#hududlar_hayoti
#Qorako'l_tumani

Республика ишчи гуруҳи таркибида Бош прокурор ўринбосари – Ҳарбий прокурор Шухрат Узаков ва Ички ишлар вазири ўринбосари Азизбек Икрамов томонидан Бухоро вилоятида ҳудудларни ижтимоий-иқтисодий ривожлантириш, аҳоли муаммоларини тизимли ҳал этиш, жамоат хавфсизлигини таъминлаш ҳамда маҳаллалар инфратузилмасини яхшилашга қаратилган чора-тадбирлар натижадорлиги юзасидан ўрганиш ишлари олиб борилмоқда.

Айни пайтда мазкур ишчи гуруҳи Қоракўл туманида жиноятчилик ва ҳуқуқбузарликларни олдини олиш, “Темир дафтар”, “Аёллар дафтари” ва “Ёшлар дафтари”да рўйхатга турган фуқароларни касбга йўналтириш, бандлигини таъминлаш, ижтимоий ва моддий ёрдам кўрсатиш борасида амалга оширилаётган ишларни ўрганмоқда.

Қоракўл тумани давлат солиқ инспекциясида бўлиб ўтаётган ўрганиш жараёнида масъулларнинг ҳисоботи тингланмоқда.

Жумладан, вилоят 4-сектор раҳбари, вилоят давлат солиқ бошқармаси бошлиғи М.Маматханов ҳам ишчи гуруҳ ҳузурида вилоятда
🔻"Солиқчи - тадбиркорга кўмакчи" тизими асосида ташкил этилган тадбирлар,
🔻4-секторда “Маҳаллабай” тизими асосида олиб борилаётган ишлар,
🔻4-сектор ҳудудида жиноятчиликни олдини олиш тизими ҳамда
🔻ёшларни бўш вақтларини мазмунли ташкил этиш юзасидан амалга оширилаётган ишлар ва келгусидаги режалар хусусида тақдимот ўтказди.

Buxoro.uz | Facebook | Instagram | YouTube

#hududlar_hayoti
#Qorako'l_tumani

Давлатимиз раҳбарининг шу йил 18 мартда юртимиз соғлиқни сақлаш соҳаси ходимлари билан “Тиббиётдаги ислоҳотлар – инсон қадри учун” мавзусида ўтказган очиқ мулоқотида белгиланган вазифалар ижросини таъминлаш мақсадида жорий йил 25 апрелда “Бирламчи тиббий–санитария ёрдамини аҳолига яқинлаштириш ва тиббий хизматлар самарадорлигини ошириш бўйича қўшимча чора-тадбирлар тўғрисида”ги қарори қабул қилинди. Аҳолига кўрсатилаётган бирламчи тиббий-санитария ёрдамининг сифатини яхшилаш, тиббиёт ходимларини қўллаб-қувватлаш ва фаолияти самарадорлигини ошириш мақсадига қаратилган мазкур қарорга биноан, узоқ масофада жойлашган аҳоли масканларида йил давомида маҳалла тиббиёт пунктларини ташкил этиш лойиҳаси ишлаб чиқилган.

Бугун, 4 август куни Қоракўл туманининг «Дарғабоғи» МФЙда маҳалла тиббиёт масканининг фойдаланишга топширилиши байрамга айланди. 59-ОПнинг «Дарғабоғи» филиали сифатида иш бошлаган масканнинг очилиш маросимида туман ҳокимлиги мутасаддилари, секторлар раҳбарлари, тиббиёт ходимлари кенг жамоатчилик вакиллари ҳамда маҳалла нуронийлари иштирок этди.

Маълумот ўрнида: тумандаги “Дарғабоғи” маҳалла фуқаролар йиғинида жами 3 минг 130 нафар аҳоли яшайди. Тиббий муассасанинг аҳолига хизмат кўрсатиш радиуси 2 километрни ташкил этади. Мазкур ҳудудда фойдаланишга топширилган филиал шу маҳалла фуқаролар йиғинига қарашли "Умид ниҳоллари", "Юқори работ", "Чорвадор" ва "Лабирўт" қишлоқлари аҳолисига ҳам тиббий хизмат кўрсатади.

Buxoro.uz | Facebook | Instagram | YouTube

#hokim_hududlarda
#Qorako‘l_tumani

Qoraxoji mahallasidagi 32–son umumta’lim maktabi 1991-yilda qurilgan bo‘lib, oxirgi marotaba 2009-yilda joriy ta’mirlangan. Keyingi yillarda aholi soni oshib borayotgani barobarida ta’lim maskanini kengaytirishga ehtiyoj bois, umumta’lim maktabida 380 nafar o‘quvchi moslashtirilgan sharoitda saboq olishga majbur edi.

