#танқиддан_сўнг

Куни кеча вилоят ҳокими Ботир Зарипов Қоровулбозор туманида бўлиб, кўп қаватли уй-жойларда қиш мавсумига тайёргарлик ишларининг ўзибўларчиликка ташлаб қўйилгани, шунингдек, кўп қаватли уйларга туташ ҳудудларда ободонлаштириш ишларига етарлича эътибор қаратилмаганлигини кескин танқид қилиб, вазиятни ўнглаш, йўл қўйилган камчиликларни қисқа фурсатларда бартараф этиш юзасидан мутасаддиларга қатъий топшириқлар берган эди.

Шунга кўра, тегишли хизматлар томонидан ҳаракатлар бошланди. Хусусан, ҳозирда “Тинчлик” маҳалласида жойлашган кўп қаватли уйлар ва унга туташ ҳудудларда ободонлаштириш ва қиш мавсумига тайёргарлик ишлари кенг кўламда олиб борилмоқда.

Жумладан, электр шитлар, табиий газ, ичимлик суви ҳамда канализация қувурлари тартибга келтирилиб, бўёқланди.

Шунингдек, дудбурунлар тозаланди. Кўп қаватли уйлар атрофидаги ноқонуний қурилмамалар бартараф этилиб, атрофи махсус техникалар ёрдамида чиқиндилардан тозаланди.

Топшириқлар ижроси доирасида вилоят Қурилиш ва уй-жой коммунал хўжалиги бошқармаси мутасаддилари томонидан томлари таъмирталаб бўлган кўп квартирали уйлар сони аниқланиб, таъмирлаш ишлари бошланди.

Амалга оширилаётган бу каби ишлар келгусида аҳолига кўрсатилаётган хизматлар сифатини янада ошириш, хонадонларнинг қиш мавсумини муаммосиз ўтказиш имконини беради.

Buxoro.uz | Facebook | Instagram | YouTube