вҳк масалаларидаям шундай саволларни қўйиш мумкин.

Қиссадан ҳисса шуки, маиший коррупцияга қарши қамаш, тутиш, кўргазмали ва пиар билан курашилмайди. Қоидалар, тизим ва жараёнлар ўзгартирилиши керак.

Дарвоқе, кўп мисол келтирадиганимиз Грузия маиший коррупцияни энг аввало қоидалар ва тизимни бутунлай янгилаш орқали енгган. Ва албатта қоидаларнинг барча учун бирлигини таъминлаб.

@the_bakiroo

Hoshimov Iqtisodiyotining navbatdagi soni chiqdi. Bu safargi suhbatdoshim Pittsburg universiteti professori Jennifer Murtazashvili.

Professor Murtazashvili Oʻzbekiston va mintaqani juda yaxshi biladigan olimlardan, Oʻzbekistonda koʻp yillar davomida faoliyat olib borganlar, boshida “tinchlik korpusida” (Peace Corps) keyin esa AQSh elchixonasida va USAID tashkilotida. Tabiiyki, Oʻzbek, Rus va Tojik tillarini ham yaxshi biladilar. Oʻzbekistondagi faoliyatdan soʻng, Viskonsin universitetida magistratura va keyin esa doktorantura yoqlaganlar. Ilmiy ishlari Afgʻonistondagi siyosiy tizim va mahalliy boshqaruv tizimlar haqida boʻlgan.

Biz suhbat davomida juda koʻp mavzularga batafsil toʻxtalib oʻtdik. Bu AQSh va Oʻzbekiston munosabatlari, urf -odatlar, demokratiya, korrupsiya, Afgʻoniston va Oʻzbekiston aloqalari, soʻz erkinligi, iqtisodiy tadqiqotlar, taʼlim tizimi, palovning turlari va hokazo.

Doimgidek, suhbatni koʻrishni tavsiya qilaman. Oʻzbekcha subtitrlar ham bor. Subtitrlarni sifati yaxshi, juda koʻp odam menga yordam berishdi. Shuning uchun xuddi Oʻzbekchada koʻrgandek boʻlasiz.

Ikkinchidan, albatta ulashishingizni iltimos qilib qolar edim. Qanchalik koʻp odam koʻrsa albatta yaxshi. Jamiyatda ilmiy mavzularga doir suhbatlar koʻpayishi yaxshi boʻlar edi, shunga oʻzingizni hissangizni qoʻshing. YouTubeda ham kanalga obuna boʻlishni unutmang, va YouTubeda oʻz fikringiz bilan boʻlishing. Men albatta javob beraman.

Ha aytgancha, koʻrsatuvning bu sonini, oʻzim, yaʼni UzbekReviewsiz qildim. Shu bilan Hoshimov Iqtisodiyoti loyihasi endi faqat menga tegishli, shunga ham sifat va boshqa narsalar haqida fikringiz bo'lsa albatta bo'lishing. Har bir tomoshabinning fikri men uchun juda muhim. Maroqli ko'rishni tilab qolaman!

https://youtu.be/RDjtTagot7I

"Самарқандкимё" АЖ негизида Самарқанд вилоятида мураккаб минерал ўғитлар ишлаб чиқариш кимёвий мажмуаси барпо этиладиган бўлибди ва ноль қийматда танловсиз чет эллик инвесторга сотилибди. Чет эллик инвестор ҳам ўзимизнинг қоракўзлар, албатта. https://lex.uz/pdfs/4725138

Айтишларича, машҳур The Metropolitan Museum of Art of New York City ёки The Met музейи тасодифан 15 асрга тааллуқли, Амир Темурнинг набираси Иброҳим Султон томонидан кўчирилган Қуръони карим нусхаларини топишибди. Иброҳим Султон томонидан бешта нусха кўчирилган бўлиб, музейдаги нусхасига 1427 йил июнь санаси қўйилган.

Иброҳим Султон Шоҳрўх Мирзо (Амир Темурнинг кенжа ўғли)нинг фарзанди, Мирзо Улуғбек билан ака-ука бўлган. У Шерозга ҳоким бўлган, хаттотлик ва адабиётга меҳри баланд бўлган.

