#hududlar_hayoti
#Shofirkon_tumani

Учрашувда “бешлик” вакиллари ва фаоллар маҳаллалардаги ички йўллар ва кўприкларни таъмирлаш, трансформаторларни янгилаш, тик қудуқлар қуриш, ирригация тизимлари ҳолатини яхшилаш, спорт майдончалари ташкил этиш каби қатор муаммолар билан юзланишмоқда. Шунингдек, аввалги учрашувларда белгиланган вазифалар ижросига ҳам эътибор қаратилмоқда. Албатта, туманда кейинги йилларда кенг қамровли қурилиш-бунёдкорлик ишлари амалга оширилди. Ҳудудлар инфратузилмаси яхшиланди. Одамларнинг мурожаатлари ўрганилиб, шунга асосан таъмирлаш-тиклаш ишлари бажарилди. Учрашув давомида нуронийлар бу борада ўзларининг маҳалла аҳли номидан миннатдорликларини билдиришди.

— Тўғри, туман кейинги йилларда ўзгарди. Давлатимиз ва ҳукуматимиз томонидан бу борада зарур шарт-шароитлар яратиб берилмоқда. Аммо бажарилган ишлардан қиладиганларимиз ниҳоятда кўп. Буниям биламиз. Яна бир масала шуки, маҳалладаги муаммоларни ҳал қилишда МФЙ раислари ташаббускор бўлиши зарур. Унга Президентимиз ҳоким ёрдамчиси, ёшлар етакчиси, хотин-қизлар фаоли, профилактика инспектори деган қўл-қанот бердилар. Уларнинг ҳам шарт-шароитлари яхшиланди. Моддий қўллаб-қувватланмоқда. Энди булар натижа кўрсатиши керак. Ана шунда ҳаётимиз янаям ўзгаради, – деди Ботир Зарипов.

Buxoro.uz | Facebook | Instagram | YouTube

#hududlar_hayoti
#Shofirkon_tumani

Албатта, туманда кейинги йилларда кенг қамровли қурилиш-бунёдкорлик ишлари амалга оширилди. Ҳудудлар инфратузилмаси яхшиланди. Одамларнинг мурожаатлари ўрганилиб, шунга асосан таъмирлаш-тиклаш ишлари бажарилди. Учрашув давомида маҳалла фуқаролар йиғинлари раислари бу борада ўзларининг маҳалла аҳли номидан миннатдорликларини билдиришди.

— Тўғри, туман кейинги йилларда ўзгарди. Давлатимиз ва ҳукуматимиз томонидан бу борада зарур шарт-шароитлар яратиб берилмоқда. Аммо бажарилган ишлардан қиладиганларимиз ниҳоятда кўп. Буниям биламиз. Яна бир масала шуки, маҳалладаги муаммоларни ҳал қилишда МФЙ раислари ташаббускор бўлиши зарур. Уларга Президентимиз ҳоким ёрдамчиси, ёшлар етакчиси, хотин-қизлар фаоли, профилактика инспектори деган қўл-қанот бердилар. Энди булар натижа кўрсатиши керак. Яъни маҳаллада маънавий-маърифий муҳит барқарорлигини таьминлаш, жиноятчиликнинг олдини олишда уларнинг роли муҳим. Ана шунда ҳаётимиз янаям ўзгаради, – деди Ботир Зарипов.

Buxoro.uz | Facebook | Instagram | YouTube

#hokim_hududlarda
#Shofirkon_tumani

Kuni kecha viloyat hokimi Botir Zaripov Shofirkon tumanida bo‘lib, joylarda dala-dehqonchilik yumushlarining borishi, paxta terimi bilan bog‘liq jarayonlarni o‘rgandi.

Dastlab viloyat rahbari Do‘rman hududidagi "Ahrorbek bog‘i" xo‘jaligiga bordi. "Halollik rizq kaliti", degan hikmatga amal qilgan Ahror Yodgorov 2021 yilda bog‘dorchilik xo‘jaligini tashkil qildi. Qat'iy maqsad bilan qilingan sa'y-harakat natijasida 5 gektar maydonda olxo‘ri, behi o‘rik ko‘chatlari o‘tqazilib, parvarish qilindi. Bugungi kunga kelib bog‘bon mazkur bog‘dan barakali hosil olib kelayotir.

Botir Zaripov A.Yodgorov bilan bog‘dorchilikning o‘ziga xos jihatlari, erishilgan natija xususida suhbatlashib, o‘z tavsiyalarini aytib o‘tdi. Har qarich yerdan unumli foydalanish zarurligini ta'kidlagan mutasaddi rahbar bog‘bonga daraxtlarni oqlash, shakl berish, daraxt oralarini yumshatib, to‘qsonbosti ekinlar ekish bo‘yicha topshiriq berdi.

