Божхоначилар шарбат қутисига яшириб, 3 млн Россия рублини олиб чиқишга уринишни фош қилишди

Тошкент вилояти божхона бошқармасининг “Фарход” чегара божхона пости орқали қўшни давлатга чиқиб кетаётган йўловчилардан бирининг қўл юклари белгиланган тартибда божхона кўригидан ўтказилганида, нақд хорижий валюталарни олиб чиқишга бўлган ғайриоддий уриниш фош қилинди.

Қарангки, йўловчига тегишли юклар орасидаги шарбат қутисига 3 млн Россия рубли хуфиёна тарзда яширилган экан.

Эслатиб ўтамиз: амалдаги тартибларга кўра жисмоний шахсларга эквиваленти 100 млн сўмга тенг ёки ундан ошмайдиган миқдордаги нақд валюта маблағларини Ўзбекистон Республикасидан ташқарига божхона назорати қоидаларига риоя этилган ҳолда чекловларсиз олиб чиқишларига рухсат этилади.

Божхона қўмитаси раиси ўринбосари Нодир Мусамухамедов томонидан Бухоро вилоятидаги тадбиркорлик субъектларининг муаммоларини бартараф этиш мақсадида сайёр тартибда ўрганиш ишлари амалга оширилди.

Дастлаб, сайёр ўрганиш ишлари Бухоро тумани ҳудудида жойлашган, лойиҳа қиймати 80,2 млн еврони ташкил этувчи «Buxara Varnet» МЧЖ дан бошланди.

Мазкур иссиқхона кластери Туркия Республикасининг хорижий инвестициялари эвазига 120 гектар ер майдонида барпо этилган бўлиб, биргина 2023 йил давомида иссиқхона кластерида етиштирилган 813,8 тонна маҳсулотлар қарийб 400 минг АҚШ доллар қийматда экспортга йўналтирилган.

Учрашув давомида, ушбу кластернинг муаммо ва таклифларини ҳал этиш юзасидан зарурий чора-тадбирлар белгилаб олинди.

Шунингдек, сайёр ўрганиш ишлари хорижий давлатларга тайёр кийим кечаклар, матолар ҳамда ип-калава маҳсулотларини экспорт қилувчи «Парвоз Хумо Равнақ Транс» МЧЖ ҳамда ПВХ паркетлар ва ламинант листлар ишлаб чиқаришга ихтисослашган «Ғиждувон машҳураси» МЧЖ ларида ҳам бўлиб ўтди.

Учрашувлар давомида божхона соҳасида яратилаётган қулайликлар ҳамда амалдаги қонун ҳужжатлари талаблари ҳақида маълумотлар берилиб, мавжуд муаммоларни ҳал этиш юзасидан масъулларга кўрсатмалар берилди.