#nazorat_o‘rganish
#Buxoro_shahri

Buxoro viloyatida 104 ta yuqori bosimli gaz taqsimlash punkti mavjud bo‘lib, “Sharq yulduzi” mahallasida joylashgan punkt ularning biri. 1967-yilda qurilgan mazkur punkt 2023-yilda rekonstruksiya qilingan bo'lib, u Buxoro shahrining qariyb 90 ming iste'molchisiga tabiiy gaz yetkazib beradi. Botir Zaripov ushbu obyektning ish jarayoni, avariya zaxirasini ham ko‘zdan kechirdi.

Tabiiy gazni yetkazib berishda yo'qotishlarnining oldini olish, tejamkorlikni ta'minlash bo'yicha amalga oshirilayotgan ishlarni muhokama qildi.

Shuningdek, fuqarolardan kelib tushayotgan murojaatlarni tezkor o‘rganish va hal etish, xususan, sodir bo‘lishi mumkin bo‘lgan ehtimoliy avariyaviy holatlarning oldini olish yuzasidan vazifalar belgilandi.

Sovuq kunlarda aholi, iqtisodiyot tarmoqlari va ijtimoiy soha ob’yektlarini barqaror energiya ta’minoti bilan ta’minlash borasidagi o‘rganishlar davom etmoqda.

Buxoro.uz | Facebook | Instagram | YouTube

#hokim_hududlarda
#Buxoro_shahri

O‘rganishlar viloyat ichki ishlar boshqarmasi jamoat xavfsizligi yo‘l harakati boshqarmasining kapital ta’mirlanayotgan tezkor boshqaruv markazida davom etdi.

Viloyat IIB boshlig‘i I.Tursunov tezkor boshqaruv markazining ahamiyati va bu yerda davom etayotgan qurilish ishlarining borishi haqida ma’lumot berdi.

Ma’lum bo‘lishicha, ichki ishlar vazirligining byudjetdan tashqari mablag‘lari hisobidan amalga oshirilayotgan ta’mirlash ishlariga qariyb 3 mlrd so‘m mablag‘ sarflanishi ko‘zda tutilgan. Qurilish ishlari “Shomurodjon” MCHJ tomonidan bajarilmoqda. Shuningdek, “O‘zbektelekom” Ajning viloyat filiali tomonidan ham bu yerda zarur ishlar olib borilmoqda.

Botir Zaripov qurilishda sifatga alohida e’tibor qaratish zarurligini ta’kidladi. Ta’minotdagi muammolar bilan qiziqdi. Shunga ko‘ra, mutasaddilarga topshiriq va ko‘rsatmalar berildi.

Buxoro.uz | Facebook | Instagram | YouTube

#sayyor_qabul #Buxoro_shahri #Inson_qadri_uchun

Xabar berib o‘tganimizdek, ayni paytda viloyat hokimi Botir Zaripov aholi bilan to‘g‘ridan-to‘g‘ri muloqotni kengaytirish, shuningdek, tadbirkorlik sohasidagi mavjud dolzarb muammolarni aniqlash, ularni bartaraf etish yuzasidan aniq va tezkor choralar ko‘rish maqsadida Buxoro shahridagi "Ishga marhamat" monomarkazida sayyor qabul o‘tkazmoqda.

Qabulda viloyat sektorlari rahbarlari, viloyat tashkilot va korxonalari mutasaddilari ham qatnashmoqda.

Hozirga qadar qabulda ishtirok etishni istab ro‘yxatdan o‘tgan fuqarolar 159 nafarni tashkil etmoqda.

Buxoro.uz | Facebook | Instagram | YouTube

#hokim_hududlarda
#Buxoro_shahri

“Buxoro” xalqaro aeroportidan Kogon tumani hududiga qadar yo‘lning ikki tomonida mevali bog‘lar tashkil etilgan.