Buxoro.uz | Facebook | Instagram | YouTube

#hokim_hududlarda
#Shofirkon_tumani

Navbatdagi yo‘nalishda Botir Zaripov S. Jo‘ra hududidagi "Ashurbek O‘lmasjon chamani" fermer xo‘jaligida paxta terimining borishini borib ko‘rdi.

Joriy yilda xo‘jalik 20 gektarga chigit qadagan bo‘lib, davlatga 80 tonna paxta xom ashyosi topshirish majburiyatini olgan.

Madiyor Hayitov qo‘l ostidagi xo‘jalik ishchilari, terimchilar daladan yetishtirilgan hosilni so‘nggi misqoligacha yig‘ib olish maqsadida jonbozlik ko‘rsatishmoqda.

Xo‘jalik rahbarining aytishicha, ayni kunlardagi 2-terimda ilg‘orlar "oq oltin"ni xirmonga peshma-pesh yetkazib berishyapti. Hozirga qadar ularning sa'y-harakati bilan 60 tonnalik hosil ko‘tarilgan. Jarayon hali davom etyapti.

Botir Zaripov xo‘jalikka qarashli paxta maydonida terimchilardan hol-ahvol so‘rab, ularga kuch-quvvat tiladi. Ilg‘or terimchilarga Shofirkon tuman WBM Romtex vakili Anvar Soliyev tomonidan esdalik sovg‘alarini taqdim etilib, yurtimiz xirmoniga qo‘shayotgan hissalari uchun minnatdorlik bildirdi.

Buxoro.uz | Facebook | Instagram | YouTube

#Islohotlar_kuchi
#Shofirkon_tumani

Shibirg'оnliklar yangi mahalla markaziga ega bo'ldi

Buxoro.uz | Facebook | Instagram | YouTube

#hokim_hududlarda
#Shofirkon_tumani

Prezidentimizning joriy yil 31-may - 1-iyun’ kunlari Buxoro viloyatiga tashrifi va viloyat faollari bilan uchrashuvi davomida Shofirkon tumanida zamonaviy bolalar yozgi oromgohini qurish tashabbusi ilgari surilgan edi.

Shunga ko‘ra, hozirda "Xo‘ja Orif" mahallasi hududidan ajratilgan 7 gektar maydonda oromgoh qurish ishlariga kirishildi.

Botir Zaripov Shofirkon tumaniga tashrifi chog‘ida yozgi oromgoh loyihasi bilan tanishdi.

Mazkur loyiha hududdagi bolalar va ularning oilalari uchun zamonaviy dam olish maskani yaratishni maqsad qilgan bo‘lib, umumiy qiymati 25 milliard so‘mni tashkil etadi.

Buxoro neftni qayta ishlash zavodi homiyligida barpo etilayotgan oromgohning qurilish ishlari "Parvoz Komfort" MCHJ tomonidan amalga oshirilmoqda, loyiha esa "Mukammal loyiha" MCHJ tomonidan ishlab chiqilgan.

Yozgi oromgohda bolalar uchun keng imkoniyatlar yaratiladi. Loyihaga ko‘ra, oromgoh hududida har biri 100 o‘rinli 4 ta yotoqxona, yopiq suzish majmuasi, kutubxona, IT xonasi, amaliy to‘garaklar uchun maxsus xonalar, yozgi va qishki oshxonalar, 200 o‘rinli ovqatlanish uchun ayvon, shuningdek, tibbiyot bo‘limi va ma’muriy bino barpo etiladi. Hududda mini futbol va tennis maydonchalari, basketbol va voleybol o‘yingohlari, stol tennisi uchun yopiq kort, rezina qoplamali sport maydonchalari ham tashkil etiladi. Dam olish uchun musiqali favvora, gulzor, ochiq sahna, 400 o‘rinli amfiteatr, ota-onalar va qarindoshlar bilan hordiq chiqarish ayvoni, o‘yin maydonchalari va boshqa qulayliklar ko‘zda tutilgan. Shuningdek, kir yuvish binosi, omborxona va hojatxonalar kabi texnik inshootlar ham quriladi.

Viloyat hokimi qurilishning sifatli amalga oshirilishi uchun o‘z taklif va tavsiyalarini berdi.

Shu yerning o‘zida qurilishning xayrli bo‘lishini tilab, jonliq so‘yilib, duo qilindi. Mazkur oromgoh nafaqat bolalarning yozgi dam olishini ta’minlaydi, balki ularning jismoniy va intellektual rivojlanishi uchun keng imkoniyatlar yaratadi.

