#hokim_hududlarda
#Kogon_shahri

Bugun shuningdek, Botir Zaripov Kogon shahrida “KONCHI” mas’uliyati cheklangan jamiyat shaklidagi qo‘shma korxonada ham bo‘ldi.

Qayd etish lozimki, gips, quruq aralashmalari hamda gipsakarton ishlab chiqarishga ixtisoslashgan mazkur korxona davlatimiz rahbarining 2023-yil 10-11-avgust kunlari Buxoro viloyatiga qilgan tashrifi davomida ishga tushirilgan edi. Umumiy qiymati 9,9 mln. AQSH dollariga teng bo‘lgan loyihaning 7,4 mln. AQSH dollari ta’sischilar mablag‘i, 2,5 mln. AQSH dollari esa “Sanoat qurilish bank”ning xorijiy krediti hisoblanadi.

Turkiya va Xitoy davlatlaridan zamonaviy gipsni qayta ishlash uskunalari o‘rnatilgan korxona yiliga 80 ming tonna gips, 12 mln kvadrat metr gipsokarton ishlab chiqarish quvvatiga ega. Shunga ko‘ra, uning budjetga yillik tushumi 2,8 mlrd.so‘m.

Botir Zaripov korxona mutasaddilari va turkiyalik mutaxassislar ishtirokida ishlab chiqarishni kengaytirish va qo‘shimcha ish o‘rinlari yaratish, eksportni oshirish masalalarini muhokama qildi. Bu borada duch kelinayotgan muammolarni o‘rgandi.

Ularni hal qilish yuzasidan chora-tadbirlar belgilandi.

Buxoro.uz | Facebook | Instagram | YouTube

#hokim_hududlarda
#Kogon_shahri

"Bobur" mahalla fuqarolar yig‘ini Qorovulbozor ko‘chasida joylashgan RK-3 qozonxonasi 1975 yilda qurilgan. U Qorovulbozor va Ahillik ko‘chalaridagi 14 ta ko‘p qavatli uylar va ulardagi 508 ta xonadonni, Kogon tuman va shahar hokimliklari, shahar IIB va 14-maktabgacha ta’lim tashkilotini qish mavsumida isitish tizimi bilan ta’minlaydi. Qayd etish joizki, shu vaqtga qadar qozonxonada modernizatsiya ishlari amalga oshirilmagan.

Davlatimiz rahbarining "2023-2025-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida" gi qaroriga asosan obyekt rekonstuksiya qilindi. Qariyb 25 mlrd so‘m mablag‘ sarflangan qozonxonada 4 ta energotejamkor qozonlar, 12 ta nasoslar o‘rnatildi. Natijada yiliga tabiiy gaz sarfi 30 foizga, elektr energiya iste’moli 25 foizga iqtisod qilinishiga erishildi.

Viloyat hokimi Botir Zaripov ushbu obyektda bo‘lib, amalga oshirilgan qayta qurish ishlariniiko‘zdan kechirdi.

Viloyat rahbariga obyektning quvvati, erishilayotgan natijalar to‘g‘risida axborot berildi.

Obyektda yong‘in sodir bo‘lganda zahira suv inshootlari holati va shartli yong‘inda favqulodda vaziyatlar bo‘limi xodimlarning tezkorligi sinovdan o‘tkazildi.

Shundan kelib chiqib, Botir Zaripov mas’ullarga aniq topshiriq va ko‘rsatmalar berdi.

Shuningdek, viloyat rahbari hududda qurilishi borayotgan inshootlardagi ishlarni yakunlash, noqonuniy qurilmalarni bartaraf etish, atrofni obodonlashtirish ishlarining borishiga tanqidiy baho berdi.

Bu boradagi ishlarni yakunlash bo‘yicha muddat belgilandi.

Buxoro.uz | Facebook | Instagram | YouTube

#Bugun
#tashkiliy_sessiya
#Kogon_shahri

Xalq deputatlari Kogon shahar Kengashining navbatdan tashqari sessiyasi bo‘lib o‘tdi.

Sessiyada xalq deputatlari Kogon shahar Kengashi deputatlari, shahar sektorlari, hokim o‘rinbosarlari, korxona va tashkilotlar mutasaddilari, faollar ishtirok etdi.

Sessiyada viloyat hokimi Botir Zaripov  nutq so‘zladi.

Sessiyada tashkiliy masala ko‘rildi.

Hayot Hasanovich Davlatov boshqa ishga o‘tganligi munosabati bilan Kogon shahar hokimi lavozimidan ozod qilindi.

To‘raboyev Mirshakar Muzaffarovichni Kogon shahar hokimi etib tayinlash to‘g‘risidagi viloyat hokimining qarori o‘qib eshittirildi. 

Mirshakar To‘raboyev 1982 yilda Peshku tumanida tug‘ilgan. 2023 yilda Buxoro davlat universitetini bitirgan. Mutaxassisligi - moliya va iqtisodiyot.

Mehnat faoliyatini Buxoro shahar moliya bo‘limi iqtisodchisi sifatida boshlab, viloyat moliya boshqarmasi boshlig‘i o‘rinbosari, viloyat uy-joy kommunal xizmat ko‘rsatish boshqarmasi boshlig‘i lavozimlarida mehnat qilgan.

Ayni paytga qadar u O‘zbekiston Respublikasi Qurilish va uy-joy kommunal xo‘jaligi vazirligining boshqarma boshlig‘i o‘rinbosari lavozimida ishlab kelayotgan edi.

Kun tartibidagi masala yuzasidan shahar Kengashi deputatlari va faollari o‘z fikr-mulohazalarini bildirishdi.

Mirshakar To‘raboyev Kogon shahar hokimi etib tasdiqlandi.

Sessiyada hududni ijtimoiy-iqtisodiy rivojlantirish bo‘yicha istiqboldagi vazifalar belgilandi.

Buxoro.uz | Facebook | Instagram | YouTube

#hokim_hududlarda
#Kogon_shahri

Buxoro viloyat qurilish sohasida hududiy nazorat inspeksiyasi tomonidan taqdim etilgan texnik xulosa asosida Kogon shahridagi “Buxoro mintaqaviy temir yo‘l uzeli” unitar korxonasiga qarashli “Lokomotiv” sport o‘yingohi tribunasi, shuningdek, mavjud infratuzilma hozirgi zamon talablariga javob bermasligi va boshqa bino--inshootlar zilzilabardoshlikka chidamsizligi aniqlangan. Shu sababli, mavjud binolarni demontaj qilib, uning o‘rniga zamonaviy loyihalar asosida 3,5 ming o‘ringa mo‘ljallangan 2 qavatli tribuna qurilish ishlari boshlangan edi.

Loyihada tribuna ost qismida kattalar va o‘smirlar uchun trinajyor zallari, boks, kurash va shunga sport turlariga mo‘ljallangan xonalar ko‘zda tutilgan.

Bundan tashqari, bu yerda kattalar va bolalarga mo‘ljallangan yopiq turdagi suv havzasi va kichik futbol maydonchalari bunyod etilishi ko‘zda tutilgan. Natijada ushbu majmuada kelajakda turli darajadagi sport musobaqalari va tadbirlarni o‘tkazishga imkon yaratiladi.

Bugun viloyat hokimi Botir Zaripov ayni shu lokatsiyada bo‘ldi. Viloyat rahbari bu yerda amalga oshirilgan ishlarni ko‘zdan kechirarkan, qurilish ishlarini jadallashtirish, ta’minotdagi yetishmovchiliklarni bartaraf etish yuzasidan mutasaddilarga topshiriq va ko‘rsatmalar berdi.

Buxoro.uz | Facebook | Instagram | YouTube

#hokim_hududlarda
#Kogon_shahri

Yangi yil bayrami yaqinlashayotgani munosabati bilan viloyatimiz shahar va tumanlarida arzonlashtirilgan qishloq xo‘jaligi va oziq-ovqat mahsulotlari yarmarkasi tashkil etilmoqda.

Mazkur yarmarkalarda kundalik zaruriy oziq-ovqat mahsulotlari va bayram sovg‘alari aholiga maqbul narxlarda yetkazib berilmoqda. Savdo rastalari har kuni yangi va sifatli qishloq xo‘jaligi mahsulotlari, salqin ichimliklar, go‘sht, guruch, umuman olganda, bayram dasturxoni uchun eng kerakli noz-ne’matlar bilan to‘ldirilmoqda. Kogon shahridagi “Sohibkor dehqon bozori” da tashkil qilingan yangi yil oldi savdo yarmarkasi bunga misol.

Bozor ma’muriyatining ma’lum qilishicha, yarmarkada aholi uchun zarur bo‘lgan meva-sabzavot, mol, qo‘y va tovuq go‘shtlari, baliq, tuxum, shakar, guruch, kartoshka, piyoz, qandolat kabi 24 turdagi oziq-ovqat mahsulotlari imtiyozli, qulay va hamyonbop narxlarda sotilishi ta’minlanyapti.

Botir Zaripovning navbatdagi o‘rganishlari mazkur bozorda kechdi. Viloyat rahbari hokimlik va tegishli tashkilotlar tomonidan aholiga qulaylik yaratish hamda iste’mol uchun zarur bo‘lgan oziq-ovqat mahsulotlarini maqbul narxlarda yetkazilishini ta’minlash, yarmarka savdo nuqtalari va mahsulotlarni ko‘paytirish, bu kabi yarmarkalarni mahallalarda ham tashkil etish bo‘yicha mutasaddilarga topshiriqlar berdi. Shuningdek, bozor hududini obodonlashtirish, sanitariya, yong‘in va texnika xavfsizligi qoidalariga amal qilinishi ta’minlash yuzasidan ham muhim vazifalar belgilandi.

Buxoro.uz | Facebook | Instagram | YouTube

#hokim_hududlarda
#Kogon_shahri

Shuningdek, Botir Zaripov “Do‘stlik”, “Arabxona” va “Temiryo‘lchi” mahallalarida bo‘lib, obodonlashtirish ishlarini ko‘zdan kechirdi. Aholi vakillari bilan muloqot qilib, ularning yashash tarzi, muammolari bilan qiziqdi.

Noqonuniy qurilmalarni bartaraf etish, qurilishi tugallanmagan bino-inshootlardagi ishlarni qisqa muddatda yakunlash, uylar atrofi, bo‘sh va qarovsiz yotgan yerlarga daraxt o‘tqazish, umuman, hududni obodonlashtirish, bunda “mahalla yettiligi” faoliyatini kuchaytirish yuzasidan topshiriq va ko‘rsatmalar berdi.

Shu bilan birga, qish mavsumida aholining energota’minotini barqaror saqlash, kelib chiqishi mumkin bo‘lgan yong‘inlar, is gazidan zaharlanishning oldini olishga qaratilgan tadbirlarni muntazam o‘tkazib borish bo‘yicha aniq vazifalar belgilandi.

Bundan tashqari, viloyat rahbari Kogon shahri Buxoroning kirish darvozasi ekanligini inobatga olib, yo‘l bo‘ylaridagi uy-joylar, savdo majmualari va boshqa xo‘jalik binolarining arxitekturasini qayta ko‘rib chiqib, zamonaviy andozalarga mos holga keltirish zarurligi ta’kidladi.

Buxoro.uz | Facebook | Instagram | YouTube