Mazkur hudud juda serqatnov. Nafaqat mahalliy, balki xorijiy mehmonlar Bahouddin Naqshband majmuasini ziyorat qilishlari uchun aynan shu yo‘ldan o‘tib qaytishlariga to‘g‘ri keladi. Shu bois yo‘l yoqalari va bog‘ni obodonlashtirish ishlari alohida nazorat talab qiladigan jarayon. Bugun viloyat hokimi Botir Zaripov kun tartibini bog‘da qishki agrotexnik tadbirlarning qaydarajada amalga oshirilganligini o‘rganishdan boshladi. Tanqidiy muhokamalarda bog‘ni begona o‘tlardan tozalash, hududdan o‘tgan betonariqlar bo‘yiga daraxt ko‘chatlari o‘tqazish, bu borada bog‘dorchilik xo‘jaliklari rahbarlari mas’ulyaitini oshirish yuzasidan topshiriq va ko‘rsatmalar berildi.

Buxoro.uz | Facebook | Instagram | YouTube

#qurilish_bunyodkorlik
#hokim_hududlarda
#Buxoro_shahri

Botir Zaripov Buxoro shahridagi “Buxoro” bolalar sog‘lomlashtirish oromgohida olib borilayotgan qurilish ishlari bilan ham yaqindan tanishdi.

Ta’kidlash lozimki, “Gulchorbog‘” mahallasida 4,2 gektardan iborat yer maydonida O‘zbekiston kasaba uyushmalari Federatsiyasi Kapital qurilish boshqarmasi buyurtmachiligida qiymati 56 mlrd. so‘mdan iborat bolalar oromgohi barpo etilmoqda. “Mediya trans” MCHJ bunyodkorlari tomonidan amalga oshirilayotgan loyihaga ko‘ra bu yerda ma’muriyat, mashg‘ulotlar, oshxona, 2 ta yotoqxona binolari, suzish havzasi, sport maydonchalari, 300 o‘rinli yozgi amfiteatr quriladi.

E’tiborlisi, oromgoh faqatgina mavsumiy bo‘lmay, sanatariy sifatida faoliyat ko‘rsatishi belgilangan.

Botir Zaripov qurilishda duch kelinayotgan muammolar bilan qiziqdi. Qurilishda sifat va muddatga alohida e’tibor qaratish lozimligini ta’kidladi.

Buxoro.uz | Facebook | Instagram | YouTube

#qurilish_bunyodkorlik
#hokim_hududlarda
#Buxoro_shahri

Xabaringiz bor, Buxoro shahar Gazli shox ko‘chasida umumiy maydoni 46 gektardan iborat hududda Buxoro viloyatining ma’muriy markazini barpo etish ishlariga kirishilgan. Loyihaga ko‘ra, bu yerda Buxoro viloyat va shahar hokimliklari, Buxoro viloyat prokuraturasi, boshqarma va davlat tashkilotlari binolari, tijorat banklari, savdo va ko‘ngilochar markaz, zamonaviy internet kutubxonasi, sport va sog‘lomlashtirish obektlari hamda ofislar, maxsus ixtisoslashtirilgan maktab, xiyobonlar, kafelar, favvoralar quriladi.

Viloyat hokimi Botir Zaripov, sektorlar rahbarlari va boshqa tegishli mutasaddilar ma’muriy markaz qurilishi maydonida ham bo‘lishdi.

O‘rganishlarning navbatdagi manzili “Bukhara City” zamonaviy ishbilarmonlik va turar joylar markazi bo‘ldi.

Ta’kidlash lozimki, “Bukhara City” majmuasini barpo etish uchun tanlangan 83 gektar yer maydonida 76 ta lot mavjud bo‘lib, ayni paytga qadar 5 ta lotdagi bino-inshootlar, jumladan, ko‘p qavatli turar joy va savdo majmualari foydalanishga topshirilgan.

Shuningdek, 13 ta lotdagi obyektlarda so‘nggi bosqichda pardozlash ishlari amalga oshirilib, foydalanishga topshirish rejalashtirilmoqda.