​​Яна инновация, яна тендерсиз, яна ўлпон

Ўзбекистонда шифокорлар ва провизорлар рўйхатдан ўтиши учун Uzhealth CRM (emed.uz) Шифокорлар ва провизорлар ягона электрон базасини ишлаб чиқиш режалаштирилмоқда. Инновацион соғлиқни сақлаш миллий палатаси томонидан ишлаб чиқилган ҳукумат қарори лойиҳаси жамоатчилик муҳокамаси учун эълон қилинди. Қарор лойиҳаси, албатта, давлат тилида эмас.

Қарор лойиҳасига кўра, 2021 йил 1 январдан шифокорлар ва провизорларга Инновацион соғлиқни сақлаш миллий палатасидан рўйхатга ўтмасдан ишлаш тақиқланади. Палата шифокор ва провизорларни рўйхатдан ўтказиш, рўйхатдан ўтказилган шифокор ва провизорларнинг ягона электрон базасини шакллантириш ва юритиш, рўйхатга олишни тўхтатиш ва бекор қилиш ваколатларига эга бўлади.

Шифокор ва провизорлар мазкур базадан рўйхатдан ўтиш/қайта рўйхатдан ўтиш учун базавий ҳисоблаш миқдори (223 000 сўм)нинг 50 фоизи миқдорида ҳақ тўлашлари керак бўлади. Ўзбекистонда тахминан 90 минг атрофида шифокор борлигини инобатга оладиган бўлсак, тахминан 10 млрд сўмлик ўлпон юзага келади. Бу фақатгина шифокорлардан. Провизорлар сони ҳам кам эмас.

Юқорида қайд этилганидек, шифокорлар ва провизорлар Uzhealth CRM тизимида, аниқроғи emed.uz сайти орқали рўйхатдан ўтиши керак бўлади. Палата тендер савдоларини ўтказмасдан туриб Online Service Group (OSG) МЧЖни тизимнинг ишлаб чиқарувчиси этиб белгилашни таклиф қилмоқда. Тендерсиз иш битириш—ҳаммага келган касаллик бўлди. Дарвоқе, ушбу МЧЖ палатага бегона эмас. Бунгача палатанинг сайтини ҳам ишлаб чиқишган. Худо билади, янги сервисни қанча пулга қилишаяпти.

Албатта, шифокорлар ва провизорларнинг ягона реестри керак. Лекин буни шаффоф бўлмаган, шундоқ ҳам жа бой бўлмаган шифокор аҳли чўнтагидан пул ундириш мақсадида қилмаслик лозим, бу иш коррупция ҳолатлари юзага келишига йўл қўймаслиги керак. Негаки, бу тизимни тўғридан-тўғри коррупция деяётганлар ҳам бор.

P.S.: Маъмурий ислоҳотлар концепциясида (унутилган ҳужжатлардан бири) қонун ҳужжатларини қабул қилишда «One in, Two out» принципини жорий этиш кўзда тутилган эди. Ўзбекистонда ҳам турли ташкилот ва идораларни ташкил этишда шу принципни қўллаш керак ўзи. Яъни қайсидир бир соҳада бирорта давлат ёки ярим давлат ташкилот тузилаяптими, шундан кам бўлмаган амалдаги иккита ташкилот фаолияти тугатилиши керак. Шунда дарди-хаёли пул ундириш бўлган тузилмаларни “яратиш” каррасига камаяр, шундай ташаббускорларнинг ўзбошимчалиги ўз-ўзидан хотима топарди.

Буларнинг барчаси ИМҲО, албатта.

InfinBANK 16 млн.сўмгача ҳеч бир саволсиз кредит беради («нима учун?», «қаерга?», зеро, кредит – мақсадсиз) ва ҳужжатлар йиғимисиз. Ҳатто, банк бўлимларига боришга ҳам ҳожат йўқ😏
⠀
Пуллар аллақачон чўнтагингизда деб ҳисоблайверинг!
Шунчаки, InfinBANK иловасини юклаб олинг ва аризани тўлдиринг.
⠀
Дизайнерлик ғояларингизни тезкор кредит билан амалга оширинг.

