🌸 “Qadriyatlaring boqiy bo‘lsin, Navro‘z!”

#Namangan_viloyati

🌐Veb sayt |🌐Facebook |🌐Instagram |🌐Youtube

🟢 Yangi Namanganda ayollar bandligi ta’minlanmoqda

🔹 Yangi Namangan tumanida kasanachilik asosida ayollar bandligini ta’minlashga qaratilgan ishlar samara bermoqda. Shu maqsadda o‘tkazilgan press-tur doirasida “Yangi Zamin” mahallasida yashovchi Zeboxon Sayidaliyevaning faoliyati bilan tanishildi.
🔸 U tikuvchilik hunarini o‘rganib, oilaviy tadbirkorlikni yo‘lga qo‘ygan. Bugungi kunda u nafaqat o‘zini, balki 4 nafar xotin-qizni doimiy ish bilan ta’minladi, yana 5 nafar ayolga esa kasanachilik asosida daromad topish imkoniyatini yaratdi. Korxonasida kuniga 350 donagacha mahsulot ishlab chiqariladi, maxsus buyurtma asosida tikilayotgan sumkalar esa Xitoyga eksport qilinmoqda.
✅ Ayollarni qo‘llab-quvvatlash va ularga zarur shart-sharoitlarni yaratish natijasida ko‘plab xotin-qizlar bandligi ta’minlanmoqda.

#Namangan_viloyati

🌐Veb sayt |🌐Facebook |🌐Instagram |🌐Youtube

Kosonsoy tumanida sohaviy ishlar o‘rganildi

Oila va xotin-qizlar qo‘mitasi raisi o‘rinbosari Mukaram Nurmatova Kosonsoy tumanida bo‘lib, sohaga oid amalga oshirilayotgan ishlar holati bilan yaqindan tanishdi.
Xususan, Davlatimiz rahbarining 2025 yil 3 yanvardagi PQ-1-sonli qarori doirasida “Yangi O‘zbekiston” hamda “O‘zbekiston” mahallalarida “mahalla yettiligi” tomonidan amalga oshirilayotgan ishlar, qarorlar ijrosi holati o‘rganildi.
✅ Asosiy maqsad - qaror doirasida aniqlangan notinch oilalarning muammolarini o‘rganish va ularga ijtimoiy, psixologik, huquqiy va boshqa turdagi yordamlarni ko‘rsatish, kambag‘allikni qisqartirish, mahallada xavfsiz muhitni yaratish, oilalar farovonligini oshirish orqali oilalarda ijtimoiy-ma’naviy muhit barqarorligini ta’minlash, xotin-qizlarning huquqlarini himoya qilish va ularning jamiyatdagi o‘rnini mustahkamlash, xotin-qizlar tomonidan sodir etilayotgan huquqbuzarliklarning barvaqt oldini olish bo‘yicha amalga oshirilayotgan ishlar holati tahlil qilinib, vazifalar belgilandi.
✅ O‘rganish davomida «Mahalla yettiligi» hamda ko‘maklashuvchi davlat organlari va tashkilotlari tomonidan amalga oshirilayotgan ijtimoiy profilaktika tadbirlari samaradorligini oshirish bo‘yicha zarur tavsiya va ko‘rsatmalar berildi.

#Namangan

💠 Oila va xotin-qizlar qo‘mitasi axborot xizmati

🌐Veb sayt |🌐Facebook |🌐Instagram |🌐Youtube

➡️ Chust tumanidagi "Ibratli oila" lar munosib taqdirlandi.

#Namangan #Farovon_oila #Oilakuni #Ibratli_oila
💠 Oila va xotin-qizlar qo‘mitasi axborot xizmati

📱 Veb sayt |📱 Facebook |📱 Instagram 📱 Youtube

Pilla terimi qizg‘in pallada...

Chortoq tumanidagi “Farg‘ona fayz” MMTP hududida joylashgan “Oltin zar kumush tola” fermer xo‘jaligida pilla terimi qizg‘in pallaga kirdi. Xo‘jalik rahbari Muyassar Boymatova bu yil 80 gramm ipak qurti parvarishladi. Ayni paytda terim ishlari jadal davom etmoqda.

Pillachilik — oz vaqtda yaxshi daromad keltiradigan, bir necha bosqichli, samarali soha hisoblanadi. Qisqa vaqt ichida yaxshi hosil olinib, uni topshirish orqali fermerlar ham, yordamchi ishchilar ham munosib daromad topishadi.

Muyassar Boymatovaning aytishicha, mahallaning 7 nafar ayollari mavsumiy ish bilan taʼminlangan.

#Namangan #Pillachilik
💠 Oila va xotin-qizlar qo‘mitasi axborot xizmati
📱 Veb sayt |📱 Facebook |📱 Instagram 📱 Youtube

Rais o‘rinbosari tomonidan xotin-qizlar muammolari o‘rganilmoqda

Namangan viloyatida aholi muammolarini o‘rganish va hal etish, ishsizlik va kambag‘allikni qisqartirish, “og‘ir toifa”dagi mahallalar infratuzilmasini yaxshilash, ijtimoiy-iqtisodiy masalalar bo‘yicha ishchi guruhi faoliyatini olib bormoqda.

Xususan, Oila va xotin-qizlar qo‘mita raisi o‘rinbosari Mukaram Nurmatova Kosonsoy tumanida masʼullar bilan muloqotda bo‘ldi. Yig‘ilishda mamlakatimiz rahbarining 2025-yil 14-martdagi “Oila va xotin-qizlarni qo‘llab-quvvatlash tizimini yana-da takomillashtirish chora-tadbirlari to‘g‘risida”gi PQ-103-sonli qarori ijrosi bo‘yicha mahalla yettiligining hisobotlari tinglandi. “Xonqo‘rg‘on” mahallasida joylashgan 24-sonli maktab bitiruvchilarini ota-onalari bilan uchrashuv tashkil etildi.

Kelgusida og‘ir toifadagi mahallalarda aholini kambag‘allikdan chiqarish maqsadida xotin-qizlarning bandligini taʼminlash, kasb-hunarga o‘qitish, oliy taʼlimga jalb etish, erta nikoh, ajrimlarning oldini olish, sog‘lom turmush tarzini shakllantirish bo‘yicha amalga oshirilishi lozim bo‘lgan vazifalar belgilab berildi.

#Namangan
💠 Oila va xotin-qizlar qo‘mitasi axborot xizmati
📱 Veb sayt |📱 Facebook |📱 Instagram 📱 Youtube