#назорат_ўрганиш
#ҳоким_ҳудудларда
#Бухоро_шаҳри

Садриддин Айний номидаги театр 2008 йилда маданий мерос объекти сифатида рўйхатга олинган. Давлатимиз раҳбарининг топшириғига асосан, жорий йилда уни қайта реконструкция қилиш белгиланган. Ҳозирда вилоят маданий мерос бошқармаси масъуллигида объектда қайта таъмирлаш ишлари бошланган. Ўрганишларнинг навбатдаги манзили айнан ушбу объект бўлди.

Ботир Зарипов бошланган қурилиш-таъмирлаш ишларини кўздан кечириб, жараённи жорий этилган андозаларга мос бўлиши хусусида мутахассислар билан мулоқот қилди. Шундан келиб чиқиб, зарур чора-тадбир ва муҳим вазифалар белгиланди.

Шунингдек, вилоят раҳбари Бухоро шаҳрида фаолият кўрсатувчи мавжуд 15 та бошқарув сервис компаниялари раҳбарлари билан мулоқот қилди. Учрашувда қишга тайёргарлик ишлари, кўп қаватли уйлардаги иссиқлик тизимлари ҳолати ҳақида сўз борди. Вилоят раҳбари БСКларнинг мавжуд муаммолари билан ҳам қизиқди.

-Бу йил ўтган йилдагидай совуқ бўлмайди, деб ҳеч ким кафолат бермайди. Шунинг учун ҳар қандай вазиятга ҳам тайёр туришимиз керак. Одамларнинг асосий талаби-шу,-деди Ботир Зарипов.

Buxoro.uz | Facebook | Instagram | YouTube