#Madaniy_meros
#Buxoro

⚡️Сайфиддин карвонсаройи Бухорода жойлашган бўлиб, XIX асрда барпо этилган. Мазкур карвонсарой дунё бўйлаб тижорат қилувчи савдогарлар учун қўнимгоҳ ва бошпана бўлган, яъни меҳмонхона вазифасини бажарган.

Карвонсаройдаги махсус хоналарда савдогарлар ўз молларини сақлаши, алоҳида қўраларда жониворларини парваришлаши, махсус чойхонада эса тамадди қилиб, ҳаммомда покланиши мумкин бўлган.

Карвонсаройнинг ўзига хос нуқталаридан бири пул айирбошлаш шаҳобчаси ҳам бўлган. Сайфиддин карвонсаройи нисбатан бой савдогарлар, қимматли металлар билан савдо қиладиган тижоратчилар учун мўлжалланган.

Buxoro.uz | Facebook | Instagram | YouTube

#Yashil_makon
#Madaniy_meros

🌳 Давлатимиз раҳбари томонидан эълон қилинган “Яшил макон” умуммиллий лойиҳаси доирасида йилига 200 миллион туп дарахт ва бута кўчатларини экиш белгиланган эди.

✅ Ушбу “Яшил макон” умуммиллий лойиҳасида Бухоро вилояти маданий мерос бошқармаси ҳам иштирок этди.

🌱 Лойиҳа доирасида Бошқарма ходимлари томонидан Ситораи Мохи-Хосса мажмуасида 100 туп тут ва маҳаллий гужум (қайрағоч) дарахти кўчатлари ўтқазилди.

Buxoro.uz | Facebook | Instagram | YouTube

#Xalqaro_aloqalar
#Umumjahon_merosi
#Madaniy_meros

Бухоро шаҳрида Маданий мерос агентлиги ҳамда АҚШнинг Чикаго Университети билан ҳамкорликда 2023 йил 2 - 4 май кунлари Умумжаҳон мероси объектларини сақлаш ва муҳофаза қилиш мавзусида семинар-тренинг ташкил этилди.

Дарслар шу соҳада кўп йиллик тажрибага эга мутахассис Dr. Devid Michelmore томонидан олиб борилмоқда.

Семинарда ЮНЕСКОнинг Умумжаҳон мероси рўйхатига киритилган Бухоро тарихий марказини асл ҳолатида сақлаш ва муҳофаза қилиш соҳасига алоқадор ташкилотлар, Маданий мерос агентлигининг ҳудудий маданий мерос бошқармалари, Бухоро вилоятининг туризм, кадастр ва қурилиш бошқармаларининг вакиллари ҳамда БухДУ ўқитувчи ва талабалари иштирок этмоқда.

Семинар дарслари давом этмоқда.

Buxoro.uz | Facebook | Instagram | YouTube