#Ishtirokchilar_nima_deydi ❓

✅ Buxoro viloyati Maktabgacha va maktab ta'limi boshqarmasi boshlig'i Farrux Qurbonov "Ta'limda boshqaruv" mavzusida bo'lib o'tayotgan seminar-treninglar haqida o'z taassurotlari bilan bo'lishdi.

Vazirlikning rasmiy sahifalariga ulanish
Telegram | Youtube | Facebook | Instagram

#Ishtirokchilar_nima_deydi❓
#Xalqaro_olimpiada

Buxoro shahrida bo’lib o’tayotgan Abu Ali ibn Sino nomidagi xalqaro biologiya olimpiadasida Tailand davlati jamoasi vakillari ham kuch sinashishmoqda.

Ular imtihonlardan so’ng Afshona qishlog’idagi Abu Ali ibn Sino muzeyiga qilingan sayohat haqida taassurotlarini so’zlab berishdi.

Sasiphatchr Mangkang,
Ishtirokchi (Tailand davlati):

- Biz kecha (Afshona qishlog’ida joylashgan) Abu Ali ibn Sino muzeyida bo’ldik. Muzey haqiqatda juda ajoyib ekan, O’zbekiston tarixi, o’sha davr arxitekturasi haqida ko’plab ma’lumotlarga ega bo’ldik.

Sayohat bizda bir umr esda qoladigan taassurotlar qoldirdi, desam adashmayman.

#Ishtirokchilar_nima_deydi❓
#Xalqaro_olimpiada

Asadzade Rasul,
Ozarbayjon terma jamoasi a’zosi:

➖ Men hozir Ibn Sino olimpiadasida qatnashyapman. Biz jamoamiz bilan Buxoroning bir qator maskanlarida sayohat qildik.

Ulardan biri bu Ibn Sino nomidagi muzeydir. Bu muzey qiziqarli qadimiy buyumlarga boy ekan va mening sevimli joyim bo‘lib qoldi. Muzeydagi ba’zi buyumlar Ibn Sinoning o‘zi tomonidan yasalgani ayniqsa e’tiborga molik.

Sayohat davomida biz Ibn Sinoning tibbiyotga qo‘shgan hissasi haqida gaplashdik. Bir so‘z bilan aytganda, ushbu maskan sayohat uchun eng yaxshi joylardan biri, deb o‘ylayman.

Imtihon jarayonlarini u qadar qiyin, deb aytolmayman. Hammasi juda yaxshi bo‘ldi, lekin oldindan nimadir deyish qiyin. Bronza yoki kumush medal olishga umid qilyapman.
_____

Abdullah Hajid Alsubai,
Saudiya Arabistoni terma jamoasi a’zosi:

➖ Biz kecha Ibn Sino nomidagi muzeyga bordik. Juda qiziqarli joy ekan. Bu yerda Ibn Sinoning tibbiyot va ilm-fan rivojiga ulkan hissa qo‘shgan ko‘plab ixtirolarini ko‘rdik.

Ibn Sino barcha sharq davlatlarida bo‘lgani kabi mening yurtimda ham juda mashhur. Men uning ba’zi asarlarini o‘qish imkoniga ega bo‘lganman.

Ayni vaqtda o‘tkazilayotgan olimpiada yangi do‘stlar orttirish va boshqa xalq madaniyati bilan tanishish imkonini berayotganligi bilan bizda ajoyib taassurot qoldirmoqda. Olimpiada yakunida yaxshi natijalarga umid qilyapmiz.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin