Президент Шавкат Мирзиёевнинг 30 июнь куни ёшлар билан ўтказган очиқ мулоқотида илгари сурилган ташаббусларни амалиётга татбиқ этиш мақсадида, Ёшлар ишлари агентлиги томонидан “Ёшларни эшитамиз” номи остида ёш тадбиркорлар билан очиқ мулоқот ташкил этилди.

Мулоқотда қатнашган тадбиркорлардан Самира Латипова cтартаплар учун ўзини-ўзи банд қилганлар билан ишлашда солиқ талабларини қайта кўриб чиқиш, юридик шахслар ва ўзини-ўзи банд қилганлар ўртасида шартнома тузиш механизмларини соддалаштириш, стартаплар учун аниқ ва тушунарли ҳуқуқий база яратишни таклиф қилди.

Қозоғистон миллий валютаси тенге июль ойида жиддий қадрсизланмоқда. Ҳозирги кунда 1 АҚШ долларининг биржадаги курси 545 тенгедан юқорилади.

Экспертлар буни ҳукуматнинг бюджетдан иқтисодиётга пул ажратиши кескин ошгани, натижада бизнес корхоналар модернизацияси учун четдан асбоб-ускуна, жиҳозлар харид қилаётгани билан изоҳламоқда.

Қозоғистон Марказий банки раиси Тимур Сулейманов тенге курсига фундаментал сабаблар (нефть нархи, асосий савдо шерикларнинг валютаси динамикаси)дан ташқари бизнес, аҳоли ва давлатдан долларга талаб ортгани ҳамда спекулятив ҳолатлар таъсир кўрсатаётганини қайд этган.

Hamkorbank дан “Имконият” кредити бизнесингиз учун янги очиқ йўл

Агар сиз бизнес фаолиятингизни кенгайтириш, янги ускуналар харид қилиш ёки айланма маблағларни кўпайтиришни режалаштираётган бўлсангиз, “Имконият” кредити айнан сиз учун мўлжалланган.

Таклиф этилаётган асосий шартлар:

✅ Кредит миқдори: 5 миллиард сўмгача;
✅ Муддат: 48 ойгача;
✅ Фоиз ставкаси: йиллик 26 фоиздан бошланади;
✅ Валюта тури: миллий ёки хорижий валюта;
✅ Имтиёзли давр: 6 ойгача;
✅ Тўлов шакли: аннуитет ёки лойиҳа хусусиятига мослаштирилган;
✅ Бошланғич тўлов талаб қилинмайди.

📞Маълумот учун 1809 рақами орқали боғланинг ёки Hamkorbank.uz сайти орқали батафсил танишинг.

Реклама

Президент ва ҳукумат ҳужжатлари ижросини назорат қилишнинг янги тизими йўлга қўйилади

Ўзбекистон Республикаси Президентининг фармон, қарор, фармойиш ва топшириқлари ижросини назорат қилишнинг самарали механизмлари жорий этилади.

Ҳисоб палатаси қонунчилик ҳужжатлари ва топшириқлар ижро этилиши юзасидан давлат органлари ва ташкилотлар фаолиятини мувофиқлаштириб боради.

2025 йил 1 сентябрдан бошлаб Иқтисодиёт ва молия вазирлиги ҳузуридаги бюджетдан ташқари Пенсия жамғармасининг қисқартириладиган штат бирликлари ҳисобидан Ҳисоб палатасига қўшимча 10 та бошқарув штат бирлиги ажратилади.

Вазирлар Маҳкамаси қарорлари ижросини назорат қилиш бўйича янги тартиб жорий этилади.

Шу муносабати билан Адлия вазирлиги марказий аппарати тузилмасида Ўзбекистон Республикаси Президенти ҳужжатлари ва топшириқлари ижросини назорат қилиш бошқармаси негизида 20 та штат бирлигидан иборат Ўзбекистон Республикаси Президенти ва Ҳукумат ҳужжатлари ижросини назорат қилиш бошқармаси ташкил этилади.

Яна 6 та метро бекатида поездлар ҳаракати тўхтатилади

2025 йил 2 августдан 6 та бекатдан иборат “Технопарк – Янгиобод” бекатлари оралиғида метро поезлари ҳаракати тўхтатилади.

“Технопарк-Қипчоқ-Технопарк” метро бекатлари оралиғида бепул хизмат кўрсатувчи катта сиғимли автобуслар (метробус) ҳаракати йўлга қўйилади.