Xususan, 6 ta lotda Buxoro viloyatining ijtimoiy-ma’muriy binolari o‘rin olgan bo‘lib, 2 ta lotdagi Buxoro tarixi muzeyi va ixtisoslashtirilgan maktabda qurilish ishlari amalga oshirilmoqda.

Botir Zaripov aynan mazkur obyektlarda borayotgan ishlarni ko‘zdan kechirdi. O‘rganishlar jarayonida hududda borayotgan qurilish–bunyodkorlik ishlarini tezlashtirish, bino–inshootlar tiklanishida sun’iy to‘sqinlikni keltirib chiqarayotgan jihatlar va ularni bartaraf etish masalalari, ta’minot va boshqa masalada quruvchi-binokorlar duch kelayotgan muammolar tanqidiy muhokama qilindi.

Botir Zaripov har bir lotda borayotgan ishlarga o‘z munosabatini bildirib, mas’ul mutasaddilarga qurilish-bunyodkorlik ishlarini jadallashtirish, pudratchi korxonalar muammolarini zudlik bilan hal qilish, bino inshootlarda ishlayotgan quruvchi-xodimlar sonini ko‘paytirish hamda hudud infratuzilmasini yaxshilashga doir topshiriqlar berdi.

Buxoro.uz | Facebook | Instagram | YouTube

#qurilish_bunyodkorlik
#hokim_hududlarda
#Buxoro_shahri

Buxoro viloyatida madaniy meros obyektlari va ularga tutash hududlarda obodonlashtirish ishlarini tizimli tashkil etish, aholi va sayyohlar uchun zarur shart-sharoitlar yaratish, mavjud muammolarni bartaraf etish hamda yangi imkoniyatlarni ishga solish borasida boshlangan amaliy ishlarni jadallashtirishga kirishilgani haqida xabar bergan edik.

Xususan, madaniy meros va arxitektura yodgorliklarini asrab-avaylash, ulardan oqilona foydalanish va texnogen jarayonlar ta’sirini olish maqsadida xorijiy va mahalliy ekspertlar, olimlar, tarixchilar hamda tajribali loyihachilarni jalb qilgan holda Buxoro shahar tarixiy markazidagi «Chor Minor» va «Isteza» madrasalari, «Samarqand» va «Darvozai Salloxona» darvozalari, «Zindon» va «Masjidi Kalon» kabi turistik marshurut bo‘ylab joylashgan obyektlar hududida yomg‘ir suvlarini olib chiqib ketuvchi tarmoqlarni qurish, elektr energiyasi, tabiiy gaz, aloqa kabellari va boshqa kommunikatsiya tizimlarini Xiva shahri tajribasidan foydalangan holda, shaxta shaklida yer ostidan o‘tkazish yoki binolar tom qismlaridan milliy ko‘rinishda yog‘och ornamentlar, ustunlar bilan o‘ragan holda mukammal ko‘rinishini tashkil etib, qurish, an’anaviy me’morchilik uslubiga uyg‘un holda zamonaviy yoritish tizimlarini o‘rnatish ishlari olib borilmoqda.

Shuningdek, Buxoro shahrida joriy yilda birinchi zamonaviy dizayn va hunarmandchilik biyennalesini o‘tkazishga tayyorgarlik ko‘rish maqsadida tanlangan hududda madaniy meros obyektlarini restavratsiya qilish hamda tutash hududlarda yo‘l va yo‘laklarda mavjud asfalt va beton qoplamalarni demontaj qilish, loyiha asosida maxsus tosh qoplamalar yotqizilmoqda.

Bugun viloyat hokimi Botir Zaripov, viloyat va Buxoro shahar sektorlari rahbarlari, mas’ul viloyat hokimi o‘rinbosarlari, tegishli tashkilotlar mutasaddilari hamrohligida Buxoro shahrining tarixiy qismida ham bo‘lib, amalga oshirilayotgan ishlar bilan yaqindan tanishishdi. Mavjud muammolarni o‘rgandi. Ularni hal qilish bo‘yicha zarur vazifalar belgilanib, ijrosi nazoratga olindi.

Buxoro.uz | Facebook | Instagram | YouTube