#Hamkorlik

Maktablardagi ta’lim-tarbiya va davomat masalalari, shuningdek  tarbiyasi va o‘qishida muammosi bo‘lgan o‘quvchilarni ota-onalari va mahalla faollari bilan birgalikda yechimini topish borasida Maktabgacha va maktab ta’lim vazirligi hamda Milliy gvardiya hamkorligida amalga oshirilayotgan ishlar ijobiy natija bermoqda
 
Maktabgacha va maktab ta’lim vazirligi hamda Milliy gvardiya hamkorligida yo‘lga qo‘yilgan ishlarning ilk kunlaridanoq darslarda  ayniqsa yuqori sinf o‘quvchilari davomati bilan bog‘liq muammolar aniqlanib, tahlil qilindi. Unda elektron platformaga kiritilgan davomat ma’lumotlari bilan sinflardagi real davomat o‘rtasida tafovut mavjudligi aniqlanib uning sabablari o‘rganildi.
Mazkur muammolar va ularning yechimi yuzasidan Milliy gvardiya tomonidan maktablarga biriktirilgan xodimlarning ta’lim muassasa direktorlari va ularning o‘rinbosarlari hamda mahalla faollari bilan   “Maktab – ota-ona – mahalla” zanjirini mustahkamlash borasidagi hamkorlikda yo‘lga qo‘yilgan ishlar samarasida qisqa vaqt ichida o‘quvchilarning davomatida ijobiy o‘zgarishlar kuzatildi.  
Hatto darslarda davomat past bo‘lsada, elektron platformaga kiritilgan davomat ma’lumotlari bilan sinflardagi haqiqiy davomat o‘rtasida tafovut uchramagan  maktab direktorlari hamda sinf rahbarlari Milliy gvardiya qo‘mondonligi tomonidan rag‘batlantirildi.
Bu bilan, maktab direktori va o‘qituvchilari endilikda davomat bilan emas, faqat ta’lim-tarbiya bilan shug‘ullanishlarini tushungan holda, shu paytgacha yelkalarida ko‘tarib kelgan davomat bilan bog‘liq og‘ir yuk olib tashlanganligi, o‘z o‘rnida bundan keyin o‘quvchilarning ta’lim-tarbiyasiga javobgarlik mas’uliyatini oshirganini  xis qila boshlashdi.
Maktabgacha va maktab ta’lim vazirligi hamda Milliy gvardiya hamkorligida amalga oshirilayotgan bu kabi tizimli ishlar, “Maktab ta’limi bo‘yicha ota-onada mas’uliyat, o‘qituvchida majburiyat, o‘quvchida ishonch, ta’lim va tarbiyada sifat, mahallada esa nazorat bo‘lishini kafolatlaydi” deyish mumkin.

#hamkorlik
❇️BOLALAR XAVFSIZLIGINI TA’MINLASH – MUHIM MASALA

🔹Buxoro viloyati maktabgacha va maktab ta’limi boshqarmasi boshlig‘i Hamza Elliyev viloyat yo‘l harakati xavfsizligi boshqarmasi hamkorligida katta yo‘l yoqalarida joylashgan umumta’lim maktablarida o‘quvchilarning qatnov holatini o‘rganishda davom etmoqda.

🔹Bugun Gʻijduvon, Vobkent va Buxoro tumanlaridagi o‘rganishlari davomida o‘quvchilar har kuni bosib o‘tadigan yo‘llarda harakat holati, mavjud infratuzilmalar, yo‘l belgilari va piyodalar o‘tish joylarining ahvoli tahlil qilindi. Joylarda o‘quvchilar harakatiga xavf tug‘dirishi mumkin bo‘lgan omillar aniqlanib, ularni bartaraf etish yuzasidan tegishli vazifalar belgilandi.

🔹Ayniqsa, harakat tig‘iz bo‘lgan yo‘llarda piyodalar uchun qo‘shimcha o‘tish yo‘lakchalari, svetofor o‘rnatish, belgilovchi va ogohlantiruvchi yo‘l belgilari sonini ko‘paytirish masalalari ko‘rib chiqildi. Tegishli tashkilotlar bilan hamkorlikda bu kabi infratuzilma yechimlari bosqichma-bosqich amalga oshirilishi rejalashtirildi.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook