#online
#xalqaro_konferensiya

Тадбирни Ўзбекистон Республикаси Президенти ҳузуридаги Давлат бошқаруви академияси ректори Адҳам Бекмуродов кириш сўзи билан очди. Шундан сўнг Бухоро вилояти ҳокими Ботир Зарипов нутқ сўзлади.
Таъкидланганидек, давлатимиз раҳбари томонидан илгари сурилган “Давлат хизматчиси аввало халқ хизматчиси бўлиши шарт” тамойили остида олиб борилган кенг кўламли ислоҳотлар натижасида юртимизда давлат бошқарувининг ўзига хос модели яратилиб, давлат хизматчиларининг янги авлоди шаклланди.
Умуман, тарихга эътибор қаратадиган бўлсак, қадимда ҳам алломаларимизнинг давлат бошқаруви ходимларинг салоҳият даражаси, унинг ахлоқ-одоби, касбий кўникмаси, кишилар билан мулоқот қила олиш малакасига алоҳида эътибор қаратилганлигини кузатишимиз мумкин.
Хусусан, Форобийнинг “Фозил одамлар шаҳри”, Кайковуснинг “Қобуснома”, Юсуф Хос Хожибнинг “Қутадғу билиг” асарлари, шунингдек “Темур тузуклари” ва бошқа асарларда замонавий тил билан айтганда давлат хизматчиси компетенциялари ҳақидаги идеал қарашларга кўп бор гувоҳ бўламиз.

Buxoro.uz | Facebook | Instagram | YouTube

#online
#xalqaro_konferensiya

Ботир Зарипов: Бугунги семинаримизнинг айнан Жанубий Корея давлати билан ҳамкорликда ўтказилаётганлигида ҳам ўзига хос маъно бор, албатта. Негаки, бир неча минг йиллик миллий давлатчилик тизимига эга бўлиб, маълум даврда мустамлакачилик азобини тотиб кўрган ва мустақилликдан сўнг тараққиёт йўлини танлаб олган Жанубий Корея тарихи кўп жиҳатдан мамлакатимиз тарихига ўхшаб кетади. Хусусан, мамлакатнинг ўтган аср 60-70-йилларида иқтисодий ривожланишда “Катта сакраш”га муваффақ бўлганида айнан давлат бошқаруви ва кадрлар тизимидаги изчил ислоҳотлар ҳам муҳим омил бўлган.
Айнан шу жиҳатдан бугунги конференцияда ўртага ташланадиган илмий ва амалий мусоҳабалар, ўзаро тажриба алмашиш ҳар иккала давлат учун кадрлар компетенцияларини оширишда маҳим аҳамият касб этади.

Buxoro.uz | Facebook | Instagram | YouTube