Bugun yangiliklarga boy kun bo’ldi

Davlatimiz rahbari maktabgacha ta’limni rivojlantirish, iqtidorli yoshlar bilan ishlash tizimini takomillashtirish bo‘yicha takliflar taqdimoti bilan tanishdi.

Taqdimotda aytilgan eng muhim yangiliklar:

✅Maktablarning bo‘sh yerlarida davlat-xususiy sheriklik asosida bog‘cha qurishga ruxsat berish rejalashtirilmoqda.

✅Endi barcha dasturlar Maktabgacha va maktab ta’limi vazirligining veb-saytida joylashtiriladi hamda undan bepul foydalanish mumkin.

✅Maktabgacha ta’lim yo‘nalishidagi oliy ta’limda dual ta’lim shaklini ochish, sirtqi va kechki o‘quvlarda maqsadli kvotalarni oshirish taklif etilmoqda.

✅Davlat bog‘chalarida biometrik identifikatsiya qilish texnologiyasini qo‘llagan holda hisobotlarni raqamlashtirish talabi qo‘yilmoqda.

Taqdimotda iqtidorli yoshlar bilan ishlashni takomillashtirish chora-tadbirlari ham muhokama qilindi.

✅Xalqaro fan olimpiadalari ishtirokchilarini 5-8-sinflardan boshlab saralab olish yo‘lga qo‘yiladi. Har bir fan bo‘yicha o‘quv dasturlari, adabiyotlar, metodik tavsiyalarva qo‘llanmalar takomillashtirilib, o‘quvchi va murabbiylarga yetkaziladi. Terma jamoalarga chet ellik mutaxassislar jalb qilinadi, xorijiy jamoalar bilan qo‘shma yig‘inlar o‘tkaziladi.

✅Bugungi kunda 22 ta xalqaro va mintaqaviy fan olimpiadalarida g‘olib bo‘lgan o‘quvchilar pul mukofoti bilan taqdirlanmoqda. Endi mukofotlanadigan olimpiadalar soni 28 taga oshiriladi. Respublika va xalqaro olimpiadalarda g‘olib bo‘lgan o‘quvchilar, ularning o‘qituvchilari va terma jamoa rahbarlariga to‘lanadigan pul mukofotlari hamda sovg‘alar daromad solig‘idan ozod etiladi.

@hilola_umarova

#hamkorlik
#Buxoro_Qoraqalpogʻiston

❇️Qorako‘l tuman va Xo‘jayli tuman ixtisoslashtirilgan maktablari o‘rtasida hamkorlik memorandumi imzolandi

🔹Bugun, 5-sentyabr kuni Buxoro viloyati maktabgacha va maktab ta’limi boshqarmasi hamda Qoraqalpog‘iston Respublika maktabgacha va maktab ta’limi vazirligi hamkorligida o‘tkazilgan onlayn uchrashuv jarayonida imzolangan mazkur memorandum o‘quvchilarda zamonaviy bilimlarga bo‘lgan qiziqishni oshirish, iqtidorli o‘quvchilarni aniqlash, ularni rag‘batlantirish va kelajakda yetuk kadrlar bo‘lishiga ko‘maklashish, pedagog xodimlarning kasbiy mahoratini oshirish maqsadiga yo‘naltirilganligi bilan ham muhim ahamiyat kasb etdi.

Batafsil👉https://telegra.ph/bvmmtbuz-09-05-2

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |

#xorijda_tajriba_oshirib_qaytgan_muallima
❇️YANGI O‘QUV YILINI YANGICHA SHIJOAT VA MAQSADLAR BILAN BOSHLADIM!

➖-Yozgi ta’til mavsumi men uchun nihoyatda samarali va hayajonli va unitilmas taassurotlarga boy tarzda kechdi, -deydi Buxoro shahridagi 4-IDUM nemis tili fani o‘qituvchisi Mavjudaxon Xaitova. – Gap shundaki, men joriy yilning aprel oyida o‘tkazilgan DAAD - Germaniya akademik almashinuv xizmati dasturi g‘olibi sifatida avgust oyida Germaniyaning Fridrix Shiller nomidagi Yena universitetida bir oylik malaka oshirish kursida bo‘ldim.

➖Dastur doirasida dunyoning 20 dan ortiq davlatlaridan kelgan ilmga tashna pedagoglar bilan bir guruhda ushbu nufuzli oliygohning salohiyatli professor o‘qituvchilaridan saboq oldim. Bunday muhit ko‘plab do‘stlar orttirishimga, o‘zaro tajriba almashib, bilimim, tajribam va mahoratimni oshirishga xizmat qildi. Samarali o‘qitishning yangi qirralari, metodikalarini o‘rgandim.

Batafsil👉https://telegra.ph/bvmmtbuz-09-06

Telegram | Facebook |

#maktabdan_tashqari_ta’lim
✳️BUXORO VILOYATI O‘QUVCHILAR QAMROVI VA PEDAGOLAR SALOHIYATI BO‘YICHA RESPUBLIKADA PESHQADAM!

🔹Yurtimizda yoshlarning sifatli ta’lim olishi, kasb-hunar egallashi, ularning jamiyatda o‘z o‘rnini topishi davlat siyosatining eng ustuvor vazifalaridan biriga aylandi. Ayniqsa, maktabdan tashqari ta’lim sohasida olib borilayotgan izchil islohotlar natijasida viloyat “Barkamol avlod” bolalar maktablarida ham samarali ishlar amalga oshirilmoqda.

Batafsil👉https://telegra.ph/bvmmtb-09-06

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |