#hududlar_hayoti
#Romitan_tumani

— Ўтаётган ҳар бир кун бизни мамлакатимиз мустақиллигининг 31 йиллик катта тўйига яқинлаштиряпти. Яхши биласиз, халқимиз азалдан байрамлар, тўйлар олдидан ён-атрофни ободонлаштириш, кўкаламзорлаштириш, озода сақлаш, яшаб турган хонадонларини намунали ҳолатга келтириш ишларини бажарган. Энди сизлар мана шу ишларни амалга оширишга бош-қош бўлишингиз, фуқароларнинг турмуш маданиятини юксалтириш, бу борада маҳаллаларда яшовчи аҳолининг масъулияти ва дахлдорлигини ошириш бўйича тушунтириш ишлари олиб боришингиз керак бўлади, – деди Ботир Зарипов 4-сектор ҳудудидаги маҳалла фуқаролар йиғинлари масъуллари ва фаоллари билан мулоқоти якунида.
Шунингдек, вилоят ҳокими маҳаллаларда жиноятчиликнинг олдини олиш, ажримларни камайтириш, ёшлар тарбиясида маҳалланинг ролини ошириш, маънавий муҳит барқарорлигини таъминлаш, жойларда тадбиркорликни ривожлантириш ва янги иш ўринларини яратиш, давлатимиз раҳбари томонидан илгари сурилган беш муҳим ташаббуснинг ҳудудларда ижросини таъминлаш сингари долзарб масалалар хусусида атрофлича тўхталди.

Buxoro.uz | Facebook | Instagram | YouTube

#hokim_hududlarda
#Romitan_tumani

Hududlarni ijtimoiy-iqtisodiy rivojlantirish, aholi daromadlarini oshirish, qishloq xoʻjaligida kechiktirib boʻlmaydigan agrotexnik tadbirlarni amalga oshirish boʻyicha belgilab berilgan vazifalar ijrosi bilan yaqindan tanishish, bu boradagi ishlarni jadallashtirish maqsadida bugun, 27-noyabr kuni viloyat hokimi Botir Zaripov sektorlar rahbarlari va boshqa tegishli mutasaddildar hamrohligida Romitan tumanida boʻldi.

Dastlab viloyat rahbari “Azizon” mahallasida qirqqa yaqin dehqon xoʻjaligida yetishtirilayotgan brokkoli — gulkarami plantatsiyani koʻzdan kechirdi.

Maʼlumotlarga koʻra, ayni kunda Romitan tumanida “Bir kontur—bir mahsulot” tamoyili asosida qishloq xoʻjalik mahsulotlarini yetishtirishda 2022-2024-yillarda aholiga ijaraga ajratilgan yer maydonlaridan samarali foydalanish, ularning daromadlarini oshirish va yuqori daromadli, eksportbop mahsulotlar yetishtirish boʻyicha aniq chora-tadbirlar ishlab chiqilgan.

“Agrobank” viloyat filiali madadi bilan “Gʻazberon” mahallasidan tanlab olingan 10 gektar yer maydonida hamda xuddi shunday, “Mikrokreditbank” viloyat filiali moddiy koʻmagida Azizon mahallasidan jami 38 nafar dehqon xoʻjaligi ochgan fuqarolarga ajratilgan yer maydoni 6 gektarida brokkoli karami yetishtirilmoqda.

Brokkoli – karam yetishtirish boʻyicha tajribali usta dehqonlar boshqa viloyatlardan shartnoma asosida taklif etilgan. Bu usta dehqonlar koʻchat yetishtirishdan boshlab, hosilni yigʻishtirish va eksportga tayyorlashgacha boʻlgan jarayonni ijarachilarga puxta oʻrgatmoqda. Shu kunlarda Muharram Sayidova, Zikrullo Bozorov, Dilfuza Rahimova, Ruhillo Hayitov, Rohat Safoyeva, Shoira Adizova, Sardor Najmiddinov, Izzat Nutfullayev, Jamshid Shodiyev, Hamid Rahimov singari xoʻjaliklarda serhosil poliz mahsuloti — brokkoli yetishtirilmoqda.

Albatta, hosil tayyor boʻlgach, uni sotish ham muhim. Shu bois joylarda ajratilgan yer maydonlarida dehqonchilik qilayotganlarga lider tadbirkorlar biriktirilgan. Buning uchun hududda lider tadbirkorlardan “Bukhara eksport trade” MCHJ jamoasi dehqonlarga urugʻ yetkazib berishdan tortib, zarur agrotexnika ishlari, yetishtirilgan hosilni sotib olish va eksportga yoʻnaltirishgacha boʻlgan jarayonni oʻz zimmasiga olgan. Aniqrogʻi, mahsulotni yetishtirish dehqondan, sotib olish esa tadbirkordan.

Botir Zaripov bu kabi dehqon xoʻjaliklarini viloyatning barcha tumanlarida tashkil etish orqali aholi daromadlarini oshirish zarurligini taʼkidladi. Bu borada masʼullarga topshiriq va koʻrsatmalar berdi.

Buxoro.uz | Facebook | Instagram | YouTube

#hokim_hududlarda
#Romitan_tumani

Romitan tumanida nazorat tartibidagi navbatdagi oʻrganishlarida viloyat hokimi Botir Zaripov choʻl hududida sunʼiy suv ombori hamda uning atrofida koʻngilochar dam olish maskanlari hamda “Voyish” usulida tokzor-uzumzor barpo etish loyihasi bilan tanishdi.

Mazkur majmuani kimsasiz choʻlning Xoja Ubbon massivida tashkil etish koʻzda tutilgan boʻlib, buning uchun 50 gektar yer maydoni sunʼiy koʻl uchun ajratilishi belgilangan. Umumiy qiymati 129 milliard 300 million soʻmga moliyalashtirilgan ushbu loyihaga binoan tashabbuskor tadbirkorlar ulushi 60 milliard soʻmni tashkil qilmoqda. Qolgani esa davlat byudjetidan ajratiladigan sarmoya hisoblanadi.

Albatta, “obi hayot” bor joyda yasharish, hayot zavqi va mehnat muvaffaqiyati boʻladi. Birinchi bosqichda 50 gektarda quriladigan sunʼiy suv ombori va koʻngilochar dam olish maskani bilan birga ikkinchi bosqichda choʻl massivida 1 ming gektar yer maydonini ajratib, unda “Voyish” usulida tokzor—uzumzor barpo qilish maqsadida 80 milliard soʻm mablagʻ ajratish rejalashtirilmoqda.

Umuman, bu majmuaga keluvchilar sunʼiy koʻl sohilida dam oluvchilar uchun plyaj, akvapark, kichik disneylend, kema koʻrinishidagi restoran, yozgi terassa, tabiat qoʻynidagi sport oʻyingohi, ot sporti maydoni, yaʼni ippodrom, maxsus suv transporti va yana boshqa koʻngilochar xizmatlardan bahramand boʻlishlari, miriqib dam olishlari mumkin boʻladi.

Birgina choʻl massivini obod qilish orqali bundagi koʻngilochar pavilyonlar va uzumzor bogʻda jami 850 nafar fuqaroning doimiy bandligini taʼminlash imkoniyati yaratiladi. Bahor yoz mavsumida koʻngilochar dam olish maskani 180 ming nafargacha tashrif buyuruvchini qabul qilishi va ularga koʻrsatiladigan xizmatlardan davlat iqtisodiyotiga 5,8 milliard soʻm atrofidagi daromad kirim qilinishi kutilmoqda.

Ming gektardan iborat yer maydonida barpo qilinadigan tokzordan esa yiliga 3 ming tonnadan oshirib sara uzum hosili olish agrotexnik tadbirlari koʻriladi. Albatta, bogʻdorchilik ilmidan yaxshi xabardor mutaxassislar va tajribali bogʻbonlar bu ishga jalb qilinadi.

Yaqin yillarga moʻljallangan mazkur yirik loyiha bilan batafsil tanishar ekan, viloyat hokimi Botir Zaripov masʼul mutasaddilar, loyiha mualliflari, pudratchilarga zarur tavsiyalarini berdi. Choʻl bagʻrini obod va koʻkalamzor hududga aylantirish zahmati ogʻir va koʻp ishchi kuchi, vaqt, qolaversa, mablagʻ taqozo etishi taʼkidlangani holda uning amaliyotini tezlashtirish yuzasidan koʻrsatmalar berildi.

Buxoro.uz | Facebook | Instagram | YouTube