Озарбойжоннинг Socar компанияси билан имзоланган маҳсулот тақсимотига оид битимга кўра, Устюртнинг олтита блокида геология-қидирув ишлари амалга оширилади. Айтилишича, 100 млн тонна атрофида нефть ва 35 млрд куб метр атрофида газ конларини аниқлаш прогноз қилиняпти экан.

Россиянинг «Аэрофлот» компанияси ахборот тизимлари хакерлар ҳужумига учради, авиакомпания 50дан ортиқ рейсларини бекор қилган.

Айни вақтда транспорт ва логистика йўналишида фаолият юритаётган тадбиркорлар билан учрашув бўлиб ўтмоқда. Унда Савдо-саноат палатаси, Солиқ қўмитаси, Бизнес-омбудсман ва Транспорт вазирлиги масъуллари иштирок этмоқда.

Мулоқотда соҳадаги мавжуд муаммолар ва уларнинг амалий ечимлари, шунингдек, тадбиркорликни қўллаб-қувватлашга қаратилган таклифлар муҳокама қилинмоқда.

Жонли эфир

Бизнесни ривожлантириш банки киберхавфсизлик бўйича 2-ўринни эгаллади

🛡“Киберхавфсизлик маркази” ДУКнинг 2025 йил 1-ярим йиллик рейтингига кўра, БРБ 37 поғона юқорилаб, Ўзбекистондаги тижорат банклари орасида иккинчи ўринда қайд этилган.

Бундан ташқари, яна бир муҳим натижа — 📊 умумий рейтингда банк ўтган йилги 44-ўриндан 7-ўринга кўтарилди.

🎯Бу ўсишни банк раҳбариятининг ахборот ва киберхавфсизликка доимий эътибори ҳамда сармояси самараси дейиш мумкин.

Манба | Реклама

ҚҚСни қайтариш борасида солиқ идораларининг 32 нафар ходими жиноий жавобгарликка тортилган. Уларнинг айримлари ҚҚСни хато қайтарган, айримлари эса порахўрлик қилган. Солиқчилар ҚҚСни қайтаришда совуқ сувни ҳам пуфлаб ичадиган бўлиб қолди, дейди Солиқ қўмитаси раиси Шерзод Қудбиев.

Шерали Жўраев номидаги мусиқа ва санъат олий мактаби ташкил этилади

Андижон шаҳридаги санъат мактаби негизида Шерали Жўраев номидаги мусиқа ва санъат олий мактаби ташкил этилади. Шерали Жўраев номидаги миллий қўшиқчилик телетанлови ҳар йили ўтказилади.

Олий мактабда илмий-ижодий лаборатория тузилиб, Шерали Жўраев қўшиқларининг “олтин фонди” яратилади. Замонавий овоз ёзиш ва тасвирга олиш студияси ташкил этилиб, иқтидорли ёш ижодкорлар ундан имтиёзли фойдаланиши мумкин бўлади.

Бастакор Султонали Раҳматов 55 ёшида вафот этибди.

Санкт-Петербургда мигрантларга, аниқроғи патент асосида фаолият юритадиган чет элликларга таксичилик билан шуғулланишга тақиқ қўйилди. Ҳужжат 10 кундан сўнг кучга киради ва 2025 йил охирига қадар амал қилади. Тақиқ шаҳар ҳаётига таъсиридан келиб чиқиб йил охирида узайтирилиши мумкин.

Фармацевтика, тиббий асбоб-ускуналар саноати ва савдоси соҳасидаги тадбиркорлар билан Президент ҳузуридаги очиқ мулоқот бошланди. Мулоқотда Савдо-саноат палатаси, Бизнес-омбудсман, Фармацевтика тармоғини ривожлантириш агентлиги, жамоатчилик кенгаши ва масъул идоралар иштирок этмоқда.

Учрашувдан мақсад — муаммоларни тинглаш ва ечимларни аниқлаш.

Жонли эфир

Оҳангарон "Eltech Industrial" технопаркида "Premier Electrotech MCHJ QK" компаниясининг янги, замонавий кондиционерлар заводи ишга тушди.

10 гектар майдонда жойлашган ва 40 000 квадрат метрдан зиёд бино майдонига эга бўлган ушбу замонавий завод йилига 300 000 дона кондиционер ишлаб чиқариш қувватига эга. Барча кондиционерлар "Premier" бренди остида бозорга чиқарилади. Лойиҳага ҳозирга қадар 30 миллион АҚШ доллари миқдорида инвестиция киритилди. "Premier Electrotech MCHJ QK" компанияси маҳаллийлаштириш масаласига алоҳида эътибор қаратган. Ҳозирги кунда маҳаллийлаштириш даражаси 40% ни ташкил этади ва келгуси 3 йил ичида бу кўрсаткични 70% га етказиш режалаштирилган. Заводнинг тўлиқ ишга туширилиши натижасида 500 га яқин янги иш ўринлари яратилади.

Компания ушбу лойиҳани амалга оширишда халқаро тажрибага таяниб, дунёга машҳур TCL, Aux ва Changhong компаниялари билан ҳамкорлик қилмоқда. Мазкур ҳамкорлик доирасида Италия ва Хитойдан тажрибали мутахассислар жалб қилинган бўлиб, улар ишлаб чиқариш жараёнига бевосита жалб этилади.

ℹ️ Ягона ахборот маркази: 📞 71 200-41-00

💬 Telegram 📹 Instagram 🌐 Rasmiy sayt 📹 YouTube

Реклама

Самарқанд вилояти Каттақўрғон шаҳри ҳудуди кенгайтирилмоқда. Шаҳар ўрта шаҳарлар тоифасидан катта шаҳарлар тоифасига ўтказилиши режалаштирилган. Шу мақсадда Каттақўрғон туманидан 1 минг 945 гектар, Нуробод туманидан эса 971 гектар ер майдони Каттақўрғон шаҳри таркибига қўшилиши, шунингдек, Нуробод туманидан 600 гектар ер майдони Каттақўрғон тумани таркибига ўтказилиши кўзда тутилган.

Президент Асака тумани “тўртлиги” — ҳоким, прокурор, ИИБ бошлиғи ва солиқ инспекцияси бошлиғини ҳамда Президент администрацияси масъул ходимини давлат мукофотлари билан тақдирлади.

Ҳарбий хавфсизлик ва мудофаа университети ташкил этилади

Қуролли Кучлар академиясининг негизида Ўзбекистон Республикаси ҳарбий хавфсизлик ва мудофаа университети ташкил этилиши кўзда тутилмоқда.

Мудофаа вазирлигининг барча ҳарбий таълим муассасалари – 5 та институт, Сержантлар тайёрлаш олий мактаби ҳамда Авиация ва учувчисиз учиш аппаратлари мутахассисларини тайёрлаш маркази институт мақомида мазкур университет таркибига ўтказилади. Шунингдек:

1. Тор доирадаги ихтисосликлар бўйича “2+2” тартиби йўлга қўйилишидир. Яъни, психолог, алоқачи, таъминотчи, омборчи каби 18 хил ёндош соҳа мутахассислари бошқа олий таълим муассасаларининг 2-босқич талабалари орасидан саралаб олинади.

2. Янги ўқув йилидан бошлаб, битирувчи босқич курсантлари учун танлов асосида “Олий Бош Қўмондон” давлат стипендияси жорий этилади. Мазкур стипендия соҳиби бакалавриатни тамомлаганидан сўнг 5 йил мобайнида олий ҳарбий таълим муассасаларининг магистратурасига имтиҳонларсиз қабул қилинади.

3. Эндиликда олий ҳарбий таълим муассасаларининг 36 та таълим йўналиши битирувчилари бирйўла иккита диплом – фуқаролик ва ҳарбий касбга мўлжалланган мутахассислик эгаси бўлади. Бу уларнинг ҳарбий хизматдан кейин ҳам фаол ишлаши имконини беради.

Полковник Абдураззоқов Абдувосит Абдулҳаевич Тошкент вилояти Ички ишлар бош бошқармаси бошлиғи лавозимига тайинланди.

Мазкур тайинловга қадар у Тошкент шаҳар Ички ишлар бош бошқармаси бошлиғи ўринбосари, Тергов бошқармаси бошлиғи лавозимида фаолият юритиб келаётган эди.

Тошкент вилояти ИИББ бошлиғи лавозимида ишлаб келган Арипов Тоҳир Тўлқунович Самарқанд вилояти Ички ишлар бошқармаси бошлиғи этиб тайинланди.