#hududlar_hayoti
#Buxoro_tumani

Вилоят ҳокими Ботир Зарипов бошчилигидаги ишчи гуруҳининг Бухоро туманида тадбиркор ва инвесторлар, ташаббускор фуқаролар билан мулоқоти якунланди. Мулоқотда 43 нафар юртдошларимизнинг мурожаатлари ўрганилди.

Buxoro.uz | Facebook | Instagram | YouTube

#hududlar_hayoti
#Buxoro_tumani

Соғлом турмуш тарзини татбиқ этишда спорт, айниқса, жисмоний тарбиянинг қанчалик аҳамиятга эгалигини бугун ҳар бир киши яхши билади. Боиси, спорт соғлиқ гаровидир.
Шу боис давлоатимиз раҳбарининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ижросини таъминлаш мақсадида жойларда бир қатор ишлар амалга оширилмоқда.
Жумладан, шу кунларда Ёшлар ишлари агентлиги вилоят бошқармаси томонидан Бухоро туманидаги “Ойбек”, “Дўстлик” ва “Деҳча” маҳаллаларида “Street Workout” спорт майдончалари қурилмоқда.
Маълумот ўрнида, бугунги кунгача тумандаги 22 та маҳаллада 26 та ана шундай спорт майдончалари барпо этилиб, фойдаланишга топширилди.
Юриш, югуриш, тортилиш ва шу сингари фитнес инвентарлари ўрнатилган майдончалар қулай об-ҳаво шароитида аҳоли, айниқса, ёшлар билан гавжум.
Умуман, вилоятда ишлаб чиқилган тадбирларга кўра, туман ва шаҳарлардаги барча маҳаллаларда воркаутлар барпо этилмоқда. Бунда шаҳар ва қишлоқлар қурилиши, ободонлаштирилиши лойиҳасида ана шу каби иншоотлар қурилиши кўзда тутилган.

Buxoro.uz | Facebook | Instagram | YouTube

#ethno_house
#buxoro_tumani

Бухоронинг туристик потенциалини янада кенг тарғиб қилиш мақсадида вилоятда туризм қишлоқлари, маҳаллалари ва этноуйларга катта эътибор қаратилмоқда.

Бухоро туманида барпо этилган “Шейхан” этноуйи вилоятдаги туристик компаниялар билан ҳамкорлик қилган ҳолда мавсумда сайёҳларни чорлаш билан ажралиб туради.

Бу ерда Бухоронинг қадим урф-одатлари, фольклор, лапар ҳамда бухорча миллий ўйинлари намойиш этилиши билан бирга, этник таомлар ҳам сайёҳлар эътиборига ҳавола этилмоқда.

Мазкур этноуй сайёҳларни янада кўпроқ жалб қилиш мақсадида маҳаллий ҳамда республика туристик компаниялари учун инфо-турлар ташкил қилиб келмоқда.

Бу эса ўз ўрнида бу жойнинг туристик йўналишларга киритилиши ва сайёҳларнинг Бухоронинг шаҳар ташқарисида барпо этилган тарихий ва замонавий уйғунликдаги этноуй ва туристик марказларга эътиборини кучайтиришга хизмат қилади.

Buxoro.uz | Facebook | Instagram | YouTube

#Buxoro_tumani
#hunarmandchilik_markazi

🕌Нақшбанд ҳунармандчилик маркази

Мазкур марказ Бухородаги туристик-ҳунармандчилик кластерлардан бири бўлиб, у 3 қисмдан иборат.

Биринчи бинода тасвирий санъат музейи, ресторан ҳамда сайёҳлар учун меҳмонхона ўрин эгаллаган.

Иккинчи бинода Бухоро ипак қоғози, каштачилик намуналари, сомондан тасвирий санъат асарлари тайёрланади.

Учинчи бинода эса ёғоч ўймакорлиги устахонаси жойлашган.

Бухоро ҳунармандчилигини кўрмоқчи бўлсангиз, албатта, бу ерга саёҳат қилинг!

Buxoro.uz | Facebook | Instagram | YouTube

#hokim_hududlarda
#Buxoro_tumani

2024-yilda ayrim hududlardagi aholining turmush sharoitini yanada yaxshilashga doir qo‘shimcha chora-tadbirlarning manzilli dasturiga asosan "G‘ijduvon" erkin iqtisodiy zonasining Buxoro tumanidagi “To‘dako‘l” massivida quvvati 2x25 mVt podstansiya va 110 kV kuchlanishli elektr tarmog‘i qurish belgilangan. Mazkur qurilish ishida “Sitan” MCHJ pudratchi tashkilot sifatida ishtirok etmoqda.

Botir Zaripov navbatdagi o‘rganishini ayni shu manzildan boshladi. Amalga oshirilayotgan qurilish ishlarining borishiga tanqidiy baho berdi. Mavjud muammolar bilan qiziqdi.