Hozirda saxovatpesha tadbirkor Komil Ro‘ziyev tomonidan maktabda kapital ta’mirlash ishlari olib borilmoqda. Bundan tashqari, qo‘shimcha o‘quv binosi hamda mavjud sport zali zamonaviy ko‘rinishga keltirilmoqda.

Bugun viloyat hokimi Botir Zaripov mazkur maktabda ham bo‘lib, qurilish-ta’mirlash ishlarining borishini ko‘zdan kechirdi. Infratuzilmani yanada yaxshilash bilan bog‘liq jihatlarga alohida e’tibor qaratildi.

Xususan, Botir Zaripov hududdagi 120 o‘rinli maktabgacha ta’lim tashkilotini ham mukammal ta’mirlash yuzasidan mas’ullar zimmasiga aniq vazifalar yukladi.

Viloyat hokimligi matbuot xizmati

Buxoro.uz | Facebook | Instagram | YouTube

#hokim_hududlarda
#Qorako‘l_tumani

Mahalla va qishloqlarda har bir fuqaro o‘z imkoniyati darajasida harakat qilishi, boqimandalik kayfiyatidan butunlay voz kechib, tayinli kasb-hunar bilan shug‘ullanib, daromadini oshirishi, turmush farovonligini yuksaltirishga astoydil harakat qilishi zarurligi yuzasidan ayni paytda viloyat hokimligi, mahalliy mas’ullar va ma’muriy sektorlar rahbarlari tomonidan joylarda tushuntirish va targ‘ibot ishlari olib borilmoqda.

Qish-bahor mavsumida aholining poliz va boshqa qishloq xo‘jaligi mahsulotlariga bo‘lgan ehtiyojini ta’minlash, bozorda narx-navoning barqaror bo‘lishi uchun tumanda oziq-ovqat zaxirasi yaratilgan.

Mavsum boshidan buyon Qorako‘l tumanida 2 145 tonna qishloq xo‘jaligi mahsuloti zaxira qilingan bo‘lib, shundan, 650 tonna kartoshka, 210 tonna sarimsoqpiyoz, 535 tonna piyoz hamda 750 tonna guruch mahsuloti jamlangan. Reja bo‘yicha jami 1 807,4 tonna mahsulot zahirasini yaratish reja qilingan bo‘lib, hozirda bu reja to‘la-to‘kis uddalangan.

Botir Zaripov zaxira omborlarida saqlanayotgan qishloq xo‘jaligi mahsulotlarini ham ko‘zdan kechirdi. Qish mavsumi davomida mahallalarda arzon savdo yarmarkalarini tashkil qilish, zaxirani kengaytirish yuzasidan vazifalar belgilandi.

Buxoro.uz | Facebook | Instagram | YouTube

#hokim_hududlarda
#Qorako‘l_tumani

Kunlar sovib, qish o‘z “hukmi”ni o‘tkazishi bilan aholining issiqlik manbalariga bo‘lgan talab va ehtiyoji oshadi. Shunday kunlarda muhtoj oilalar holidan xabar olish, ularga yordam ko‘rsatish mas’ul mutasaddilar zimmasidagi dolzarb ishga aylanadi.

Har yili qish-qirovli kunlarda, jumladan, noyabr, dekabr oylaridan viloyatning Buxoro, Vobkent, Jondor, Kogon, Olot, Peshku, Romitan, Shofirkon, Qorako‘l va G‘ijduvon tumanlarida ijtimoiy himoyaga muhtoj, “Temir” va “Ayollar” daftariga kiritilgan fuqarolarni yanada qo‘llab-quvvatlash maqsadida bepul va arzon narxdagi ko‘mir mahsuloti tarqatiladi.

Ayni kunlarda Qorako‘l tumanida ham iste’molchilarini arzonlashtirilgan mahalliy ko‘mir yoqilg‘isi bilan ta’minlash ishlari jadal sur’atlarda olib borilmoqda. Mahallalarda ko‘mirga bo‘lgan ehtiyojmand xonadonlar aniqlab, mycoal.uz platformasiga kiritilgan. Joriy mavsumda tumanda 12 ming tonna ko‘mirga ehtiyoj bo‘lib, bugungi kungacha 7 356 tonna ko‘mir aholiga yetkazib berildi.

Botir Zaripov Qorako‘l tumanidagi ko‘mir saqlash va tarqatish stansiyasida bo‘ldi. Mutasaddilar bilan muloqot qilib, izg‘irinli kunlarda aholini sifaptli ko‘mir mahsuloti bilan ta’minlash masalasini keng muhokama qildi. Shunga ko‘ra, viloyat hokimi tomonidan tumanga qo‘shimcha yana 3 500 tonna ko‘mir yetkazib berish bo‘yicha muhim vazifalar belgilandi.

Viloyat hokimligi matbuot xizmati

Buxoro.uz | Facebook | Instagram | YouTube