#Кванториум_Бухорода

Хабар берганимиздек, пойтахтимиздаги “Ўзэкспомарказ” Миллий кўргазмалар мажмуасида ўтказилган “ИННОПРОМ. Марказий Осиё" халқаро саноат кўргазмаси доирасидаги учрашувда Россия Федерацияси Нижний Новгород вилояти губернаторининг ўринбосари Андрей Саносян томонидан болалар учун янгича таълим фаолиятига мўлжалланган юқори технологияли ускуналар билан жиҳозланган “Кванториум” кўчма болалар технопарки Бухоро вилояти ҳокимлигига совға сифатида топширилган эди.

“Кванториум” мобиль технопарки Бухорога етиб келди. У Ёшлар ишлари агентлиги вилоят бошқармаси ихтиёрига берилди.

Қайд этиш жоизки, “Кванториум” технопарки қўшимча таълимнинг янги шакли бўлиб, болаларнинг фан ва технологияга қизиқишини рағбатлантиради, уларга замонавий технологиялар билан танишиш ва келажакдаги касбни танлаш имкониятини беради.

Технопарк асосида болалар «soft skills», яъни “юмшоқ кўникмалар”ни шаклланишига эга бўладилар. Шунингдек, лойиҳа фаолиятида жамоавий ишлаш, ижодий ва танқидий фикрлашни ўрганадилар.

Buxoro.uz | Facebook | Instagram | YouTube