❇️“Barkamol avlod” bolalar maktablariga robototexnika qurilmalari yetkazib berildi

🔹Maktabgacha va maktab ta’limi vazirligi tomonidan joriy yilning iyul oyida viloyatimizning Buxoro, Kogon, Romitan va Olot tumani "Barkamol avlod" bolalar maktablarining har biriga 2 to‘plamdan iborat robototexnika qurilmalari yetkazib berildi.

🔹Endilikda ushbu maktablarda "Robototexnika va konstruktorlik" to‘garaklarini tashkil etish orqali yoshlarning teran fikrlash qobiliyatini rivojlantirish, jamiyat hayotida o‘z o‘rinlarini topishlarida juda katta ijobiy o‘zgarishga erishish mumkin.

🔹Shuningdek, to‘garak mashg‘ulotlarida xalqaro ta’lim tizimi “STEM” — (Sciyencye, Technology, Engineyering and Mathematics)ni joriy qilish imkoniyatlari ham yanada kengayadi.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |

Bolalar maktabda o‘zini bexavotir va xotirjam his qilsa, albatta, bu kayfiyat ularning o‘zlashtirishiga ijobiy taʼsir ko‘rsatadi. Maktabdagi ijobiy muhitni belgilovchi eng asosiy omillardan biri bu o‘qituvchilarning o‘z kasbiga muhabbati hamda jamoadagi o‘zaro hurmat va do‘stona munosabatdir. Bunday maktabda taʼlim olgan bola kelajakda, albatta, o‘z yo‘lini topib, jamiyatga foyda keltiruvchi shaxs bo‘lib kamol topadi. Jamoada do‘stona muhit bo‘lsagina, ijobiy natija haqida gapirish mumkin.

Bugun Buxorodagi 2-umumtaʼlim maktabining pedagogik jamoasida ana shu do‘stona muhitning guvohi bo‘ldim. Maktab jamoasi menda juda iliq taassurot qoldirdi.

Taʼlim maskanida 20 yildan ziyod faoliyat yuritayotgan pedagoglar bor. Maktab rahbari tashabbuskor, jamoa esa juda ahil. Taʼlim maskani o‘ziga xos tarixga ega. Yangi zamonaviy bino bo‘lmasa ham, taʼlim sifati nihoyatda yuqori. Tabiiyki, maktabda o‘quvchilar ham iqtidorli. Yaqinda Xalqaro SAT imtihonida yuqori ballni qo‘lga kiritib, rekord natijani qayd etgan o‘quvchi ham aynan shu maktab bitiruvchisi Parviz Tuksanov bo‘ladi. U avvalgi yil ham IELTS imtihonida 8.5 ballni qo‘lga kiritib, tengdoshlari orasida yuqori natijani qayd etgan ekan. Parviz aynan shu maktab bitiruvchisi ekanligi yuqoridagi fikrlarimga yaqqol dalil bo‘la oladi.

Maktab jamoasi allaqachon yangi o‘quv yiliga tayyorgarlikni boshlab yuborgan. O‘ylaymanki, o‘qituvchilarning xushkayfiyati yangi o‘quv yilida ularga hamroh bo‘lib, o‘quvchilarining taʼlim-tarbiyasida ham o‘zining ijobiy natijalarini ko‘rsatadi.

#Buxoro

"Bog‘chaga borgan bolaning ko‘zlari, madaniyati, bilimi, intilishi va dunyoqarashi boshqacha bo‘ladi” — Prezident

🔴Ayni damda Buxoro viloyatida boʻlib turgan Maktabgacha va maktab ta’limi vaziri Hilola Umarova Buxoro shahrida joylashgan 76-sonli Davlat maktabgacha ta’lim tashkilotida boʻldi.

Vazir mazkur ta’lim muassasasi faoliyati va bu yerda yaratilgan shart-sharoitlar bilan yaqindan tanishdi. Mashg'ulot jarayonlarida ishtirok etib, bolajonlar bilan suhbatlashdi.

📍Mazkur bogʻchaga belgilanganidan ortiq navbatda turish holati bo‘lgani sababli vazir keyingi yillarda mazkur ta’lim tashkiloti uchun qoʻshimcha bino qurib berish taklifini investitsiya dasturiga kiritish boʻyicha mas’ullarga ko'rsatma berdi.

✔️ Ma'lumot oʻrnida, Buxoro shahrida joylashgan 76-sonli Davlat MMT 1969-yilda qurilgan boʻlib, unda ayni vaqtda 232 nafar bolajonlar ta’lim-tarbiya olishmoqda.