#Янги_ҳаёт_учун_Янги_Ўзбекистон_учун

Бухоро Давлат университетида Ўзбекистон Республикаси мустақиллигининг 32 йиллигига бағишланган «Янги ҳаёт учун, Янги Ўзбекистон учун!" деган бош ғояни ўзида мужассам этган “Аёл бахтли бўлса, оила бахтли бўлади, оила бахтли бўлса, жамият бахтли бўлади!" шиори остида байрам тадбири бўлиб ўтди.

Тадбирда сўзга чиққанлар мамлакатимизда хотин-кизларнинг ижтимоий ҳимояси, бандлиги, тадбиркорлиги, саломатлигини асраш, қизларга эътибор, таълимни ривожлантириш, ижтимоий-сиёсий фаол аёллар салмоғи ошиб бораётгани, тадбиркорликни қуллаб-қувватлаш, меҳнатлари муносиб рағбат топаётгани, спорт, саньат, фан-таълим каби соҳаларда эришилаётган ютуқларни эътироф этдилар. Дилларда шукроналик ҳисси билан Ватан, оила, тинчлик қадрини мадҳ этдилар.

Вилоят Оила ва хотин-қизлар бошқамаси томонидан ташкил этилган ушбу тадбирда жамиятда хотин-қизларнинг ижтимоий-сиёсий фаоллигини ошириш, маънавий муҳитни соғломлаштириш, оила институтини ҳамда умуминсоний ва миллий қадриятларни мустаҳкамлаш ишларида фаоллиги учун бир гуруҳ “Оқила аёллар” ҳаракати етакчилари ва фаол аёлларимиз бошқарманинг ташаккурномалари ҳамда Ўзбекистон касаба уюшмалари федерациясининг Бухоро вилоят Кенгаши томонидан тақдим этилган совғалари билан тақдирландилар.

Байрам дастурида “Ўзбекконцерт” ДМ вилоят бўлими, Ўзбекистон Давлат филармонияси вилоят бўлими ҳамкорлик қилдилар.

Buxoro.uz | Facebook | Instagram | YouTube

#Янги_ҳаёт_учун_Янги_Ўзбекистон_учун

🟢Ромитанда “Уч авлод” учрашуви ҳамда 17 нафар болажонларнинг суннат тўйи ўтказилди

Юртимизда эҳтиёжманд оилаларни ҳар томонлама қўллаб-қувватлаш, хайрли ва савобли ишларни амалга ошириш халқимизга хос азалий қадриятларимиздан ҳисобланади. Бундай меҳр-оқибат ва хайру саховат тадбирлари ёш авлодни она Ватанга муҳаббат, азалий анъана ва қадриятларга ҳурмат руҳида тарбиялашга хизмат қилади.

Юртимизда мустақиллигимизнинг 32 йиллиги шукуҳи кезаётган шу кунларда Ромитан тумани ҳокимлиги ташаббуси билан "Шўробод" маҳалла фуқаролар йиғинида жойлашган “Тўй барака” тантаналар саройида ҳудуддаги ижтимоий ҳимояга муҳтож бўлган, “Темир дафтар” ва “Аёллар дафтар”ларига киритилган оилаларнинг фарзандлари, асосан, мактаб ва мактабгача таълим муассасалари тарбияланувчиларидан 17 нафарининг суннат тўйлари ҳамда “Уч авлод” учрашуви маънавий-маданий тадбир ташкил этилди.

Тадбирда туман ҳокими Умеджон Барноев барча йиғилганлар, суннат тўйини нишонланаётган болажонлар ва уларнинг ота-оналарини тантана билан самимий муборакбод этди. Давлатимиз раҳбарининг ташаббуси билан мамлакатимизда кам таъминланган ва ногиронлиги бор оилалар, аҳолининг эҳтиёжманд қатламларини қўллаб-қувватлаш борасида амалга оширилаётган кенг кўламли ишларга тўхталди.

Республика Маънавият ва маърифат маркази Бухоро вилоят бўлими раҳбари Марҳабо Пардаева тадбир иштирокчиларини байрам билан табриклади. Бир неча йиллар Ватанимиз равнақи учун меҳнат қилиб, бугунги кунда кексалик гаштини сураётган ўн беш нафар нуронийларга байрам муносабати билан ташаккурнома ва эсдалик совғалари тортиқ қилинди.

Шунингдек, тадбирда сўз олган нуроний отахону онахонлар юрт равнақи, фарзандлар таълим-тарбияси хусусида фикр–мулоҳазаларини баён этишиб, суннат тўйи нишонланаётган болажонларнинг келажакда юртимиз корига камарбаста етук инсон бўлиб вояга етишларига ишонч билдирдилар.

Шундан сўнг жамоатчилик вакиллари, туман ҳокимлиги, сектор раҳбарлари, кекса нуроний отахонлар томонидан суннат тўйи нишонланаётган болажонларга зар тўнлар кийдирилиб, велосипедлар ва бошқа қимматбаҳо совғалар берилди.

Тантана файзли ва тўкин дастурхон атрофида, бир пиёла чой устида давом этди. Даврага миллий таом–ош тортилиб, йиғилганлар ва болажонлар шарафига Ўзбекистон халқ артисти Теша Мўминов, хушовоз хонанда Умид Шаҳобов, "Ниҳол" мукофоти совриндори Дилфуза Қобиловалар, туман маданият бўлими бадиий ҳаваскорлари жамоаси, шунингдек, ўз дастури ва саҳна кўринишлари, куй-қўшиқ ва рақслари билан барчани хушнуд қилдилар.

Тўйи нишонланаётган болажонларнинг ота-оналари ва яқинлари ёрдамга муҳтож оилаларга кўрсатаётган бундай ғамхўрлик учун ўз миннатдорлигини билдирди.

Buxoro.uz | Facebook | Instagram | YouTube