Qayd etish lozimki, mazkur hududda O‘zbekiston va Eron davlatlari o‘zaro hamkorligi va kapitali asosida "Petrochem sepehr" qo‘shma korxonasini tashkil etishga kirishilgan. Hisob-kitoblarga ko‘ra, bu loyihaning umumiy qiymati 274 million AQSH dollarini tashkil etmoqda. Mazkur neft kimyo klasterini tashkil etish doirasida bu korxonada o‘ndan ortiq biznes loyiha asosida mutaxassislarni jalb qilgan holda kimyoviy usulda pentan, geksan, benzol, toluol gazlari yoritgichlari, shuningdek, riformat va izomerizat aromatik uglevodorodlari, monometilanilin, dimetil karbonat, ammoniy bikarbonat, kaustik soda va kaliy sulfati kabi jami 13 xil turdagi mahsulot ishlab chiqarish tajribasi o‘zlashtiriladi.

Loyihalarning ishga tushirilishi evaziga yil davomida 240 million AQSH dollariga teng bo‘lgan neft-kimyo mahsulotlari ishlab chiqarilishi, shundan 82 million AQSH dollariga teng mahsulot eksportga yo‘naltirilishi, 123 million AQSH dollariga teng import o‘rnini bosuvchi mahalliylashtirilgan mahsulot ishlab chiqarilishi yo‘lga qo‘yiladi. Iqtisodiy jihati esa bunda yiliga 214 milliard so‘mga teng bo‘lgan budjet tushumiga erishilishi bilan birga, korxonada band bo‘ladigan 600 nafarga yaqin ishchi-mutaxassisning moddiy manfaatdorligi ta’minlanadi.

Podstansiya qancha tez fursatda ishga tushsa, korxonadagi ish jarayonlari ham jadallashadi.

— Shuning uchun o‘tayotgan har bir kun g‘animat. Muammolar bo‘lsa, aytinglar, hal qilaylik. Bunday loyihalar viloyatimiz iqtisodi uchun ham, odamlarning farovon hayoti uchun ham juda muhim, - dedi Botir Zaripov.

Shuningdek, viloyat rahbari massivda amalga oshirilayotgan gaz taqsimlash stansiyasidan 219mmli alohida tarmoq chiqarish hamda 219 mmli tabiiiy gaz tarmog‘ini qurish, hududni ichimlik va oqova suv tizimlari bilan ta’minlovchi loyiha ishlarini ham ko‘zdan kechirdi. Muhandis-quruvchilar sonini ko‘paytirish orqali belgilangan ishlarni jadallashtirish yuzasidan mas’ullarga topshiriq va ko‘rsatmalar berdi.

Buxoro.uz | Facebook | Instagram | YouTube

#hokim_hududlarda
#Buxoro_tumani

Prezidentimiz Shavkat Mirziyoyev raisligida joriy yil 21 oktyabr kuni “Yashil makon” umummilliy loyihasi doirasidagi ishlar natijadorligi va kelgusidagi ustuvor vazifalar muhokamasi yuzasidan o‘tkazilgan videoselektor yig‘ilishida hozirgi mavsum va kelgusi yilga mo‘ljallangan chora-tadbirlar belgilab olindi.

Bu borada Buxoro ham katta sa’y-harakat boshlangan. Xususan, shu kunlarda viloyat avtomobil yo‘llari hududiy boshqarmasi tomonidan magistra yo‘l yoqalarida 10 qatordan daraxtlar ekish bo‘yicha ishlar boshlangan. Jumladan, bugun “A-380” rusumli “G‘uzor – Buxoro – Nukus – Beyneu” avtomobil yo‘lining Buxoro viloyati hududidan o‘tgan 188 – 193 kilometrlari oralig‘ida yo‘lning ikki tomonida manzarali daraxt ekish ishlariga kirishildi.

Shu munosabat bilan tashkil etilgan tadbirda viloyat hokimi Botir Zaripov boshchiligidagi sektorlar rahbarlari, jamoatchilik vakillari ishtirok etdi.

Boshlangan ishlar xayrli bo‘lishini tilab Qur’on tilovat qilindi.

Botir Zaripov daraxt ekishga ko‘rilgan hozirlikka tanqidiy baho berdi.

— Bu yerlar toshloq va qaqroq. Bu yerlarni avaalo chuqur yumshatish, “begona tuproq”dan to‘lidirish kerak. Sug‘orish tizimini halqilish kerak. Keyin daraxt eksak bo‘ladi. Bizga “ura-ura” bilan qilingan ish kerak emas. Bir nihol qurdikmi, u ko‘karsin, - dedi viloyat rahbari.

Muloqotda ko‘chat ekish ishlarini ham uyushqoqlik bilan tashkil etish imkoniyatlari ko‘rsatib o‘tildi.

Buxoro.uz | Facebook | Instagram | YouTube

#hokim_hududlarda
#Buxoro_tumani

Buxoro tumanida 37 gektardan ortiq hududni egallagan konturda “Mil Max Trade” MCHJ tomonidan Koreya texnologiyasi asosida asosan pomidor, bodring va boshqa sabzavot mahsulotlari yetishtiriladigan issiqxona, uning yonidan 3 ming 100 tonna sig‘imiga ega bo‘lgan gigant muzlatkich, qishloq xo‘jaligida yetishtiriladigan mahsulotlarni saqlash, quritish, qadoqlash, qayta ishlash va eksportga chiqarishga mo‘ljallangan yopiq inshoot – sex va ombor qurilishini o‘zida jamlagan yirik loyiha amalga oshirilgandi.

Xususan, 1,3 gektarga teng maydonda yopiq inshoot, ishlab chiqarish, qishloq xo‘jaligi mahsulotlarini saqlash va qadoqlashga mo‘ljallangan syex qurilgan. Shuningdek, umumiy 15 gektar maydonda zamonaviy texnologiya asosida jihozlangan issiqxona barpo etilgan. Korxona rahbari Komil Mo‘minovning aytishicha, muzlatkich uchun zarur texnologiyaning bir qismi Xitoy va Germaniya davlatlaridan olib kelingan. Yirik sex va muzlatkichda Yevropaning “Simens” kompaniyasi texnologiyasi asosida boshqaruv tizimi o‘rnatilgan.

Bundan tashqari, hudud infratuzilmasini yaratish maqsadida elektr energiyasi ta’minoti uchun alohida podstansiya qurilgan.

— Bu korxonada pomidor, bodring va boshqa qishloq xo‘jaligi mahsulotlarini yetishtirish barobarida boshqa tumanlardagi xo‘jaliklardan mahsulot qabul qilish, uni saqlash va eksportga chiqarish imkoniyati yaratiladi, – deydi “Mil Max Trade” MCHJ rahbari Komil Mo‘minov. — Faoliyatni to‘liq boshlasak, korxonamizda mahalliy aholi vakillaridan 500 kishini doimiy ish bilan ta’minlash, yana 200 nafarga yaqin mavsumiy ishchini qabul qilish imkoniyati yaratiladi.

Mazkur korxona va undagi ishlar bilan yaqindan tanishish maqsadida viloyat hokimi Botir Zaripov sektor rahbarlari hamrohligida “Mil Max Trade” MCHJda bo‘ldi.

Olib borilayotgan ishlar bilan tanishish asnosida tadbirkorlik subyekti oldida turgan muammolar o‘rganildi. Jamiyatni sog‘lomlashtirish, uni to‘la quvvatda ishlashini ta’minlash masalalari keng muhokama qilindi. Shunga ko‘ra muhim vazifalar belgilandi. O‘z navbatida Botir Zaripov hududda agroklasterga xos infratuzilmani yaratish yuzasidan mutasaddilarga tavsiya va topshiriqlarini berdi.

Buxoro.uz | Facebook | Instagram | YouTube

#hokim_hududlarda
#Buxoro_tumani

Ta’kidlash lozimki, 2024-yilda 309 ming 405 nafar aholi bandligini ta’minlash rejalashtirilgan bo‘lib, amalda 384 ming 949 nafar aholi bandligi ta’minlandi. Kambag‘al oilalarning yashash sharoitlarini yaxshilash va daromadlarini oshirish maqsadida 7 ming 585 ta oilalarga 1 ming 368 ta rahbar va rahbar o‘rinbosarlari biriktirildi. Jumladan, 12,9 ming nafar fuqarolarga imtiyozli kredit, 2,5 ming nafariga subsidiya ajratildi, 17,5 ming nafari doimiy va mavsumiy ish o‘rinlariga ishga joylashtirildi, 4,2 ming nafari kasb-hunar va tadbirkorlikka o‘qitish orqali bandligi ta’minlandi, 282 nafarining tomorqalardan samarali foydalanishini yo‘lga qo‘yish orqali daromad manbai ta’minlandi.

Joriy yilda ham viloyatda aholi bandligini ta’minlash, qo‘shimcha daromad manbalarini topish, yangi imkoniyatlarni ishga solib, doimiy ish o‘rinlarini ko‘paytirish maqsadida zarur choralar ko‘rilmoqda.

Xususan, fuqarolarga ixcham va yengil konstruksiyali issiqxonalar qurib berish tajribasi kengaymoqda.

Botir Zaripov Buxoro tumanida tashkil etilgan omborda ayni shu yo‘nalishda belgilangan vazifalar ijrosini o‘rgandi.

Tumanlarda ijtimoiy reyestrda turgan, ijtimoiy himoyaga muhtoj oilalar daromadni oshirishga qaratilgan bu loyihani jadallashtirish yuzasidan muhim vazifalar belgilandi.

Buxoro.uz | Facebook | Instagram | YouTube