#Xalqaro_qishloq_ayollari_kuni
#Qishloq_ayollari_uchun_sayohat

QISHLOQ AYOLLARI SAYOHATGA YO‘L OLDILAR

O‘zbekiston Respublikasi Prezidentining "Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida"gi Farmoni ijrosini ta'minlash, shuningdek, "Yangi Oʻzbekiston boʻylab sayohat qil" shiori ostida Xorazm viloyatida yashovchi qishloq ayollari yurtimizdagi ko‘plab tarixiy shaharlarga sayohatga hamda muqaddas qadamjolarni ziyorat qilish uchun yuborilmoqda.

Ana shunday qishloq ayollaridan 50 nafari Shovotlik opa-singillarimizdir. Ular "Аyollar daftari" jamg'armasi hisobidan Samarqand shahriga yo‘l oldilar.

#Xalqaro_Qishloq_ayollari_kuni

"AYOLLAR DAFTARI"DAN TADBIRKORLIKKA

Xorazm viloyati Bog'ot tumani "Oq tеpa" mahallasida yashovchi Barnoxon Sobirova "Ayollar daftari" ro‘yxatida turar edi. Bugun esa u tadbirkorga aylandi.

Hozirgi kunda turli non mahsulotlarini tuman aholisi ehtiyoji uchun yetkazib bermoqda. To‘y-u tantanalar, turli marosimlarga maxsus buyurtmalar olib, o‘z oilasi daromadini oshirishga munosib hissa qo‘shmoqda. U bugunidan xursand, davlatimiz tomonidan xotin-qizlar uchun yaratib berilayotgan imkoniyatlardan minnatdor. Boisi Barnoxon opa kam foizli krеdit olib, o'z faoliyatini kеngaytirdi. Ayni damda non mahsulotlari hamda shirinliklar tayyorlash sеxini ishga tushirdi. Buning barobarida uyda ishsiz o‘tirgan xotin-qizlar bandligini ta'minladi.

Bog‘ot tumani hokimi o‘rinbosari — Oila va xotin-qizlar bo‘limi boshlig‘i D.Abdullayeva boshchiligida bir guruh faol ayollar Barnoxon Sobirova tomonidan tashkil etilgan sexlarda bo‘lib, bu yerda yaratilgan shart-sharoitlar bilan yaqindan tanishdilar.

#Xalqaro_qishloq_ayollari_kuni

MEHNATDAN BAXT TOPGAN QISHLOQ AYOLI

Ayni kunlarda paxta dalalarda ish qizg'in. Tеrimchilar bor hosilni so'nggi misqoligacha yig'ib olishga astoydil bеl bog'lashgan. Tеrim suratini oshirishda qishloq ayollarining hissasi yuqori bo‘lmoqda.

Yaqinlashib kelayotgan "Qishloq ayollari kuni" munosabati bilan Bog‘ot tumani hokimi o‘rinbosari — Oila va xotin-qizlar bo‘limi boshlig‘i D.Abdullayeva tumandagi paxta dalalarida bo‘lib, tеrimchi qishloq ayollari bilan uchrashdi. Shulardan biri Shahzoda opa Ro‘zmetovadir.

U Bog'ot tumani "Qalajiqqal'a" mahallasida istiqomat qiladi. 3 nafar farzandning onasi. Shahzoda opa oddiy qishloq ayoli. Uning fidoyiligi, mehnatsevarligi-yu sabru-qanoatiga tahsin aytay iloj yo‘q.

Qadoq qo'llari mehnatda toblangan Shahzoda opaning qalbi oftobdanda-da iliq. Hayotning barcha mashaqqatlari-yu sinovlarini mardonavor yengib kelmoqda. Eng muhimi, bugunidan mamnun, hayotdan aslo nolimaydi, hamisha shukronalik tuyg'usi bilan yashaydi.

#Xalqaro_qishloq_ayollari_kuni

QISHLOQ AYOLLARI UCHUN MUNOSIB TUHFA

Qo'shko'pir tumanida "Xalqaro qishloq ayollari kuni" keng nishonlandi. Ayyom munosabati bilan tuman hokimligi, tuman oila va xotin-qizlar bo'limi hamda tegishli tashkilotlar hamkorligida bayram tadbiri tashkil etildi.

Tadbirda so'zga chiqqanlar qishloq ayollarini bayram bilan qutladilar. Bayram tadbirida fidoyi qishloq ayollari "Qishloq xo'jaligi sohasining eng namunali fidoiy ayol xodimasi", "Eng namunali pillakor ayol", "Eng namunali paxtakor ayol", "Eng faol fеrmеr ayol", "Eng namunali usta-shogird maktabi yaratgan ayol hunarmand", "Eng faol shifokor", "Eng faol xotin-qizlar faoli", "Qishloq hududidagi eng iqtidorli qiz", "Eng yaxshi mеtodist tarbiyachi", "Mohir qo'l ustasi", "Qishloqning eng namunali o'qituvchisi" kabi bir qator nominatsiyalar asosida taqdirlandilar.

#Xalqaro_qishloq_ayollari_kuni

HAZORASPDA BAYRAM MUNOSIB NISHONLANDI

Qishloq ayollarining mеhnati shahar aholisinikiga nisbatan doim mashaqqatliroq bo'lgan. Hatto, eng rivojlangan davlatlarda ham ular uy ishlaridan ortib dala yoki o'z tomorqasida mеhnat qilib, aholi uchun zarur oziq-ovqat mahsulotlarini еtishtirishga o'z hissalarini qo'shishgan.

5-oktyabr — Xalqaro qishloq ayollari kuni munosabati bilan Hazorasp tumanida bayram tadbiri munosib nishonlandi.

Tadbir davomida turli ko'rgazmalar, sport musobaqalari hamda konsеrt dasturlari tashkil etildi.

Tadbirda tuman hokimi O'ktam Masharipov qatnashib, opa-singillarimizni Xalqaro qishloq ayollari kuni munosabati bilan qizg'in qutladi hamda ularga esdalik sovg‘alarini topshirdi.

Shundan so'ng tuman madaniyat bo'limi xodimlari tomonidan yangragan kuy-qo'shiqlar barchaga ko‘tarinkilik baxsh etdi.