Уларни исталган банкнинг мунтазам даромадли UzCARD картаси билан қопланг.
⠀
InfinBANK иловаси ⏩ https://onelink.to/qdjqku
📞 (+998 71) 202-50-60
🔎 @infin_bank_bot

Реклама

Облигациялар ўзи нима ва қандай мақсадларда чиқарилади?

Маълумки, 2020 йил январь ойидан бошлаб Марказий банк облигациялари муомалага чиқарила бошланди. Хусусан, ўтган вақт мобайнида қарийб 1,4 трлн. сўмлик облигациялар чиқарилиб, тижорат банкларига жойлаштирилди.

Халқаро амалиётда марказий банклар томонидан облигациялар жойлаштириш кенг тарқалган. Ҳукумат ва корпоратив қимматли қоғозлардан фарқли равишда Марказий банк облигацияларининг асосий мақсади қарз мажбуриятларини жалб қилиш эмас, балки банк тизими ликвидлилигини бошқариш самарадорлигини ошириш ҳисобланади. Облигациялар қисқа муддатли банк ликвидлилигини жалб қилишга мўлжалланган бўлиб, 1 йилгача бўлган муддатга чиқарилади.

Тижорат банклари ликвидлилик бўйича ўрнатилган нормативларни бажариш учун, шу жумладан, молиявий бозорлар яхши ривожланмаган ва бошқа ликвид инструментлар етишмаган ҳолатда, маълум миқдордаги маблағларни банк кассасида ёки Марказий банкдаги вакиллик ҳисобварағида сақлаб келади.

Бироқ мазкур маблағлар ҳеч қандай даромад олиб келмайди. Марказий банк облигацияларининг муомалага чиқарилиши эса тижорат банклари учун юқори ликвидли активга эга бўлиш билан бир қаторда, маълум миқдорда даромад олиш имкониятини беради.

Банклар исталган пайтда ушбу облигацияларни иккиламчи бозорда ёки Марказий банкнинг ўзига қайта сотишлари мумкин.

Шунақа замонда яшаяпмиз: ҳамма ўзига керакли имтиёз, преференцияларни ёзиб, ҳужжат қилиб, имзолатиб олаяпти, шекилли.

Масалан, Молия вазирлиги томонидан «Dori-Darmon» акциядорлик жамиятига бюджетдан уч йил муддатга 150 млрд сўм миқдорида 2 фоизли ссуда берилган. Бу воқеа 2018 йил кузида бўлган.

Орадан 1,5 ярим йил ўтмасдан, «Dori-Darmon» акциядорлик компанияси унинг фаолиятини қўллаб-қувватлаш тўғрисидаги ҳукумат қарори лойиҳасини жамоатчилик муҳокамасига қўйди. Унга кўра, ссуда муддатини беш йилга чўзишмоқчи, ундан икки йили имтиёзли давр ҳисобланади. Бюджет пулига масъул бўлган Молия вазирлиги, Ҳисоб палатаси бундай ҳаракатлардан бохабар, деб умид қиламиз.

Маълумот ўрнида:

“Дори-Дармон” АК кузатув кенгашининг қарори билан 2019 йилнинг 27 февралидан компания бошқаруви раиси Азимов Равшан Рустамович ваколати муддатидан олдин тугатилган ҳамда Салиҳбоева Умида Саидовна “Дори-Дармон” АК бошқаруви раиси вазифасини вақтинча бажарувчи этиб тайинланган. Шунингдек, Давлат активларини бошқариш маркази томонидан “Дори-Дармон” АК устав капиталидаги давлат улушини 2018 йилнинг декабрь ойида United Investment Healthcare Group (АҚШ) компаниясига ишончли бошқарувга бериш тўғрисидаги битим бекор қилинган эди.

АҚШ элчиси Дэниел Розенблюм Алишер Навоий таваллуд куни муносабати билан ўзбекистонликларни ўзбек тилида Навоий мисралари билан қутлади.

Саакашвили Грузияда ҳокимиятга келганда, биринчи ойлиги 41 доллар бўлган, президент аппарати жойлашган бинода кечқурун соат 22.00 дан кейин сув таъминоти тўхтатилган. Ҳожат учун челакда сув жамлаб қўйилган.

«Почему у Грузии получилось» китобидан.

Арқадағ ўғли Сердарни иқтисодиёт ва қурилиш вазири этиб тайинлади. У бунгача вилоят ҳокими эди.

Россиялик блогер Ярослав Левашов Америкада таксистлик қилаётган самарқандлик амаки билан суҳбатлашибди.

Кунига кўпи билан 300-500 долларгача ишлаб топиши, аёли билан Самарқандга ойига 4500 доллар юбориши, йилига икки марта дам олиши, кредит олиш осонлиги ҳақида тўхталибди.

Видео сифатли эмас.

Халқ банки томонидан пенсионерлар учун яхши имконият жорий қилинибди – “Пенсия овердрафт карта”си. Бу яна қандай карта бўлди дейишингиз мумкин, бу жуда зўр қулайлик дегани. Ҳозир қулайликларини изоҳлайман.
Биринчидан, ҳар ойнинг бешинчи санасигача пенсиянгиз пластикка тушади. Пенсия пули келишини кутиш, бориб олиб келиш, навбат кутиш, деган муаммолар сизда бўлмайди.
Иккинчидан, дейлик ойнинг охиригача пенсия пулини ишлатиб бўлдингиз, пул керак бўлиб қолди, пенсия маблағлари молиялашгунга қадар банк томонидан пенсия маблағининг 50 фоизи миқдорида овердрафт кредитини 12 ой муддатга ажратади. Ишлатган пулингиз учун ойлик 1,33 фоиз миқдорида фоиз тўланади халос.
Учинчидан, нақд пул муаммоси бўлмайди, Халқ банкининг кассаларида ва банкоматларида “Пенсия овердрафт карта”сидан нақд пул ечиб олсангиз ҳеч қандай фоиз тўламайсиз.
Тўртинчидан, картангизда ишлатилмай қолган пулга банк томонидан йиллик 8 фоиз миқдорида даромад тўланади. Бу – плстик картангизда маблағингиз қанча кўп турса, шунча пулингиз кўпайиб бораверади, дегани.
Бир нарсани айтишни унутибман, “Пенсия овердрафт карта”сидан ҳар қандай тўловни амалга оширишингиз мумкин.
Реклама

Кеча Қозоғистоннинг Жамбил вилоятида оммавий муштлашув юз берган. 300 дан ортиқ киши иштирокида юз берган можаро оқибатида 8 киши ҳалок бўлган, 40 га яқин киши турли даражада тан жароҳати олган.

Расмийларнинг маълум қилишича, воқеа безорилик ортидан юз берган, аммо миллий адоват уйғотишга қаратилган провокацион ҳаракатлар ҳам кўзга ташланган.

Воқеа юз берган қишлоқда асосан дунганлар истиқомат қилади. Қозоқ ижтимоий тармоқларининг ёзишича, вазият кескинлашишидан хавотир олиб, юзлаб дунганлар Қирғизистон ҳудудига ўтишга ҳаракат қилмоқда, чегара постларида тирбандлик юзага келган.

Қозоғистон президенти Қосим-Жомарт Тоқаев ҳалок бўлганлар оилаларига ҳамдардлик билдириб, вазият ҳуқуқ-тартибот идоралари томонидан тўлиқ назоратга олинганини маълум қилди. Махсус комиссия тузилган.


https://t.iss.one/AQOSlive/55

Ўзбекистон футбол ассоциацияси биринчи вице-президенти Равшан Эрматов Жисмоний тарбия ва спорт вазирининг биринчи ўринбосари лавозимига тайинланди. Бу ҳақда вазирликдаги манба GoSport.uz интернет-нашрига маълум қилди.


@gosportuz