Buxoro.uz | Facebook | Instagram | YouTube

#hokim_hududlarda
#Shofirkon_tumani

O‘zbekiston Respublikasi Prezidentining 2021-yil 18-sentabrdagi “Islom taraqqiyot banki va OPEK xalqaro taraqqiyot jamg‘armasi ishtirokidagi "Qishloq joylarni barqaror rivojlantirish" loyihasini amalga oshirish chora tadbirlari to‘g‘risida”gi qarorida Buxoro, Kogon, Vobkent, Shofirkon va Gʻijduvon tumanlarida jamoatchilik fikrini o‘rganish asosida ijtimoiy soha obyektlarini qurish va ta’mirlash topshirig‘i berilgan. Shunga asosan,  Vazirlar Mahkamasining 2023-yil 20-oktabrdagi qarorida “Tezguzar" mahalla fuqarolar yig‘inida  mahalla maishiy-xizmat ko‘rsatish markazini barpo etish belgilangan.

Mazkur obyekt Buxoro viloyati hokimligi huzuridagi “Yagona buyurtmachi xizmati injiniring kompaniyasi” DUK buyurtmachiligida amalga oshirilmoqda. Loyiha smeta hujjatlari “Qishloqqurilish loyiha” MCHJ tomonidan ishlab chiqilgan. Qurilish ishlari “Gʻijduvon standart qurilish” MCHJ tomonidan olib borilmoqda va shartnoma qiymati 4 735 mln. so‘mni tashkil etadi. Ob’yektda hozirda reja-grafik asosida ishlar olib borilishi ta’minlangan.

Botir Zaripov o‘rganishlari davomida “Tezguzar”dagi mahalla maishiy xizmat ko‘rsatish markazi qurilishi ishlarni ko‘zdan kechirdi. Qurilishda sifat va muddatga alohida e’tibor berish yuzasidan mutasaddilarga tegishli ko‘rsmatmalar berildi.

Buxoro.uz | Facebook | Instagram | YouTube

#hokim_hududlarda
#Shofirkon_tumani

Shuningdek, Botir Zaripov Shofirkon tumanida yangidan bunyod etilayotgan tibbiyot birlashmasida bo‘lib, avvalgi o‘rganishlarida berilgan topshiriqlar ijrosini o‘rgandi.

Tinchlik va sog‘lik - inson hayoti uchun eng kerakli ne’matdir. Bu ikki yo‘nalish davlatimiz ijtimoiy siyosatining muhim negizlari etib belgilangan. Xususan, O‘zbekiston Respublikasi sog‘liqni saqlash tizimini rivojlantirish konsepsiyasi asosida soha bosqichma-bosqich takomillashtirib kelinmoqda. Bunda bevosita davlatimiz rahbarining uzoqni ko‘zlab izchillik bilan amalga oshirayotgan islohotlari mujassam. 

Hozirda so‘nggi bosqichdagi pardozlash ishlari amalga oshirilayotgan zamonaviy shifoxona ana shu islohotlar samarasi sifatida qad rostladi.

Besh qavatli 260 o‘rinli mazkur tibbiyot birlashmasining barcha davolash bo‘limlari umumlashtirilgan. Qiymati 47 mlrd 335 mln so‘mlik loyiha doirasida bino yerto‘lasida yordamchi bo‘limlar, birinchi qavatda qabul va diagnostika bo‘limlari, raqamli rentgen, MRT, MSKT tekshiruvlari joylashtiriladi.

Ikkinchi qavatda 17 o‘rinli anesteziologiya-reanimatsiya, 10 o‘rinli shoshilinch jarrohlik, 15 o‘rinli rejali jarrohlik, 15 o‘rinli otoloringologiya bo‘limlari tashkil etilishi belgilangan.

Uchinchi qavatda 10 o‘rinli shoshilinch pediatriya, 10 o‘rinli shoshilinch terapiya, 25 o‘rinli bolalar bo‘limi, 6 ta bolalar anesteziologiyasi reanimatsiya, to‘rtinchi qavatda esa 90 o‘rinli tug‘ruq majmuasi, beshinchi qavatda esa har bir bo‘lim 20 o‘ringa mos ravishda  kardilogiya, endokrinologiya, terapiya hamda nevrologiya bo‘limlari tashkil etilishi rejalashtirilgan.

Botir Zaripov ishlarning borishiga tanqidiy baho berib, jarayonlarni jadallashtirish yuzasidan tibbiyot birlashmasi va qurilish tashkiloti mutasaddilariga muhim topshiriqlar berdi.

Buxoro.uz | Facebook | Instagram | YouTube